1 Timoteo 4:7 - TÄ̧DO Ä̧CUÄ̧ I̧HUȨNȨ

⁷ Ja̧'hua̧nö̧ ja̧'a̧nä̧ täbo huȩnȩ, amönä ttucuocu huȩnȩ, cuamöcuädä'. Dios i̧huȩnȩtä̧ amöcuädö kä̧hui̧.

Nuevo Testamento Uwotjüja

⁷ Ja̧'wa̧nü̧ ja̧'a̧nä̧ täbokü jäwä, Dio-rü esetokotü, tta̧mü̧kuädü jui'ätü jittäumä̧ kuesetä. Ja̧u̧ ja̧jü̧jueimä̧, rȩrü̧jü̧ toäkuäwänä̧ yaboku juruwächi'i;

1 Timoteo 4:7 ပူးပေါင်းရင်းမြစ်များ

Hechos 24:16

Adiu jȩpö̧sä̧ Dios ä'ca jo̧mȩttö̧'i̧nä̧, ttö̧ja̧ ttä'ca jo̧mȩttö̧'i̧nä̧ cha̧'cua̧ eseu chö̧ja̧ pä'ö 'cuäopönä, suronä amöcuädäcuähuä juiyönä.

1 Timoteo 1:4

Huo̧juȩti̧tö̧ täbo huȩnȩ, ttä̧do̧tö̧ mi̧nä̧ ttö̧ja̧cui̧nö̧ huȩnȩ, beipächocö huȩnȩ, ttucuocu juiyäcua'a̧nö̧. Ja̧u̧ huȩnȩ ucuocu yoröiso micuähuocö. Ja̧u̧ huȩnȩ ucuocu Diosrö pä̧huä̧ rö̧jö̧mä̧ ucuocuäcuähuocö. Diosrö esetötä churutä pä̧huä̧ rö̧jo̧mȩnä̧tä̧ ucuocuäcuähuä.

1 Timoteo 1:9

Ja̧'hua̧ta̧nö̧ ujutu huo̧juä̧tö̧jä̧, hueähuä huȩnȩ adiu jȩpä̧tö̧rö̧ hueähuocö. Ja̧'hua̧nö̧ ja̧'a̧nä̧ hueähuä huȩnȩ huea'a ja̧u̧ huȩnȩ jarode'ätörö, ja̧u̧ huȩnȩ jȩpo̧co̧tö̧rö̧. Ja̧'hua̧ta̧nö̧ suronä jȩpä̧tö̧rö̧, Diosrö esetocotörö, ttä'orö'inä, tta̧ju̧ru̧'i̧nä̧ cuä'ö icuätörö, korotö ttö̧ja̧rö̧ cuä'ö icuätörö huea'a.

1 Timoteo 2:10

Pärocua'acu nä̧tö̧'i̧nä̧ Diosrö esetätö jȩttö̧'a̧nö̧ adiunätä jȩttä̧cua̧'a̧nö̧.

1 Timoteo 3:16

Iso päi'önä ujutu huo̧juä̧tö̧jä̧ Dios i̧huȩnȩ, pä'äji ttieruhuinö huȩnȩ, iso päi'önä adihuä huȩnȩ ja̧'a̧. Dios pi̧jä̧ra̧'a̧ ichinödo ujutu jö̧ ta'anö hua̧. Espíritu Santo i̧jȩcui̧nä̧cu̧do adihuä i̧sa̧ ja̧'a̧ttö̧. Angeles topinätödo ja̧u̧ru̧. O'ca toi'önä pa̧ja̧cuä̧chö̧nä̧ ä̧ju̧cui̧nä̧tö̧do ja̧u̧ru̧. Pi̧jä̧ pa̧ja̧cu̧nä̧ esetinätödo ja̧u̧ru̧. Mo̧ro̧jä̧ra̧'a̧ cä'ecuächinödo.

1 Timoteo 4:8

Jättäpäyotö jähuä jȩto̧mȩnä̧, ji̧'qui̧cha̧nö̧tä̧ micuähua'a. Ja̧'hua̧nö̧ ja̧'a̧nä̧ Dios i̧huȩnȩtä̧ amöcuädö kä̧cuä̧huä̧nä̧, o'ca juiyönä adiu micuähua'a, jitä tö̧jö̧'i̧nä̧, yodoji tö̧jä̧cuȩ'i̧nä̧ ppäda'attö.

1 Timoteo 6:11

Ja̧'hua̧nö̧ ja̧'a̧nä̧ ucu Dios huȩ'ä̧hua̧jä̧. Ja̧u̧ juäi surojöttö tö'ipächi. Adihuä juäitä jȩpö̧ kä̧hui̧. Diosrötä eseunu ucuocui. Adiu eseti. Cuahuaruhuärö repe'i. Cuami 'qui'ächi'ö kä̧hui̧. Korotörö adiu amöcuädö kä̧hui̧.

