2 Corintios 11:3 - TÄ̧DO Ä̧CUÄ̧ I̧HUȨNȨ

³ Ä̧ca̧mä̧ yapareu jiähuomenä, Eva kesetinö ta'anö, ucutu'inä yapareu cuesetätucuäcuotöjäcö̧ pä'ö yȩ'ȩcua̧sä̧, cuamöcuädätucunä ji̧yȩä̧cuȩtä̧ adihuä huȩnȩ eseunu ucuocuäcuähuä jaropi'ö.

Nuevo Testamento Uwotjüja

³ Ja̧'wa̧nü̧ ja̧'a̧nä̧, yedekunä̧ jä̧ku̧sä̧, Ewa-rü ä̧ka̧ üyaparewinü̧ta̧'a̧nü̧, ukutu'i̧nä̧ Crito-rü eseunu̧ kukuotätukuttü 'kä̧kui̧pä̧chä̧tu̧ku̧'a̧nü̧ ji̧yä̧ku̧.

2 Corintios 11:3 ပူးပေါင်းရင်းမြစ်များ

San Mateo 24:24

Recuätömä “Ttötäsä Cristo, ttö'inä Dios i̧huȩnȩ ji'äusä”, yapareu ji'äu ttichäcuotö. Jahuätömä rö̧ȩnä̧ ttö̧ja̧ ttieru juäi jȩttä̧cuo̧tö̧ ttö̧ja̧rö̧ yapareu jȩpö̧. Dios huoinä̧u̧ru̧'i̧nä̧ yapareu jȩttä̧cuo̧tö̧ ttesetatö pä'ö. Dios huoinä̧u̧mä̧ yoröiso esetocotö ttäcuotö.

San Juan 8:44

Ucutu cuä'otucumä, ähuettä ja̧'a̧. Ja̧u̧ i̧tti̧mö̧jä̧ ucutumä. Ja̧u̧ru̧ pä̧huä̧ rö̧jö̧tä̧ jȩcu̧'ä̧tu̧cua̧ pä'ätöjä. Ähuettä ihueye ttö̧ja̧rö̧ cuä̧'ä̧hua̧ pi̧nö̧do. Iso päi'önä jähuä yoröiso jȩpo̧cö̧ pi̧nö̧do. Ja̧'hua̧ta̧nö̧ iso päi'önä huȩnȩ'i̧nä̧ ucuocuocö pi̧nö̧do. Yapareu jiähuomenä, chutä jö̧ ta'anö ji'äu. Ja̧u̧mä̧ ihueye ya̧pa̧rȩhua̧. Ja̧'hua̧ta̧nö̧ ja̧u̧mä̧ yapareu huȩnȩ kada'cado.

Romanos 12:8

Korotörö ttesehuächi'önä jittähua pä'ö iyinöttömä, adiu jittäu'a̧nö̧ ja̧'a̧. Ya̧tȩ korotörö iyömä, repeäcuähuä juiyönä iyö'a̧nö̧ ja̧'a̧. Ya̧tȩ hue'ömä, o'ca juiyönä ttu̧ȩcuä̧nä̧ hueö'a̧nö̧ ja̧'a̧. Jui'ätörö ppä'ädömä, eseunu ppädö'a̧nö̧ ja̧'a̧.

2 Corintios 1:12

Pi̧yȩ amöcuädö esehuätöjä. Ujutu tami iso'quinä tamöcuädomenä, huo̧juä̧tö̧jä̧ iso päi'önä adiunä ta̧'cua̧ pö̧nö̧ cue'ächätöjä pi̧jä̧nä̧ ucutu cuä'catucu jo̧mȩttö̧. Diostä ujuturu repe'ö ppä'ädinö ja̧'hua̧nö̧ cuetächa pä'ö. Ujutu tamönä tamöcuädönä ja̧'hua̧nö̧mä̧ cue'ächocotöjä.

2 Corintios 11:20

Ucuturu huettomenä, eseunu cuami 'qui'ächi'ätöjä. Ja̧'hua̧ta̧nö̧ cuhuäretucu ttö̧nä̧u̧cuo̧mȩnä̧'i̧nä̧, ttumöhuäyotö päi'önä huȩttä̧ro̧mȩnä̧'i̧nä̧ eseunu cuami 'qui'ächi'ätöjä. Ja̧'hua̧ta̧nö̧ ucuturu repeähuä juiyönä ttucuocuomenä'inä, cu'ätucunä cuäcuätomenä'inä eseunu cuami 'qui'ächi'ätöjä.

