2 Corintios 12:11 - TÄ̧DO Ä̧CUÄ̧ I̧HUȨNȨ

¹¹ Ja̧'hua̧nö̧ ttötä chucuocuäcuähuomenä, suripächö ttucuocu'a̧nö̧, ucuocuäjisä. Juhuorö'inä ucututä hue'inätöjä ja̧'hua̧nö̧ chucuocuäcuähua pä'ö koro koronö jȩcu̧'i̧yä̧tu̧cuä̧cu̧. Ucututä ttörö adiunä cucuocuätucu'a̧nö̧ ja̧'a̧. Ttö yoröiso adihuä i̧sa̧ choca'anä, jitötä yapareu ji'äu kä̧nö̧, “Dios i̧huȩnȩ adiu ji'ähuätö” päcuhuätucuä̧u̧ ta'anö, yorätehuätöjä.

Nuevo Testamento Uwotjüja

¹¹ Amükuädokotü 'kua̧rü̧nä̧ jȩpü̧sä̧, jua'amä̧ ukutu ja̧'a̧ ja̧'wa̧nü̧ jȩchü̧nä̧ jȩpi̧nä̧tü̧mä̧. Isopäi'ünä̧ ukutu ja̧'a̧, ji̧nä̧so ttü chütü'kü adiu ukuokuajatümä̧; ja̧'wa̧nü̧ ja̧'a̧ttü̧ ttümä̧, juätü «apótore ukuo isotü» tti̧dȩ'a̧nä̧mä̧ woküsä, jua'akumä̧ mikuäwokü cha'anä̧.

2 Corintios 12:11 ပူးပေါင်းရင်းမြစ်များ

San Lucas 17:10

Ja̧'hua̧ta̧nö̧ ucutu'inä Dios hueö o'ca juiyönä cä'ädömä, pä'ätöjä: “Umöhuäyotö ta'anä, mȩya̧pä̧tö̧jä̧to. Ujutu jȩtö̧'a̧nö̧ jö̧tä̧ jȩpä̧tö̧jä̧”, —pä'inödo Jesús.

1 Corintios 13:2

Ja̧'hua̧ta̧nö̧ Dios iyähuä huȩnȩ jidäuttumä, o'ca juiyönä ttö̧ja̧ ttieru huȩnȩ chu̧huo̧ju̧ttu̧mä̧'i̧nä̧, o'ca juiyönä pi̧jä̧ huo̧juä̧huä̧ chu̧huo̧ju̧ttu̧mä̧'i̧nä̧, o'ca toi'önärö repedoca'anä, yoröiso yapareutä jȩpö̧sä̧. Ja̧'hua̧ta̧nö̧ rö̧ȩnä̧ esetö, möä'ca chupporädäcua'a̧nö̧ pä'ö chesetöttö'inä, chahuaruhuärö repedoca'anä, yoröiso yapareutä jȩpö̧sä̧.

1 Corintios 3:22

Ja̧'hua̧ta̧nö̧ Pablo'inä, Apolos'inä, Pedro'inä cumöhuäyotöjä. Pi̧jä̧'i̧nä̧, kä̧cuä̧huä̧'i̧nä̧, 'corupäi'äcuähuä'inä ku̧nä̧rä̧tö̧jä̧. Jitä 'cuäopö'inä, yodoji 'cuäopä̧cuȩ'i̧nä̧ ku̧nä̧rä̧tö̧jä̧.

2 Corintios 1:6

Ja̧'hua̧nö̧ ja̧'a̧ttö̧ ujutumä ubara ttututtumä, ucuturu ppä'ädö ttu'ätöjä, cuesetätucuäcua'a̧nö̧. Ja̧'hua̧ta̧nö̧ Dios ujuturu ppädöttömä, ucuturu'inä ppä'ädö, cuesetätucuäcua'a̧nö̧. Ja̧'hua̧nö̧ adiunä cuami 'qui'ächi'ö ubara ttucuhuätucuäcua'a̧nö̧, ujutu ubara ttutu ta'anö.

2 Corintios 11:1

Ja̧'hua̧ta̧nö̧ ja̧'a̧tä̧ra̧'a̧ chucuocuttumä, cuami 'qui'ächi'önö tocu'ätucuattö pä'ösä. Iso päi'önä cuami 'qui'ächi'ätucui ttörö.

2 Corintios 11:5

Ja̧'hua̧ta̧nö̧ korotö Jesús hue'ähuotö päcuhuätucuä̧u̧ jö̧ ta'anö yoräteunä kö̧sä̧ ttö'inä.

2 Corintios 12:12

Ucutucu kä̧nö̧, chami 'qui'ächi'ö chaditomenä, iso päi'önä adihuä Jesús huȩ'ä̧hua̧ cha'a topinätöjä. Koro juäi tottocö ttö̧ja̧ ttieru juäi rö̧ȩnä̧ 'cuäopa'a topinätöjä.

2 Corintios 12:6

Juhuorö'inä ttötä chamönä chucuocuäcuähua pädöttömä, suripächö ttucuocu'a̧nö̧ ucuocuocö pajisä. Iso päi'önä huȩnȩtä̧ ji'ähuajisä. Ja̧'hua̧ta̧nö̧ ja̧'a̧nä̧ ttötä ucuocuäcuähuocösä, korotö ja̧'hua̧nö̧ chucuocuomenä ä̧ju̧cu̧, i̧mi̧cu̧nä̧ ttamöcuäda pä'ö. Ttörö tottomenä'inä, chi̧huȩnȩ ttä̧ju̧cuo̧mȩnä̧'i̧nä̧ ttamöcuädattö pä'ösä.

2 Corintios 3:1

Ja̧'hua̧nö̧ pätomenä: “Pä'äji ta'anö jitötä ttamönä adiu ucuocuätö” ¿ucutu pä'ätöjä tä̧ji̧? ¿Ujutumä cuyäru ujuturu adiu huȩyu̧cua̧'a̧ i'cächö tiyö'a̧nö̧ tä̧ji̧, ucuturu? Ja̧'hua̧ta̧nö̧ ¿ucutu'inä cuyäru ujuturu adiu huȩyu̧cua̧'a̧ cuiyätucu'a̧nö̧ tä̧ji̧, korotö jȩttö̧'a̧nö̧?

2 Corintios 5:13

Iso päi'önä ujutu ttu̧'ȩpä̧ro̧co̧tö̧ ttö̧jö̧'a̧nö̧ tö̧jö̧ttö̧mä̧, Diosrö pä̧huä̧ rö̧jö̧ jȩta̧ pä'ö jȩpä̧tö̧jä̧. Ja̧'hua̧ta̧nö̧ ujutumä ttu̧'ȩpä̧rä̧tö̧ ttö̧jö̧'a̧nö̧ tö̧jö̧ttö̧mä̧, ucuturu ppätäda pä'ö jȩpä̧tö̧jä̧.

Gálatas 6:3

Ya̧tȩ chutä amöcuädäcuäutä ttö̧ja̧ ttucuotattö pä'äumä usurä i̧sa̧ ja̧'a̧nä̧, chutätä yapareu pä'äu.

Efesios 3:8

Ttömä o'ca toi'önä Dios i̧tti̧mö̧ttö̧'i̧nä̧ abonänö usurä i̧sa̧sä̧. Ja̧'hua̧nö̧ ja̧'a̧nä̧ Dios ttörö repea'attö, Cristonä adihuä juäi ka̧cu̧ huȩnȩ jidähua pä'ö hueinäcusä judíos huocotörö.