2 Corintios 13:5 - TÄ̧DO Ä̧CUÄ̧ I̧HUȨNȨ

⁵ Ucutu cuamönätucunä ka̧cuä̧mö̧ amöcuädäcuähuätucui, Diosrö esetö adiu cuami 'qui'ächi'önä cu̧ja̧cuä̧tu̧cua̧ pä'ö topö. Ja̧'hua̧nö̧ amöcuädö, ¿Jesucristo ucutucu ö̧ja̧'a̧ huo̧juo̧co̧tö̧jä̧ tä̧ji̧? Ja̧'hua̧nö̧ cu̧huo̧juä̧tu̧cu̧ juiyöttömä, ¿amönä yapareunätä esetinätöjä tä̧ji̧?

Nuevo Testamento Uwotjüja

⁵ Isopäi'ünä̧ tta̧'kua̧ wȩnä̧rä̧kuä̧wä̧nä̧ ku̧jä̧tu̧kua̧ja̧ pä'ü, kua̧mü̧nä̧tä̧ topäkuäwätukui; ukututä kka̧kuä̧mä̧kuä̧u̧ topäkuäwätukui. ¿Jesucrito ukutunä̧ ü̧ja̧'a̧mä̧ kuieruwätukua'a tä̧jí̧? ¡ja̧'wa̧nü̧ jo̧ka̧'a̧ jü̧ttü̧mä̧ Crito-mä̧ ukutunä̧mä̧ kko̧kü̧!

2 Corintios 13:5 ပူးပေါင်းရင်းမြစ်များ

San Juan 14:23

Jesús ja̧u̧ru̧ ädätinödo: —Ttörö repe'ömä, ttö pädömä esetö ä̧ju̧cu̧. Chä'o ja̧u̧ru̧ rȩpȩä̧cua̧. Ja̧'hua̧ta̧nö̧ ttöcu, Chä'ocu ja̧u̧ru̧ ichö, tö̧ja̧cuä̧cuo̧tö̧jä̧.

San Juan 15:4

Ucutucu cuedächö ta'anö, ttöcu cue'ächätucui ucutu'inä. Dau ä̧na̧juä̧ ja̧'a̧tä̧ katämä u̧huä̧ju̧ juiya'a. Dau kada'canä todehuomenätä, ja̧u̧ ä̧na̧juä̧nä̧ huȩjä̧cua̧'a̧ u̧huä̧ju̧. Ucutu'inä ttörö todeunä cu̧ja̧cuä̧tu̧cu̧ juiyöttömä, yoröiso u̧huä̧ju̧ juiyäcua'a.

San Juan 17:23

Ucumä ttöcu cu̧ja̧'a̧nä̧, ttömä jahuätöcu kö̧sä̧, adiunä ji̧nä̧ ji̧yȩtȩ pätti'a pä'ö. Ja̧'hua̧nö̧ ja̧'a̧ pi̧jä̧ ttö̧ja̧ jahuätörö topö, iso päi'önä ttörö huecuhuina'a ttu̧huo̧juä̧cua̧'a̧nö̧. Ja̧'hua̧ta̧nö̧ ttörö repecu ta'anö, jahuätörö'inä repecuhua'a ttu̧huo̧juä̧cua̧'a̧nö̧.

San Juan 17:26

Ucuru ttu̧huo̧jua̧ pä'ö ji'ähuinösä. Ji̧nä̧ juhua'a yabonö ji̧dä̧huä̧cua̧sä̧ ttörö repecu ta'anö, jahuätörö'inä repecuhua pä'ö. Ja̧'hua̧ta̧nö̧ jahuätöcu chö̧jä̧cua̧'a̧nö̧ ji̧dä̧huä̧cua̧sä̧, —pä'ö ucuocuinödo Jesús Jä'o Diosrö.

San Juan 6:56

Ttötä chidepättö'inä cumä, chucuojattö'inä aumä, ttöcu eseunu kö. Ttö'inä ja̧u̧cu̧ eseunu kö̧sä̧.

San Juan 6:6

Ja̧'hua̧nö̧ pä'inödo, Felipe ädäta'a ä̧ju̧cua̧ pä'ö. Chutä Jesús jȩä̧cuȩmä̧ huo̧jui̧nö̧do.

Romanos 1:28

Jahuätömä ttu̧huo̧jua̧ pä'ocotö Diosrö. Ja̧'hua̧nö̧ ja̧'a̧ttö̧ Dios jaroi'inä̧u̧, surojö amöcuädö jȩä̧cuä̧huä̧ jȩtta̧ pä'ö.

