1 Timoteo 4:4 - TÄ̧DO Ä̧CUÄ̧ I̧HUȨNȨ

⁴ O'ca juiyönä Dios aditinö adiu. Ujutumä koro juo̧'a̧rö̧ “Su̧ro̧pa̧rö̧mä̧ cuocösä” pätö juiyö'a̧nö̧ ja̧'a̧. Diosrö eseunu ucuocu ȩmö̧ tucu'a̧nö̧ ja̧'a̧.

Nuevo Testamento Uwotjüja

⁴ Ja̧'wa̧ta̧nü̧ o'kajuiyünä̧ Dio aditinü̧mä̧ adiwäjuei ja̧'a̧; Jua'atäku pi̧yȩmä̧ surojü pä'ü yatokuoka'a Dio-rü eseu tukuttümä̧.

1 Timoteo 4:4 ပူးပေါင်းရင်းမြစ်များ

Hechos 10:15

Ja̧'hua̧nö̧ ja̧'a̧ pä'äji ta'anö ucuocua'a ä̧ju̧cui̧nö̧do Pedromä: —Idicu päcuhuä' Dios aditinömä.

Hechos 15:29

Koro juäi cuäcuähuä, korotö Dios a̧'u̧cuä̧ ä'ca jo̧mȩ iyähuämä, cucuätucuä'. Isotö ttucuoja'inä, nu̧'ä̧hua̧rö̧'i̧nä̧ cucuätucuä'. Ucutu cuirecua pocojucu suronä jȩcu̧'ä̧tu̧cu̧ä̧'. Ja̧u̧ jȩä̧cuä̧huä̧ jȩcu̧'ä̧tu̧cu̧ juiyöttömä, adiu jȩpä̧tö̧jä̧. Täcö pi̧yȩtä̧ hue'ätöjä ucuturu.”

Hechos 21:25

Ja̧'hua̧nö̧ ja̧'a̧nä̧ judíos huocotöttö Jesucristorö esetätörö cuyäru isojä huȩyu̧tu̧ hue'inätöjä. Ji'ähuinätöjä ujutu tamöcuädömä. Ji̧yȩä̧cuȩtä̧ koro juäi cuäcuähuä korotö ttä̧do̧ ä̧cua̧ a̧'u̧cuä̧ ä'ca jo̧mȩ iyähuämä, ttucu juiyö'a̧nö̧ ja̧'a̧. Isotö ttucuoja'inä nu̧'ä̧hua̧rö̧'i̧nä̧ ttucu juiyö'a̧nö̧ ja̧'a̧. Ja̧'hua̧ta̧nö̧ ya̧tȩ chutä irecua pocojucu suronä jȩä̧'chö̧ juiyö'a̧nö̧ ja̧'a̧, —pä'inätödo ancianos huotö.

Romanos 14:14

Ttö huo̧jua̧sä̧ koro juäi yoröiso juiya'a iditö icumä. Ttö Chu̧ru̧hua̧ Jesucristorö cheseta'attö, ja̧'hua̧nö̧ huo̧jua̧sä̧. Ja̧'hua̧nö̧ ja̧'a̧nä̧ korotömä pi̧yȩmä̧ iditö icudo pä'ö ttamöcuädöttömä, jahuätörö surojö ja̧'a̧.

Romanos 14:20

Surojuocuhue'ätucuä' Dios aditähuämä cu̧cuȩtu̧cu̧nä̧. Iso päi'önä cuäcuähuämä o'ca juiyönä adihua'a. Ja̧'hua̧nö̧ ja̧'a̧nä̧ koro juäi tucuomenä, korotö ujuturu topö surojuottepöttömä suroja'a.

Romanos 14:6

Korotö ttu̧ȩcuä̧nä̧ ka̧cuä̧tö̧ ja̧u̧ juäi mo̧ro̧, koro juäi'inä aditocotö, Ttu̧ru̧hua̧rö̧ ucuotö. Ja̧'hua̧ta̧nö̧ korotö o'ca juiyönä mo̧ro̧ yorätehua'a amöcuädätö'inä, Ttu̧ru̧hua̧rö̧ ucuotätö. O'ca juiyönä cuätömä, Ttu̧ru̧hua̧rö̧ tta̧'cua̧ huȩnä̧rö̧nö̧ cuätö, Diosrö eseunu ucuocu. Ja̧'hua̧ta̧nö̧ o'ca juiyönä cuocotö'inä, Ttu̧ru̧hua̧rö̧ tta̧'cua̧ huȩnä̧rö̧nö̧ cuocotö, Diosrö eseunu ucuocu.

1 Corintios 10:23

Iso päi'önä pättö huȩnȩ päa'a: “Ya̧tȩ chutä amöcuädö jȩö̧'a̧nö̧ ja̧'a̧.” Juhuorö'inä o'ca juiyönä jȩö̧ttö̧mä̧ adihuoca'a. Ya̧tȩ o'ca juiyönä chutä amöcuädö jȩö̧'a̧nö̧ ja̧'a̧to. Ja̧'hua̧nö̧ jȩo̧mȩnä̧, o'ca juiyönä ppädoca'ato.

1 Corintios 10:25

O'ca juiyönä idepä ttiyomettö, ȩmö̧ cuätucui, koro amöcuädö jäcuhue'ätucuoca'a.

1 Corintios 10:26

O'ca juiyönä pi̧jä̧'i̧nä̧, pi̧jä̧nä̧ ka̧cu̧'i̧nä̧ Tu̧ru̧hua̧ jähuä ja̧'a̧.

1 Corintios 10:30

Ttö koro juäi cuä̧nö̧, Diosrö eseunu chucuocuttumä, ¿tta̧'a̧nö̧ pä'ö suronä ttucuocua'ajä̧ttö̧ ttörömä?

1 Timoteo 4:3

Jahuätömä ttirecuarö ttȩma̧ pä'ö hue'ocotö ttäcuotö. Ja̧'hua̧ta̧nö̧ koro juo̧'a̧ idepä'inä ttucu juiyönä pättäcuotö. Ja̧'hua̧nö̧ pätta'anä, Dios o'ca juiyönä aditinö churu esetätömä, iso päi'önä huȩnȩ esetätömä, Diosrö eseunu ucuocu ttucua pä'ö.