1 Timoteo 1:4 - TÄ̧DO Ä̧CUÄ̧ I̧HUȨNȨ

⁴ Huo̧juȩti̧tö̧ täbo huȩnȩ, ttä̧do̧tö̧ mi̧nä̧ ttö̧ja̧cui̧nö̧ huȩnȩ, beipächocö huȩnȩ, ttucuocu juiyäcua'a̧nö̧. Ja̧u̧ huȩnȩ ucuocu yoröiso micuähuocö. Ja̧u̧ huȩnȩ ucuocu Diosrö pä̧huä̧ rö̧jö̧mä̧ ucuocuäcuähuocö. Diosrö esetötä churutä pä̧huä̧ rö̧jo̧mȩnä̧tä̧ ucuocuäcuähuä.

Nuevo Testamento Uwotjüja

⁴ täbokü wȩnȩ, tä̧do̧tü̧ mi̧nä̧ ttü̧ja̧kui̧nü̧ wȩnȩ'i̧nä̧, yotukunä̧ yapare wȩnȩ ttu̧wo̧juȩtü̧ juiyünä̧ jikuäwäkua'anü̧. Ja̧u̧mä̧ pä'ä'chäkuäu kkä̧kuä̧wä̧ra̧'a̧tä̧ oipü, ja̧'wa̧ta̧nü̧ Dio amükuädinü̧nä̧, tta̧'kua̧ wȩnä̧rü̧ kkä̧kuä̧wä̧ ttu̧wo̧jui̧pa̧ pä'ümä̧ ppädokü.

1 Timoteo 1:4 ပူးပေါင်းရင်းမြစ်များ

2 Corintios 1:12

Pi̧yȩ amöcuädö esehuätöjä. Ujutu tami iso'quinä tamöcuädomenä, huo̧juä̧tö̧jä̧ iso päi'önä adiunä ta̧'cua̧ pö̧nö̧ cue'ächätöjä pi̧jä̧nä̧ ucutu cuä'catucu jo̧mȩttö̧. Diostä ujuturu repe'ö ppä'ädinö ja̧'hua̧nö̧ cuetächa pä'ö. Ujutu tamönä tamöcuädönä ja̧'hua̧nö̧mä̧ cue'ächocotöjä.

Efesios 3:2

Täcö huo̧juä̧tö̧jä̧ ucutu, Diosrö pä̧huä̧ rö̧jo̧mȩnä̧ ttörö hueinäcusä adihuä huȩnȩ jidähua pä'ö ucuturu.

1 Timoteo 3:16

Iso päi'önä ujutu huo̧juä̧tö̧jä̧ Dios i̧huȩnȩ, pä'äji ttieruhuinö huȩnȩ, iso päi'önä adihuä huȩnȩ ja̧'a̧. Dios pi̧jä̧ra̧'a̧ ichinödo ujutu jö̧ ta'anö hua̧. Espíritu Santo i̧jȩcui̧nä̧cu̧do adihuä i̧sa̧ ja̧'a̧ttö̧. Angeles topinätödo ja̧u̧ru̧. O'ca toi'önä pa̧ja̧cuä̧chö̧nä̧ ä̧ju̧cui̧nä̧tö̧do ja̧u̧ru̧. Pi̧jä̧ pa̧ja̧cu̧nä̧ esetinätödo ja̧u̧ru̧. Mo̧ro̧jä̧ra̧'a̧ cä'ecuächinödo.

1 Timoteo 4:7

Ja̧'hua̧nö̧ ja̧'a̧nä̧ täbo huȩnȩ, amönä ttucuocu huȩnȩ, cuamöcuädä'. Dios i̧huȩnȩtä̧ amöcuädö kä̧hui̧.

1 Timoteo 6:11

Ja̧'hua̧nö̧ ja̧'a̧nä̧ ucu Dios huȩ'ä̧hua̧jä̧. Ja̧u̧ juäi surojöttö tö'ipächi. Adihuä juäitä jȩpö̧ kä̧hui̧. Diosrötä eseunu ucuocui. Adiu eseti. Cuahuaruhuärö repe'i. Cuami 'qui'ächi'ö kä̧hui̧. Korotörö adiu amöcuädö kä̧hui̧.

