1 Timoteo 3:7 - TÄ̧DO Ä̧CUÄ̧ I̧HUȨNȨ

⁷ Ja̧'hua̧ta̧nö̧ Diosrö esetocotö ttä'ca jo̧mȩ adiu ö̧jä̧cua̧'a̧nö̧, suronä ttucuocu juiyarö pä'ö, ähuettä'inä suronä jȩö̧ juiyarö pä'ö.

Nuevo Testamento Uwotjüja

⁷ Ja̧'wa̧ta̧nü̧ ttü̧ja̧ Dio-rü esetokotü'i̧nä̧ ttukuotäkuttü, dä'ä ttuäwänä̧'i̧nä̧, kkoro äwettä kka̧kuä̧mȩ'ü̧ toünä̧'i̧nä̧ ma̧ä̧chü̧ juiyäkua'anü̧.

1 Timoteo 3:7 ပူးပေါင်းရင်းမြစ်များ

San Marcos 4:11

Jahuätörö pä'inödo: —Dios iyinödo ucuturu Dios Cu̧ru̧hua̧ päi'önä ö̧jä̧cuȩ huȩnȩ, ttö̧ja̧ ttieru huȩnȩ, cu̧huo̧juä̧tu̧cua̧ pä'ö. Ja̧'hua̧nö̧ ja̧'a̧nä̧ u̧mi̧nä̧ ka̧cuä̧tö̧rö̧, o'ca juiyönä koro juäi jä̧'i̧nö̧'a̧nö̧ jö̧ huȩnȩnä̧ jidäu'a̧nö̧ ja̧'a̧.

Hechos 10:22

Ja̧'hua̧nö̧ ja̧'a̧ u̧mä̧tö̧ ädätinätödo: —Su̧ro̧da̧u̧ ttu̧ru̧hua̧ Cornelio ujuturu hue'äji. Chutä adihuä i̧sa̧ ja̧'a̧ttö̧, Diosrö ye'ecu. Judíos ttö̧ja̧ o'ca toi'önä ja̧u̧ru̧ adiu ucuotätö. Ya̧tȩ ángel, Dios huȩ'ä̧hua̧, ja̧u̧ru̧ ji'ähuäji huea pä'ö ucu cui̧'cha̧ pä'ö ojusodera̧'a̧, jicuhuähua'a ä̧ju̧cua̧ pä'ö.

Hechos 22:12

“Ju̧huȩnȩtä̧ ki̧nö̧ ya̧tȩ Ananías pä'ö mi̧cua̧. Ja̧u̧ Moisés hueähuä huȩnȩ päö'a̧nö̧ adiu jȩpi̧nö̧. “Ananías adiu jȩpö̧ kö̧”, pä'inätö o'ca toi'önä judíos ttö̧ja̧ Damasco ötahuiyänä ka̧cuä̧tö̧mä̧.

Hechos 6:3

Ja̧'hua̧nö̧ ja̧'a̧ttö̧ chö̧jä̧hua̧tö̧, ucututtu ko̧ro̧mö̧ttö̧nö̧ ta̧ju̧ru̧ u̧mä̧tö̧rö̧ ȩmä̧tu̧cui̧. Ucututtu korotö adiu ucuocuätörö, Espíritu Santo hueomenä huo̧ju̧nä̧ jȩpä̧tö̧rö̧ ȩmä̧tu̧cui̧, jahuätörö ttaditähuä tiyatö.

1 Corintios 10:32

Korotömä judíos ttö̧ja̧'i̧nä̧, judíos huocotö'inä, Diosrö esetätö'inä ttä'ca jo̧mȩttö̧ suronä jȩcu̧'ä̧tu̧cuä̧', jahuätö'inä suronä jȩcu̧'ä̧tu̧cua̧'a̧ topi'ö'cotö suronä jȩtta̧'a̧cu̧.

1 Corintios 5:12

Ttömä iso päi'önä pä'ocösä korotörö, Diosrö esetocotörö. Diosrö esetätörötä pä'ätöjä ucutumä.

2 Corintios 6:3

Korotömä ujutu taditomenä, suronä ttucuocua pä'ö, yoröiso koro koronö jȩpo̧co̧tö̧jä̧.

2 Corintios 8:21

O'ca juiyönä uhuäunä jȩta̧ pä'ätöjä Tu̧ru̧hua̧ ä'ca jo̧mȩttö̧'i̧nä̧, pi̧jä̧ ttö̧ja̧ ttä'ca jo̧mȩttö̧'i̧nä̧.

