2 Corintios 12:21 - TÄ̧DO Ä̧CUÄ̧ I̧HUȨNȨ

²¹ Pä'äji ta'anö ucuturu do'ächö chi̧'cho̧mȩnä̧, Dios ä'ca jo̧mȩttö̧ ucuturu chö̧dä̧pȩcuä̧cua̧sä̧ a̧'cua̧ra̧'a̧ pä'ö ye'ecu amöcuädösä. Ja̧'hua̧ta̧nö̧ ucututtu recuätö täbocö päi'önä suronä jȩtti̧na̧'a̧ amöcuädö, cha̧juä̧huä̧cua̧sä̧ a̧'cua̧ra̧'a̧. Jahuätö suronä jȩpö̧, nä̧tö̧rö̧ jȩpä̧'chö̧'i̧nä̧, koro juäi'inä jȩtto̧mȩnä̧'i̧nä̧ yoröiso ji'äu icuocotö pi̧nä̧tö̧do.

Nuevo Testamento Uwotjüja

²¹ Ja̧'wa̧ta̧nü̧ yȩ'ȩkua̧sä̧ pä'äjita'anü̧ ukuturu do'ächü chichomȩnä̧mä̧, chü̧ä̧nä̧wa̧ Dio-mä̧ ukutu jäwä dä'ä ttudunä̧ jȩü̧'a̧nü̧ wa̧sä̧ pä'ü ja̧'wa̧ta̧nü̧ chajuäu 'kua̧ra̧'a̧ pä'ü, mo̧ suronä̧ jȩ'kui̧nä̧tu̧ku̧mä̧ ji̧nä̧ käkuädi'ätukuoka'a jȩpü̧ ku̧ja̧kuä̧tu̧kua̧'a̧ topü, tti̧rȩkua̧mü̧ pokotüku pä̧wä̧rü̧jo̧mȩnä̧ jȩpä̧'chä̧kuä̧u̧ jȩ'kuä̧tu̧kua̧'a̧ topü.

2 Corintios 12:21 ပူးပေါင်းရင်းမြစ်များ

Romanos 13:13

Adiu cuetächaja, mo̧ro̧ cuettächa'a jä̧'i̧nö̧'a̧nö̧. Tä̧'ä̧mö̧'i̧nä̧, ttö̧ja̧cu̧ ca̧ca̧cu̧ huopö'inä, ka̧ra̧ irecuarö usu'inä, korotörö suronä jȩpö̧'i̧nä̧, korotörö rohuäu'inä, korotö ttu̧ju̧nä̧rö̧ pä̧huä̧ rö̧jö̧ topö'inä jȩpö̧ tö̧jö̧ juiyö'a̧nö̧ ja̧'a̧.

Romanos 9:2

Cha̧'cua̧ tta̧'ȩcu̧sä̧. 'Cuäopönä chami iso'quinä barau jö̧nä̧ jä̧cu̧sä̧ cheseu juiyönä, Cristorö ttieruhuomenä ttötä chahuaruhuä isotö. Ja̧'hua̧ta̧nö̧ Dios ttörö ro̧ȩpo̧mȩnä̧, chahuaruhuä ttesetöttömä esehuajisä. Ja̧'hua̧ta̧nö̧ Cristottö 'quȩ'ȩcu̧ chicuomenä, chahuaruhuä ttesetöttömä, Cristottö 'quȩ'ȩcu̧ icuajisä ttötä.

1 Corintios 5:1

Ja̧'hua̧ta̧nö̧ koro'inä pä'ö ucuocuätö ucuturu. Ucututtu ya̧tȩ jä'o irecuarö kö̧. Ja̧u̧mä̧ yoröiso surojö. Diosrö esetocotö'inä yoröiso jȩpo̧co̧tö̧ ja̧u̧ surojö.

