2 Corintios 12:14 - TÄ̧DO Ä̧CUÄ̧ I̧HUȨNȨ

¹⁴ Jitämä huäbodäcuänä päi'önä ucuturu do'ächö chicha pä'ö amöcuädösä. Jitä'inä chichöttömä, ucuturu jä'epocösä. Ucutu cu̧ju̧nä̧rä̧tu̧cu̧mä̧ amöcuädö usocösä. Ucuturutä amöcuädösä. Iso päi'önä ttä̧'o̧tö̧mä̧ pärätä ȩmä̧tö̧ tti̧tti̧mö̧rö̧ ttiya pä'ö, tti̧tti̧mö̧mä̧ ȩmö̧ ttiyoca'anä ttä̧'o̧tö̧rö̧.

Nuevo Testamento Uwotjüja

¹⁴ Täkü jo̧mȩnü̧ wa̧sä̧, wäbodäkuä päi'ünä̧ ukuturu do'ächü chichäkua'amä̧; jitä'i̧nä̧ ukuturu jä̧'ȩpä̧ro̧kü̧ chä̧kua̧sä̧. Ukutu ku̧ju̧nä̧rä̧tu̧ku̧ jädepa pä'ümä̧ usoküsä, ji̧nä̧somä̧ ukuturu ususä; isopäi'ünä̧ ttä̧'o̧tü̧tä̧ ja̧'a̧ tti̧tti̧mü̧ ttiäre pärätä ka̧ka̧tä̧tü̧mä̧, pärokua'aku tti̧tti̧mü̧mä̧, ttä̧'o̧tü̧ ttiäremä̧ ka̧ka̧to̧ko̧tü̧.

2 Corintios 12:14 ပူးပေါင်းရင်းမြစ်များ

Hechos 20:33

Korotö ttöäre pärätä'inä, ttö̧'ca̧tä̧huä̧ti̧yu̧'i̧nä̧ pä̧huä̧ rö̧jö̧nä̧ topocö pi̧nö̧sä̧.

1 Corintios 10:24

Ja̧'hua̧nö̧ ja̧'a̧ttö̧ korotörö adiu jȩcu̧'ä̧tu̧cuä̧cua̧'a̧nö̧, cuamönätucu cuamöcuädätucuoca'anä.

1 Corintios 10:33

Ttömä 'cuäopönä jȩcha̧ pä'ösä o'ca toi'önä ttesehuäcua'anö̧. Ttötä chamönämä amöcuädäcuähuocösä. Korotörö amöcuädösä, jahuätö'inä ttesetäcuä'a̧nö̧.

1 Corintios 11:34

Ya̧tȩ ppäi rö̧jä̧cu̧mä̧, chutä ojusodenä u̧cuȩ ucuäcua'a̧nö̧, Dios ro̧ȩpö̧ juiya pä'ö ucuturu cuppäsähui'ätucuomenä. Koro juäi huȩnȩ ttötä chichomenä, chu̧cuo̧cuä̧cua̧sä̧.

1 Corintios 16:5

Ttö cuedächomenä, Macedonia rȩjȩra̧'a̧ chi̧'chä̧cua̧sä̧. Juhuorö kä̧nö̧ ucutu cu̧ja̧cuä̧tu̧cuo̧mȩcu̧, Corinto ötahuiyära̧'a̧ chi̧'chä̧cua̧sä̧.

1 Corintios 4:19

Juhua'acucö̧. Tu̧ru̧hua̧rö̧ pä̧huä̧ rö̧jo̧mȩnä̧, yodojinänö ucuturu topö chi̧'chä̧cua̧sä̧. Ja̧u̧nu̧mä̧ jahuätö a'cuoyäunu amöcuädätömä, pättötä ä̧ju̧cuo̧cö̧sä̧. Jahuätö jȩttö̧'i̧nä̧ to̧chä̧cua̧sä̧.

1 Corintios 9:12

Korotö ucuturu jittähuomenä, jahuätö “ppäcuhuädätucuatö” pä'ätö. Ja̧'hua̧ ja̧'a̧ jahuätöttö'inä abonänö ppäcuhuädätucua pä'ö ujuturu ¿adihua'adi̧? Iso päi'önä ujutumä jä'epocotö pi̧nä̧tö̧jä̧ ucuturu. Pärocua'acu o'ca juiyönä tami 'qui'ächi'inätöjä, adiu cuä̧ju̧cuä̧tu̧cua̧ pä'ö Cristo i̧huȩnȩ.