2 Corintios 11:29

Ka̧ra̧mä̧ ijuiyuhuomenä, ttö'inä chijuiyuhuächi'ö'a̧nö̧ jä̧cu̧sä̧. Ja̧'hua̧ta̧nö̧ ka̧ra̧ suronä jȩo̧mȩnä̧, ttömä dä'äcu chö̧ra̧huä̧rö̧'a̧nö̧ jä̧cu̧sä̧.

2 Corintios 2:17

Ujutumä Dios i̧huȩnȩ ji'äu kä̧nö̧, koro pä'ö ȩmo̧co̧tö̧jä̧ korotö recuätö jȩttö̧'a̧nö̧. Ujutu jueönä ta̧'cua̧ pö̧nö̧ ji'ähuätöjä Dios hue'ähuotö jittäu ta'anö. Ja̧'hua̧ta̧nö̧ Dios ä'ca jo̧mȩttö̧ ji'ähuätöjä Cristo umöhuäyotö jittäu ta'anö.

2 Corintios 4:2

Ujutumä jaropi'inätöjä o'ca juiyönä dajahuächö jȩä̧cuä̧huä̧'i̧nä̧, dä'äcu jȩä̧cuä̧huä̧'i̧nä̧. Ujutumä yapareu jȩpo̧co̧tö̧jä̧. Ja̧'hua̧ta̧nö̧ Dios i̧huȩnȩ'i̧nä̧ i̧mi̧cu̧nä̧ ji'ähuocotöjä. Ji̧yȩä̧cuȩtä̧, iso päi'önä huȩnȩtä̧ ucuocuätöjä pi̧jä̧ ttö̧ja̧rö̧, Dios ä'ca jo̧mȩttö̧ ttamöcuädäcua'a̧nö̧ jitötä.

Gálatas 1:6

Diosrö, Jesucristo ucuturu repea'attö huoinä̧u̧ru̧, koro huȩnȩ suronä jȩttö̧ jȩpö̧ icu pättö huȩnȩ i̧mi̧cu̧nä̧ jö̧ esetö o'ca päi'önä jarocuhui'ätucua'a chä̧ju̧cuo̧mȩnä̧, rö̧ȩnä̧ amöcuädösä ucuturu.

Gálatas 2:4

Juhua'acumä iso päi'önä korotö amönä tö̧jä̧hua̧tö̧ pä'ähuätö tö̧'quȩtȩnä̧ dajahuächö dodepäjätö pȩji̧nä̧tö̧ ujutucu. Jahuätötä circuncisión jȩta̧rö̧ pä'inätö. Jahuätö dodepinätö to̧ttä̧ra̧ pä'ötä ujuturu Cristo Jesúsru esetö adiu tö̧ja̧cua̧ja̧ pä'ö topö. Jahuätö ji̧nä̧ tö̧ji̧ya̧tö̧ pä'inätö.

Gálatas 3:1

Juiyo di̧ji̧ huo̧juä̧chi̧'o̧co̧tö̧jä̧, Gálatas ttö̧ja̧. ¿Dihuä ja̧'hua̧nö̧ jȩi̧nä̧tu̧cuä̧cu̧ iso päi'önä suronä jȩttö̧ jȩpö̧ icu huȩnȩ cuesetätucu juiyönämä? Adihuä huȩnȩ jitäumä, ucutu'inä ja̧u̧tä̧ Jesucristo daunä 'corupä'i'inörö tocu'ätucua pä'ö ji'ähuätöjä.

Gálatas 4:11

Ttömä ttö chaditähuä ucuturu ppädädinömä yoröiso micuähuocö jä̧'i̧nö̧'a̧nö̧ ji̧yä̧cu̧ yȩ'ȩcua̧sä̧.

Efesios 4:14

Jitämä pärohuächocotöjä ppo̧'ä̧tö̧ jä̧'i̧nö̧'a̧nö̧. Ja̧'hua̧ta̧nö̧ korotö adihuä juäi huȩnȩ ji'ähuocotömä, koro yapareu huȩnȩ, jareö huȩnȩ jittähuomenä, esetocotöjä ujutu.