1 Timoteo 6:20

Ucu Timoteo, ucuru jidähuäjimä adiu tta̧'ä̧rä̧cuä̧hui̧. Pi̧jä̧ jähuä amönä ttucuocu huȩnȩ cuesetä'. Pi̧jä̧ jähuä yapareu huo̧juä̧huä̧ cuesetä'.

1 Timoteo 6:3

Ya̧tȩ koro huȩnȩ, adihuä huȩnȩ, Tu̧ru̧hua̧ Jesucristo i̧huȩnȩ, ujutu tu̧huo̧juȩtö̧ huȩnȩttö̧'i̧nä̧ i̧mi̧cu̧nä̧ jiäuttumä, jerupö a'cuoyäunu ji'äu. Rohuä huȩnȩtä̧ ucuocuäcuähuä kö̧'ca̧. Ja̧u̧ huȩnȩttö̧ räopa'a a'cuoyähuäcuähuä'inä, curä huȩnȩ'i̧nä̧, ttahuaruhuärö suronä ucuocuäcuähuä'inä, suronä amöcuädäcuähuä'inä.

1 Timoteo 6:5

Ja̧'hua̧ta̧nö̧ u̧mä̧tö̧ rohuähuätö korotö u̧mä̧tö̧cu̧. Jahuätömä yoröiso adiu amöcuädocotö. Iso päi'önä huȩnȩ päö'a̧nö̧ jȩpo̧co̧tö̧. Jahuätö amöcuädätö järe ȩmä̧huä̧ huȩnȩcö̧ pä'ö Dios i̧huȩnȩmä̧. Jahuätöttö 'quȩ'i̧pä̧chi̧.

2 Timoteo 2:16

Amönä huȩnȩ, micuähuocö huȩnȩ, ttucuocuomenä, 'quȩ'i̧pä̧chi̧. Ja̧'hua̧nö̧ ucuocuätömä, juhua'a yabocu suronä jȩpä̧tö̧.

2 Timoteo 2:23

Ja̧'hua̧ta̧nö̧ amönä huȩnȩ ttucuocuomenä, cucuocuä'. Täcö huo̧jua̧jä̧, ja̧'hua̧nö̧ ttucuocuomenä, ttahuaruhuärö ra̧huä̧rä̧tö̧.

2 Timoteo 3:12

Iso päi'önä o'ca toi'önä Cristo Jesúsru adiu esetö ttö̧ja̧cua̧ pä'ätömä, jahuätörö suronä jȩtto̧mȩnä̧, ubara ttuttäcuotö.

2 Timoteo 3:5

Dios i̧huȩnȩ esetätöjä pätta'anä, Dios i̧huȩnȩ ujuru ttä̧ppö̧tä̧rä̧cuo̧tö̧. Ja̧'hua̧nö̧ jȩpä̧tö̧ttö̧ 'quȩ'i̧pä̧chi̧.

2 Timoteo 4:4

Jahuätö adihuä huȩnȩ jarotti'äcuotö. Täbo huȩnȩ, amönä huȩnȩtä̧, ttesetäcuotö.

Tito 1:14

Huo̧juȩti̧tö̧ judíos ttö̧ja̧ amönä jittäu huȩnȩ ttesetö juiyäcua'a̧nö̧. Ja̧'hua̧ta̧nö̧ Dios i̧huȩnȩ esetocotö hueähuä jȩttö̧ juiyäcua'a̧nö̧.

Tito 2:12

Ja̧u̧ Dios ppädäcuähuä ujuturu huo̧juȩta̧'a̧ churutä esetö kä̧nö̧, pi̧jä̧ jähuä jaroti'a pä'ö. Ja̧'hua̧ta̧nö̧ ta̧'cua̧ pö̧nö̧, adiunätä jȩpö̧ Diosrö tamöcuäda pä'ö huo̧juȩta̧'a̧.

Tito 3:9

Ja̧'hua̧nö̧ ja̧'a̧nä̧ ttö̧ja̧ amönä ttucuocu huȩnȩ'i̧nä̧, tä̧do̧tö̧ mi̧nä̧ ttö̧ji̧nö̧ ttucuocu huȩnȩ'i̧nä̧ cucuocuä'. Ja̧'hua̧ta̧nö̧ ttahuaruhuärö ra̧huä̧rö̧ ttucuocu huȩnȩ'i̧nä̧, Moisés hueähuä huȩnȩ ttucuocu huȩnȩ'i̧nä̧ cucuocuä' Tito. Ja̧u̧mä̧ yoröiso micuähuocö huȩnȩ ja̧'a̧.

Hebreos 5:14

Ja̧'hua̧nö̧ ja̧'a̧nä̧ adihuä juäi cuäcuähuämä, tä̧mö̧tä̧ ttucudo. Jahuätömä ja̧u̧ cuäcuähuä ttucuina'attö, adiunä'inä, surojö'inä huo̧juä̧tö̧do.