1 Tesalonicenses 4:15 - TÄ̧DO Ä̧CUÄ̧ I̧HUȨNȨ

¹⁵ Ja̧'hua̧nö̧ ja̧'a̧ttö̧ Tu̧ru̧hua̧ huo̧juȩcuä̧ huȩnȩ ji'ähuätöjä ucuturu. Tu̧ru̧hua̧ ichomenä, ujutumä ji̧nä̧ a̧'cua̧rä̧tö̧mä̧, 'corupä'i'inätö ttä'canämä tto'ächocotö täcuotöjä.

Nuevo Testamento Uwotjüja

¹⁵ Ja̧'wa̧nü̧ ja̧'a̧ttü̧ Tu̧ru̧wa̧ Jesú päinü̧, ukuturu pä'ätüjä̧: Isopäi'ünä̧ ujutu a̧'kua̧rä̧tü̧mä̧, Tu̧ru̧wa̧ ichomȩbü päi'ünä̧ kka̧kui̧pi̧nä̧tü̧mä̧ Tu̧ru̧wa̧ku̧ tü̧ka̧ka̧kui̧'ä̧kuo̧tü̧jä̧; 'korujuo'ächinä̧tü̧ Tu̧ru̧wa̧ku̧ ttü̧ka̧ka̧kui̧'ü̧ o'komȩnä̧.

1 Tesalonicenses 4:15 ပူးပေါင်းရင်းမြစ်များ

San Mateo 17:25

Pedro ädätinödo: —A̧, iyö. Ja̧'hua̧ ja̧'a̧ Pedro isodenä doächomenä, Jesús ä'canä päinäcu: —¿Tta̧'a̧nö̧ cuamöcuädättö Simón? Pi̧jä̧ ttö̧ja̧ tturuhuotörö ¿dijä imitättö ttöäre pärätä? ¿Jitötä ttumöhuäyotö mitätö tä̧ji̧? ¿Korotömä, kara'attö ichäcuähuotö mitätö tä̧ji̧?

1 Corintios 15:18

Ja̧'hua̧ta̧nö̧ pättö'a̧nö̧ jö̧ttö̧mä̧, ä'canä Cristorö esetö 'corupä'i'inätömä yoröiso micuähuoca'a ttesetinömä.

2 Corintios 12:1

Ttötä chamönä chucuocuäcuähuomenä, yoröiso micuähuoca'a. Tu̧ru̧hua̧ ttörö 'cuo̧ti̧nä̧ u̧huo̧juȩti̧nö̧ huȩnȩ jidähuomenä, ja̧u̧tä̧ adiu micuähua'a.

2 Corintios 4:14

Iso päi'önä huo̧juä̧tö̧jä̧ pi̧yȩmä̧. Dios, Tu̧ru̧hua̧ Jesúsru 'corupätti'inomettö tto'ädinömä, ujuturu'inä Jesúscu tto̧ä̧dä̧cua̧. Ja̧'hua̧ta̧nö̧ ucutucu ji̧nä̧ yo̧mȩtȩnä̧ ȩpä̧cuo̧tö̧jä̧ chutäcu tö̧ja̧cua̧ pä'ö.

Gálatas 1:12

Pi̧jä̧ ttö̧ja̧ttö̧ ȩmo̧cö̧ pi̧nö̧sä̧. Ja̧'hua̧ta̧nö̧ yoröiso huo̧juȩcuo̧cö̧sä̧ pi̧jä̧ ttö̧ja̧ttö̧mä̧. Ja̧'hua̧nö̧ ttu̧huo̧juȩtä̧'i̧nö̧ juäimä, chutä Jesucristotä u̧huo̧juȩti̧nä̧cu̧sä̧.

1 Tesalonicenses 2:19

Tu̧ru̧hua̧ Jesucristo ichomenä, ¿dirö tesehuäcua'ajä̧ttö̧? ¿Dirö tta̧tä̧rä̧cua̧'a̧jä̧ttö̧ tesehua pä'ö? ¿Dirö tamöcuädäcua̧'ajä̧ttö̧? Ucuturu tesehuäcuotöjä Tu̧ru̧hua̧ Jesucristo ichomenä.

1 Tesalonicenses 4:13

Tö̧jä̧hua̧tö̧, ujutumä kö'cocotöjä ucutu cuieruhuätucuomenä 'corupä'i'ätörö. Tu̧ru̧hua̧ Jesucristorö eseunu tta̧'ä̧ro̧co̧tö̧ jȩttö̧'a̧nö̧mä̧, cua̧'cua̧ tta̧cu̧huȩcuä̧tu̧cuä̧' ucutumä.

1 Tesalonicenses 5:10

Jesucristo 'corupä'i'inö chutäcu tö̧ja̧cua̧ pä'ö ta̧'cua̧ro̧mȩnä̧'i̧nä̧, 'corupäti'omenä'inä.

2 Tesalonicenses 2:1

Jitä tö̧jä̧hua̧tö̧, Tu̧ru̧hua̧ Jesucristo ichomenä, chutäcu tö̧jä̧cuȩ huȩnȩ amöcuädö pä'ätöjä ucuturu.