2 Corintios 10:7 - TÄ̧DO Ä̧CUÄ̧ I̧HUȨNȨ

⁷ Ucutu huämenätä topätöjä. Iso päi'önä ya̧tȩ “Cristo a̧hua̧ru̧hua̧sä̧” päöttömä, ujutu'inä chutä ta'anö Cristo ahuaruhuäjä pä'ö u̧huo̧juä̧cua̧'a̧nö̧.

Nuevo Testamento Uwotjüja

⁷ Ukutumä̧, ttü̧ja̧rü̧mä̧ wä̧mȩnä̧ jȩttü̧tä̧ topätüjä̧. Ya̧tȩ, a̧mü̧nä̧ pa̧ja̧tü̧ toäkuäwomȩnä̧ Crito u̧mü̧wä̧ya̧sä̧ päüttümä̧, jua̧u̧ jü̧ta̧'a̧nü̧ ujutu'i̧nä̧ Crito umüwäyotü wotüjä̧.

2 Corintios 10:7 ပူးပေါင်းရင်းမြစ်များ

San Mateo 23:5

Korotö ttö̧ja̧ ttesehuatö pä'ö jȩpä̧tö̧do. Ttö'änä'inä, ttöjohuiyänä'inä Huȩyu̧cuä̧ Huȩnȩ korotöttö'inä abonänö rö̧ä̧ö̧ juäi nö'cäu jȩpä̧tö̧do, ttö̧ja̧ tottatö pä'ö. Ttö̧'ca̧tä̧huä̧ti̧yu̧'i̧nä̧ korotö ttö̧'ca̧tä̧huä̧ti̧yu̧ttu̧'i̧nä̧ abonänö otoä̧ta̧ 'ca̧tä̧huä̧tö̧.

San Lucas 16:15

Ja̧'hua̧nö̧ ja̧'a̧ Jesús päinä̧u̧do: —Ucututä ttö̧ja̧ ttä'ca jo̧mȩttö̧ adiu jȩpä̧tö̧mä̧ ttö̧ja̧ tottönä. Ja̧'hua̧nö̧ ja̧'a̧nä̧ Diosmä huo̧jua̧ cuami iso'quitucunä. Ttö̧ja̧ ttucuo kö̧nä̧ ttamöcuädömä, Diosmä kö'cocö.

San Juan 7:24

Ttö̧ja̧rö̧ topötä, päcuhuätucuä'. Päcuhuätucuomenä, adiu amöcuädö jȩpä̧tu̧cui̧, —pä'ö huo̧juȩti̧nö̧do Jesús.

1 Corintios 1:12

Ja̧'hua̧nö̧ pädomenä, ucututtu yotöcunä koromenä ji'ähuätöjä pä'ösä. Korotö pä'ätö: “Ttötäsä Pablo i̧sa̧mä̧.” Korotö pä'ätö: “Ttötäsä Apolos i̧sa̧mä̧.” Korotö pä'ätö: “Ttötäsä Pedro i̧sa̧mä̧.” Korotö pä'ätö: “Ttötäsä Cristo i̧sa̧mä̧.”

1 Corintios 14:37

Ucututtu ya̧tȩ: “Ttömä Dios iyähuä huȩnȩ'i̧nä̧, Espíritu Santo ttörö huo̧juȩcuä̧'i̧nä̧ jidäu'a̧nö̧ ja̧'a̧” pä'ö amöcuädöttömä, ja̧u̧mä̧ iso päi'önä pi̧yȩ ucuturu chi̧huȩyu̧tä̧ji̧mä̧ huo̧jua̧do, Tu̧ru̧hua̧ hueähuä ja̧'a̧ pä'ö.

1 Corintios 15:23

Churutä pä̧huä̧ rö̧jo̧mȩnä̧ ttotächäcuotöjä. Äcuomenä ä'canä Cristo tto'ächinödo. Ja̧u̧nu̧ o'ca'a Cristo ichomenä, ja̧u̧ru̧ esetätö ttottächäcuotödo.

1 Corintios 3:23

Ja̧'hua̧ta̧nö̧ Cristo i̧tti̧mö̧jä̧. Ja̧'hua̧ta̧nö̧ Cristomä Dios I̧tti̧.

1 Corintios 9:1

Ttömä Jesús huȩ'ä̧hua̧sä̧. Ja̧'hua̧nö̧ ja̧'a̧ttö̧ pi̧jä̧ ttöja̧rö̧ ädätocösä. Ttömä Tu̧ru̧hua̧ Jesúsru topinösä. Ja̧'hua̧ta̧nö̧ ucutumä Tu̧ru̧hua̧ hueö jȩcho̧mȩnä̧ esetinätöjä.

2 Corintios 10:1

Ttö Pablo, ucuturu repe'önö Cristo adihuä juäi iyö amöcuädö pä'ösä. Korotö pä'ätö ttörö ucutucu chö̧jo̧mȩnä̧, jä̧rö̧nä̧tä̧ usurä i̧sa̧ ta'anö kö̧sä̧. Ja̧'hua̧ta̧nö̧ ucututtu oto kara'a chö̧jo̧mȩnä̧, pä̧i̧cu̧nä̧ ucuocu jȩpö̧sä̧ pä'ätö korotömä.

