2 Corintios 11:9 - TÄ̧DO Ä̧CUÄ̧ I̧HUȨNȨ

⁹ Ja̧'hua̧ta̧nö̧ ucutucu kä̧nö̧, koronö koro juäi juidomenä, jä'epocö pi̧nö̧sä̧ ucuturu. Korotö tö̧jä̧hua̧tö̧ Macedonia rȩjȩra̧'a̧ttö̧ ichö, ttörö iyinätö juidomenä. Ja̧'hua̧nö̧ jȩpö̧, ucuturu yoröiso jä'epocö pi̧nö̧sä̧. Ja̧'hua̧ta̧nö̧ yodoji'inä jȩchi̧nö̧ ta'anö jȩchä̧cua̧sä̧.

Nuevo Testamento Uwotjüja

⁹ Ja̧'wa̧ta̧nü̧ ukutuku chü̧jo̧mȩnä̧ rekuä rü̧ja̧'a̧nä̧, ya̧tȩrü̧'i̧nä̧ jä'epokü pinü̧sä̧; ja̧'wa̧ta̧nü̧ ttürü rekuä rü̧jü̧mä̧ Macedonia-ra̧'a̧ttü̧ ichinä̧tü̧tä̧ ppättädinä̧ku̧sä̧. Ja̧'wa̧ta̧nü̧ o'kajuiyünä̧tä̧ jädepoka'atä kki̧nü̧sä̧, ukutu ttü jäwänä̧ kua̧'kua̧ rokuekuätukua pä'okü pinü̧sä̧, jitä'i̧nä̧ ja̧'wa̧nü̧tä̧ chü̧jä̧kua̧sä̧.

2 Corintios 11:9 ပူးပေါင်းရင်းမြစ်များ

Hechos 18:3

Aquilacu, Priscilacu isotö tti̧jȩti̧yu̧ttu̧ 'tö̧'ö̧ aditinätödo odehuiyä. Pablo'inä ja̧u̧ juäi aditina'attö, jahuätöcu aditö ki̧nö̧do.

Hechos 18:5

Silascu, Timoteocu Macedonia rȩjȩra̧'a̧ttö̧ tti̧rȩbȩhuo̧mȩnä̧, Pablomä Dios i̧huȩnȩ ji'ähuinödo koro aditähuä aditö juiyönä. Judíos ttö̧ja̧rö̧ adiu ji'ähuinödo Dios huea päinäcu Jesúsmä ja̧u̧tä̧ ja̧'a̧.

Hechos 20:33

Korotö ttöäre pärätä'inä, ttö̧'ca̧tä̧huä̧ti̧yu̧'i̧nä̧ pä̧huä̧ rö̧jö̧nä̧ topocö pi̧nö̧sä̧.

Romanos 15:26

Macedonia rȩjȩ ttö̧ja̧'i̧nä̧, Acaya rȩjȩ ttö̧ja̧'i̧nä̧ amöcuädätö ttö̧ca̧ca̧ta̧ pä'ö pärätä ttu̧ju̧nä̧rö̧mä̧ huetta pä'ö tö̧jä̧hua̧tö̧ usurä isotörö, Jerusalén ötahuiyänä ka̧cuä̧tö̧rö̧.

1 Corintios 16:17

Ttömä eseusä Estéfanasrö'inä, Fortunatorö'inä, Acaicorö'inä ttörö topö ttichäja'attö. Ucutu toa'attö, ttörö ppä'ädinätö jahuätömä.

2 Corintios 6:4

Pärocua'acu ujutu Dios umöhuäyotö ta'a totta pä'ö ka̧cuä̧tö̧jä̧. Ja̧'hua̧ta̧nö̧ ubara ttutinö topö ttu̧huo̧juä̧cuo̧tö̧. Ja̧'hua̧ta̧nö̧ koronö jui'ö'inä, koro surojö rö̧ȩnä̧ 'cuäopa'anä, tami 'qui'ächi'ö ka̧cuä̧tö̧jä̧.

2 Corintios 9:12

Iso päi'önä pi̧yȩ ppä'ädö huecuhuätucu tiyomenä, jahuätö tö̧jä̧hua̧tö̧rö̧, jui'ätörö iyätöjä ttu̧ju̧nä̧ra̧ pä'ö. Ja̧'hua̧ta̧nö̧ jahuätö'inä ttȩmo̧mȩnä̧, Diosrö rö̧ȩnä̧ ttesehuäcuotö.

Filipenses 2:25

Ja̧'hua̧nö̧ ja̧'a̧nä̧ ucuturu topö hueda pä'ösä tö̧jä̧hua̧ Epafroditorö. Ja̧u̧mä̧, ucutu ttörö ppäda pä'ö huecuhuinätucu o'ca'a, iso päi'önä aditö rohuähuinö ttöcu chu̧mö̧huä̧ya̧ päi'önä.

1 Tesalonicenses 2:6

Ucutu'inä, korotö'inä ttucuotatö pä'ömä ji'ähuocotö pi̧nä̧tö̧jä̧. Ujutumä Cristo hue'ähuotö tö̧ja̧cua̧'a̧ttö̧, tamönä pä̧huä̧ rö̧jö̧ jȩtö̧ttö̧mä̧ hue'ajatöjä ja̧'hua̧nö̧ ttucuotatö pä'ö.

1 Tesalonicenses 2:9

Tö̧jä̧hua̧tö̧, ucutu huo̧juä̧tö̧jä̧ ujutu taditinömä. Mo̧ro̧'i̧nä̧, yodo'inä aditinätöjä tö̧jö̧ micuä timita pä'ö, ucuturu mippoönä jätepö juiya pä'ö Dios i̧huȩnȩ ji'äu kä̧nö̧.

Hebreos 11:37

Ja̧'hua̧ta̧nö̧ korotörö ido'qui icuäu cuä'ö icuinätödo. Korotörö kä'cotönä nä'epö tticuinä̧u̧do. Korotörö ka̧cuä̧mö̧ suronä jȩtti̧nä̧u̧do. Korotörö curodänä cuä'ö icuinätödo. Korotömä ttö̧'ca̧tä̧huä̧ta̧ o̧vȩja̧stö̧'i̧nä̧, ca̧bra̧stö̧'i̧nä̧ tti̧jȩti̧yu̧ttu̧ adicua'a 'ca̧tä̧u̧, kara'acu cue'ächinätödo. Jahuätö usurä isotö ttö̧ja̧'a̧nä̧, suronä jȩttä̧u̧ barahuä̧u̧ cue'ächinätödo.