1 Timoteo 5:17 - TÄ̧DO Ä̧CUÄ̧ I̧HUȨNȨ

¹⁷ Ancianos huotö adiu ji'äu huo̧juȩtä̧tö̧rö̧'i̧nä̧, iglesia ruhuärö adiu hue'ätörö'inä, ji̧nä̧ isocu adiu tucuotäcua'a̧nö̧.

Nuevo Testamento Uwotjüja

¹⁷ Igresia-ttü a̧ci̧a̧nu̧ wotü adiu aditätümä̧, todäre jo̧mȩnä̧ mikuä ttȩma̧ pä'ü ja̧'a̧ ji̧nä̧somä̧ Dio i̧wȩnȩ ji'äu wo̧juȩtä̧tü̧rü̧ ja̧'a̧.

1 Timoteo 5:17 ပူးပေါင်းရင်းမြစ်များ

San Mateo 24:25

Pi̧yȩmä̧ täcö ä'canä ji̧'ä̧huä̧rö̧sä̧ ucuturu.

San Lucas 10:7

Jahuätötäcu ji̧nä̧ yodetenä ka̧cuä̧tu̧cui̧. Ja̧'hua̧ta̧nö̧ cuätucui, au'inä ahuätucui jahuätö ttiyötä. Adicuä i̧sa̧ aditähuä micuä ȩmö̧. Korode korodenömä cuä'ä'chätucuä'.

San Lucas 12:42

Tu̧ru̧hua̧ pä'inödo: —¿Dijä̧ttö̧ adiu huo̧ju̧nä̧ adicuä i̧sa̧mä̧? Ja̧u̧mä̧ isode ru̧hua̧ hueipäcu, ojusode ruhuärö ttu̧cuȩ iya pä'ö.

San Juan 4:38

Ucuturu cu̧ju̧nä̧tu̧cuo̧co̧mȩttö̧ secuhuätucua pä'ö hue'äjisä. Korotömä cuä'catucunä ttaditinömä ȩmä̧tö̧jä̧ ucutumä, —pä'inödo Jesús.

Hechos 11:30

Ja̧'hua̧nö̧ jȩpi̧nä̧tö̧do. Bernabérö'inä, Saulorö'inä hue'inätödo ttöäre pärätä ttȩpa̧ pä'ö Jerusalén ötahuiyära̧'a̧, ancianos huotörö ttiya pä'ö.

Hechos 20:35

Ucuturu huo̧juȩti̧nö̧sä̧ rö̧ȩnä̧ taditö'a̧nö̧ ja̧'a̧ usurä isotörö ppätäda pä'ö. Ja̧'hua̧ta̧nö̧ Tu̧ru̧hua̧ Jesús i̧huȩnȩ tamöcuädö'a̧nö̧ ja̧'a̧. Jesús pä'inö: “Ȩmä̧tö̧ttö̧'i̧nä̧ abonänö eseunu ka̧cuä̧tö̧ iyätömä”, —pä'inödo Pablo.

Hechos 28:10

Jahuätö ttö̧ja̧ rö̧ȩnä̧ ujuturu ucuotönö iyinätö. Ja̧u̧nu̧ o'ca'a pä'äji ta'anö huoi'canä tö̧'ä̧mä̧do̧mȩnä̧, ujuturu recuä rö̧jö̧mä̧ iyinätö.

Romanos 12:8

Korotörö ttesehuächi'önä jittähua pä'ö iyinöttömä, adiu jittäu'a̧nö̧ ja̧'a̧. Ya̧tȩ korotörö iyömä, repeäcuähuä juiyönä iyö'a̧nö̧ ja̧'a̧. Ya̧tȩ hue'ömä, o'ca juiyönä ttu̧ȩcuä̧nä̧ hueö'a̧nö̧ ja̧'a̧. Jui'ätörö ppä'ädömä, eseunu ppädö'a̧nö̧ ja̧'a̧.

Romanos 15:27

Ja̧'hua̧nö̧ jitötä amöcuädinätö adiu'a̧nö̧ ji̧na̧'a̧do ttamöcuädomenä. Ja̧'hua̧nö̧ ja̧'a̧ttö̧ iso päi'önä ppättädö'a̧nö̧ ja̧'a̧. Ja̧'hua̧ta̧nö̧ jitörö judíos ttö̧ja̧rö̧ ppättädö'a̧nö̧ ja̧'a̧ pi̧jä̧ jähuänä, koro juäi ttu̧ju̧nä̧rö̧mä̧, judíos ttö̧ja̧ judíos huocotörö ppättädinö ta'anö Dios jähuänä.

