2 Corintios 1:23 - TÄ̧DO Ä̧CUÄ̧ I̧HUȨNȨ

²³ Ttömä Dios ä'ca jo̧mȩttö̧ ji'äusä jitämä. Ttö chamöcuädinömä ji̧nä̧ ichocö päjisä Corinto ötahuiyära̧'a̧ ucuturu ji'äu, cua̧'cua̧ tta̧'ȩcu̧ cu̧ja̧cuä̧tu̧cu̧ juiya pä'ö. Ja̧'hua̧nö̧ yapareu jidäuttumä, 'corupädi'ö'a̧nö̧ ja̧'a̧.

Nuevo Testamento Uwotjüja

²³ Ja̧'wa̧nü̧ ja̧'a̧nä̧, ji̧nä̧ Corinto ütawiyära̧'a̧mä̧ do'ächü ichokü pinü̧sä̧ ukuturu ukuotü, ¡wä̧i̧nä̧ Dio-mä̧ cha̧'kua̧rü̧ ȩmü̧ ikuäkusä!, yapare jidäuttümä̧.

2 Corintios 1:23 ပူးပေါင်းရင်းမြစ်များ

Hechos 18:1

Ja̧u̧nu̧ o'ca'a Pablo Atenas ötahuiyättö rä'opö, Corinto ötahuiyära̧'a̧ 'chi̧nö̧do.

Hechos 18:8

Ja̧'hua̧nö̧ ja̧'a̧ judíos ttu̧huo̧jui̧'i̧node ru̧hua̧ Crispo, o'ca toi'önä ahuaruhuäcu, Tu̧ru̧hua̧rö̧ esetinödo. Ja̧'hua̧ta̧nö̧ Corinto ötahuiyä ttö̧ja̧ recuätö, Pablo jiähua'a ä̧ju̧cu̧ esetinätödo. Bautizado pä'i'inätödo.

Romanos 1:9

Ja̧'hua̧ta̧nö̧ Dios I̧tti̧ i̧huȩnȩ o'ca juiyönä cha̧'cua̧ eseunu jidähua'attö, Dios huo̧jua̧ ucuturu amöcuädö Diosrö chucuocumä.

Romanos 9:1

Cristorö chesetomettö, iso päi'önä huȩnȩ ji'äusä. Yapareu ji'ähuocösä. Espíritu Santo huo̧juȩtö̧ chami iso'quinä iso päi'önä huȩnȩ ji'äusä.

1 Corintios 4:21

Jitä, ¿tta̧'a̧nö̧ cuamöcuädätucuättö ucutumä? Ucuturu topö chi̧'cho̧mȩnä̧, ¿chö̧tä̧bo̧ta̧ pä'ätöjä tä̧ji̧? Juhuorö'inä ¿adiu repe'önö eseunu chucuocua pä'ätöjä tä̧ji̧? ¿Tta̧'a̧nö̧ cuamöcuädätucuättö ucutumä?

1 Corintios 5:5

Ja̧'hua̧nö̧ ppäsähuipö, ja̧u̧ru̧ iyätucuirö Satanásrö, chutä jä̧ttä̧pä̧ya̧ toei'äcua'a̧nö̧, a̧'cua̧ru̧hua̧ ö̧ji̧pa̧'a̧nä̧, Tu̧ru̧hua̧ Jesús ichomenä.

2 Corintios 1:1

Ttö Pablo, Diosrö pä̧huä̧ rö̧jo̧mȩnä̧, Jesucristo huȩ'ä̧hua̧sä̧. Ji̧nä̧ yo̧mȩtȩnä̧ chö̧jä̧hua̧ Timoteocu, huȩyu̧tu̧sä̧ pojä cuyäru isojänä chö̧jä̧hua̧tö̧rö̧, Dios i̧huȩnȩ esetätörö, Corinto ötahuiyänä ka̧cuä̧tö̧rö̧. Ja̧'hua̧ta̧nö̧ huȩyu̧tu̧sä̧ o'ca toi'önä Dios i̧tti̧mö̧rö̧ Acaya rȩjȩnä̧ ka̧cuä̧tö̧rö̧.

2 Corintios 1:18

Diosmä ujuturu huo̧jua̧. Ja̧'hua̧nö̧mä̧ todärenä pä'ocotöjä ucuturu.

2 Corintios 10:2

Ja̧'hua̧ ja̧'a̧ttö̧ adihua'a. Ucuturu do'ächö chi̧'cho̧mȩnä̧, ttamönä ttamöcuädömä jȩpä̧tö̧ suronä ttucuocuomenä ujuturu, pä̧i̧cu̧nä̧ chucuocua pä'ö jȩcu̧'ä̧tu̧cuä̧'. Jahuätö pä'ätö ujutu tamönä tamöcuädö ucuocuätöjä pä'ö. Ja̧'hua̧nö̧ ttucuocuttumä, iso päi'önä pä̧i̧cu̧nä̧ chu̧cuo̧cuä̧cua̧sä̧ jahuätöcu pä̧nö̧.

2 Corintios 11:10

Iso päi'önä Cristorö adiu chesetomenä, Acaya rȩjȩttö̧ ucuturu eseunu chö̧jö̧mä̧ cädädi'oca'a chu̧cuo̧cuä̧cua̧sä̧.

