1 Timoteo 6:20 - TÄ̧DO Ä̧CUÄ̧ I̧HUȨNȨ

²⁰ Ucu Timoteo, ucuru jidähuäjimä adiu tta̧'ä̧rä̧cuä̧hui̧. Pi̧jä̧ jähuä amönä ttucuocu huȩnȩ cuesetä'. Pi̧jä̧ jähuä yapareu huo̧juä̧huä̧ cuesetä'.

Nuevo Testamento Uwotjüja

²⁰ Timoteo, ¡kuaditäwämä̧ adiwomȩnä̧ aditi! Jesucrito-rü esetokotü tu̧wo̧juȩtä̧'i̧jü̧ pä'ä'chätürümä̧ ja̧'wa̧ta̧nü̧ isopäi'ünä̧ wȩnȩ ttu̧ju̧nä̧ra̧ pä'ü yapareu ji'äwätürümä̧ kuä̧ju̧kuä̧;

1 Timoteo 6:20 ပူးပေါင်းရင်းမြစ်များ

Hechos 16:1

Pablocu, Silascu Derbe ötahuiyära̧'a̧ 'chä̧hui̧'i̧nä̧tö̧do. Juhuorö kä̧nö̧ Listra ötahuiyära̧'a̧ 'chä̧hui̧'i̧nä̧tö̧do. Ju̧huȩnȩ ki̧nö̧do ya̧tȩ Jesucristorö esetinö, Timoteo pä'ö mi̧cua̧. Judíos ttö̧ja̧ isaju, Jesucristorö esetäju, ki̧tti̧ pi̧nö̧do. Jä'omä griegos ttö̧ja̧ i̧sa̧ pi̧nö̧do.

Hechos 17:18

Korotö epicúreos huotö ttu̧huo̧juȩti̧nö̧ huo̧jui̧pä̧tö̧mä̧, korotö estoicos huotö ttu̧huo̧juȩti̧nö̧ huo̧jui̧pä̧tö̧mä̧ Pablorö ucuocuinätödo. Korotö pä'inätödo: —¿Däje jiähua'ajä̧ttö̧, pide ujuturu rö̧ȩnä̧ ucuocumä? Korotö pä'inätödo: —Korotö ttä̧do̧ ä̧cua̧tö̧ hueähuä huȩnȩ ucuocu a̧'cua̧ra̧'a̧. Ja̧'hua̧nö̧ pä'inätö Jesús i̧huȩnȩ'i̧nä̧, ttoächäcuähuä huȩnȩ'i̧nä̧ Pablo ucuocua'attö.

Hechos 17:21

Atenas ötahuiyä ttö̧ja̧'i̧nä̧, kara'attö Atenasra̧'a̧ ichinätö'inä koro juäi jȩpo̧co̧tö̧ pi̧nä̧tö̧do. Ji̧yȩä̧cuȩtä̧ korotörö jareö huȩnȩ ji'äu, korotöttö jareö huȩnȩ ä̧ju̧cu̧ ka̧cui̧nä̧tö̧do.

Romanos 1:22

Ja̧'hua̧ta̧nö̧ huo̧juä̧tö̧jä̧ pätta'anä, yoröiso ttu̧'ȩpä̧ro̧co̧tö̧.

Romanos 3:2

A̧, rö̧ȩnä̧ ppä'ädö. Äcuomenä Dios iyinö i̧huȩnȩ judíos ttö̧ja̧rö̧.

1 Corintios 2:6

Ja̧'hua̧ta̧nö̧ ujutumä huo̧ju̧nä̧ ucuocuätöjä korotöcu, Diosrö rö̧ȩnä̧ esetätöcu. Juhuorö'inä ujutumä pi̧jä̧ ttö̧ja̧ ttucuocu'inä, pi̧jä̧ ruhuotö ttucuocu'inä ucuocuocotöjä. Jahuätömä bettipächäcuotö.

1 Corintios 3:19

Dios ä'ca jo̧mȩttö̧ pi̧jä̧ttö̧ huo̧juä̧huä̧ yoröiso ttu̧'ȩpä̧ro̧co̧tö̧ ttucuocu'a̧nö̧ jö̧. Huȩyu̧cuä̧ Huȩnȩ päa'a: “Pi̧jä̧ ttö̧ja̧ pi̧jä̧ttö̧ rö̧ȩnä̧ ttu̧huo̧jua̧'a̧nä̧ jȩpö̧, Dios jȩä̧u̧ jitötä tta̧mö̧nä̧ jȩpö̧ tottei'a pä'ö.”

