2 Corintios 1:14 - TÄ̧DO Ä̧CUÄ̧ I̧HUȨNȨ

¹⁴ Iso päi'önä täcö koromä huo̧juä̧tö̧jä̧. Tu̧ru̧hua̧ Jesucristo ichomenä, ujuturu eseunu tocu'ätucuäcua'a̧nö̧. Ja̧'hua̧ta̧nö̧ ujutu'inä eseunu totäcua'a̧nö̧ ucuturu.

Nuevo Testamento Uwotjüja

¹⁴ Jitä ku̧wo̧jui̧pä̧tu̧kuo̧kü̧mä̧. Tu̧ru̧wa̧ Jesucrito ppa̧wä̧cho̧mȩnä̧ ujuturu kueseäkuäwäkuotüjä̧; ujuturu, pärokua'aku teseäkuäwuöta'anü̧.

2 Corintios 1:14 ပူးပေါင်းရင်းမြစ်များ

Romanos 11:25

Chö̧jä̧hua̧tö̧, Dios yä̧huä̧i̧nä̧ amöcuädinö huȩnȩ cu̧huo̧juä̧tu̧cua̧ pä'ösä, ucutu “huo̧jua̧sä̧” cuamöcuädätucu juiya pä'ö. Israel ttö̧ja̧mä̧ 'cuäopönä jarode'ocotö ttäcuotö. Judíos huocotöttö Dios oipinä̧u̧ ttesetome jubö päi'önä ttöarodäcuotö Israel ttö̧ja̧mä̧.

1 Corintios 1:8

Dios cuami 'qui'ächi'ö cu̧ja̧cuä̧tu̧cua̧ pä'ö tta̧huä̧rä̧cua̧ ucuturu röji mo̧ro̧ päi'önä, Tu̧ru̧hua̧ Jesucristo ichö mo̧ro̧ päi'önä, yoröiso suronä ttucuocu juiya pä'ö ucuturu.

1 Corintios 11:18

Äcuomenä korotö pä'ätö ttörö ucuturu: “Ppäsähuipö ttucuocuomenä, ka̧ra̧'i̧nä̧ ka̧ra̧'i̧nä̧ i̧mi̧cu̧nä̧ amöcuädä'chö jȩpä̧tö̧ jahuätömä.” “Iso päi'önä pä'ätö a̧'cua̧ra̧'a̧” pä'ösä ttömä.

1 Corintios 15:31

'Cuäopönä pä'ösä: “Jitä mo̧ro̧ 'co̧ru̧pä̧di̧'ä̧cua̧sä̧cö̧.” Ja̧'hua̧nö̧ ja̧'a̧ttö̧ chö̧jä̧hua̧tö̧, ja̧'hua̧nö̧ pä'ösä ucuturu eseunu amöcuädö Tu̧ru̧hua̧ Jesucristorö cuesetiniyätucuäcu.

2 Corintios 2:5

Ja̧'hua̧nö̧ ja̧'a̧nä̧ ucututtu ya̧tȩ suronä jȩpi̧nö̧mä̧, ttötä cha̧'cua̧ tta̧dȩcua̧ pä'ö jȩpo̧cö̧ pi̧nö̧. Ucututtu yotöcunä'inä cua̧'cua̧ tta̧cu̧huȩcuä̧tu̧cua̧ pä'ö jȩpi̧nö̧do. Yotöcunä pä'ösä pärocua'a rö̧ȩnä̧ ro̧dȩpö̧ juiyarö pä'ö.

2 Corintios 5:12

Ja̧'hua̧nö̧ pä'ö, pä'äji ta'anö ujutu tamönä huȩnȩcuo̧co̧tö̧jä̧. Ucututä adiu cu̧huo̧juä̧tu̧cua̧ pä'ätöjä ujuturu. Ja̧'hua̧nö̧ ja̧'a̧ korotö uhuäunä jȩttö̧ adihua'a pä'ö, ttami iso'quittö rä'opocö juäi ttucuocuomenä, adiu cuädätätucua pä'ätöjä ujutumä.

2 Corintios 9:2

Täcö huo̧jua̧sä̧ ucutu adiu cuiyätucua'a. Macedonia rȩjȩnä̧ ka̧cuä̧tö̧rö̧ 'cuäopönä eseunu ji'äusä: “Acaya rȩjȩnä̧ ka̧cuä̧tö̧mä̧, ni̧po̧ a̧'ȩ päi'önä iyö ppättäda pä'ätö.” Ja̧'hua̧nö̧ pä'ö, Macedonia rȩjȩttö̧ recuätö, ucutu eseunu cuiyätucua'a topö, jahuätö'inä eseunu ttiya pä'ätö ttu̧ju̧nä̧rö̧mä̧.

Filipenses 1:10

Ja̧'hua̧nö̧ huo̧jui̧pö̧ koro adiutä jȩcu̧'ä̧tu̧cuä̧cua̧'a̧nö̧. Ja̧'hua̧nö̧ ja̧'a̧ttö̧ adiu cu̧ja̧cuä̧cuo̧tö̧jä̧, koro juäi pättoca'anä ucuturu, Cristo ichä̧cuȩ mo̧ro̧ päi'omenä.

Filipenses 1:26

Ja̧'hua̧ ja̧'a̧ttö̧ cu̧ja̧cuä̧tu̧cuo̧mȩ ppa̧dä̧cho̧mȩnä̧, Cristo Jesúsnä cuesehuätucuaja ttörö.

Filipenses 1:6

Huo̧jua̧sä̧ Dios äcuomenä adihuä juäi aditinö cuami iso'quitucunä, ji̧nä̧ isocu aditö ppä̧dä̧cua̧ ucuturu rö̧ä̧chi̧'ö̧nä̧, Jesucristo ichä̧cuȩ mo̧ro̧ päi'önä.

Filipenses 4:1

Ja̧'hua̧nö̧ ja̧'a̧ttö̧ adihuä chö̧jä̧hua̧tö̧, iso päi'önä ucuturu repe'ö tocha pä'ösä. Ucuturu topö eseusä. Ja̧'hua̧ta̧nö̧ ucutumä chaditinö micuä huotöjä. 'Cuäopönä Tu̧ru̧hua̧rö̧ esetö, cuami 'qui'ächi'ö ka̧cuä̧tu̧cui̧, chahuaruhuä chö̧jä̧hua̧tö̧.

1 Tesalonicenses 3:13

Cuami iso'quitucunä cuami 'qui'ächi'ö esetö, Tä'o Dios ä'ca jo̧mȩttö̧ Tu̧ru̧hua̧ Jesús chutä ahuaruhuäcu ichomenä, Tu̧ru̧hua̧ ppäda'attö, adiunä jȩpö̧ surojö juiyönä cu̧ja̧cuä̧tu̧cua̧ pä'ätöjä.

1 Tesalonicenses 5:23

Dios, tami iso'quinä eseunu kä̧cuä̧huä̧ iyömä, adiunätä jȩcu̧'ä̧tu̧cua̧ pä'ö ppädäcua'a̧nö̧ ucuturu. Ja̧'hua̧ta̧nö̧ Tu̧ru̧hua̧ Jesucristo ichome jubö päi'önä, surojö juiyönä tta̧huä̧rä̧cua̧'a̧nö̧ cua̧'cua̧rö̧'i̧nä̧, cua̧'cua̧ru̧hua̧rö̧'i̧nä̧, jättäpäyotörö'inä.