Romanos 8:10

Cristo ucutucu ö̧jö̧ttö̧mä̧, suronä jȩpö̧ cuidepä hua'ö icua'anä'inä, cua̧'cua̧ru̧hua̧ kö̧, Dios ucuturu jȩi̧na̧'a̧ttö̧ chutäcu ji̧nä̧ ji̧yȩtȩ huotö cu'ätucua pä'ö.

1 Corintios 11:28

Ja̧'hua̧nö̧ ja̧'a̧ttö̧ o'ca toi'önä ttamönä ka̧cuä̧mö̧ ttamöcuädö'a̧nö̧ ja̧'a̧ pi̧yȩ i̧ri̧si̧'i̧nä̧ cuä̧nö̧, i̧so̧'ta̧'i̧nä̧ ttahuäcua'a ä'canä.

1 Corintios 11:31

Juhuorö'inä ujutumä tamönämä adiu ka̧cuä̧mö̧ tamöcuädöttömä, Tu̧ru̧hua̧mä̧ ja̧'hua̧nö̧ tä̧bo̧to̧cö̧ ujuturu.

1 Corintios 3:16

Dios ucutucu ö̧ja̧'a̧ttö̧, Dios ö̧jo̧mȩ huotöjä ¿jerupätöjä tä̧ji̧? Ja̧'hua̧ta̧nö̧ Espíritu Santomä ucutucu kö̧ pä'ö ¿jerupätöjä tä̧ji̧?

1 Corintios 6:15

¿Ucutu jerupätöjä tä̧ji̧? Ucutu jättäpäyotö Cristo jä̧ttä̧pä̧ya̧ pä'i'ätöjä. Ja̧'hua̧nö̧ ja̧'a̧ttö̧ Cristorö cheseta'attö, ja̧'a̧tä̧ra̧'a̧ huajuru jȩchä̧'cho̧mȩnä̧ ¿adihua'a tä̧ji̧? Isocö̧. Ja̧u̧mä̧ yoröiso surojödo.

1 Corintios 6:19

¿Ucutu jerupätöjä tä̧ji̧? Dios iyinödo ucuturu cuamönätucu jättäpäyotö Espíritu Santo ö̧ja̧ pä'ö. Ja̧'hua̧nö̧ ja̧'a̧ttö̧ Espíritu Santo kö̧ ucutucu. Ja̧'hua̧nö̧ ja̧'a̧ttö̧ ucutumä cuamönätucu jättäpäyotönä ruhuotö huocotöjä.

1 Corintios 6:2

¿Ucutumä jerupätöjä tä̧ji̧? Diosrö esetätö pi̧jä̧ ttö̧ja̧rö̧: “Ucu adiu jȩpö̧jä̧”, “Ucu suronä jȩpö̧jä̧” pättäcuotö. Ja̧'hua̧nö̧ ja̧'a̧ttö̧ ucutumä pi̧jä̧ ttö̧ja̧rö̧ päcuhuätucuäcua'a jö̧ttö̧mä̧, ja̧u̧ juäi ji̧'qui̧cha̧nö̧ ra̧huä̧rä̧cuä̧huä̧ huȩnȩ'i̧nä̧ ¿pä'ocotöjä tä̧ji̧ ucutumä?

1 Corintios 9:24

Iso päi'önä huo̧juä̧tö̧jä̧ ucutu, koro juäi jopö ttöärehuomenä, o'ca toi'önä pä̧i̧cu̧nä̧ jopätö. Juhuorö'inä o'ca toi'önä jottomenä, ya̧tȩtä̧ ttiyömä ȩmä̧cua̧. Ja̧'hua̧nö̧ jä̧'i̧nö̧'a̧nö̧ jopätucui, adihuä juäi cuȩmä̧tu̧cuä̧cua̧'a̧nö̧.

1 Corintios 9:27

Pärocua'acu ttömä chamönä ro̧'ȩpä̧cuä̧u̧sä̧ jȩcha̧ pädömä jȩcha̧ pä'ö. Ttömä ja̧'hua̧nö̧ jȩpö̧sä̧, korotörö jidäu o'ca'a, ttö'inä suronä jȩpö̧ rädopächö juiyäcua'a̧nö̧.

2 Corintios 6:16

Ja̧'hua̧ta̧nö̧ Diosrö ucuocuäcuähuodenä, koro juäi ttu̧mö̧nä̧ adicuä juäi juhuodenä ¿ttucuocu'a̧nö̧ tä̧ji̧? Dios kö̧rö̧ ucutucu kö̧. Chutä Dios ja̧'hua̧ta̧nö̧ pä'ö: Ttö jahuätöcu kä̧nö̧ cuȩdä̧chä̧cua̧sä̧. Ttömä jahuätö Ttä̧do̧ ä̧cua̧ Dios päi'önä chö̧jä̧cua̧sä̧. Ja̧'hua̧ta̧nö̧ jahuätömä ttö chumöhuäyotö pätti'äcuotö.