1 Timoteo 6:20

Ucu Timoteo, ucuru jidähuäjimä adiu tta̧'ä̧rä̧cuä̧hui̧. Pi̧jä̧ jähuä amönä ttucuocu huȩnȩ cuesetä'. Pi̧jä̧ jähuä yapareu huo̧juä̧huä̧ cuesetä'.

2 Timoteo 2:14

Tu̧ru̧hua̧ ä'ca jo̧mȩttö̧ adiu ji'äu huo̧juȩti̧ pi̧yȩ huȩnȩ. Amönä ttucuocu huȩnȩ jarotti'a huo̧juȩti̧. Ja̧'hua̧nö̧ ucuocuäcuähuä yoröiso micuähuocö. Ja̧u̧ amönä ttucuocu huȩnȩ ä̧ju̧cuä̧tö̧mä̧, Diosrö amöcuädocotö.

2 Timoteo 2:22

Ucu, möäyotö ttamöcuädömä jaropi'i. Adiutä jȩpö̧ kä̧hui̧. Adiu esetö cuahuaruhuärö repe'i. Korotöcu adiu kä̧hui̧. Ja̧'hua̧nö̧ jȩpö̧ kä̧hui̧ o'ca toi'önä ttami iso'quinä adiu amöcuädö, Tu̧ru̧hua̧ i̧mi̧nä̧ esetö ucuocuätöcu.

2 Timoteo 2:23

Ja̧'hua̧ta̧nö̧ amönä huȩnȩ ttucuocuomenä, cucuocuä'. Täcö huo̧jua̧jä̧, ja̧'hua̧nö̧ ttucuocuomenä, ttahuaruhuärö ra̧huä̧rä̧tö̧.

2 Timoteo 4:4

Jahuätö adihuä huȩnȩ jarotti'äcuotö. Täbo huȩnȩ, amönä huȩnȩtä̧, ttesetäcuotö.

Tito 1:1

Ttö Pablo, Dioscu, Tu̧ru̧hua̧ Jesucristocu huȩ'ä̧hua̧sä̧, Dios i̧huȩnȩ jidähua pä'ö Dios huoinä̧u̧ru̧. Ja̧'hua̧ta̧nö̧ jahuätörö adihuä huȩnȩ chu̧huo̧juȩta̧ pä'ö huȩ'ä̧hua̧sä̧.

Tito 1:14

Huo̧juȩti̧tö̧ judíos ttö̧ja̧ amönä jittäu huȩnȩ ttesetö juiyäcua'a̧nö̧. Ja̧'hua̧ta̧nö̧ Dios i̧huȩnȩ esetocotö hueähuä jȩttö̧ juiyäcua'a̧nö̧.

Tito 3:9

Ja̧'hua̧nö̧ ja̧'a̧nä̧ ttö̧ja̧ amönä ttucuocu huȩnȩ'i̧nä̧, tä̧do̧tö̧ mi̧nä̧ ttö̧ji̧nö̧ ttucuocu huȩnȩ'i̧nä̧ cucuocuä'. Ja̧'hua̧ta̧nö̧ ttahuaruhuärö ra̧huä̧rö̧ ttucuocu huȩnȩ'i̧nä̧, Moisés hueähuä huȩnȩ ttucuocu huȩnȩ'i̧nä̧ cucuocuä' Tito. Ja̧u̧mä̧ yoröiso micuähuocö huȩnȩ ja̧'a̧.

Hebreos 13:9

Koro huȩnȩ, jareö huȩnȩ, i̧mi̧cu̧nä̧ jittähuä'chomenä cuesetätucuä'. Iso päi'önä tami iso'quinä Dios ppäda'attö tujuruhuomenä, pi̧jä̧ jähuä cuäcuähuä huȩnȩttö̧'i̧nä̧ abonänö adihua'ado. Ja̧u̧ juäi pi̧jä̧ huȩnȩ esetätörö yoröiso ppädoca'a ji̧na̧'a̧do.

2 Pedro 1:16

Tu̧ru̧hua̧ Jesucristo ujuru huȩnȩ'i̧nä̧, ichä̧cuȩ huȩnȩ'i̧nä̧ ucuturu tu̧huo̧juȩti̧nö̧ huȩnȩ, pi̧jä̧ ttö̧ja̧ tti̧huȩnȩmä̧cö̧do ja̧u̧ huȩnȩ. Ujutu tö'ärenä topinätöjä Tu̧ru̧hua̧ ujurunä jȩa̧'a̧.