1 Timoteo 6:9 - TÄ̧DO Ä̧CUÄ̧ I̧HUȨNȨ

⁹ Iso päi'önä yotöte järe rö̧ȩnä̧ amöcuädätömä, Diosrö ttamöcuädoca'attö, suronä jȩpä̧tö̧. Jitötä ttamönä jähuä amöcuädö jȩpä̧tö̧. Ja̧'hua̧nö̧ jȩpö̧ kä̧nö̧, ttamönä be'ipächätö.

Nuevo Testamento Uwotjüja

⁹ Ja̧'wa̧nü̧ ja̧'a̧nä̧ ruwotü juotta pä'ätümä̧ äwettä ma̧ttä̧cha̧ pä'ü jȩpü̧ u̧ju̧no̧mȩ ma̧'ä̧chä̧tü̧, ja̧'wa̧ta̧nü̧ tta̧mü̧kuädoka'a pä̧wä̧rü̧jü̧nä̧ surojuoepä̧u̧mä̧, surojuo'ächü to'epächätü.

1 Timoteo 6:9 ပူးပေါင်းရင်းမြစ်များ

San Mateo 13:22

Koro so̧ä̧'cua̧nä̧ ma̧ä̧chi̧nö̧mä̧, korotö Dios i̧huȩnȩ ttä̧ju̧cuo̧mȩnä̧, pi̧jä̧ jähuä rö̧ȩnä̧ amöcuädätö jä̧'i̧nö̧'a̧nö̧ huotö. Ja̧u̧ juäi o'ca juiyönä rȩä̧cha̧'a̧ Dios i̧huȩnȩ ttesetomenä. U̧huä̧ju̧ jui'ätö.

San Mateo 19:22

Ja̧u̧ mö̧ä̧ya̧ ja̧'hua̧nö̧ ä̧ju̧cuo̧mȩnä̧, a̧'cua̧ tta̧'ȩcu̧nu̧ i̧hui̧nö̧do, järe rö̧ȩnä̧ u̧ju̧nä̧ra̧'a̧ttö̧.

San Mateo 26:15

Jahuätörö pä'inödo: —Ucuturu Jesúsru chiyöttömä, ¿tta̧'a̧nö̧ rö̧ȩnä̧ pärätä cuiyätucuäcua'ajä̧ttö̧? Ja̧'hua̧nö̧ päomenä, treinta jo̧mȩnä̧ pärätä o̧bi̧ ttiyinäcudo.

San Mateo 6:19

“Pi̧jä̧ jähuätä cua̧'cua̧ cu̧huȩnä̧rä̧tu̧cuä̧' isotö ttucui'ömä, tȩmö̧chä̧chö̧ pparuhuächömä, nä̧u̧cuä̧rä̧tö̧ ttö̧nä̧u̧cuä̧rö̧mä̧.

San Marcos 4:19

Ja̧'hua̧nö̧ ja̧'a̧nä̧ pi̧jä̧ jähuä rö̧ȩnä̧ amöcuädätö. Ja̧u̧ juäitä esetätö. Pi̧jä̧ jähuä o'ca juiyönä ttu̧ju̧nä̧ra̧ pä'ö amöcuädätö. Ja̧u̧ juäi o'ca juiyönä rȩä̧cha̧'a̧ Dios i̧huȩnȩ ttesetomenä. U̧huä̧ju̧ jui'ätö.

San Lucas 12:21

Ja̧'hua̧nö̧ 'cuäopa'a ya̧tȩ pi̧jä̧ jähuä ca̧ca̧tö̧ ku̧nu̧ru̧mä̧, Diosrö amöcuädoca'a kö̧rö̧mä̧.

Hechos 8:20

Ja̧'hua̧nö̧ ja̧'a̧ Pedro pä'inödo Simónrö: —Cuhuäre pärätä ucutäcu toei'ä̧cuȩ, Dios iyö pärätä mitö chȩma̧ pä'ösä pä'ö cuamöcuäda'attö.

Efesios 4:22

Pä'äji cu̧ja̧cui̧nä̧tu̧cu̧, ucuturutä yapareu pä̧huä̧ rö̧jö̧ jȩcu̧'i̧nä̧tu̧cu̧, jaropi'ätucui.

