1 Tesalonicenses 4:17 - TÄ̧DO Ä̧CUÄ̧ I̧HUȨNȨ

¹⁷ Ja̧'hua̧ päi'omenä, ujutu a̧'cua̧rä̧tö̧mä̧ yo̧mȩtȩnä̧ cätecuächäcuotöjä ajiya isoppa ro̧mȩ jahuätöcu, Tu̧ru̧hua̧ Jesucristocu pä'i'ö. Ja̧'hua̧nö̧ päi'ö o'ca'a, Tu̧ru̧hua̧cu̧ 'cuäopönä tö̧ja̧cuä̧cuo̧tö̧jä̧.

Nuevo Testamento Uwotjüja

¹⁷ Ja̧'wa̧nü̧ päi'ü o'ka'a, ujutu kka̧kui̧pi̧nä̧tü̧mä̧, a̧'kua̧rä̧tü̧mä̧ ajiya isoppanä̧, juätütäku kätekuächäkuotüjä̧, juorü Tu̧ru̧wa̧rü̧ icha'a tota pä'ümä̧. Jua̧u̧nu̧tä̧ kkä̧mä̧dü̧ Tu̧ru̧wa̧ku̧ 'kuäopünä̧ tü̧jä̧kuo̧tü̧jä̧.

1 Tesalonicenses 4:17 ပူးပေါင်းရင်းမြစ်များ

San Mateo 26:64

Ja̧'hua̧ ja̧'a̧ Jesús pä'inödo: —A̧, päcu ta'anö ttötäsä. Ja̧'hua̧ta̧nö̧ pä'ösä ucuturu, Ubo I̧tti̧rö̧ Dios, o'ca juiyömä ju̧ru̧hua̧mä̧ u̧huo̧jua̧'a̧nä̧ ö̧'a̧'a̧ tocu'äcuotöjä ucutumä. Ja̧'hua̧ta̧nö̧ mo̧ro̧jä̧ra̧'a̧ttö̧ ajiya isoppanä i̧mȩyȩhuo̧mȩnä̧, tocu'äcuotöjä ucutumä.

San Marcos 14:62

Ja̧'hua̧ ja̧'a̧ Jesús pä'inödo: —A̧, ttötäsä. Ja̧'hua̧ta̧nö̧ Ubo I̧tti̧rö̧ Dios, o'ca juiyönä ju̧ru̧hua̧mä̧, u̧huo̧jua̧'a̧nä̧ ö̧'a̧'a̧ tocu'äcuotöjä ucutumä. Ja̧'hua̧ta̧nö̧ mo̧ro̧jä̧ra̧'a̧ttö̧ ajiya isoppanä i̧mȩyȩhuo̧mȩnä̧, tocu'äcuotöjä ucutumä.

San Juan 12:26

Ya̧tȩ ttörö ppäda päöttömä, ttöcu cueächäcua'a̧nö̧. Ttö chö̧jo̧mȩ'i̧nä̧, ttörö ppä'ädömä ö̧jä̧cua̧. Ya̧tȩ ttörö ppä'ädörö, Chä'o ja̧u̧ru̧ u̧cuo̧tä̧cua.

San Juan 14:3

Cä'ädäcuähui'ö'ca̧ chi̧chä̧cua̧sä̧ pä'äji ta'anö ucuturu ȩmö̧ ttö chö̧jo̧mȩ cu̧ja̧cuä̧tu̧cua̧.

San Juan 17:24

“Chä'o, ttörö cuiyinä̧u̧. Ttö chö̧jo̧mȩ'í̧nä̧ ttö̧ja̧cua̧ pä'ösä, chöadihuä, ttörö cuiyinömä, totta pä'ö. Pi̧jä̧ juiyäi'inä ttörö repe'inöjä.

Hechos 1:9

Ja̧'hua̧nö̧ ucuocuäji'ca̧, jahuätö to̧ttä̧ra̧'a̧nä̧, mo̧ro̧jä̧ra̧'a̧ cä'ecuächinödo Jesúsmä. Ajiya isoppa ja̧u̧ru̧ ȩmo̧po̧'ä̧chä̧ji̧ o'ca'a täcö tottococu pi̧nö̧do.

Hechos 8:39

Jacuotottö ttuhuämi'ächomenä, Espíritu Santo ȩmi̧pi̧nä̧cu̧do Felipemä. Espíritu Santo ȩmi̧pä̧ji̧ o'ca'a, ruhuaju kippeyä ru̧hua̧mä̧ topocö pi̧nö̧do Feliperö. Mä̧nä̧nä̧ eseunu 'chi̧nö̧do.