Efesios 4:22

Pä'äji cu̧ja̧cui̧nä̧tu̧cu̧, ucuturutä yapareu pä̧huä̧ rö̧jö̧ jȩcu̧'i̧nä̧tu̧cu̧, jaropi'ätucui.

Efesios 6:24

Ja̧'hua̧ta̧nö̧ o'ca toi'önä Tu̧ru̧hua̧ Jesucristorö jarotti'oca'a repe'ätörö, Dios ppädäcua'a̧nö̧. Amén.

Colosenses 2:18

Ja̧'hua̧ta̧nö̧ korotö usurä isotö jö̧ ta'anö kä̧nö̧, ángelesrö'inä esetö ttucuocuomenä, cuesetätucuä', Cristorö esetö cuȩmä̧tu̧cuä̧cuȩ 'chottipö juiyäcua'a̧nö̧. Jahuätömä jitötä tottocö'inä jȩpä̧tö̧. Ja̧'hua̧ta̧nö̧ jitöätä ttamöcuädöätä a'cuoyäu jȩpä̧tö̧.

Colosenses 2:4

Pi̧yȩ ji'äusä ucuturu, koronö korotö adihuä huȩnȩ a̧'cua̧rö̧nä̧ jittähuomenä, cuesetätucu juiyäcua'a̧nö̧.

Colosenses 2:8

Ttu̧ȩcuä̧nä̧ ka̧cuä̧tu̧cui̧. Korotömä täbo huȩnȩ'i̧nä̧, yapareu huȩnȩ'i̧nä̧ jittähuomenä, yoröiso cuesetätucuä'. Ja̧'hua̧nö̧ jittähuomenä, Cristo i̧huȩnȩ yoröiso ji'ähuocotö. Pi̧jä̧ ttö̧ja̧ amöcuädäcuähuätä ji'ähuätö.

1 Tesalonicenses 3:5

Ja̧'hua̧nö̧ ja̧'a̧ttö̧ ttömä ucuturu rö̧ȩnä̧ tocha päda'anä, Diosrö cuesetätucu huȩnȩ jä'epö ä̧ju̧cua̧ pä'ö, hue'inösä Timoteorö. Ujutu taditähuä ji̧nö̧ micuäu juiyönä ähuettä suronä jȩi̧nä̧u̧cö̧ pä'ö amöcuädinösä.

1 Timoteo 1:3

Ttömä Macedonia rȩjȩra̧'a̧cu̧ chi̧'cho̧mȩnä̧, ucuru jidähuinö ta'anö, Efeso ötahuiyänä cu̧ja̧ pä'ösä. Ucuru hue'ipinösä korotörö cu̧huo̧juȩta̧ pä'ö yapareu huȩnȩ ttu̧huo̧juȩtö̧ juiyäcua'a̧nö̧.

1 Timoteo 2:14

Ja̧'hua̧ta̧nö̧ ähuettä Adánrö yapareu ji'ähuocö pi̧nö̧. Isajurutä yapareu ji'ähuinö. Jahuäju ähuettä hueö keseta'attö, suronä jȩpi̧nä̧ju̧.

2 Timoteo 3:13

Ja̧'hua̧nö̧ ja̧'a̧nä̧ suronä jȩpä̧tö̧'i̧nä̧, yapareu ucuocu jȩpä̧tö̧'i̧nä̧ ji̧nä̧ isocu suronä jȩttä̧cuo̧tö̧. Jahuätömä ji̧nä̧ isocu ttesetäcuotö yapareu huȩnȩ.

Tito 1:10

Iso päi'önä recuätö jarode'ätömä ka̧cuä̧tö̧. Judíos ttö̧ja̧ ttö̧'quȩtȩnä̧'i̧nä̧ recuätö ja̧'hua̧nö̧ jȩpä̧tö̧ ka̧cuä̧tö̧. Jahuätömä amönä huȩnȩ ucuocu yapareu ji'ähuätö ttö̧ja̧rö̧.

Hebreos 13:9

Koro huȩnȩ, jareö huȩnȩ, i̧mi̧cu̧nä̧ jittähuä'chomenä cuesetätucuä'. Iso päi'önä tami iso'quinä Dios ppäda'attö tujuruhuomenä, pi̧jä̧ jähuä cuäcuähuä huȩnȩttö̧'i̧nä̧ abonänö adihua'ado. Ja̧u̧ juäi pi̧jä̧ huȩnȩ esetätörö yoröiso ppädoca'a ji̧na̧'a̧do.