Romanos 16:12

Te'ähuätucui Trifenarö'inä, Trifosarö'inä, Tu̧ru̧hua̧ aditähuä ppä'ädö aditätörö. Ja̧'hua̧ta̧nö̧ te'ähuätucui adihuä töjähuaju Pérsidarö, rö̧ȩnä̧ aditinäjuru Tu̧ru̧hua̧ aditähuä.

1 Corintios 15:10

Juhuorö'inä Dios ttörö ppäda'attö, o'ca juiyönä jȩchö̧mä̧ jȩpö̧sä̧. Ja̧'hua̧ta̧nö̧ Diosrö pä̧huä̧ rö̧jo̧mȩnä̧ jȩpö̧sä̧. Ja̧'hua̧nö̧ ja̧'a̧nä̧ korotö Jesús hue'ähuotöttö'inä abonänö rö̧ȩnä̧ aditinösä. Juhuorö'inä ttötä chamönä jȩcho̧ca̧'a̧nä̧, Dios ppädomenätä jȩpi̧nö̧sä̧.

1 Corintios 16:16

Ucuturu ji'äusä iso päi'önä jahuätö'inä, korotö jahuätöcu aditätö'inä ttu̧huo̧juȩtö̧mä̧ adiu jȩcu̧'ä̧tu̧cua̧ pä'ö.

1 Corintios 3:9

Ujutumä ji̧nä̧ yo̧mȩtȩ aditätöjä Dios hueähuä. Ja̧'hua̧ta̧nö̧ rȩjȩ ttadita'a jä̧'i̧nö̧'a̧nö̧, ucuturu aditö Dios. Ja̧'hua̧ta̧nö̧ isode ttadita'a jä̧'i̧nö̧'a̧nö̧, ucuturu aditö Dios.

2 Corintios 6:1

Jitämä Dios aditähuä ji̧nä̧ yo̧mȩtȩ tadita'attö, pä'ätöjä ucuturu, “Dios adihuä juäi iyinömä, jarocuhui'ätucuä'”.

Gálatas 6:6

Ya̧tȩ adihuä juäi huȩnȩ ä̧ju̧cu̧mä̧, churutä huo̧juȩtö̧rö̧ ppä'ädö iyö'a̧nö̧ ja̧'a̧ koro juäi u̧ju̧nä̧rö̧ juäittö.

Filipenses 2:29

Iso päi'önä Tu̧ru̧hua̧nä̧ tö̧jä̧hua̧rö̧ esehuätucui i̧rȩbȩhuo̧mȩnä̧. Chutä ö̧jö̧ ta'anö ka̧cuä̧tö̧rö̧ 'cuäopönä eseunu amöcuädätucui.

Filipenses 4:3

Ucuru'inä chu̧mö̧huä̧ya̧ adiu jȩpi̧nö̧rö̧, ji'äusä jahuätörö, tö̧jä̧hua̧tö̧rö̧, ppäcuhuäda pä'ö. Jahuätö adiu aditinätö ttöcu, ttö̧ja̧ suronä jȩttö̧ jȩpö̧ icu huȩnȩ ji'äu. Ja̧'hua̧ta̧nö̧ Clementecu, korotöcu ji̧nä̧ yo̧mȩtȩ aditinätöjä. Jahuätö tti̧mi̧mä̧ huȩyu̧cua̧'a̧ ka̧'a̧ kä̧cuä̧huä̧ i'co cuyäru'tänä.

1 Timoteo 3:5

Ja̧u̧mä̧ i̧tti̧mö̧rö̧'i̧nä̧, ahuaruhuärö'inä tta̧huä̧rä̧cuä̧huä̧nä̧ ieruttumä, ¿tta̧'a̧nö̧ tta̧huä̧rä̧cua̧'a̧jä̧ttö̧ Diosrö esetätörö?

1 Timoteo 4:10

Ja̧'hua̧nö̧ ja̧'a̧ttö̧ pi̧yȩ amöcuädö, aditätöjä Dios i̧huȩnȩ. Ja̧'hua̧ta̧nö̧ ubara ttu'ätöjä. Ujutumä Dios kö̧rö̧, o'ca toi'önä ja̧u̧ru̧ esetätö Tu̧ru̧hua̧rö̧, esetö tta̧'ä̧rä̧tö̧jä̧.