Colosenses 2:18

Ja̧'hua̧ta̧nö̧ korotö usurä isotö jö̧ ta'anö kä̧nö̧, ángelesrö'inä esetö ttucuocuomenä, cuesetätucuä', Cristorö esetö cuȩmä̧tu̧cuä̧cuȩ 'chottipö juiyäcua'a̧nö̧. Jahuätömä jitötä tottocö'inä jȩpä̧tö̧. Ja̧'hua̧ta̧nö̧ jitöätä ttamöcuädöätä a'cuoyäu jȩpä̧tö̧.

Colosenses 2:8

Ttu̧ȩcuä̧nä̧ ka̧cuä̧tu̧cui̧. Korotömä täbo huȩnȩ'i̧nä̧, yapareu huȩnȩ'i̧nä̧ jittähuomenä, yoröiso cuesetätucuä'. Ja̧'hua̧nö̧ jittähuomenä, Cristo i̧huȩnȩ yoröiso ji'ähuocotö. Pi̧jä̧ ttö̧ja̧ amöcuädäcuähuätä ji'ähuätö.

2 Tesalonicenses 1:4

Ja̧'hua̧nö̧ jȩcu̧'ä̧tu̧cua̧'a̧ totomenä, korome iglesia ruhuärö eseunu ji'ähuätöjä ucuturu. Ucuturu suronä jȩpö̧ ubara ttucuhuätucuomenä, cuami 'qui'ächi'ö cu̧ja̧cuä̧tu̧cu̧'i̧nä̧, Diosrö cuesetätucu'inä ji'ähuätöjä.

2 Tesalonicenses 2:15

Ja̧'hua̧nö̧ ja̧'a̧ttö̧ tö̧jä̧hua̧tö̧, cuami 'qui'ächi'ö ka̧cuä̧tu̧cui̧. Ujutu tu̧huo̧juȩti̧nö̧'i̧nä̧, ucuturu huȩyu̧tu̧ huetinö'inä cunichi'ätucuä'.

1 Timoteo 1:11

Dios, adihuä i̧sa̧, adihuä huȩnȩ, suronä jȩttö̧ jȩpö̧ icu hueinö huȩnȩ, ja̧'hua̧nö̧ päa'a. Ja̧u̧ huȩnȩ jidähua pä'ö hueinäcusä.

1 Timoteo 1:2

Pi̧yȩ huȩnȩ huȩyu̧tu̧ hue'ösä ucuru Timoteo, Cristonä chi̧tti̧. Tä'o Dios'inä, Tu̧ru̧hua̧ Cristo Jesús'inä rö̧ȩnä̧ ppättädäcua'a̧nö̧ ucuru. Ja̧'hua̧ta̧nö̧ re rö̧jö̧nä̧ tottäcua'a̧nö̧ ucuru. Ja̧'hua̧ta̧nö̧ rö̧ȩnä̧ eseunu kä̧cuä̧huä̧ ttiyäcua'a̧nö̧ ucuru.

1 Timoteo 1:4

Huo̧juȩti̧tö̧ täbo huȩnȩ, ttä̧do̧tö̧ mi̧nä̧ ttö̧ja̧cui̧nö̧ huȩnȩ, beipächocö huȩnȩ, ttucuocu juiyäcua'a̧nö̧. Ja̧u̧ huȩnȩ ucuocu yoröiso micuähuocö. Ja̧u̧ huȩnȩ ucuocu Diosrö pä̧huä̧ rö̧jö̧mä̧ ucuocuäcuähuocö. Diosrö esetötä churutä pä̧huä̧ rö̧jo̧mȩnä̧tä̧ ucuocuäcuähuä.

1 Timoteo 1:6

Yotöte jaropi'inätö pi̧yȩ huȩnȩ. Jahuätömä yoröiso micuähuocö huȩnȩtä̧ ucuocuätö.

1 Timoteo 1:9

Ja̧'hua̧ta̧nö̧ ujutu huo̧juä̧tö̧jä̧, hueähuä huȩnȩ adiu jȩpä̧tö̧rö̧ hueähuocö. Ja̧'hua̧nö̧ ja̧'a̧nä̧ hueähuä huȩnȩ huea'a ja̧u̧ huȩnȩ jarode'ätörö, ja̧u̧ huȩnȩ jȩpo̧co̧tö̧rö̧. Ja̧'hua̧ta̧nö̧ suronä jȩpä̧tö̧rö̧, Diosrö esetocotörö, ttä'orö'inä, tta̧ju̧ru̧'i̧nä̧ cuä'ö icuätörö, korotö ttö̧ja̧rö̧ cuä'ö icuätörö huea'a.