2 Corintios 11:18

Iso päi'önä pi̧jä̧ jähuä jȩä̧cuä̧huä̧nä̧, recuätö ttö̧ja̧ eseunu ucuocuätö. Ttö'inä jahuätö ttucuocu'a̧nö̧ chu̧cuo̧cuä̧cua̧sä̧.

2 Corintios 11:23

Jahuätömä, ¿Cristo umöhuäyotö tä̧ji̧? Ttö'inä jahuätöttö'inä abonänö Cristo u̧mö̧huä̧ya̧sä̧. Juhuorö'inä ja̧'hua̧nö̧ ucuocu, suripächätö ttucuocu'a̧nö̧ ucuocusä. Jahuätöttö'inä abonänö rö̧ȩnä̧ aditinösä. Ja̧'hua̧ta̧nö̧ jahuätöttö'inä abonänö rö̧ȩnä̧ cuäcuättinäcusä. Ja̧'hua̧ta̧nö̧ jahuätöttö'inä abonänö rö̧ȩnä̧ cärenä pi̧nö̧sä̧. Ja̧'hua̧ta̧nö̧ cuedächomenä, rö̧o̧ mo̧ro̧ cuä'ö tticua pä'inätö ttörö.

2 Corintios 11:4

Korotö ichö Jesús i̧huȩnȩ ji'äu, ujutu jitähuinöttö'inä i̧mi̧cu̧nä̧ jittähuomenä, adiu ä̧ju̧cuä̧tö̧jä̧. Ja̧'hua̧ta̧nö̧ ka̧ra̧ espírituru'inä, Espíritu Santottö cuȩmi̧nä̧tu̧cuä̧cu̧ttu̧'i̧nä̧ i̧mi̧cu̧nä̧ hua̧rö̧ eseunu ȩmä̧tö̧jä̧. Koro huȩnȩ, ttö̧ja̧ suronä jȩttö̧ jȩpö̧ icu pättö huȩnȩ'i̧nä̧, ujututtu cuä̧ju̧cui̧nä̧tu̧cu̧ttu̧'i̧nä̧ i̧mi̧cu̧nä̧ jö̧ esetätöjä.

2 Corintios 12:11

Ja̧'hua̧nö̧ ttötä chucuocuäcuähuomenä, suripächö ttucuocu'a̧nö̧, ucuocuäjisä. Juhuorö'inä ucututä hue'inätöjä ja̧'hua̧nö̧ chucuocuäcuähua pä'ö koro koronö jȩcu̧'i̧yä̧tu̧cuä̧cu̧. Ucututä ttörö adiunä cucuocuätucu'a̧nö̧ ja̧'a̧. Ttö yoröiso adihuä i̧sa̧ choca'anä, jitötä yapareu ji'äu kä̧nö̧, “Dios i̧huȩnȩ adiu ji'ähuätö” päcuhuätucuä̧u̧ ta'anö, yorätehuätöjä.

2 Corintios 13:3

Ja̧'hua̧nö̧ jȩcho̧mȩnä̧, iso päi'önä ucutumä topö cu̧huo̧jui̧'ä̧cuo̧tö̧jä̧ Cristo ttörö ucuocu pä'ö. Ja̧'hua̧ta̧nö̧ Cristo ucuturu ro̧ȩpo̧mȩnä̧, juiyupocö. Ujurunä aditö ucuturu.

2 Corintios 5:12

Ja̧'hua̧nö̧ pä'ö, pä'äji ta'anö ujutu tamönä huȩnȩcuo̧co̧tö̧jä̧. Ucututä adiu cu̧huo̧juä̧tu̧cua̧ pä'ätöjä ujuturu. Ja̧'hua̧nö̧ ja̧'a̧ korotö uhuäunä jȩttö̧ adihua'a pä'ö, ttami iso'quittö rä'opocö juäi ttucuocuomenä, adiu cuädätätucua pä'ätöjä ujutumä.

Gálatas 3:29

Iso päi'önä Cristorö cuesetätucuttumä, Abraham mi̧nä̧ isotö isotöjä. Ja̧'hua̧ta̧nö̧ o'ca juiyönä Dios iya päinömä cuȩmä̧cuo̧tö̧jä̧.

1 Juan 4:6

Ujutumä Dios i̧tti̧mö̧jä̧. Diosrö huo̧juä̧tö̧mä̧ ujutu tucuocu adiu ä̧ju̧cuä̧tö̧. Dios i̧tti̧mö̧cö̧ ujutu tucuocu ä̧ju̧cuo̧co̧tö̧. Ja̧'hua̧nö̧ ja̧'a̧ttö̧ ujutu huo̧juä̧tö̧jä̧ Espíritu Santo hueö jȩpä̧tö̧rö̧'i̧nä̧, ähuettä hueö jȩpä̧tö̧rö̧'i̧nä̧.