2 Corintios 11:22 - TÄ̧DO Ä̧CUÄ̧ I̧HUȨNȨ

²² Jahuätömä, ¿hebreos ttö̧ja̧ tä̧ji̧? Ttö'inä hebreos ttö̧ja̧ i̧sa̧sä̧. Jahuätömä, ¿Israel ttö̧ja̧ tä̧ji̧? Ttö'inä Israel ttö̧ja̧ i̧sa̧sä̧. Jahuätömä ¿Abraham mi̧nä̧ ahuaruhuä o'cotö tä̧ji̧? Ttö'inä Abraham mi̧nä̧ a̧hua̧ru̧hua̧ o̧'ca̧sä̧.

Nuevo Testamento Uwotjüja

²² Juätü'i̧nä̧, hebreos ttü̧ja̧ ja̧'a̧mä̧; ttü'i̧nä̧, hebreos ttü̧ja̧sa̧sä̧. Juätü'i̧nä̧ irae ttü̧ja̧ ja̧'a̧mä̧; ttü'i̧nä̧, irae ttü̧ja̧sa̧sä̧. Juätü'i̧nä̧, Abraha̧ i̧tti̧mü̧ isotü ja̧'a̧mä̧; ttü'i̧nä̧, Abraha̧ i̧tti̧mü̧ i̧sa̧sä̧.

2 Corintios 11:22 ပူးပေါင်းရင်းမြစ်များ

San Mateo 3:9

Cuamönätucunä cuamöcuädätucuä': “Ujutumä Abraham ahuaruhuä o'cotöjä.” Ttö pä'ösä ucuturu, pidu inäduttu Diosmä Abraham ahuaruhuä o'cotörö aditö'a̧nö̧ ja̧'a̧.

Hechos 22:3

Pablo pä'inödo: —Ttömä judíos ttö̧ja̧ i̧sa̧sä̧. Tarso ötahuiyättö, Cilicia rȩjȩnä̧ chuhuäpächina'anä, porö Jerusalén ötahuiyättö, böo juo'inösä. Gamaliel ttörö huo̧juȩti̧nö̧ hueähuä huȩnȩ, tä̧do̧tö̧ mi̧nä̧ ttesetinö huȩnȩ, o'ca juiyönä ttu̧ȩcuä̧nä̧ jȩcha̧ pä'ö. 'Cuäopönä ji̧yȩtȩnä̧tä̧ Dios aditähuä jȩcha̧ pä'ö amöcuädinösä, ucutu jitä mo̧ro̧ cuamöcuädätucu ta'anö.

Hechos 6:1

Ja̧u̧nu̧ pä̧nä̧ Jesucristorö esetätömä ttirecuächina'attö, griegos ttö̧ja̧ tti̧huȩnȩ ucuocuätömä pä'ähuinätödo judíos ttö̧ja̧ tti̧huȩnȩ ucuocuätörö. Griegos ttö̧ja̧ tti̧huȩnȩ ucuocuätöttö rȩcua̧mö̧rö̧ iyocotö pi̧nä̧tö̧do, mo̧ro̧ji̧nö̧ a̧'u̧cuä̧ ttu̧cuȩ ttiya'anä.

Romanos 11:1

Jitä jä'epösä: ¿Dios jaropi'inö tä̧ji̧ umöhuäyotö Israel ttö̧ja̧rö̧? ¡Yoröiso ja̧'hua̧nö̧ jaropi'ocö pi̧nö̧! Ttötäsä Israel ttö̧ja̧ i̧sa̧mä̧. Abraham isotö i̧sa̧sä̧. Benjamín isotö i̧sa̧sä̧.

Romanos 9:4

Jahuätömä Israel ttö̧ja̧. Dios ȩmi̧nä̧u̧ i̧tti̧mö̧ jö̧nä̧. Dios tȩa̧u̧nä̧ dä'änö ki̧nö̧ jahuätöcu. Amöcuädömä ucuocuinö jahuätörö. Moisés hueähuä huȩnȩ iyinä̧u̧. Diosrö ucuocuäcuähuodenä jȩä̧cuä̧huä̧ iyinä̧u̧. Adihuä juäi iya pä'inö jahuätörö.

Gálatas 3:16

Iso päi'önä Dios Abraham mi̧nä̧rö̧'i̧nä̧, chutä ahuaruhuä isotö i̧sa̧rö̧'i̧nä̧ iya pä'ö ucuocuinö. Huȩyu̧cuä̧ Huȩnȩ päoca'a ja̧u̧ isotö jö̧nä̧mä̧. Recuätönä päoca'a. Huȩyu̧cuä̧ Huȩnȩ ji̧ta̧'a̧nö̧tä̧ päa'a: “Ucu i̧sa̧ttö̧.” Ya̧tȩrö̧tä̧ Cristorötä pä'ö päa'ajä ja̧u̧mä̧.

Filipenses 3:5

Ttörö ko̧ro̧mö̧ttö̧nö̧ huäbodäcuä mo̧ro̧ chuhuäpächinö o'ca'a, circuncisión jȩpi̧nä̧tö̧. Ttömä Israel ttö̧ja̧ i̧sa̧sä̧, Benjamín ahuaruhuättö. Iso päi'önä chuhuäpächinomettö hebreos ttö̧ja̧ i̧sa̧sä̧. Ja̧'hua̧ta̧nö̧ judíos ttö̧ja̧ hueähuä huȩnȩ jȩpö̧, fariseo i̧sa̧ pi̧nö̧sä̧.