1 Tesalonicenses 5:8 - TÄ̧DO Ä̧CUÄ̧ I̧HUȨNȨ

⁸ Ja̧'hua̧nö̧ ja̧'a̧nä̧ ujutu, mo̧ro̧ i̧tti̧mö̧mä̧, adiu tamöcuädö'a̧nö̧ ja̧'a̧. Su̧ro̧da̧u̧ i̧sa̧ amöcanä 'quiyö juäi ö̧'ca̧tä̧hua̧'a̧ jä̧'i̧nö̧'a̧nö̧, ujutu'inä Diosrö adiu esetö, tahuaruhuärö repe'ö jȩtö̧'a̧nö̧ ja̧'a̧. Ja̧'hua̧ta̧nö̧ su̧ro̧da̧u̧ i̧sa̧ unä 'quiyö juäi u̧huä̧nä̧hua̧'a̧ jä̧'i̧nö̧'a̧nö̧, ujutu'inä suronä jȩtö̧ jȩpö̧ icuatö pä'ö, Diosrö tta̧tä̧rö̧'a̧nö̧ ja̧'a̧.

Nuevo Testamento Uwotjüja

⁸ Ja̧'wa̧nü̧ ja̧'a̧nä̧, ujutu mo̧ro̧ isotümä̧, amükuä̧rü̧nü̧ tü̧ja̧kuä̧tu̧kua̧; eseäkuäwä'i̧nä̧, tta̧'kua̧ wȩnä̧rä̧kuä̧wä̧'i̧nä̧ 'ka̧tä̧wi̧'ü̧, surojüttü kki̧'ä̧kuä̧wä̧ tta̧'ä̧rü̧nü̧, isätta 'kiyätta ttü̧'ka̧tä̧wi̧'a̧'a̧ 'kua̧rü̧nä̧.

1 Tesalonicenses 5:8 ပူးပေါင်းရင်းမြစ်များ

1 Corintios 13:13

Ja̧'hua̧nö̧ ja̧'a̧ttö̧ adiu esetäcuähuä'inä, Diosrö tta̧huä̧rä̧cuä̧huä̧'i̧nä̧, ttahuaruhuärö repeähuä'inä yoröiso beipocö. 'Cuäopönä kä̧cua̧'a̧. Juhuorö'inä ttahuaruhuärö repeähuämä korottö'inä abonänö adihua'a.

2 Corintios 6:7

Ja̧'hua̧ta̧nö̧ iso päi'önä huȩnȩ jitähua'attö'inä, Dios ujuru tu̧ju̧nä̧ra̧'a̧ttö̧'i̧nä̧, Dios umöhuäyotö ta'a topö ttu̧huo̧juä̧cuo̧tö̧. Adihuä juäi jȩä̧cuä̧huä̧nä̧tä̧ rohuähuätöjä.

Gálatas 5:5

Ujutumä Espíritu Santo ppäda'anä, Cristorö esetö tta̧'ä̧rä̧tö̧jä̧ Dios jȩa̧ pä'ö ja̧u̧cu̧ ji̧nä̧ ji̧yȩtȩ huotö ta pä'ö.

Efesios 6:11

Ähuettä ucuturu suronä jȩo̧mȩnä̧, cuami 'qui'ächi'ö ka̧cuä̧tu̧cui̧, o'ca juiyönä Dios ucuturu iyinö ta'anö.

Efesios 6:23

Tä'o Dioscu, Tu̧ru̧hua̧ Jesucristocu ucutu tö̧jä̧hua̧tö̧rö̧, adiu esetäcuähuä'inä, eseäcuähuä'inä, repeäcuähuä'inä ttiyäcua'a̧nö̧.

1 Tesalonicenses 5:5

Ucutumä o'ca toi'önä tȩa̧u̧ i̧tti̧mö̧jä̧, mo̧ro̧ i̧tti̧mö̧jä̧. Ujutumä yodo i̧tti̧mö̧mä̧cö̧jä̧, yo̧ö̧ i̧tti̧mö̧mä̧cö̧jä̧.

2 Tesalonicenses 2:16

Tu̧ru̧hua̧ Jesucristo'inä, Tä'o Dios'inä ujuturu repe'ö adiu eseäcuähuä'inä, adiu tta̧huä̧rä̧cuä̧huä̧'i̧nä̧ iyinö.

Hebreos 6:19

Huoi'ca ti̧ä̧dä̧cuä̧huä̧'quȩ 'quiyönä 'chu̧huä̧ra̧'a̧ jä̧'i̧nö̧'a̧nö̧, ja̧u̧ iya päinö tta̧tä̧ro̧mȩnä̧ tami iso'quinä 'quiyönä tta̧huä̧rö̧. Ujuturu tta̧huä̧rä̧cuä̧huä̧ Dios adihuä ö̧jo̧mȩttö̧ i̧sä̧ta̧ abonä isäcä todehua'a jä̧'i̧nö̧'a̧nö̧ ja̧'a̧.

1 Pedro 1:13

Ja̧'hua̧nö̧ ja̧'a̧ttö̧ adiu amöcuädätucui cuaditätucuä̧cuȩ. Adiu cua̧'cua̧ pö̧nö̧ ka̧cuä̧tu̧cui̧. Adiu amöcuädö tta̧'ä̧rä̧tu̧cui̧ Dios ucuturu repe'ö iyä̧cuȩmä̧, Jesucristo ichomenä.

1 Pedro 2:9

Ucutu Dios ȩmi̧nä̧u̧jä̧. Tu̧ru̧hua̧ hue'ähuotöjä, churutä pä̧huä̧ rö̧jo̧mȩnä̧ jȩcu̧'ä̧tu̧cua̧ pä'ö. Ja̧'hua̧ta̧nö̧ ucutumä Dios umöhuäyotöjä, chutä ä'ca jo̧mȩttö̧ adiunätä cu̧ja̧cuä̧tu̧cua̧ pä'ö. Ucutumä ja̧'hua̧nö̧ ka̧cuä̧tö̧jä̧, Dios adihuä juäi jȩö̧ huȩnȩ jicuhuähuätucua pä'ö. Ja̧u̧ yo̧ö̧ttö̧ rä'opö, adihuä juäi tȩa̧u̧nä̧ cuecuhuächätucua pä'ö huoinä̧u̧jä̧.

1 Juan 1:7

Dios tȩa̧u̧nä̧ ö̧jö̧'a̧nö̧ tȩa̧u̧nä̧ tö̧jö̧ttö̧mä̧, ji̧nä̧ ji̧yȩtȩ huotö ka̧cuä̧tö̧jä̧. Ja̧'hua̧nö̧ tö̧jo̧mȩnä̧, Dios I̧tti̧ Jesucristo ucuojanä o'ca juiyö suronä jȩtö̧ töcö icu.