1 Tesalonicenses 4:6 - TÄ̧DO Ä̧CUÄ̧ I̧HUȨNȨ

⁶ Ja̧u̧ huȩnȩ amöcuädö, ya̧tȩmä̧ ö̧jä̧hua̧rö̧ yapareu jȩpö̧, suronä jȩö̧ juiyö'a̧nö̧ ja̧'a̧ ö̧jä̧hua̧ irecuarö. Ya̧tȩ ja̧'hua̧nö̧ jȩpö̧rö̧, Tu̧ru̧hua̧ ö̧tä̧bo̧tä̧cua̧, ucuturu jitähuinö ta'anö.

Nuevo Testamento Uwotjüja

⁶ Kuawaruwä kui̧jä̧wa̧tü̧rü̧mä̧ kuyaparewätukuä; jitäwä'ijüta'anü̧ Tu̧ru̧wa̧ Dio-mä̧ rü̧ȩnä̧ usurä ttȩmä̧u̧nä̧ ro̧ȩpä̧kua̧ ja̧'wa̧nü̧ jȩpä̧tü̧rü̧mä̧.

1 Tesalonicenses 4:6 ပူးပေါင်းရင်းမြစ်များ

San Marcos 10:19

Ucumä hueähuä huȩnȩ päö'a̧nö̧ huo̧jua̧jä̧. “Ka̧ra̧ irecuarö suronä jȩcu̧'ä̧'. Ka̧ra̧rö̧ cuä'ö cuicuä'. Cu̧nä̧u̧cuä̧'. Yapareu jicuhuähuä' korotörö. Amönä päcuhuä'. Cuä'orö'inä, cua̧ju̧ru̧'i̧nä̧ ucuoti.”

San Lucas 12:5

Ja̧'hua̧nö̧ ja̧'a̧nä̧ yȩ'ȩcuä̧cuä̧hua̧rö̧ jidähuä̧u̧jä̧. Ye'ecuätucui ttö̧jö̧ to'ädö icuipö'ca̧, ocurära̧'a̧ hueähuänä ujuru ku̧nä̧rö̧rö̧. A̧, ye'ecuätucui ja̧u̧ru̧tä̧.

Romanos 1:18

Dios mo̧ro̧jä̧ra̧'a̧ kä̧nö̧ ro̧'ȩpö̧ jarode'ätörö'inä, suronä jȩpä̧tö̧rö̧'i̧nä̧. Jahuätömä, suronä jȩtta̧'a̧ttö̧, korotö iso päi'önä huȩnȩ ttesetö juiya pä'ö jȩpä̧tö̧.

Romanos 12:19

Adihuä chö̧jä̧hua̧tö̧, micuä päi'önä jȩcu̧'ä̧tu̧cuä̧', ucuturu suronä jȩpä̧tö̧rö̧. Ja̧'a̧tä̧ topätucui. Tta̧'ä̧rä̧tu̧cui̧ Diostä ro̧ȩpä̧cua̧'a̧nö̧ jitörö. Huȩyu̧cuä̧ Huȩnȩ päa'a: “Ttömä ro̧ȩcuä̧ ru̧hua̧sä̧. Ttötä ro̧dȩpä̧cua̧sä̧, pä'ö Tu̧ru̧hua̧mä̧.”

Romanos 13:4

Ja̧u̧ Dios hueähuä adicuä i̧sa̧ päi'önä jȩpö̧, ucuru adihua pä'ö. Suronä jȩcu̧'u̧ttu̧mä̧, yecuhuecu ku̧nä̧rö̧jä̧. Ru̧hua̧ suronä jȩpä̧tö̧rö̧ yeähuä juiyönä ro̧'ȩpö̧. Dios huȩ'ä̧hua̧ adicuä i̧sa̧ päi'önä ro̧'ȩpö̧ mitö suronä jȩpä̧tö̧rö̧.

2 Corintios 7:11

Ucutumä Diosrö pä̧huä̧ rö̧jo̧mȩnä̧, cuami 'qui'ächi'inätöjä ja̧u̧nu̧mä̧. Jitä 'cuäopäjimä topätucui. Jitämä cua̧'cua̧ pö̧nö̧ jö̧ ji'ähuinätöjä 'cuäopinö huȩnȩ. Ja̧'hua̧ta̧nö̧ ja̧'hua̧nö̧ 'cuäopa'anä ra̧huä̧rö̧nä̧nö̧'i̧nä̧, ye'ecunänö'inä amöcuädinätöjä. Ttörö'inä tocu'ätucua pä'inätöjä. Ja̧'hua̧ta̧nö̧ suronä jȩpi̧nö̧rö̧ ro̧cu̧huȩpä̧tu̧cua̧ pä'ö amöcuädinätöjä. Ja̧'hua̧ta̧nö̧ ja̧'hua̧nö̧ 'cuäopa'anä, ucutu suronä jȩcu̧'ä̧tu̧cuo̧ca̧'a̧ ji̧na̧'a̧ topö huo̧juä̧tö̧ ucuturu.

