1 Timoteo 5:19 - TÄ̧DO Ä̧CUÄ̧ I̧HUȨNȨ

¹⁹ Cuesetätucuä' ancianos huotörö suräjuä huȩnȩ ttucuocuomenä, korotö ta̧ju̧, huämetucuä iso päi'önä topätö jittähuoca'a jo̧mȩnä̧.

Nuevo Testamento Uwotjüja

¹⁹ Igresia-ttü ukuo i̧sa̧rü̧ to'ija̧'a̧ku̧ ttukuokuomȩnä̧mä̧, ta̧ju̧tä̧ ja̧'wa̧nü̧ jo̧ka̧'a̧ttü̧'i̧nä̧ wä̧mȩtukuä ja̧u̧ jȩä̧ji̧ tü'kü ji'äwätü toüttümä̧ kuesetätukuätü.

1 Timoteo 5:19 ပူးပေါင်းရင်းမြစ်များ

San Mateo 18:16

Ja̧'hua̧nö̧ ja̧'a̧nä̧ ucuru ä̧ju̧cu̧ juiyöttömä, ka̧ra̧rö̧'i̧nä̧, ta̧ju̧ru̧'i̧nä̧ o'ipö, pä'äji ta'anö ucuocuirö ocuhuipä̧u̧ ttä'ca jo̧mȩttö̧. Ja̧'hua̧nö̧ jȩcu̧'o̧mȩnä̧, o'ca juiyönä cucuocumä ttä̧ju̧cuä̧cuo̧tö̧ korotö'inä.

San Juan 18:29

Ja̧'hua̧nö̧ ja̧'a̧ttö̧ Pilato u̧mi̧cu̧ rä'oi'ö, jä'epinödo jahuätörö: —Pidemä, ¿däje jȩi̧nä̧ttö̧?

San Juan 8:17

Ucutu huëähuä huȩnȩ päa'a: “Korotö ta̧ju̧nu̧ ji̧nä̧ yo̧mȩtȩ pättomenä, jahuätörö ttesetäcua'a̧nö̧”, päa'a.

Hechos 11:30

Ja̧'hua̧nö̧ jȩpi̧nä̧tö̧do. Bernabérö'inä, Saulorö'inä hue'inätödo ttöäre pärätä ttȩpa̧ pä'ö Jerusalén ötahuiyära̧'a̧, ancianos huotörö ttiya pä'ö.

Hechos 25:16

Jahuätörö pä'inösä: “Romanos ttö̧ja̧ tihueye ä'canä hue'ätöjä huȩnȩtö̧ ucuocuätömä suronä jȩpi̧nö̧ ä'ca jo̧mȩ ttö̧ja̧cua̧ pä'ö. Ju̧huȩnȩ kä̧nö̧ ji'ähuätö suronä jȩi̧nö̧mä̧, ja̧u̧tä̧ ädäta pä'ö. Romanos ttö̧ja̧ tihueye hue'ocotöjä ja̧'a̧tä̧ ka̧ra̧rö̧ cuä'ö tticua pä'ö ja̧'hua̧nö̧ jȩtö̧ juiyönä.”

2 Corintios 13:1

Jitä chi̧'cho̧mȩnä̧, huäbodäcuänä päi'äcua'a ucuturu dodächinömä. Ja̧'hua̧nö̧ ja̧'a̧ttö̧ ta̧ju̧nu̧, huämetucuänö korotö suronä jȩtta̧'a̧ jittähuomenätä, chä̧ju̧cuä̧cua̧sä̧.

1 Timoteo 4:14

Ancianos huotö Diosrö pä̧huä̧ rö̧jo̧mȩnä̧ ucuru mȩ'ö̧ huettina'amä, Dios i̧huȩnȩ jicuhuähua pä'ö, Dios adiu iyinömä cunichi'ä'.

1 Timoteo 5:17

Ancianos huotö adiu ji'äu huo̧juȩtä̧tö̧rö̧'i̧nä̧, iglesia ruhuärö adiu hue'ätörö'inä, ji̧nä̧ isocu adiu tucuotäcua'a̧nö̧.

Tito 1:6

Iso päi'önä anciano hua̧mä̧ adiunätä jȩpö̧ ö̧jä̧cua̧'a̧nö̧. Irecua'inä yajuterötä u̧ju̧nä̧rä̧cua̧'a̧nö̧. I̧tti̧mö̧'i̧nä̧ Diosrö ttesetäcua'a̧nö̧. Jahuätömä suronä jȩttö̧ juiyäcua'a̧nö̧. Ja̧'hua̧ta̧nö̧ ttöarodö juiyäcua'a̧nö̧.

Hebreos 10:28

Ya̧tȩ, ta̧ju̧nu̧, huämetucuänö ttä'ca jo̧mȩttö̧, Moisés hueähuä huȩnȩ jȩpo̧cö̧mä̧, jahuätö jittähuomenä, ja̧u̧ru̧ juhua'a yabonö amöcuädäcuähuä juiyönä cuä'ö tticuinäcudo suronä jȩpi̧nö̧rö̧.