2 Corintios 10:10 - TÄ̧DO Ä̧CUÄ̧ I̧HUȨNȨ

¹⁰ Korotö pä'ätö ttörö: “Chutä cuyäru i̧huȩyu̧to̧mȩnä̧, pä̧i̧cu̧nä̧ jiähua'a cuyärunä. Juhuorö'inä chutä ö̧jo̧mȩnä̧, yoröiso ya̧tȩ jui̧yu̧pa̧ ö̧jö̧'a̧nö̧ kö̧. I̧huȩnȩ'i̧nä̧ adiunä ucuocuocö,” pä'ätö korotömä.

Nuevo Testamento Uwotjüja

¹⁰ Isopäi'ünä̧ yotukunä̧mä̧ pä'ätü: «ttü chi̧wȩyu̧tu̧mä̧, juiyo pä̧i̧ku̧nä̧ baraunä̧ rȩmi̧pa̧'a̧; ja̧'wa̧nü̧ ja̧'a̧nä̧ cha̧mü̧nä̧ pa̧ja̧tü̧ chukuokuomȩnä̧mä̧» pä̧i̧ku̧nä̧mä̧ ukuokuokü pä'ijü pä'ätü ja̧'wa̧ta̧nü̧ ukuokuäkuäwä'i̧nä̧ jȩru̧pa̧, pättäkusä.

2 Corintios 10:10 ပူးပေါင်းရင်းမြစ်များ

1 Corintios 1:17

Cristomä ttörö hue'ocö pi̧nö̧ korotörö bautizando jȩcha̧ pä'ö. Ja̧u̧ hue'inö suronä jȩttö̧ jȩpö̧ icu huȩnȩ jidähua pä'ö. Ja̧'hua̧ta̧nö̧ Cristo dau isodänä 'corupäi'inö huȩnȩ jeruhuocötä ji'äusä.

1 Corintios 1:21

Diosmä huo̧jua̧ chutä jȩö̧. Dios hue'inödo pi̧jä̧ ttö̧ja̧ jitötä ttamönä huo̧juä̧huä̧nä̧ ttu̧huo̧jui̧'i̧yi̧ya̧rö̧ pä'ö. Chutä i̧huȩnȩ, korotö ttu̧'ȩpä̧ro̧co̧tö̧ ttucuocu'a̧nö̧ a̧'cua̧rö̧nä̧ pättö huȩnȩ ttesetomenä, suronä jȩttö̧ jȩpö̧ icua pä'inödo.

2 Corintios 10:1

Ttö Pablo, ucuturu repe'önö Cristo adihuä juäi iyö amöcuädö pä'ösä. Korotö pä'ätö ttörö ucutucu chö̧jo̧mȩnä̧, jä̧rö̧nä̧tä̧ usurä i̧sa̧ ta'anö kö̧sä̧. Ja̧'hua̧ta̧nö̧ ucututtu oto kara'a chö̧jo̧mȩnä̧, pä̧i̧cu̧nä̧ ucuocu jȩpö̧sä̧ pä'ätö korotömä.

2 Corintios 10:11

Ja̧'hua̧nö̧ pä'ätö ttu̧huo̧juä̧cua̧'a̧nö̧do. Ujutu oto kä̧nö̧ ti̧huȩyu̧tu̧ ta'anö, ucuocu jȩtä̧cuo̧tö̧jä̧ ucutucu kä̧nö̧.

2 Corintios 10:9

Ucuturu cuyäru chi̧huȩyu̧to̧mȩnä̧, yecuhuipätucua pä'ö huȩyu̧to̧cö̧sä̧.

2 Corintios 11:21

Ja̧'hua̧nö̧ jȩtto̧mȩnä̧ topö, dä'äcunu ji'äusä ucuturu pi̧yȩmä̧. Ujutumä juiyupinätöjä ja̧'hua̧nö̧ jȩta̧ pä'ö. Ja̧'hua̧nö̧ ja̧'a̧nä̧'i̧nä̧ suripächönä ucuocu ji'äusä, korotömä a'cuoyäunu jȩpö̧ ttucuocuttumä, ttö'inä a'cuoyäunu jȩpö̧ chucuocu'a̧nö̧ ja̧'a̧.

2 Corintios 11:6

Iso päi'önä ttö chucuocuomenä, ya̧tȩ rö̧ȩnä̧ huo̧jua̧ ucuocu'a̧nö̧ chucuocuoca'anä, adiunä huo̧jua̧sä̧ o'ca juiyönä chucuocumä. Ja̧'hua̧ta̧nö̧ ucutucu kä̧nö̧, o'ca juiyönä huo̧ju̧nä̧ jȩpi̧nä̧tö̧jä̧, adiu tocu'ätucua pä'ö.

2 Corintios 13:3

Ja̧'hua̧nö̧ jȩcho̧mȩnä̧, iso päi'önä ucutumä topö cu̧huo̧jui̧'ä̧cuo̧tö̧jä̧ Cristo ttörö ucuocu pä'ö. Ja̧'hua̧ta̧nö̧ Cristo ucuturu ro̧ȩpo̧mȩnä̧, juiyupocö. Ujurunä aditö ucuturu.