2 Corintios 11:10 - TÄ̧DO Ä̧CUÄ̧ I̧HUȨNȨ

¹⁰ Iso päi'önä Cristorö adiu chesetomenä, Acaya rȩjȩttö̧ ucuturu eseunu chö̧jö̧mä̧ cädädi'oca'a chu̧cuo̧cuä̧cua̧sä̧.

Nuevo Testamento Uwotjüja

¹⁰ ¡Crito jäwä jueü wȩnȩ ttünä̧ kka̧'a̧ttü̧!, Acaya rȩjȩ pünä̧ ji'äu cheseumä̧ 'chottipokoku chä̧kua̧sä̧.

2 Corintios 11:10 ပူးပေါင်းရင်းမြစ်များ

Hechos 18:12

Pablo juhua'a ö̧jo̧mȩnä̧, Galiónmä Acaya rȩjȩttö̧ ru̧hua̧ ö̧jo̧mȩnä̧, judíos ttö̧ja̧ Pablorö suronä jȩtta̧ pä'ö ca̧ca̧cui̧pö̧ 'chu'ädö ttȩpi̧nä̧cu̧do ru̧hua̧ ä'ca jo̧mȩttö̧.

Hechos 18:27

Ja̧'hua̧nö̧ ja̧'a̧ Apolosmä Acaya rȩjȩra̧'a̧ i̧'cha̧ pä'ö amöcuädinödo. Jesucristorö esetätömä ja̧u̧ru̧ ppä'ädinätödo. Ttö̧jä̧hua̧tö̧ Acaya rȩjȩnä̧ ka̧cuä̧tö̧rö̧ cuyäru isojä huȩyu̧tu̧ hue'inätödo, Apolos juhua'a i̧rȩbȩhuo̧mȩnä̧ tteseäcuähua pä'ö. Apolos Acaya rȩjȩra̧'a̧ i̧'chi̧'o̧mȩnä̧, rö̧ȩnä̧ ppä'ädinö Dios ppädäcuähuänä Jesucristorö esetätörö.

Romanos 1:9

Ja̧'hua̧ta̧nö̧ Dios I̧tti̧ i̧huȩnȩ o'ca juiyönä cha̧'cua̧ eseunu jidähua'attö, Dios huo̧jua̧ ucuturu amöcuädö Diosrö chucuocumä.

Romanos 16:5

Te'ähuätucui ji̧nä̧ yo̧mȩtȩ Diosrö ttucuocua pä'ö ca̧ca̧cui̧pä̧tö̧rö̧ Priscilacu, Aquilacu ttojusodenä. Ja̧'hua̧ta̧nö̧ te'ähuätucui adihuä cha̧hua̧ru̧hua̧ Epenetorö, äcuomenä Cristorö esetinörö Acaya rȩjȩttö̧.

Romanos 9:1

Cristorö chesetomettö, iso päi'önä huȩnȩ ji'äusä. Yapareu ji'ähuocösä. Espíritu Santo huo̧juȩtö̧ chami iso'quinä iso päi'önä huȩnȩ ji'äusä.

1 Corintios 16:15

Jitä chö̧jä̧hua̧tö̧, ucutu huo̧juä̧tö̧jä̧, Estéfanas ahuaruhuäcu äcuomenä esetinätödo Tu̧ru̧hua̧rö̧ Acaya rȩjȩttö̧. Jahuätö korotö esetinätörö, tö̧jä̧hua̧tö̧rö̧, rö̧ȩnä̧ ppä'ädätö.

2 Corintios 1:1

Ttö Pablo, Diosrö pä̧huä̧ rö̧jo̧mȩnä̧, Jesucristo huȩ'ä̧hua̧sä̧. Ji̧nä̧ yo̧mȩtȩnä̧ chö̧jä̧hua̧ Timoteocu, huȩyu̧tu̧sä̧ pojä cuyäru isojänä chö̧jä̧hua̧tö̧rö̧, Dios i̧huȩnȩ esetätörö, Corinto ötahuiyänä ka̧cuä̧tö̧rö̧. Ja̧'hua̧ta̧nö̧ huȩyu̧tu̧sä̧ o'ca toi'önä Dios i̧tti̧mö̧rö̧ Acaya rȩjȩnä̧ ka̧cuä̧tö̧rö̧.

2 Corintios 1:23

Ttömä Dios ä'ca jo̧mȩttö̧ ji'äusä jitämä. Ttö chamöcuädinömä ji̧nä̧ ichocö päjisä Corinto ötahuiyära̧'a̧ ucuturu ji'äu, cua̧'cua̧ tta̧'ȩcu̧ cu̧ja̧cuä̧tu̧cu̧ juiya pä'ö. Ja̧'hua̧nö̧ yapareu jidäuttumä, 'corupädi'ö'a̧nö̧ ja̧'a̧.