Gálatas 2:20

Ttömä Cristocu 'corupä'i'inösä. Ja̧'hua̧nö̧ ja̧'a̧ttö̧ ttömäcö̧sä̧ jitä kö̧mä̧. Cristo ttörö kö̧mä̧. Jitä chö̧jö̧mä̧ Dios I̧tti̧rö̧ esetö kö̧sä̧. Ja̧u̧tä̧ hua'are iyähuinö ttörö rettö pä'ö.

Gálatas 4:19

Chi̧tti̧mö̧, pä'äji ta'anö ubara ttu'usä ucuturu amöcuädö, yajute isaju ku̧mo̧du̧ma̧ ni̧yä̧cua̧ ubara ttujua'a jä̧'i̧nö̧'a̧nö̧. Ja̧'hua̧ta̧nö̧ ucutu Cristorö adiu cuesetätucuome jubö päi'önä ubara ttu̧dä̧cua̧sä̧.

Gálatas 6:4

O'ca toi'önä ka̧cuä̧mö̧ tottäcuäu'a̧nö̧ ja̧'a̧ jitötä ttamönä jȩttö̧. Ja̧'hua̧nö̧ jo̧mȩnä̧ adiu jȩpö̧sä̧ päöttömä, chutä amönätä ucuotäcuäu korotörö ucuotäcuähuä juiyönä.

Efesios 3:17

Ja̧'hua̧ta̧nö̧ jä'epösä Cristorö cuesetätucuomenä, cuami iso'quitucunä ö̧ja̧ pä'ö. Ja̧'hua̧ta̧nö̧ adiu amöcuädö kä̧nö̧ cuahuaruhuärö repe'önö dau ujupo'tä rȩjȩ jacuä ko'tä jä̧'i̧nö̧'a̧nö̧, 'quiyönä cu̧ja̧cuä̧tu̧cua̧ pä'ö jä'epösä.

Colosenses 1:23

Ja̧'hua̧nö̧ ja̧'a̧nä̧ dau po'tiyä 'quiyönä 'chuhuädö'a̧nö̧, adiu esetätucui. Jarocuhui'ätucuä' adiu tta̧cu̧huä̧rä̧tu̧cu̧ huȩnȩ, ttö̧ja̧ suronä jȩttö̧ jȩpö̧ icu huȩnȩ. Ja̧u̧ huȩnȩ pi̧jä̧ pa̧ja̧cu̧nä̧ ji'ähuätö. Ttö'inä, Pablo, ji'äusä ja̧u̧ huȩnȩ.

Colosenses 1:27

Dios judíos huocotörö ja̧u̧ ttieru huȩnȩ, adiu eseäcuähuä huȩnȩ, jiähua pä'inö. Pa̧'a̧nö̧ päa'a ja̧u̧ huȩnȩ: “Cristomä cuami iso'quinä kö̧. Ja̧u̧ru̧ tta̧'ä̧rö̧ ja̧u̧tä̧cu̧ cuesehuäcuähuäcuotöjä pä'ö.”

Colosenses 2:19

Jahuätömä Cristorö esetocotö. Ja̧u̧ Cristo ujutu, chutä jä̧ttä̧pä̧ya̧ huotö, Tu̧ru̧hua̧ päi'önä kö̧. Ja̧u̧ tujuru iyö. Ja̧'hua̧ta̧nö̧ ji̧nä̧ yo̧mȩtȩ tö̧ja̧ pä'ö tta̧'ä̧rö̧, recuätö juotächa pä'ö. Ja̧'hua̧nö̧ jȩpö̧ Diosrö pä̧huä̧ rö̧jo̧mȩnä̧.

Colosenses 2:7

Dau po'tiyä 'quiyönä 'chuhuädö'a̧nö̧, cua̧'cua̧rö̧nä̧ rö̧ä̧chö̧nä̧ esetätucui ja̧u̧ru̧. Ucuturu ttu̧huo̧juȩti̧nö̧ ta'anö, ji̧yȩä̧cuȩtä̧ amöcuädätucui. Diosrö 'cuäopönä eseäcuähuätucui.

1 Timoteo 2:15

Ja̧'hua̧nö̧ ja̧'a̧nä̧ nä̧tö̧ adiu esetö, ttahuaruhuärö repe'ö, adiu jȩpö̧ ttamöcuädomenä, tti̧tti̧mö̧rö̧ ttuhuäbecuomenä, Dios suronä jȩttö̧ jȩpö̧ i̧cuä̧cua̧ jahuätörö.

2 Timoteo 3:8

Janescu, Jambrescu Moisésrö ttesetoca'a ji̧nö̧'a̧nö̧, ja̧'hua̧nö̧ jȩpä̧tö̧mä̧, iso päi'önä huȩnȩ esetocotö. Jahuätö ttamöcuädömä suronä amöcuädätö. Jahuätö Dios i̧huȩnȩ esetocotö.