2 Pedro 3:17

Ja̧'hua̧nö̧ ja̧'a̧ttö̧ adihuä chö̧jä̧hua̧tö̧, täcö cu̧huo̧juä̧tu̧cua̧'a̧ttö̧, ttu̧ȩcuä̧nä̧ ka̧cuä̧tu̧cui̧. Korotö suronä jȩpä̧tö̧ yapareu jittäu cuesetö juiyätucuaja jahuätörö, cuami 'qui'ächi'ö kä̧nö̧, suronä jȩpö̧ ma̧cu̧huä̧chä̧tu̧cu̧ juiya pä'ö.

2 Pedro 3:3

Pi̧yȩtä̧ a̧mö̧cuä̧rö̧nö̧ ka̧cuä̧tu̧cui̧. Röji mo̧ro̧ tö'cöhuächomenä, adihuä juäi huȩnȩ ya̧'ä̧huȩ'ö̧ ttichäcuotö. Jitötä ttamönä ttamöcuädötä jȩpö̧ ttichäcuotö.

1 Juan 2:18

Chi̧tti̧mö̧ huotö, mo̧ro̧ beipächäcuome tö'cöhuächa'a. Ucutu ä̧ju̧cui̧nä̧tö̧jä̧ Cristo a̧bo̧i̧ya̧ i̧chä̧cua̧ pä'ö. Jitä Cristo aboiyotö recuätö ka̧cuä̧tö̧. Jahuätö ttichina'attö, ujutu huo̧juä̧tö̧jä̧ mo̧ro̧ beipächäcuome tö'cöhuächa'a pä'ö.

1 Juan 4:1

Chö̧jä̧hua̧tö̧, cuesetätucuä' o'ca toi'önä “Espíritu Santo ttöcu kö̧” pä'ätörö. Jahuätörö ka̧cuä̧mö̧ topätucui, Espíritu Santo jahuätöcu ö̧ja̧ pä'ö. Jitä recuätö yapareu ucuocu “Dios i̧huȩnȩ ji'ähuätöjä” pä'ätömä pi̧jä̧ o'ca juiyönä cue'ächätö.

Judas 1:4

Korotö adihuä isotö a̧'cua̧rö̧nä rȩbȩhui̧nä̧tö̧. Jahuätö Diosrö jarode'ätö. Dios pi̧jä̧ ttö̧ja̧rö̧ repeähuä huȩnȩ jittähua'anä, yähuäinä suronä jȩpä̧tö̧. Diosrö'inä, chu ä̧cua̧ Tu̧ru̧hua̧ Jesucristorö'inä ä̧ppö̧tä̧rö̧ jȩpä̧tö̧. Ja̧'hua̧nö̧ ja̧'a̧ jahuätö tä̧bo̧cuä̧ ttȩmä̧cuȩ täbocö Huȩyu̧cuä̧ Huȩnȩ jiähua'a.

Apocalipsis 12:15

Ja̧u̧ ä̧ca̧ ajiya edecuähuinö ättö aje suhuädi'önä, yajujua isaju kijihuächa pä'ö.

Apocalipsis 12:9

Ja̧u̧ ojuo da'ä jä̧'i̧nö̧'a̧nö̧ hua̧rö̧, i̧sa̧rö̧, chutä täbocö ä̧ca̧ pi̧nö̧rö̧, ähuettä'inä, Satanás'inä pättäcuru, o'ca toi'önärö yapareu ji'äuru, ya'opö tticuinäcu. Chutäcu umöhuäyotöcu pi̧jä̧ rȩjȩra̧'a̧ do'opö tticuinäcu.

Apocalipsis 20:2

Ja̧u̧ ángel ojuo da'ä jä̧'i̧nö̧'a̧nö̧ hua̧rö̧, ja̧u̧ täbocö ä̧ca̧ pi̧nö̧rö̧, 'chu'ädinö. Ja̧u̧ ojuo da'ä̧ jä̧'i̧nö̧'a̧nö̧ hua̧mä̧ ähuettä'inä, Satanás'inä päi'önä kö̧. Ja̧u̧ru̧ 'chuhuädäji o'ca'a, ya'ute mil a̧'ȩ jo̧mȩnä̧ päi'önä, cuoräusa nö'cähua'a ki̧nö̧.