1 Corintios 15:52

Röji trompeta rä̧mi̧po̧mȩnä̧, yotäcu ttö'äre yȩbi̧ päi'omenä tö'ärohuächäcuotöjä. Trompeta rä̧mi̧po̧mȩnä̧, 'corupä'i'inätömä ttottächipäcuotö. Ja̧u̧nu̧ o'ca'a yoröiso 'corupä'i'ocotö ttäcuotö. Ujutu'inä tö'ärohuächäcuotöjä.

2 Corintios 5:8

Ujutumä juruhuätöjä. Ja̧'hua̧ta̧nö̧ pi̧jä̧ jähuä tidepä jaropi'ö, Tu̧ru̧hua̧cu̧ tö̧ja̧cua̧ pä'ätöjä.

Filipenses 1:23

Todärenä chamöcuäda'anä, jȩru̧pa̧sä̧. Koromä 'corupädi'a pä'ösä, Cristocu chö̧ja̧ pä'ö. Juhua'acu pi̧jä̧nä̧ chö̧jö̧ttö̧ttö̧'i̧nä̧ abonänö juiyo adihua'a ttörö.

1 Tesalonicenses 3:13

Cuami iso'quitucunä cuami 'qui'ächi'ö esetö, Tä'o Dios ä'ca jo̧mȩttö̧ Tu̧ru̧hua̧ Jesús chutä ahuaruhuäcu ichomenä, Tu̧ru̧hua̧ ppäda'attö, adiunä jȩpö̧ surojö juiyönä cu̧ja̧cuä̧tu̧cua̧ pä'ätöjä.

1 Tesalonicenses 4:15

Ja̧'hua̧nö̧ ja̧'a̧ttö̧ Tu̧ru̧hua̧ huo̧juȩcuä̧ huȩnȩ ji'ähuätöjä ucuturu. Tu̧ru̧hua̧ ichomenä, ujutumä ji̧nä̧ a̧'cua̧rä̧tö̧mä̧, 'corupä'i'inätö ttä'canämä tto'ächocotö täcuotöjä.

1 Tesalonicenses 4:18

Ja̧'hua̧nö̧ ja̧'a̧ttö̧ korotö korotönö ppä'ädö ji'ähuätucui pi̧yȩ huȩnȩ.

1 Tesalonicenses 5:10

Jesucristo 'corupä'i'inö chutäcu tö̧ja̧cua̧ pä'ö ta̧'cua̧ro̧mȩnä̧'i̧nä̧, 'corupäti'omenä'inä.

2 Pedro 3:13

Ja̧'hua̧nö̧ ja̧'a̧nä̧ ujutumä tta̧'ä̧rä̧tö̧jä̧ mo̧ro̧jä̧ ja̧rȩä̧jä̧'i̧nä̧, pi̧jä̧ ja̧rȩä̧jä̧'i̧nä̧, Dios iya päinö. Juhua'a o'ca juiyönä yoräteunä adihuä juäinä tö̧ja̧cuä̧cuo̧tö̧jä̧.

Apocalipsis 1:7

¡Topätucui! Cristomä ajiya isoppanä i̧chä̧cua̧. O'ca toi'önä, churu suronä jȩpi̧nä̧tö̧'i̧nä̧, ja̧u̧ru̧ tottäcuotö. O'ca toi'önä pi̧jä̧ pa̧ja̧cu̧nä̧ ttö̧ja̧ ja̧u̧ru̧ topö ttajuähuäcuotö. Iso päi'önä pa̧'a̧nö̧ 'cuäopäcua'a. Amén.

Apocalipsis 11:12

Ja̧u̧nu̧ o'ca'a, jahuätö ta̧ju̧ umöhuäyotömä, ya̧tȩ i̧huȩnȩ mo̧ro̧jä̧ra̧'a̧ttö̧ pä̧i̧cu̧nä̧ ucuocua'a ä̧ju̧cui̧nä̧tö̧. Ja̧u̧ huȩnȩ päinä̧u̧: —Pocu, ju'tojucu 'cha'ächätucui. Jahuätömä ajiya isoppanä 'cha'ächinätö mo̧ro̧jä̧ra̧'a̧. Ja̧'hua̧nö̧ 'chattächa'a, ttaboiyotömä to̧ttä̧ri̧nä̧u̧.

Apocalipsis 12:5

Jahuäju isaju ki̧tti̧ uhuäpächinö. Ja̧u̧mä̧, ki̧tti̧mä̧, pi̧jä̧nä̧ o'ca juiyönä cuo̧rä̧u̧jä̧ 'chu̧'ä̧rö̧ huetta'a jä̧'i̧nö̧'a̧nö̧ huȩä̧cua̧. Ja̧'hua̧ ja̧'a̧ ki̧tti̧rö̧ ȩmi̧pö̧ icu, Dios ö̧jo̧mȩ, i̧dȩä̧cä̧ ä'cacu ttȩpi̧nä̧cu̧.