1 Timoteo 4:7

Ja̧'hua̧nö̧ ja̧'a̧nä̧ täbo huȩnȩ, amönä ttucuocu huȩnȩ, cuamöcuädä'. Dios i̧huȩnȩtä̧ amöcuädö kä̧hui̧.

1 Timoteo 6:11

Ja̧'hua̧nö̧ ja̧'a̧nä̧ ucu Dios huȩ'ä̧hua̧jä̧. Ja̧u̧ juäi surojöttö tö'ipächi. Adihuä juäitä jȩpö̧ kä̧hui̧. Diosrötä eseunu ucuocui. Adiu eseti. Cuahuaruhuärö repe'i. Cuami 'qui'ächi'ö kä̧hui̧. Korotörö adiu amöcuädö kä̧hui̧.

1 Timoteo 6:14

Ttö huedömä o'ca juiyönä jȩpi̧, koro huȩnȩ jȩcu̧'o̧ca̧'a̧. Tu̧ru̧hua̧ Jesucristo ichome jubö päi'önä adiu jȩpö̧ kä̧hui̧, suronä ttucuocua'acu.

2 Timoteo 2:1

Ucu ttö chi̧tti̧, Cristo Jesús ppädomenä, juruhui.

2 Timoteo 2:16

Amönä huȩnȩ, micuähuocö huȩnȩ, ttucuocuomenä, 'quȩ'i̧pä̧chi̧. Ja̧'hua̧nö̧ ucuocuätömä, juhua'a yabocu suronä jȩpä̧tö̧.

Tito 1:14

Huo̧juȩti̧tö̧ judíos ttö̧ja̧ amönä jittäu huȩnȩ ttesetö juiyäcua'a̧nö̧. Ja̧'hua̧ta̧nö̧ Dios i̧huȩnȩ esetocotö hueähuä jȩttö̧ juiyäcua'a̧nö̧.

Tito 1:4

Pi̧yȩ huȩnȩ huȩyu̧tu̧ hue'ösä ucuru, Tito, Cristonä chi̧tti̧, ucu'inä, ttö'inä ji̧nä̧ ya̧tȩrö̧ teseta'attö. Tä'o Dios'inä, Tu̧ru̧hua̧ Jesucristo'inä rö̧ȩnä̧ ppättädäcua'a̧nö̧ ucuru. Ja̧'hua̧ta̧nö̧ rö̧ȩnä̧ eseunu kä̧cuä̧huä̧ ttiyäcua'a̧nö̧ ucuru.

Tito 1:9

Churutä Dios i̧huȩnȩ, ttu̧huo̧juȩti̧nö̧ huȩnȩ, adiu esetö ö̧jä̧cua̧'a̧nö̧. Ja̧'hua̧ta̧nö̧ ja̧u̧ huȩnȩ huo̧juȩtö̧ korotörö. Ja̧'hua̧ta̧nö̧ suronä ucuocuätörö, ja̧u̧ huȩnȩ ucuocu jiähuäcua'a̧nö̧.

Tito 3:9

Ja̧'hua̧nö̧ ja̧'a̧nä̧ ttö̧ja̧ amönä ttucuocu huȩnȩ'i̧nä̧, tä̧do̧tö̧ mi̧nä̧ ttö̧ji̧nö̧ ttucuocu huȩnȩ'i̧nä̧ cucuocuä'. Ja̧'hua̧ta̧nö̧ ttahuaruhuärö ra̧huä̧rö̧ ttucuocu huȩnȩ'i̧nä̧, Moisés hueähuä huȩnȩ ttucuocu huȩnȩ'i̧nä̧ cucuocuä' Tito. Ja̧u̧mä̧ yoröiso micuähuocö huȩnȩ ja̧'a̧.

Apocalipsis 3:3

Cu̧huo̧jui̧'i̧nö̧ huȩnȩ amöcuädi. Ja̧u̧ huȩnȩ päö'a̧nö̧ jȩpi̧. Pärocuäcutä amöcuädi. Cu'orächi'ö juiyöttömä, ya̧tȩ nä̧u̧cuä̧rö̧ i̧sa̧ ucu cuieruhuomenä ichö'a̧nö̧, chi̧chä̧cua̧sä̧ ucuru.