1 Timoteo 5:5 - TÄ̧DO Ä̧CUÄ̧ I̧HUȨNȨ

⁵ Ja̧'hua̧ta̧nö̧ yajute recua ki̧tti̧mö̧'i̧nä̧, kö̧nä̧mö̧'i̧nä̧ to'ajumä, Diosrötä adiu esetö tta̧'ä̧rä̧ju̧. Jahuäjumä mo̧ro̧'i̧nä̧, yodo'inä ucuocuäju Diosrö.

Nuevo Testamento Uwotjüja

⁵ Isopäi'ünä̧ rekua, kkatätä kki̧'ä̧ju̧mä̧, Dio-rü tta̧'a̧rü̧ kkä̧nü̧ mo̧ro̧'i̧nä̧ yodo'i̧nä̧ käjädioka'a jua̧u̧ru̧mä̧ ajuäwinü̧ ukuoku jä'epäju.

1 Timoteo 5:5 ပူးပေါင်းရင်းမြစ်များ

San Lucas 18:1

Jesús koro juäi jä̧'i̧nö̧'a̧nö̧ jö̧ huȩnȩ ji'äu huo̧juȩti̧nö̧do, 'cuäopönä Diosrö ucuocuäcuähuä 'cuächi'äcuähuä juiyönä pä'ö.

San Lucas 18:7

Diosmä ȩmi̧nä̧u̧ru̧, yodo'inä, mo̧ro̧'i̧nä̧ jä'epätörö, ¿ppä'ädocö paji tä̧ji̧? ¿Ppäda pä'ömä recuo tta̧'ä̧ra̧ji̧ tä̧ji̧?

San Lucas 2:37

Täcö recua ka'amä ochenta y cuatro a̧'ȩ ku̧nä̧ri̧nä̧ju̧do. Diosrö ucuocuäcuähuodettömä rä'opocoju pi̧nä̧ju̧do. Yodo'inä, mo̧ro̧'i̧nä̧ 'cuäopönä ucuocui'äjinäjudo Tu̧ru̧hua̧rö̧, ku̧cuȩ a̧do̧chö̧ kä̧nö̧.

Hechos 26:7

Ujutu judíos ttö̧ja̧ o'ca toi'önä Dios päinömä tota pä'ö tta̧'ä̧rä̧tö̧jä̧. Ja̧'hua̧nö̧ ja̧'a̧ttö̧ mo̧ro̧'i̧nä̧, yodo'inä Diosrö ucuocuätöjä. Esetö tta̧dä̧ra̧'a̧ttö̧, judíos ttö̧ja̧ “Pablo suronä jȩpö̧” ucuocuätö, ru̧hua̧ Agripa.

Hechos 6:1

Ja̧u̧nu̧ pä̧nä̧ Jesucristorö esetätömä ttirecuächina'attö, griegos ttö̧ja̧ tti̧huȩnȩ ucuocuätömä pä'ähuinätödo judíos ttö̧ja̧ tti̧huȩnȩ ucuocuätörö. Griegos ttö̧ja̧ tti̧huȩnȩ ucuocuätöttö rȩcua̧mö̧rö̧ iyocotö pi̧nä̧tö̧do, mo̧ro̧ji̧nö̧ a̧'u̧cuä̧ ttu̧cuȩ ttiya'anä.

Hechos 9:39

Ja̧'hua̧nö̧ ä̧ju̧cu̧ Pedro jahuätöcu ichinödo. Ichi'omenä ju'toju i̧so̧ca̧ra̧'a̧ ottipinäcudo. Rȩcua̧mö̧ o'ca toi'önä Pedrorö sobötö ajuäu kä̧nö̧ i̧jȩpi̧nä̧tö̧do ttö̧'ca̧tä̧huä̧ti̧yu̧'i̧nä̧, huäme o̧ta̧'i̧nä̧, Dorcas jahuätöcu kä̧nö̧, 'tö̧ji̧nö̧ o̧ta̧.

Hechos 9:41

Pedro Tabita ku̧mö̧nä̧ 'chu'ädö cä'epinödo kä̧rä̧mi̧'a̧ pä'ö. Ja̧'hua̧ ja̧'a̧ Jesucristorö esetätörö'inä, rȩcua̧mö̧rö̧'i̧nä̧ huopö, jahuätörö a̧dȩcua̧ju̧ru̧tä̧ iyinödo.