Gálatas 5:21

Korotö ttu̧ju̧nä̧rö̧'a̧nö̧ ttu̧ju̧nä̧ra̧ pä'ätö. Korotörö cuä'ö icuätö. Fiesta jȩpö̧ rö̧ȩnä̧ tä̧'ä̧mä̧tö̧. Koro ja̧'hua̧ta̧nö̧ jö̧'i̧nä̧ jȩpä̧tö̧. Ucuturu ji'äusä ä'coji jidähuinö ta'anö, ja̧'hua̧nö̧ jȩpä̧tö̧mä̧ Dios ö̧jo̧mȩ rȩbȩhuo̧co̧tö̧.

Efesios 4:17

Pi̧yȩtä̧ hue'ösä ucuturu Tu̧ru̧hua̧ i̧mi̧nä̧. Korotö jitötä ttamönä amöcuädö, Diosrö jerupö jȩpä̧tö̧ ttö̧jö̧'a̧nö̧mä̧, cu̧ja̧cuä̧tu̧cuä̧' ucutu.

Efesios 4:28

Nä̧u̧cuä̧ri̧nö̧mä̧, jitämä cu̧nä̧u̧cuä̧rä̧'. Ucutä cu̧mö̧nä̧tä̧ adiu aditi, korotö jui'ätörö cuiyäcua'a̧nö̧.

Efesios 5:6

Korotö yapareu huȩnȩ, yoröiso micuähuocötä jittähuomenä, cuesetätucuä'. Ja̧'hua̧nö̧ Diosrö jarodä'chö jȩtto̧mȩnä̧, Diostä jahuätörö rö̧ȩnä̧ ö̧tä̧bo̧tä̧cua̧.

1 Tesalonicenses 2:11

Ucutu huo̧juä̧tö̧jä̧, ya̧tȩ i̧tti̧mö̧rö̧ ppä'ädö u̧huo̧juȩta̧'a̧ jä̧'i̧nö̧'a̧nö̧, ppä'ädö huo̧juȩti̧nä̧tö̧jä̧ ucuturu o'ca toi'önärö.

2 Tesalonicenses 1:8

Ja̧u̧mä̧ Diosrö esetocotörö'inä, Tu̧ru̧hua̧ Jesucristo i̧huȩnȩ esetocotörö'inä ö̧tä̧bo̧ta̧ pä'ö i̧chä̧cua̧.

Hebreos 13:4

O'ca toi'önä cuirecuarö ku̧nä̧rä̧tö̧mä̧, korotö ucuturu ttucuotäcua'a̧nö̧. Karajuru suronä jȩcu̧'ä̧'chä̧tu̧cuä̧'. Ja̧'hua̧nö̧ irecuarö ku̧nä̧rö̧, nä̧tö̧rö̧ suronä jȩpä̧'chö̧rö̧'i̧nä̧, irecua to̧'a̧ nä̧tö̧rö̧ suronä jȩpä̧'chö̧rö̧'i̧nä̧ ö̧tä̧bo̧tä̧cua̧ Dios.

Hebreos 2:6

Pärocua'acu, koro Huȩyu̧cuä̧ Huȩnȩ päa'a: Dios, ¿tta̧'a̧nö̧ hua̧jä̧ttö̧ pi̧jä̧ ttö̧ja̧ i̧sa̧mä̧ ucu cunichi'ococumä? Ja̧'hua̧ta̧nö̧ pi̧jä̧ ttö̧ja̧ i̧sa̧ hua'ö i̧cuä̧cua̧rö̧mä̧, ¿tta̧'a̧nö̧ pä'ö cuamöcuädättö ja̧u̧ru̧?

Santiago 2:6

Ja̧'hua̧nö̧ ja̧'a̧nä̧'i̧nä̧ ucutu suronä amöcuädö pä'ätöjä usurä isotörö ttödäpecuächi'önä. Jahuätömä, järe ruhuotömä, ucuturu suronä jȩpä̧'i̧jä̧tö̧. Ja̧'hua̧ta̧nö̧ jahuätömä, järe ruhuotömä, ¿ucuturu ru̧hua̧ ä'ca jo̧mȩ ȩpo̧co̧tö̧ tä̧ji̧?

Santiago 5:4

Cui̧rȩjä̧nä̧ aditinätörö mitocotö pi̧nä̧tö̧jä̧. Ja̧'hua̧ ja̧'a̧ ttaditähuä micuä ji̧nö̧ huoa'a cuimitähuätucua pä'ö. Ja̧'hua̧ta̧nö̧ adicuä ttö̧ja̧ huottinömä ä̧ju̧cui̧nö̧ Dios, o'ca juiyönä Ttu̧ru̧hua̧mä̧.