2 Corintios 2:1 - TÄ̧DO Ä̧CUÄ̧ I̧HUȨNȨ

¹ Ja̧'hua̧nö̧ ja̧'a̧ttö̧ ttö chamönä pä'inösä: “Pä'äji ta'anö tta̧'cua̧ tta̧ttȩcu̧ juiyäcua'a̧nö̧, ji'äu 'cho̧cö̧sä̧ jitämä.”

Nuevo Testamento Uwotjüja

¹ Ja̧'wa̧nü̧ ji̧yä̧ku̧, kua̧'kua̧ tta̧kuȩkuä̧tu̧kuä̧ pä'ü, amükuädäji̧'ka̧ ukuturumä̧ ya'utekutä do'ächü ichokü pinü̧sä̧.

2 Corintios 2:1 ပူးပေါင်းရင်းမြစ်များ

Hechos 11:29

Ja̧'hua̧nö̧ ja̧'a̧ Jesucristorö esetätömä, Antioquía ötahuiyänä ka̧cuä̧tö̧mä̧, ji̧nä̧ yo̧mȩtȩ amöcuädinätödo ttu̧ju̧nä̧rö̧ttö̧ huetta pä'ö ttö̧jä̧hua̧tö̧ Judea rȩjȩnä̧ ka̧cuä̧tö̧rö̧ ppättäda pä'ö.

Hechos 15:2

Pablocu, Bernabécu juruhuächi'ö ucuocu pä'ä'chäcuähuinätödo Judea rȩjȩttö̧ ichäjätöcu. Ja̧'hua̧nö̧ ja̧'a̧ Pablorö, Bernabérö, korotö Antioquía ötahuiyänä ka̧cuä̧tö̧rö̧'i̧nä̧ hue'inätödo Jerusalén ötahuiyära̧'a̧ tti̧'cha̧ pä'ö Jesús hue'ähuotöcu, ancianos huotöcu ja̧u̧ huȩnȩ ttucuocua pä'ö.

Hechos 15:37

Bernabémä, Juan koro i̧mi̧mä̧ Marcosrö, jahuätöcu i̧'cha̧ pä'ö oipa pä'inödo.

1 Corintios 2:2

Ucutucu kä̧nö̧ o'ca juiyönä unichi'ö, ji̧yȩä̧cuȩtä̧ Jesucristo i̧huȩnȩ, dau isodänä 'corupäi'inö huȩnȩtä̧ ucuocuinösä.

1 Corintios 4:21

Jitä, ¿tta̧'a̧nö̧ cuamöcuädätucuättö ucutumä? Ucuturu topö chi̧'cho̧mȩnä̧, ¿chö̧tä̧bo̧ta̧ pä'ätöjä tä̧ji̧? Juhuorö'inä ¿adiu repe'önö eseunu chucuocua pä'ätöjä tä̧ji̧? ¿Tta̧'a̧nö̧ cuamöcuädätucuättö ucutumä?

1 Corintios 5:3

Ttömä ucututtu kara'a chö̧jo̧mȩnä̧'i̧nä̧, ji̧nä̧ yo̧mȩtȩ ucutucu kö̧sä̧ espíritunä. Ja̧'hua̧nö̧ ucutucu chö̧ja̧'a̧ jä̧'i̧nö̧'a̧nö̧, kara'a'inä kä̧nö̧, amöcuädösä ja̧u̧ surojö jȩpö̧rö̧ jȩcu̧'ä̧tu̧cua̧rö̧ pä'ö.

2 Corintios 1:23

Ttömä Dios ä'ca jo̧mȩttö̧ ji'äusä jitämä. Ttö chamöcuädinömä ji̧nä̧ ichocö päjisä Corinto ötahuiyära̧'a̧ ucuturu ji'äu, cua̧'cua̧ tta̧'ȩcu̧ cu̧ja̧cuä̧tu̧cu̧ juiya pä'ö. Ja̧'hua̧nö̧ yapareu jidäuttumä, 'corupädi'ö'a̧nö̧ ja̧'a̧.

2 Corintios 13:10

Pi̧yȩ cuyäru huȩyu̧tu̧sä̧ ucuturu topö chi̧'chä̧cua̧'a̧ ä'canä, chi̧'cho̧mȩnä̧ pä̧i̧cu̧nä̧ ro̧dȩpö̧ juiya pä'ö, Tu̧ru̧hua̧ hueinö jȩpö̧. Chutä Tu̧ru̧hua̧, hue'inö ujurunä ttörö, ja̧'hua̧nö̧ ppädäda pä'ö ucuturu, juhua'a yabonö rö̧ä̧chö̧nä̧ cuesetätucuarö pä'ö. Ucuturu be'epäjipö chicua pä'ö hue'ocö pi̧nö̧do.

2 Corintios 2:4

Ucuturu ja̧'hua̧nö̧ chi̧huȩyu̧to̧mȩnä̧, rö̧ȩnä̧ cha̧'cua̧ tta̧'ȩcu̧ a̧mö̧cuä̧ri̧nö̧sä̧ chajuähuipönä. Ucutu cua̧'cua̧ tta̧cu̧huȩcuä̧tu̧cua̧ pä'ö huȩyu̧to̧cö̧ pi̧nö̧sä̧. Iso päi'önä ucuturu rö̧ȩnä̧ repeda'a cu̧huo̧juä̧tu̧cua̧ pä'ö huȩyu̧ti̧nö̧sä̧.

Tito 3:12

Artemas pä'ö mi̧cua̧rö̧'i̧nä̧, Tíquico pä'ö mi̧cua̧rö̧'i̧nä̧ ucu cu̧ja̧'a̧ huedomenä, ucutä Nicópolis ötahuiyära̧'a̧ cuichaja, ji̧nä̧ yo̧mȩtȩ päti'a. Ju̧huȩnȩ chö̧ja̧ pä'ösä ya'ute a̧'ȩ.