Romanos 1:12

Ja̧'hua̧nö̧ jidähuomenä, ka̧ra̧ ka̧ra̧'i̧nä̧ ppätäda pä'ö ji'äusä. Ucutu'inä, ttö'inä ji̧nä̧ ji̧yȩtȩ esetätöjä.

Romanos 1:5

Jesucristorö chesetomenä, Dios hueinäcusä Jesucristo i̧mi̧nä̧ i̧huȩnȩ jidähua pä'ö o'ca toi'önä ttö̧ja̧rö̧, yotöcunä i̧huȩnȩ esetö, Dios hueö jȩttä̧cua̧'a̧nö̧.

1 Corintios 7:32

Ucutumä koro koronö cuamöcuädätucu juiya pä'ösä ttömä. Ya̧tȩ irecua to̧'a̧, 'cuäöpönä Tu̧ru̧hua̧rö̧ adiu amöcuädö jȩpö̧, Tu̧ru̧hua̧ esehua pä'ö ja̧u̧ru̧.

1 Corintios 7:34

Ja̧'hua̧ta̧nö̧ ja̧'a̧nä̧ nä̧tö̧'i̧nä̧, yajute kirecuo to'aju, Tu̧ru̧hua̧rö̧ adiu amöcuädö jȩpä̧ju̧, Dios ä'ca jo̧mȩttö̧ adiu kö̧jä̧cua̧'a̧nö̧ ka̧'cua̧ru̧hua̧nä̧'i̧nä̧, jättäpäyajunä'inä. Ja̧'hua̧ta̧nö̧ kirecuoru ku̧nä̧rä̧ju̧, pi̧jä̧ jähuä amöcuädö jȩpä̧ju̧, kirecuo esehua pä'ö jahuäjuru.

Efesios 6:18

Espíritu Santo u̧huo̧juȩta̧'a̧nä̧, 'cuäopönä Diosrö jä'epö ucuocuätucui, o'ca juiyönä iyätucuacu pä'ö jäcuhue'ätucumä. Cuamöcuädätucu jaroi'äcuähuä juiyönä, adiu a̧mö̧cuä̧rö̧nö̧ ka̧cuä̧tu̧cui̧. Ja̧'hua̧ta̧nö̧ o'ca toi'önä Diosrö esetätörö amöcuädö, ucuocuätucui Diosrö.

Filipenses 4:6

Koro koronö cuamöcuädätucuä'. 'Cuäopönä Diosrö jä'epö ucuocuätucui. Ja̧'hua̧ta̧nö̧ eseunu ucuocuätucuirö.

1 Timoteo 2:1

Äcuomenä pä'ösä ucuru: O'ca toi'önärö jä'epö ttucuocu'a̧nö̧ ja̧'a̧ Diosrö. Ja̧'hua̧ta̧nö̧ Diosrö eseunu ttucuocu'a̧nö̧ ja̧'a̧ ppädäji amöcuädö.

1 Timoteo 5:16

Yotöte Diosrö esetätö ttahuaruhuä rȩcua̧mö̧rö̧ ku̧nä̧rä̧tö̧mä̧, jitötä ttahuaruhuä rȩcua̧mö̧rö̧ ppättädö'a̧nö̧ ja̧'a̧. Iglesia ruhuä ja̧'hua̧nö̧ huotörö, ttahuaruhuä ku̧nä̧rä̧tö̧rö̧, ppättädö juiyö'a̧nö̧ ja̧'a̧. Iglesia ruhuämä rȩcua̧mö̧ ttahuaruhuä to'ätörötä, iso päi'önä recuä rö̧jä̧u̧ru̧tä̧, ppättädö'a̧nö̧ ja̧'a̧.

1 Timoteo 5:3

Ja̧'hua̧ta̧nö̧ adiu ppä'ädi rȩcua̧mö̧rö̧, iso päi'önä recuä rö̧jä̧u̧ru̧.

2 Timoteo 1:3

Mo̧ro̧'i̧nä̧, yodo'inä Diosrö chucuocuomenä, ucuru eseunu amöcuädösä. Chä̧do̧tö̧ mi̧nä̧ ttesetinäcuru, ttö'inä adiu amöcuädö esetösä.

1 Pedro 3:5

Pä'äji'inä adihuä juäi jȩpö̧ ka̧cui̧nä̧tö̧do nä̧tö̧, Diosrö adiunä esetinätömä. Jahuätömä Diosrö amöcuädinätödo. Ttirecuo hueö'inä jȩpi̧nä̧tö̧do.