1 Timoteo 1:9

Ja̧'hua̧ta̧nö̧ ujutu huo̧juä̧tö̧jä̧, hueähuä huȩnȩ adiu jȩpä̧tö̧rö̧ hueähuocö. Ja̧'hua̧nö̧ ja̧'a̧nä̧ hueähuä huȩnȩ huea'a ja̧u̧ huȩnȩ jarode'ätörö, ja̧u̧ huȩnȩ jȩpo̧co̧tö̧rö̧. Ja̧'hua̧ta̧nö̧ suronä jȩpä̧tö̧rö̧, Diosrö esetocotörö, ttä'orö'inä, tta̧ju̧ru̧'i̧nä̧ cuä'ö icuätörö, korotö ttö̧ja̧rö̧ cuä'ö icuätörö huea'a.

1 Timoteo 3:7

Ja̧'hua̧ta̧nö̧ Diosrö esetocotö ttä'ca jo̧mȩ adiu ö̧jä̧cua̧'a̧nö̧, suronä ttucuocu juiyarö pä'ö, ähuettä'inä suronä jȩö̧ juiyarö pä'ö.

1 Timoteo 6:10

Pärätänätä tta̧'cua̧ huȩnä̧rä̧cuä̧huä̧nä̧, ja̧u̧ surojö kada'ca. Korotömä pärätä rö̧ȩnä̧ ttu̧ju̧nä̧ra̧ pä'ö, jaropi'inätö adihuä huȩnȩ. Ja̧'hua̧nö̧ ja̧'a̧ttö̧ rö̧ȩnä̧ ubara ttu'ätö.

1 Timoteo 6:17

Ji'ähui järe ruhuotörö, pi̧jä̧nä̧ ka̧cuä̧tö̧rö̧, usurä isotörö, suronä huottäcuäu juiyäcua'a̧nö̧. Ja̧'hua̧ta̧nö̧ ji'ähuitö ttöärenätä tta̧'cua̧ ttu̧huȩnä̧rö̧ juiyäcua'a̧nö̧. Ttöäremä yoröiso 'quiyocö. Pärocua'acu Dios kö̧rö̧, o'ca juiyönä tu̧ju̧nä̧ra̧ pä'ö repeähuä juiyönä iyörö, tta̧'cua̧ ttu̧huȩnä̧ra̧ ji'ähuitö.

2 Timoteo 2:26

Ja̧'hua̧ta̧nö̧ ähuettärö jaropi'ö ttö̧ji̧pa̧ pä'ö tta̧'ä̧rö̧. Jahuätömä ähuettäcu cuettächa'attö, ähuettä hueö jȩpä̧tö̧.

Tito 2:12

Ja̧u̧ Dios ppädäcuähuä ujuturu huo̧juȩta̧'a̧ churutä esetö kä̧nö̧, pi̧jä̧ jähuä jaroti'a pä'ö. Ja̧'hua̧ta̧nö̧ ta̧'cua̧ pö̧nö̧, adiunätä jȩpö̧ Diosrö tamöcuäda pä'ö huo̧juȩta̧'a̧.

2 Pedro 2:3

Pärätä rö̧ȩnä̧ ttȩma̧ pä'ö, ucuturu yapareu huȩnȩ ttu̧huo̧juȩtä̧cuo̧tö̧ cuiyätucuatö pä'ö. Yoröiso ttö̧ji̧pö̧ juiyönä, bettipächäcuotö ja̧'hua̧nö̧ huo̧juȩtä̧tö̧mä̧. Ja̧'hua̧nö̧ 'cuäopäcua'a, täbocö päi'önä amöcuädinödo Dios.

Judas 1:11

Caín ö̧ji̧nö̧ ta'anö ttö̧ja̧'a̧ttö̧, suronä 'cuäopäcua'a jahuätörö. Pärätä ȩma̧ pä'ö Balaam suronä jȩi̧nö̧ ta'anö, suronä jȩpä̧tö̧ jahuätö'inä. Coré öarode'inö ta'anö, jarode'ätö jahuätömä. Ja̧'hua̧nö̧ ja̧'a̧ Coré toei'inö ta'anö, tottei'äcuotö jahuätömä.