Tito 1:13

Ja̧'hua̧nö̧ päinömä, iso päi'önä pä'inö. Ja̧'hua̧nö̧ ja̧'a̧ttö̧ juruhuächi'ö huo̧juȩti̧tö̧ adiu esetö ttö̧ja̧cuä̧cua̧'a̧nö̧.

Tito 1:16

Jahuätömä “Diosrö esetätöjä” pätta'anä, Dios i̧huȩnȩ päö ta'anö jȩpo̧co̧tö̧. Jahuätömä yoröiso suropätö. Jahuätömä jarode'ätö. Jahuätömä yoröiso adiunä jȩpo̧co̧tö̧.

Tito 2:2

Pa̧'a̧nö̧ huo̧juȩti̧. U̧mä̧tö̧ böäcuächätömä ttami 'qui'ächi'ö ttö̧jä̧cua̧'a̧nö̧. Korotö ttä'ca jo̧mȩ adiu ttö̧jä̧cua̧'a̧nö̧. Jahuätömä adiu tta̧'cua̧ pö̧nö̧ ttö̧jä̧cua̧'a̧nö̧. Jesucristorö adiu ttesetäcua'a̧nö̧. Ttahuaruhuärö repettäcua'a̧nö̧. Ja̧'hua̧ta̧nö̧ ttami diyaunä ttö̧jä̧cua̧'a̧nö̧.

Hebreos 12:15

Ya̧tȩttö̧'i̧nä̧ Dios ppädäcuähuä iya päinö ȩmo̧ca̧'a̧ ö̧ji̧pö̧ juiya pä'ö, ttu̧ȩcuä̧nä̧ ka̧cuä̧tu̧cui̧. Ja̧'hua̧ta̧nö̧ koro juäi surä'cua ya̧mö̧'cua̧ bahua'a jä̧'i̧nö̧'a̧nö̧ cu̧ja̧cuä̧tu̧cuä̧'. Ja̧'hua̧nö̧ jȩpö̧ kä̧nö̧, korotörö suronä jȩtta̧ pä'ö cu̧huo̧juȩtä̧tu̧cu̧ juiya pä'ö, ttu̧ȩcuä̧nä̧ ka̧cuä̧tu̧cui̧.

Hebreos 4:1

Dioscu 'cuätächi'a päinö huȩnȩ ji̧nä̧ tu̧ju̧nä̧ro̧mȩnä̧, adiu tta̧'ä̧rä̧cuä̧u̧ tö̧ja̧cu̧'a̧nö̧ ja̧'a̧, ya̧tȩ ucututtu ö̧ji̧pö̧ juiyönä o'ca toi'önä docuhuächätucuäcua'a̧nö̧.

Hebreos 6:8

Ja̧'hua̧nö̧ ja̧'a̧nä̧ so̧ö̧ bauttumä, yoröiso suroja'a. Dios ppädoca'attö, cuo'ö icuäcua'a ja̧u̧ rȩjȩ.

Santiago 4:4

Ucutu ttö̧ja̧ suropätö, ucutu unichi'ätöjä Diosrö, pi̧jä̧ jähuä amöcuädö. ¿Jerupätöjä tä̧ji̧? Pi̧jä̧ ahuaruhuä päi'önä ka̧cuä̧tö̧mä̧ Dios aboiyotö. O'ca toi'önä pi̧jä̧ ahuaruhuä päi'önä amöcuädätömä Dios aboiyotö pä'i'ätö.

1 Pedro 5:9

Ja̧u̧ru̧ jarodi'ätucui. Adiu Jesucristorö esetätucui. Ucutu huo̧juä̧tö̧jä̧, iso päi'önä o'ca toi'önä tö̧jä̧hua̧tö̧ pi̧jä̧nä̧ pa̧ja̧cu̧nä̧ ka̧cuä̧tö̧, ujutu ubara ttutu ta'anö, ubara ttu'ätö jahuätö'inä.

Apocalipsis 2:5

Ja̧'hua̧nö̧ ja̧'a̧ttö̧ ja̧u̧nu̧ repecuhuinömä amöcuädö, pärocuäcutä amöcuädi. Pä'äji äcuomenä esetö jȩcu̧'i̧nö̧ ta'anö, pä'äji ta'anö jȩpi̧. Ja̧'hua̧nö̧ jȩcu̧'u̧ juiyöttömä, yodojinänö ucuru ichö, lámparas ku̧nä̧huäcä 'cho̧di̧pä̧cua̧sä̧. Pärocuäcutä cuamöcuädöttömä, 'cho'ipö ichocösä.