1 Tesalonicenses 4:13 - TÄ̧DO Ä̧CUÄ̧ I̧HUȨNȨ

¹³ Tö̧jä̧hua̧tö̧, ujutumä kö'cocotöjä ucutu cuieruhuätucuomenä 'corupä'i'ätörö. Tu̧ru̧hua̧ Jesucristorö eseunu tta̧'ä̧ro̧co̧tö̧ jȩttö̧'a̧nö̧mä̧, cua̧'cua̧ tta̧cu̧huȩcuä̧tu̧cuä̧' ucutumä.

Nuevo Testamento Uwotjüja

¹³ Ja̧'wa̧ta̧nü̧ chawaruwä chi̧jä̧wa̧tü̧, 'korujuo'ächinä̧tü̧ ttütü'kümä̧ kuieruwätukuamä̧ pä'okotüjä̧. Kuieruwätukuttümä̧ kua̧'kua̧ tta̧kuȩkuä̧kuo̧tü̧jä̧, tta̧wä̧räkuä̧wä̧ wȩnȩ jui'ätü 'kua̧rü̧nä̧tä̧.

1 Tesalonicenses 4:13 ပူးပေါင်းရင်းမြစ်များ

San Mateo 27:52

Ttö̧ja̧ huattinö idoriyä'inä bahuecuächina'ado. Pä'äji Diosrö esetö 'corupä'i'inätö tto'co jähuä jättäpäyotö tto'ächinätödo recuätö.

San Juan 11:24

Marta ädätö pä'inäjudo: —Iso päi'önä, röji mo̧ro̧ päi'omenä, 'corupättinomettö ttottächomenä, pä'äji ta'anö ö̧jä̧cua̧ huo̧jua̧ju̧sä̧.

Hechos 13:36

David pi̧jä̧nä̧ ö̧jo̧mȩnä̧, Diosrö pä̧huä̧ rö̧jö̧mä̧ jȩpi̧nö̧do. Ja̧u̧nu̧ o'ca'a 'corupä'i'inö. Ja̧'hua̧nö̧ ja̧'a̧ ahuaruhuä 'turu tticuinäcudo jä̧do̧tö̧ mi̧nä̧ ttippeyä. Idepä'inä 'cuäipächina'ado.

Hechos 7:60

Ja̧'hua̧ ja̧'a̧ ihue'quiyunä kä̧mä̧dö̧, pä̧i̧cu̧nä̧ huopinödo: —Chu̧ru̧hua̧, unichi'i pitö suronä jȩttö̧mä̧. Ja̧'hua̧nö̧ huopö, 'corupä'i'inödo Estebanmä.

Hechos 8:2

Korotö Diosrö adiu esetinätömä Estebanrö 'turu icuinätödo. Ja̧u̧ru̧ amöcuädö rö̧ȩnä̧ ajuähuinätödo.

Romanos 1:13

Chö̧jä̧hua̧tö̧, ucuturu jidähua pä'ösä. 'Cuäopönä ucuturu topö chicha päda'anä, ji̧nä̧ chichö juiyönä jä̧cu̧sä̧. Chicha pä'ösä ppädäda pä'ö ucuturu, cu̧ja̧cuä̧tu̧cuo̧mȩttö̧ yotöte tteseta pä'ö, koromettö ppädädinö'a̧nö̧.

1 Corintios 10:1

Chö̧jä̧hua̧tö̧, iso päi'önä cu̧huo̧juä̧tu̧cua̧ pä'ösä, täbocö o'ca toi'önä tä̧do̧tö̧ mi̧nä̧ ajiya isoppa cueädinä̧u̧do. Ja̧'hua̧ta̧nö̧ Mar Rojo dubora o'ca toi'önä 'cuä'oi'inätödo.

1 Corintios 12:1

Chö̧jä̧hua̧tö̧, koro huȩnȩ, Espíritu Santo o'ca toi'önärö iyähuä, cu̧huo̧juä̧tu̧cua̧ pä'ösä.

1 Corintios 15:6

Ja̧u̧nu̧ o'ca'a'inä, Diosrö esetätörö, recuätörö quinientos jo̧mȩnä̧ abonänö i̧jȩcui̧nö̧do. Iso päi'önä jahuätöttö, recuätömä ji̧nä̧ a̧'cua̧rä̧tö̧. Korotö'inä hua'ö icuinätödo.