Colosenses 4:5

Jueönä ka̧cuä̧tu̧cui̧ Diosrö esetocotö ttä'ca jo̧mȩttö̧, 'cuäopönä ucuocu jahuätörö ttesetäcua'a̧nö̧.

1 Tesalonicenses 4:12

Ja̧'hua̧nö̧ jȩpö̧ cu̧ja̧cuä̧tu̧cuo̧mȩnä̧, Diosrö esetocotö ttucuotäcuotö ucuturu. Ja̧'hua̧ta̧nö̧ ucuturutä recuä rö̧jö̧mä̧, mippoönä jä'epocotöjä korotörö.

1 Tesalonicenses 5:22

O'ca juiyönä surojöttö rä'opächätucui.

1 Timoteo 3:6

Jareönä esetömä tta̧huä̧rä̧cuä̧huä̧ i̧sa̧ päi'önä ko̧cö̧. Ja̧'hua̧nö̧ jareönä esetö ö̧jö̧ttö̧mä̧, korotöttö'inä abonänö huo̧jua̧sä̧ pä'ö amöcuädäu'a̧nö̧ ja̧'a̧. Ja̧'hua̧nö̧ jȩpö̧ amöcuädöttömä, Dios ähuettärö ö̧tä̧bo̧ti̧nö̧ ta'anö, ö̧tä̧bo̧tä̧cua̧ ja̧u̧ru̧.

1 Timoteo 5:14

Ja̧'hua̧nö̧ ja̧'a̧ttö̧ ttö pä'ösä rȩcua̧mö̧ möäyotörö, ttirecuorö ttȩmä̧cua̧'a̧nö̧. Tti̧tti̧mö̧rö̧ ttu̧ju̧nä̧rä̧cua̧'a̧nö̧. Ttojusodenä'inä adiu tta̧ttä̧rä̧cua̧'a̧nö̧. Ja̧'hua̧nö̧ adiu jȩtto̧mȩnä̧, ttaboiyotömä suronä ucuocuocotö jahuätörö.

1 Timoteo 6:9

Iso päi'önä yotöte järe rö̧ȩnä̧ amöcuädätömä, Diosrö ttamöcuädoca'attö, suronä jȩpä̧tö̧. Jitötä ttamönä jähuä amöcuädö jȩpä̧tö̧. Ja̧'hua̧nö̧ jȩpö̧ kä̧nö̧, ttamönä be'ipächätö.

2 Timoteo 2:26

Ja̧'hua̧ta̧nö̧ ähuettärö jaropi'ö ttö̧ji̧pa̧ pä'ö tta̧'ä̧rö̧. Jahuätömä ähuettäcu cuettächa'attö, ähuettä hueö jȩpä̧tö̧.

Tito 2:5

Ja̧'hua̧ta̧nö̧ nä̧tö̧ möäyotö adiu tta̧'cua̧ pö̧nö̧ ttö̧jä̧cua̧'a̧nö̧. Jahuätömä suronä ttamöcuädö juiyäcua'a̧nö̧. Ttojusodettö ttaditähuä ttaditäcua'a̧nö̧. Ttahuaruhuärö ppättädäcua'a̧nö̧. Ja̧'hua̧ta̧nö̧ ttirecuo hueötä jȩttä̧cua̧'a̧nö̧. Ja̧'hua̧nö̧ jȩttö̧ttö̧mä̧, korotömä Dios i̧huȩnȩ suronä pä'ö ucuocuocotö.

Tito 2:8

Ucu cu̧huo̧juȩtö̧mä̧ huäjunä huo̧juȩti̧ korotö suronä ttucuocu juiyäcua'a̧nö̧. Ja̧'hua̧nö̧ huäjunä cu̧huo̧juȩtö̧ttö̧mä̧, dä'ättö ucuru suronä ucuocuocotö ttäcuotö.

3 Juan 1:12

O'ca toi'önä adiu ji'ähuätö Demetriorö. Iso päi'önä huȩnȩ päö'a̧nö̧ jȩpö̧ kö̧. Ujutu'inä Demetrio adiu jȩpö̧ pä'ö ji'ähuätöjä. Jitäumä iso päi'önä huȩnȩ ja̧'a̧, ucutu huo̧juä̧tö̧jä̧.