1 Timoteo 1:18 - TÄ̧DO Ä̧CUÄ̧ I̧HUȨNȨ

¹⁸ Chi̧tti̧ Timoteo, ucuru hue'ösä surojöcu adihuä juäinä curohuähua pä'ö, adiu esetö cuamöcuäda pä'ö. Äcuomenä korotömä Dios i̧mi̧nä̧ ucuocu ucuru jittähuinö ta'anö adiu jȩcu̧'a̧ pä'ösä.

Nuevo Testamento Uwotjüja

¹⁸ Chi̧tti̧, Timoteo, pi̧yȩ wedäkujä̧ kurä adiwäjuei kurowäwa pä'ü kua̧'kua̧ wȩnä̧rü̧ kkä̧nü̧, adiwomȩnä̧ amükuädü, 'kuäopä̧kuȩ wȩnȩ uku kutü'kü jittäwinü̧'a̧kuä̧.

1 Timoteo 1:18 ပူးပေါင်းရင်းမြစ်များ

Hechos 16:1

Pablocu, Silascu Derbe ötahuiyära̧'a̧ 'chä̧hui̧'i̧nä̧tö̧do. Juhuorö kä̧nö̧ Listra ötahuiyära̧'a̧ 'chä̧hui̧'i̧nä̧tö̧do. Ju̧huȩnȩ ki̧nö̧do ya̧tȩ Jesucristorö esetinö, Timoteo pä'ö mi̧cua̧. Judíos ttö̧ja̧ isaju, Jesucristorö esetäju, ki̧tti̧ pi̧nö̧do. Jä'omä griegos ttö̧ja̧ i̧sa̧ pi̧nö̧do.

1 Corintios 4:17

Ja̧'hua̧nö̧ ja̧'a̧ttö̧ Chu̧ru̧hua̧nä̧ chi̧tti̧ rȩni̧'a̧rö̧, adiu jȩpö̧rö̧, Timoteorö hue'ösä ucuturu. Ja̧u̧tä̧ jiä̧huä̧cua̧ ucuturu Cristorö esetö chö̧jö̧ huȩnȩ'i̧nä̧, o'ca juiyönä pa̧ja̧cu̧nä̧ iglesias ruhuärö jidäu huȩnȩ'i̧nä̧.

1 Corintios 9:7

Ya̧tȩ su̧ro̧da̧u̧ rohuäu i̧'cho̧mȩnä̧, ¿chutä öäre pärätänä mitö tä̧ji̧? ¿Dijä̧ttö̧ cuäcuähuä ku̧nu̧mä̧, chutä'inä ucuoca'a kä̧nö̧? ¿Dijä̧ttö̧ o̧vȩja̧stö̧rö̧ tta̧'ä̧rö̧mä̧, chutä'inä ttatate isoya ahuoca'a kä̧nö̧?

Filipenses 2:22

Ja̧'hua̧nö̧ ja̧'a̧nä̧ ucutumä täcö huo̧juä̧tö̧jä̧ Timoteo adiu jȩi̧nö̧mä̧. Ya̧tȩ jä'orö ppädö'a̧nö̧ ppä'ädinö ttörö, Dios i̧huȩnȩ ji'äu kä̧nö̧.

1 Timoteo 1:2

Pi̧yȩ huȩnȩ huȩyu̧tu̧ hue'ösä ucuru Timoteo, Cristonä chi̧tti̧. Tä'o Dios'inä, Tu̧ru̧hua̧ Cristo Jesús'inä rö̧ȩnä̧ ppättädäcua'a̧nö̧ ucuru. Ja̧'hua̧ta̧nö̧ re rö̧jö̧nä̧ tottäcua'a̧nö̧ ucuru. Ja̧'hua̧ta̧nö̧ rö̧ȩnä̧ eseunu kä̧cuä̧huä̧ ttiyäcua'a̧nö̧ ucuru.

1 Timoteo 1:5

Iso päi'önä pi̧yȩ huȩnȩ cu̧huo̧juȩtö̧'a̧nö̧ ja̧'a̧ Timoteo, tami iso'qui surojö juiyönä kä̧nö̧, adiu amöcuädö kä̧nö̧, Diosrö adiu esetö kä̧nö̧, tahuaruhuärö repetäcuä'a̧nö̧.

1 Timoteo 4:14

Ancianos huotö Diosrö pä̧huä̧ rö̧jo̧mȩnä̧ ucuru mȩ'ö̧ huettina'amä, Dios i̧huȩnȩ jicuhuähua pä'ö, Dios adiu iyinömä cunichi'ä'.

1 Timoteo 4:4

O'ca juiyönä Dios aditinö adiu. Ujutumä koro juo̧'a̧rö̧ “Su̧ro̧pa̧rö̧mä̧ cuocösä” pätö juiyö'a̧nö̧ ja̧'a̧. Diosrö eseunu ucuocu ȩmö̧ tucu'a̧nö̧ ja̧'a̧.

1 Timoteo 6:20

Ucu Timoteo, ucuru jidähuäjimä adiu tta̧'ä̧rä̧cuä̧hui̧. Pi̧jä̧ jähuä amönä ttucuocu huȩnȩ cuesetä'. Pi̧jä̧ jähuä yapareu huo̧juä̧huä̧ cuesetä'.

2 Timoteo 1:2

Pi̧yȩ cuyäru huȩyu̧tu̧ hue'ösä ucuru Timoteo, Cristonä chi̧tti̧ repedäcuru. Tä'o Dios'inä, Tu̧ru̧hua̧ Jesucristo'inä rö̧ȩnä̧ ppättädäcua'a̧nö̧ ucuru. Ja̧'hua̧ta̧nö̧ re rö̧jö̧nä̧ tottäcua'a̧nö̧ ucuru. Ja̧'hua̧ta̧nö̧ rö̧ȩnä̧ eseunu kä̧cuä̧huä̧ ttiyäcua'a̧nö̧ ucuru.

2 Timoteo 4:7

Ttö adiu rohuähuinösä surojöcu. Ttö adiu jȩpi̧nö̧sä̧ o'ca juiyönä Dios hueinö. Ttö adiu esetinösä.

Tito 1:4

Pi̧yȩ huȩnȩ huȩyu̧tu̧ hue'ösä ucuru, Tito, Cristonä chi̧tti̧, ucu'inä, ttö'inä ji̧nä̧ ya̧tȩrö̧ teseta'attö. Tä'o Dios'inä, Tu̧ru̧hua̧ Jesucristo'inä rö̧ȩnä̧ ppättädäcua'a̧nö̧ ucuru. Ja̧'hua̧ta̧nö̧ rö̧ȩnä̧ eseunu kä̧cuä̧huä̧ ttiyäcua'a̧nö̧ ucuru.

Filemón 1:10

Ja̧'hua̧nö̧ ja̧'a̧ttö̧ Onésimo pä'ö mi̧cua̧rö̧, cärenä pä̧nö̧ Cristonä chi̧tti̧rö̧, ppäcuhuäda pä'ö jä'epösä.