2 Corintios 10:6

Ja̧'hua̧ta̧nö̧ ucutu o'ca juiyönä pätö ta'anö jȩcu̧'ä̧tu̧cu̧ o'ca'a, korotö ja̧'hua̧nö̧ jȩpo̧co̧tö̧rö̧ tö̧tä̧bo̧tä̧cuo̧tö̧jä̧.

2 Corintios 12:7

Tu̧ru̧hua̧ ja̧'hua̧nö̧ adiunä 'cuo̧ti̧nä̧ u̧huo̧juȩti̧na̧'a̧ amöcuädö, ttötä cha'cuoyähuäcuähua pä'ö ji̧nä̧cu̧sä̧. Ja̧'hua̧nö̧ jȩchö̧ juiya pä'ö, koro juäi i̧sa̧ri̧ doächi'a'a barahua'a jä̧'i̧nö̧'a̧nö̧ barahuinäcusä. Ja̧u̧ ubara ttudinömä, Satanás hueähuä ta'anö ji̧nö̧do, rö̧ȩnä̧ cha'cuoyähuäcuäu juiya pä'ö.

2 Corintios 13:2

Korotörö täbocö suronä jȩpi̧nä̧tö̧rö̧'i̧nä̧, korotörö o'ca toi'önärö'inä, ucuturu todärenä topö 'chä̧nö̧, cuä'catucu jo̧mȩttö̧ jidähuinö huȩnȩ, jitä'inä otottö kä̧nö̧ pä'äji ta'anö ji'äusä. Pä'äji ta'anö ucuturu topö chi̧'chö̧ttö̧mä̧, o'ca toi'önärö ttö̧ji̧pö̧ juiyönä, yecuäcuähuä juiyönä ro̧dȩpä̧cua̧sä̧.

2 Corintios 8:24

Ja̧'hua̧nö̧ ja̧'a̧ttö̧ iglesias ru̧huä̧ ttu̧huo̧jua̧ pä'ö iso päi'önä jahuätörö repecuhuätucua'a, adiu jȩpä̧tu̧cui̧tö̧. Ujutu'inä adiunä tesehuäcua'a̧nö̧ ucuturu, adiu jȩpä̧tu̧cui̧ jahuätörö.

Gálatas 5:19

Yoröiso huo̧juä̧huo̧tö̧ jitötä ttamönä ttamöcuädötä jȩpä̧tö̧mä̧. Jahuätömä nä̧tö̧rö̧ suronä usätö. Ka̧ra̧ irecuarö'inä suronä jȩpä̧tö̧. Jahuätörö pä̧huä̧ rö̧jo̧mȩnä̧ o'ca juiyönä suronä jȩpä̧tö̧.

Colosenses 3:5

Pä'äji jähuä, pi̧jä̧ jähuä, jȩcu̧'i̧nä̧tu̧cu̧mä̧, jitämä amöcuädö jȩcu̧'ä̧tu̧cuä̧'. Ka̧ra̧ irecuarö suronä jȩcu̧'ä̧tu̧cuä̧'. Suronämä amöcuädö jȩcu̧'ä̧tu̧cuä̧'. Ucutuätä pä̧huä̧ rö̧jö̧tä̧ jȩcu̧'ä̧tu̧cuä̧'. Korotöttö'inä abonänö cu̧ju̧nä̧ra̧ pä'ö cuamöcuädätucuä'. Ttu̧mö̧nä̧ adicuä juäi pä̧huä̧ rö̧jö̧nä̧ tocu'ätucuä'.

Hebreos 13:4

O'ca toi'önä cuirecuarö ku̧nä̧rä̧tö̧mä̧, korotö ucuturu ttucuotäcua'a̧nö̧. Karajuru suronä jȩcu̧'ä̧'chä̧tu̧cuä̧'. Ja̧'hua̧nö̧ irecuarö ku̧nä̧rö̧, nä̧tö̧rö̧ suronä jȩpä̧'chö̧rö̧'i̧nä̧, irecua to̧'a̧ nä̧tö̧rö̧ suronä jȩpä̧'chö̧rö̧'i̧nä̧ ö̧tä̧bo̧tä̧cua̧ Dios.