1 Corintios 9:18

Ja̧'hua̧nö̧ ja̧'a̧ttö̧ ¿däjettö jidähuinö micuämä? Iso päi'önä ttö̧ja̧ suronä jȩttö̧ jȩpö̧ icu huȩnȩ jidähuomenä, korotörö koro juäi jädepoca'anä, ja̧u̧tä̧ ttö jidähuinö micuä. Ja̧'hua̧nö̧ jȩpö̧, ttömä ȩmo̧cö̧sä̧ koro juäi korotöttö micuä juiyönä Dios i̧huȩnȩ ji'äusä pä'ö kä̧nö̧.

1 Corintios 9:19

Ttömä ka̧ra̧ huȩ'ä̧hua̧mä̧cö̧sä̧. Juhuorö'inä o'ca toi'önä Cristorö tteseta pä'ö, huȩ'ä̧hua̧ i̧sa̧ jö̧'a̧nö̧ kö̧sä̧.

2 Corintios 1:15

Ja̧'hua̧nö̧ amöcuädö, ä'canä ucuturu todärenä dodächa pä'ö amöcuädinösä cuesehuätucua pä'ö.

2 Corintios 11:9

Ja̧'hua̧ta̧nö̧ ucutucu kä̧nö̧, koronö koro juäi juidomenä, jä'epocö pi̧nö̧sä̧ ucuturu. Korotö tö̧jä̧hua̧tö̧ Macedonia rȩjȩra̧'a̧ttö̧ ichö, ttörö iyinätö juidomenä. Ja̧'hua̧nö̧ jȩpö̧, ucuturu yoröiso jä'epocö pi̧nö̧sä̧. Ja̧'hua̧ta̧nö̧ yodoji'inä jȩchi̧nö̧ ta'anö jȩchä̧cua̧sä̧.

2 Corintios 12:13

Korotö iglesias ruhuättö'inä abonänö usurä isotöjä pä'ö jȩpo̧cö̧ pi̧nö̧sä̧ ucuturu. Ja̧'hua̧nö̧ jȩpö̧ kä̧nö̧, ucuturu jä'epötä jä'epocö pi̧nö̧sä̧. Ja̧u̧tä̧ juäi Diosrö amöcuädö cunichi'ätucuattö pä'ösä.

Gálatas 4:19

Chi̧tti̧mö̧, pä'äji ta'anö ubara ttu'usä ucuturu amöcuädö, yajute isaju ku̧mo̧du̧ma̧ ni̧yä̧cua̧ ubara ttujua'a jä̧'i̧nö̧'a̧nö̧. Ja̧'hua̧ta̧nö̧ ucutu Cristorö adiu cuesetätucuome jubö päi'önä ubara ttu̧dä̧cua̧sä̧.

Filipenses 4:1

Ja̧'hua̧nö̧ ja̧'a̧ttö̧ adihuä chö̧jä̧hua̧tö̧, iso päi'önä ucuturu repe'ö tocha pä'ösä. Ucuturu topö eseusä. Ja̧'hua̧ta̧nö̧ ucutumä chaditinö micuä huotöjä. 'Cuäopönä Tu̧ru̧hua̧rö̧ esetö, cuami 'qui'ächi'ö ka̧cuä̧tu̧cui̧, chahuaruhuä chö̧jä̧hua̧tö̧.

Filipenses 4:17

Ja̧'hua̧nö̧ pädomenä, pä'äji ta'anö huecuhuätucua pä'ö amöcuädocösä. Iso päi'önä huecuhuätucuomenä, Diosrö eseusä, Dios ä'ca jo̧mȩttö̧ adihuä juäi jȩpä̧tö̧jä̧ pä'ö.

1 Tesalonicenses 2:11

Ucutu huo̧juä̧tö̧jä̧, ya̧tȩ i̧tti̧mö̧rö̧ ppä'ädö u̧huo̧juȩta̧'a̧ jä̧'i̧nö̧'a̧nö̧, ppä'ädö huo̧juȩti̧nä̧tö̧jä̧ ucuturu o'ca toi'önärö.

1 Tesalonicenses 2:8

Ucuturu rö̧ȩnä̧ repeta'attö, Dios i̧huȩnȩ ji'äu 'corupä'i'ätöjä ucuturu ppä'ädö. Iso päi'önä rö̧ȩnä̧ repe'ätöjä ucuturu.