1 Timoteo 4:14

Ancianos huotö Diosrö pä̧huä̧ rö̧jo̧mȩnä̧ ucuru mȩ'ö̧ huettina'amä, Dios i̧huȩnȩ jicuhuähua pä'ö, Dios adiu iyinömä cunichi'ä'.

1 Timoteo 4:16

Ucuhuätä cuamönä cu̧ju̧'i̧nä̧, cu̧huo̧juȩtö̧'i̧nä̧ ttu̧'ȩpä̧rö̧nö̧ kä̧hui̧. O'ca juiyönä adiunätä jȩpi̧. Ja̧'hua̧nö̧ jȩcu̧'o̧mȩnä̧, ucu suronä jȩcu̧'u̧'i̧nä̧, ucu cu̧huo̧juȩto̧mȩnä̧ ä̧ju̧cuä̧tö̧ suronä jȩttö̧'i̧nä̧ jȩpö̧ i̧cuä̧cua̧ Dios.

1 Timoteo 4:6

Tö̧jä̧hua̧tö̧rö̧ pi̧yȩ huȩnȩ cu̧huo̧juȩto̧mȩnä̧, adiu jȩpö̧jä̧ Jesucristo hueähuä. Ja̧'hua̧ta̧nö̧ cuesetinö'inä, ucuru ttu̧huo̧juȩti̧nö̧'i̧nä̧ jȩcu̧'i̧nö̧ ta'anö jȩcu̧'o̧mȩnä̧, juhua'a yabonö cu̧ju̧ru̧huä̧cua̧jä̧.

1 Timoteo 5:19

Cuesetätucuä' ancianos huotörö suräjuä huȩnȩ ttucuocuomenä, korotö ta̧ju̧, huämetucuä iso päi'önä topätö jittähuoca'a jo̧mȩnä̧.

1 Timoteo 5:3

Ja̧'hua̧ta̧nö̧ adiu ppä'ädi rȩcua̧mö̧rö̧, iso päi'önä recuä rö̧jä̧u̧ru̧.

2 Timoteo 2:6

Ja̧'hua̧ta̧nö̧ ya̧tȩ cuähuä ku̧nu̧mä̧ ä'canä u̧ju̧ni̧nö̧ttö̧ cu.

2 Timoteo 4:2

'Cuäopönä ji'ähui pi̧yȩ huȩnȩ. Ttä̧ju̧cuo̧mȩnä̧'i̧nä̧, ttä̧ju̧cuo̧co̧mȩnä̧'i̧nä̧ ji'ähui. Korotörö tä̧bo̧tö̧ ji'ähui. Cuami 'qui'ächi'ö kä̧nö̧, adiu huo̧juȩti̧.

Hebreos 13:17

Ucuturu huo̧juȩtä̧tö̧ pättö ta'anö, adiu jȩpä̧tu̧cui̧. Jahuätörö ucuotätucui. Jahuätö ucutu cua̧'cua̧ru̧hua̧tu̧cu̧ tta̧'ä̧rä̧tö̧do. Jahuätömä ucuturu tta̧ttä̧ro̧mȩnä̧, Dios to̧pä̧rö̧ jahuätörö. Jahuätö ttaditähuä, tta̧'cua̧ tta̧'ȩcu̧ juiyönä, adiunätä räopa pä'ö ppä'ädätucui. Tta̧'cua̧ tta̧'ȩcu̧nu̧ jȩttö̧ttö̧mä̧, ucuturu'inä adihuoca'ado.

Hebreos 13:24

Ucuturu huo̧juȩtä̧tö̧rö̧ o'ca toi'önärö'inä, o'ca toi'önä esetätörö'inä te'ähuätucui. Italia rȩjȩnä̧ ka̧cuä̧tö̧ ucuturu te'ähuätödo.

Hebreos 13:7

Ucuturu huo̧juȩtö̧ ppä'ädinätörö'inä, Dios i̧huȩnȩ ucuturu ji'ähuinätörö'inä cunichi'ätucuä'. Jahuätö ttö̧ji̧nö̧'a̧nö̧ amöcuädätucui. Ja̧'hua̧ta̧nö̧ jahuätö ttesetinö'a̧nö̧ esetö ka̧cuä̧tu̧cui̧.