2 Pedro 2:18

Jahuätömä a'cuoyäunu micuähuocö juäi ucuocuätö. Jitötä ttamönä pä̧huä̧ rö̧jö̧tä̧ suronä jȩpö̧ ttö̧ja̧cui̧nö̧ttö̧ rä'opächinätörö huo̧juȩtä̧tö̧ pi̧jä̧ ttö̧ja̧ ttamöcuädö huȩnȩ.

Judas 1:23

Ppä'ädätucuitö. Ocurättö ȩmo̧po̧'ä̧tu̧cui̧tö̧. Korotörö cua̧'cua̧ tta̧nö̧ topätucui. Ttu̧ȩcuä̧nä̧ ppä'ädätucuitö. Ttö̧'ca̧tä̧huä̧ta̧'i̧nä̧ jitötä ttidepättö i̧di̧cuä̧ta̧ 'ca̧tä̧huä̧tö̧ kö'cönänö tocu'ätucuä'.

Judas 1:7

Jahuätö ángeles, suronä jȩpi̧nä̧tö̧rö̧ tä̧bo̧ti̧nö̧do Dios. Ja̧'hua̧ta̧nö̧ Sodoma ötahuiyä ttö̧ja̧rö̧'i̧nä̧, Gomorra ötahuiyä ttö̧ja̧rö̧'i̧nä̧, koro ötahuiyä tö'cönänö ka̧cu̧ ttö̧ja̧rö̧'i̧nä̧ tä̧bo̧ti̧nö̧do. Jahuätömä nä̧tö̧cu̧ u̧mä̧tö̧cu̧ suronä jȩpi̧nä̧tö̧do. Ja̧'hua̧ta̧nö̧ u̧mä̧tö̧ u̧mä̧tö̧cu̧ suronä jȩpi̧nä̧tö̧do. Ja̧'hua̧ ja̧'a̧ Dios jahuätörö ocuränä, beipocaränä tä̧bo̧cuä̧ päi'önä ku icuinö, huo̧juȩcuä̧ päi'önä ka̧'a̧ jitä ka̧cuä̧tö̧rö̧.

Apocalipsis 21:8

Ja̧'hua̧nö̧ ja̧'a̧nä̧ ye'ecuätö'inä, esetocotö'inä, ttahuaruhuärö kö'cocotö'inä, korotörö cuä'ö icuätö'inä, nä̧tö̧rö̧ suronä usätö'inä, märirö esetö jȩpä̧tö̧'i̧nä̧, ttö̧ja̧ i̧sa̧ a̧'u̧cuä̧ ttu̧mö̧nä̧ adicuä esetö ucuocuätö'inä, o'ca toi'önä yapareu ji'ähuätö'inä, ocurä rö̧arära̧'a̧, azufrenä cuoarära̧'a̧ tti̧'chä̧cuo̧tö̧. Ja̧u̧ todärenä 'corupäi'äcuähuä ja̧'a̧.

Apocalipsis 22:15

Ja̧'hua̧nö̧ ja̧'a̧nä̧ esetocotö'inä, märirö esetätö'inä, nä̧tö̧rö̧ suronä usätö'inä, ttö̧ja̧rö̧ cuä'ö icuätö'inä, ttö̧ja̧ i̧sa̧ a̧'u̧cuä̧ ttu̧mö̧nä̧ adicuä esehuätö'inä, yapareu jȩpö̧ kö'cätö'inä, yapareu ji'ähuätö'inä u̧mi̧nä̧tä̧ ttö̧ja̧cuä̧cuo̧tö̧.

Apocalipsis 22:20

Pi̧yȩ huȩnȩ päömä, päa'a: —Iso päi'önä jurunänö ichösä. Amén. ¡Ichi, Tu̧ru̧hua̧ Jesús!