2 Corintios 1:8

Chö̧jä̧hua̧tö̧, cu̧huo̧juä̧tu̧cua̧ pä'ätöjä ujuturu suronä 'cuäopinömä Asia rȩjȩnä̧ tö̧ja̧cuo̧mȩnä̧. Ja̧'hua̧nö̧ rö̧ȩnä̧ suronä 'cuäopa'anä, tujuru'inä jui'inätöjä. Tami 'quitächi'ö juiyönä päi'inä̧u̧jä̧. Täcö 'corupäti'äcuotöjäcö̧ pä'ö amöcuädinätöjä.

Efesios 2:12

Ja̧u̧nu̧ pä̧nä̧ ucutu jerupinätöjä Cristorö. Israel ttö̧ja̧ttö̧'i̧nä̧ i̧mi̧cu̧nä̧ ka̧cui̧nä̧tö̧jä̧. Ja̧'hua̧ta̧nö̧ Dios i̧huȩnȩ'i̧nä̧, Dios iya päinö huȩnȩ'i̧nä̧ jerupinätöjä. Ucutu pi̧jä̧nä̧ ka̧cui̧nä̧tö̧jä̧, yoröiso adihuä juäi huȩnȩ tta̧cu̧huä̧rä̧tu̧cuo̧ca̧'a̧. Ja̧'hua̧ta̧nö̧ Dios toönä ka̧cui̧nä̧tö̧jä̧, cuesetätucuoca'a.

Efesios 2:3

Ujutu'inä o'ca toi'önä ja̧'hua̧nö̧ ka̧cui̧nä̧tö̧jä̧ pä'äjimä. Ujutu tamönä pä̧huä̧ rö̧jö̧nä̧'i̧nä̧, tamönä tamöcuädäu'inä, tamönä tu̧huo̧ju̧nä̧ jȩä̧cuä̧huä̧'i̧nä̧ ja̧'a̧tä̧ jȩpi̧nä̧tö̧jä̧. Ja̧'hua̧nö̧ ja̧'a̧ttö̧ Dios ujuturu'inä ro̧ȩpö̧ttö̧mä̧ adihua'a, korotörö ro̧ȩpö̧ ta'anö.

1 Tesalonicenses 4:14

Ujutu esetätöjä Jesús 'corupä'i'äji'ca̧ tto'ächinö pä'ö. Ja̧'hua̧ta̧nö̧ esetätöjä Jesúsru esetö 'corupä'i'inätörö, Jesús ichomenä, chutä Jesúscu pätti'önä tto̧ä̧dä̧cua̧ Dios.

1 Tesalonicenses 4:15

Ja̧'hua̧nö̧ ja̧'a̧ttö̧ Tu̧ru̧hua̧ huo̧juȩcuä̧ huȩnȩ ji'ähuätöjä ucuturu. Tu̧ru̧hua̧ ichomenä, ujutumä ji̧nä̧ a̧'cua̧rä̧tö̧mä̧, 'corupä'i'inätö ttä'canämä tto'ächocotö täcuotöjä.

1 Tesalonicenses 5:10

Jesucristo 'corupä'i'inö chutäcu tö̧ja̧cua̧ pä'ö ta̧'cua̧ro̧mȩnä̧'i̧nä̧, 'corupäti'omenä'inä.

1 Tesalonicenses 5:6

Ja̧'hua̧nö̧ ja̧'a̧ttö̧ korotö ttä'ö'a̧nö̧mä̧, ä'ocotöjä ujutumä. Ujutumä ta̧'cua̧ pö̧nö̧ kä̧nö̧, tta̧tä̧rä̧cuä̧u̧'a̧nö̧ ja̧'a̧.

2 Pedro 3:4

Jahuätö jä'epö ttä̧ju̧cuä̧cuo̧tö̧: “Cristo i̧chä̧cua̧do pättina'amä, ¿tta̧'a̧nö̧ päi'ina'acuättö? Täbocö pi̧jä̧ aditäji o'ca'a ji̧nö̧tä̧, ja̧'a̧do jitä'inä. Tä̧do̧tö̧ mi̧nä̧'i̧nä̧ hua'ö tticuinö o'ca'a ttö̧ja̧cui̧nö̧ ta'anö ka̧cuä̧tö̧jä̧,” jä'epö ttä̧ju̧cuä̧cuo̧tö̧.

2 Pedro 3:8

Ja̧'hua̧ta̧nö̧ adihuä chö̧jä̧hua̧tö̧, pi̧yȩ'i̧nä̧ cunichi'ätucuä'. Tu̧ru̧hua̧ amöcuädomenämä, ya'ute mo̧ro̧tä̧ mil a̧'ȩ ja̧'a̧do. Ja̧'hua̧ta̧nö̧ mil a̧'ȩ Tu̧ru̧hua̧ amöcuädomenä, ya'ute mo̧ro̧tä̧ ja̧'a̧do.