2 Corintios 10:15

Ja̧'hua̧ta̧nö̧: “Ja̧u̧mä̧ ujutu taditähuä” pä'ocotöjä korotö ttaditömä. Pärocua'acu, tta̧'ä̧rä̧tö̧jä̧ ucutu juhua'a yabonö cuesetätucua pä'ö, ji̧nä̧ isocu Dios hueinö ta'anö tadita pä'ö ucutucu.

2 Corintios 11:12

Pä'äji jȩchi̧nö̧ ta'anö, jȩchä̧cua̧sä̧ jitä'inä. Ja̧'hua̧nö̧ jȩcho̧mȩnä̧, korotömä “Ujutumä Pablocu yoräteunä aditätöjä” pä'ätömä, adiu esehuocotö ttäcuotö.

2 Corintios 11:31

Tu̧ru̧hua̧ Jesucristo Jä'o Dios, 'cuäopönä eseunu ttucuocuäcumä, o'ca juiyönä jidähuäjimä iso päi'önä ji'äusä pä'ö huo̧jua̧.

2 Corintios 12:19

Ja̧'hua̧nö̧ tucuocuomenä, ucutu amöcuädätöjä a̧'cua̧ra̧'a̧: “Jahuätö ttamönä jȩtti̧nö̧ adiunä ucuocuätö ujutu tä'ca jo̧mȩttö̧.” Ja̧'hua̧nö̧mä̧cö̧. Pärocua'acu Dios ä'ca jo̧mȩttö̧ ucuocuätöjä Cristo i̧mi̧nä̧. Adihuä chö̧jä̧hua̧tö̧, o'ca juiyönä ucuocu jȩpä̧tö̧jä̧, juhua'a yabonö rö̧ä̧chö̧nä̧ cuesetätucua pä'ö.

2 Corintios 9:2

Täcö huo̧jua̧sä̧ ucutu adiu cuiyätucua'a. Macedonia rȩjȩnä̧ ka̧cuä̧tö̧rö̧ 'cuäopönä eseunu ji'äusä: “Acaya rȩjȩnä̧ ka̧cuä̧tö̧mä̧, ni̧po̧ a̧'ȩ päi'önä iyö ppättäda pä'ätö.” Ja̧'hua̧nö̧ pä'ö, Macedonia rȩjȩttö̧ recuätö, ucutu eseunu cuiyätucua'a topö, jahuätö'inä eseunu ttiya pä'ätö ttu̧ju̧nä̧rö̧mä̧.

Gálatas 1:20

Dios ä'ca jo̧mȩttö̧ iso päi'önä pä'ösä ucuturu. Chi̧huȩyu̧tu̧mä̧ iso päi'önä huȩnȩ pä'ösä.

Gálatas 2:20

Ttömä Cristocu 'corupä'i'inösä. Ja̧'hua̧nö̧ ja̧'a̧ttö̧ ttömäcö̧sä̧ jitä kö̧mä̧. Cristo ttörö kö̧mä̧. Jitä chö̧jö̧mä̧ Dios I̧tti̧rö̧ esetö kö̧sä̧. Ja̧u̧tä̧ hua'are iyähuinö ttörö rettö pä'ö.

1 Tesalonicenses 2:10

Ucutucu tö̧ja̧cui̧nö̧mä̧ topinätöjä ucutumä. Dios'inä topinö. Ujutumä adiu jȩpö̧ ka̧cui̧nä̧tö̧jä̧ ucutu Diosrö esetätöcu, yoröiso suronä ttucuocu juiyönä ujuturu.

1 Tesalonicenses 2:5

Ja̧'hua̧ta̧nö̧ ujutu tamönä ti̧huȩnȩmä̧ adiu ucuocu ji'ähuocotö pi̧nä̧tö̧jä̧, pärätä'inä cuiyätucuatö pä'ö. Dios ja̧'hua̧nö̧ jȩtö̧mä̧ huo̧jua̧.

1 Timoteo 2:7

Ja̧u̧ huȩnȩ jiäcuähuä i̧sa̧ päi'önä huȩ'ä̧hua̧sä̧. Diosrö esetäcuähuä huȩnȩ'i̧nä̧, iso päi'önä huȩnȩ'i̧nä̧ chu̧huo̧juȩta̧ pä'ö judíos huocotörö huȩ'ä̧hua̧sä̧. Cristorö cheseta'attö, iso päi'önä ji'äusä. Yapareumä ji'ähuocösä.