2 Corintios 11:11

¿Dä̧bö̧ chucuocua'attö ja̧'hua̧nö̧mä̧? ¿Ucuturu repedoca'a chucuocua'a tä̧ji̧? Diostä huo̧jua̧ ucuturu rö̧ȩnä̧ repeda'amä.

2 Corintios 11:31

Tu̧ru̧hua̧ Jesucristo Jä'o Dios, 'cuäopönä eseunu ttucuocuäcumä, o'ca juiyönä jidähuäjimä iso päi'önä ji'äusä pä'ö huo̧jua̧.

2 Corintios 12:20

Ucuturu topö chi̧'chö̧ttö̧mä̧, ttö chamöcuädöttö'inä i̧mi̧cu̧nä̧ ka̧cuä̧tö̧jä̧cö̧ amöcuädö yȩ'ȩcua̧sä̧. Ja̧'hua̧ta̧nö̧ ucutu cuamöcuädätucuttu'inä i̧mi̧cu̧nä̧ kö̧sä̧cö̧ amöcuädösä. Ja̧'hua̧ta̧nö̧ rohuäcuähuä'inä, korotö ttu̧ju̧nä̧rö̧ pä̧huä̧ rö̧jö̧nä̧ toäcuähuä'inä, ra̧huä̧rä̧cuä̧huä̧'i̧nä̧, korotörö huȩnȩtö̧ jiäcuähuä'inä, amönä yapareu ucuocuäcuähuä'inä, korotörö a'cuoyäunu toäcuähuä'inä, ja̧'a̧tä̧ amöcuädö jȩä̧cuä̧huä̧'i̧nä̧ ka̧'a̧ a̧'cua̧ra̧'a̧ ucutu cu̧'quȩtȩtu̧cu̧ pä'ö amöcuädösä ttömä.

2 Corintios 13:10

Pi̧yȩ cuyäru huȩyu̧tu̧sä̧ ucuturu topö chi̧'chä̧cua̧'a̧ ä'canä, chi̧'cho̧mȩnä̧ pä̧i̧cu̧nä̧ ro̧dȩpö̧ juiya pä'ö, Tu̧ru̧hua̧ hueinö jȩpö̧. Chutä Tu̧ru̧hua̧, hue'inö ujurunä ttörö, ja̧'hua̧nö̧ ppädäda pä'ö ucuturu, juhua'a yabonö rö̧ä̧chö̧nä̧ cuesetätucuarö pä'ö. Ucuturu be'epäjipö chicua pä'ö hue'ocö pi̧nö̧do.

2 Corintios 13:2

Korotörö täbocö suronä jȩpi̧nä̧tö̧rö̧'i̧nä̧, korotörö o'ca toi'önärö'inä, ucuturu todärenä topö 'chä̧nö̧, cuä'catucu jo̧mȩttö̧ jidähuinö huȩnȩ, jitä'inä otottö kä̧nö̧ pä'äji ta'anö ji'äusä. Pä'äji ta'anö ucuturu topö chi̧'chö̧ttö̧mä̧, o'ca toi'önärö ttö̧ji̧pö̧ juiyönä, yecuäcuähuä juiyönä ro̧dȩpä̧cua̧sä̧.

2 Corintios 6:6

Ja̧'hua̧ta̧nö̧ ujutu adiunätä tö̧ja̧cuo̧mȩnä̧, Dios umöhuäyotö ta'a topö ttu̧huo̧juä̧cuo̧tö̧. Ja̧'hua̧ta̧nö̧ iso päi'önä huȩnȩ tu̧huo̧jua̧'a̧ttö̧, topö ttu̧huo̧juä̧cuo̧tö̧. Ja̧'hua̧ta̧nö̧ tami 'qui'ächi'ö, korotörö adihuä juäi jȩta̧'a̧ttö̧, topö ttu̧huo̧juä̧cuo̧tö̧. Ja̧'hua̧ta̧nö̧ Espíritu Santo tami iso'quinä ö̧ja̧'a̧tö̧, topö ttu̧huo̧juä̧cuo̧tö̧. Ja̧'hua̧ta̧nö̧ korotörö repeta'a, topö ttu̧huo̧juä̧cuo̧tö̧.

Gálatas 1:20

Dios ä'ca jo̧mȩttö̧ iso päi'önä pä'ösä ucuturu. Chi̧huȩyu̧tu̧mä̧ iso päi'önä huȩnȩ pä'ösä.

Filipenses 1:8

Dios huo̧jua̧ ucuturu Jesucristo repeö'a̧nö̧, repe'ö pä̧huä̧ rö̧jä̧cu̧sä̧ ucuturu o'ca toi'önärö.

1 Tesalonicenses 2:5

Ja̧'hua̧ta̧nö̧ ujutu tamönä ti̧huȩnȩmä̧ adiu ucuocu ji'ähuocotö pi̧nä̧tö̧jä̧, pärätä'inä cuiyätucuatö pä'ö. Dios ja̧'hua̧nö̧ jȩtö̧mä̧ huo̧jua̧.

1 Timoteo 1:20

Ja̧'hua̧nö̧ jȩpi̧nä̧tö̧ Himeneo'inä, Alejandro'inä. Jahuätörö hue'inösä ähuettärö, ttu̧huo̧jua̧ pä'ö Diosrö suronä ttucuocu juiyäcua'a̧nö̧.