1 Timoteo 5:13 - TÄ̧DO Ä̧CUÄ̧ I̧HUȨNȨ

¹³ Ja̧'hua̧nö̧ jȩpö̧ korode korodenö cuettächomenä, ji̧nä̧ isocu ttötähuächäcuotö. Ja̧'hua̧nö̧ ötähuächö kä̧nö̧, amönä yapareu huȩnȩtä̧ ttucuocuäcuotö, ttucuocu juiyö'a̧nö̧ jö̧ juäi.

Nuevo Testamento Uwotjüja

¹³ Ja̧'wa̧ta̧nü̧ odewiyä kkorode pünä̧ kue'ächätü, ja̧'wa̧nü̧ kue'ächü ütäwächätü; suro ja̧u̧tä̧mä̧kü̧ suräjuei wȩnȩ'i̧nä̧ ukuokuätü ja̧'wa̧ta̧nü̧ kkorotü jäwänä̧ mȩ'o̧pä̧rü̧ ttukuoku juiyü'anü̧ jü̧ ukuokuätü.

1 Timoteo 5:13 ပူးပေါင်းရင်းမြစ်များ

San Lucas 10:7

Jahuätötäcu ji̧nä̧ yodetenä ka̧cuä̧tu̧cui̧. Ja̧'hua̧ta̧nö̧ cuätucui, au'inä ahuätucui jahuätö ttiyötä. Adicuä i̧sa̧ aditähuä micuä ȩmö̧. Korode korodenömä cuä'ä'chätucuä'.

Hechos 20:20

Ucuturu adiu ppä'ädö o'ca juiyönä ji'ähuinösä, ku̧ni̧cuä̧ juiyönä. Ucuturu huo̧juȩti̧nö̧sä̧ o'ca toi'önä ttä'ca jo̧mȩttö̧'i̧nä̧, cuojuodehuiyätucunä'inä.

Hechos 20:30

Ja̧'hua̧ta̧nö̧ ucututtu yotöcunä yapareu huȩnȩ ttu̧huo̧juȩtä̧cuo̧tö̧, Jesucristorö esetätömä jahuätörö tteseta pä'ö.

1 Timoteo 5:12

Ja̧'hua̧nö̧ jȩtto̧mȩnä̧, äcuomenä ttamöcuädö jarotti'omenä, korotö suronä ucuocuätö jahuätörö.

Tito 1:11

Ja̧'hua̧nö̧ ttucuocuomenä, ttö'coruchi'a pä'ö huettä̧u̧. Jahuätörö ä̧ju̧cu̧, recuätömä ttamönä ttahuaruhuäcu rohuähuätö. Jahuätömä yapareu huo̧juȩtä̧tö̧ pärätä ttȩma̧ pä'ö.

Santiago 3:10

Jahuäyä ttänä räopa'a adiu ucuocuäcuähuä'inä, suronä ucuocuäcuähuä'inä. Ja̧'hua̧nö̧mä̧ jȩttö̧ juiyö'a̧nö̧ ja̧'a̧, chö̧jä̧hua̧tö̧.

1 Pedro 4:15

Ucutu ubara ttucuhuätucuttumä, ttö̧ja̧rö̧ cuä'ö icu'a̧nö̧ hua̧'i̧nä̧, nä̧u̧cuä̧rö̧ ö̧jö̧'a̧nö̧'i̧nä̧, koro suronä jȩttö̧'a̧nö̧'i̧nä̧ ubara ttuttu ta'anö, ubara ttucuhuätucu juiya pä'ösä ucutumä.

3 Juan 1:10

Ucuturu ttö do'ächö chichöttömä, o'ca juiyönä jȩö̧'i̧nä̧, ujuturu amönä yapareu jiäu'inä ji̧dä̧huä̧cua̧sä̧. Ja̧'hua̧ta̧nö̧ Tu̧ru̧hua̧ Jesucristo i̧huȩnȩ ji'ähuätörö ppä'ädocö. Ja̧'hua̧ta̧nö̧ ppättäda pä'ätörö ppäcuhuädätucuä' pä'ö ro̧'ȩpo̧'ä̧rö̧. Ju̧hȩnȩ yabonä'inä 'quȩ'ȩpö̧ icuatö pä'inö.