1 Tesalonicenses 4:1 - TÄ̧DO Ä̧CUÄ̧ I̧HUȨNȨ

¹ Tö̧jä̧hua̧tö̧, jitä Tu̧ru̧hua̧ Jesús i̧mi̧nä̧ pi̧yȩ huȩnȩ ji'äu hue'ätöjä ucuturu. Diosrö pä̧huä̧ rö̧jö̧ huȩnȩ, ucuturu tu̧huo̧juȩti̧nö̧mä̧, juhua'a yabonö esetö cu̧ja̧cuä̧tu̧cua̧ pä'ätöjä.

Nuevo Testamento Uwotjüja

¹ Ja̧'wa̧ta̧nü̧ chawaruwä chi̧jä̧wa̧tü̧ kkoro päi'ünä̧ ukuturu Tu̧ru̧wa̧ Jesucrito i̧mi̧nä̧ jätepümä̧. Ujututtü ku̧wo̧jui̧'i̧nä̧tu̧ku̧'a̧kuä̧, Dio-rü pä̧wä̧rü̧jo̧mȩnä̧ ku̧ja̧kuä̧tu̧kua̧ pä'ätüjä̧, jitä jȩpü̧ ku̧ja̧kuä̧tu̧ku̧ta̧'a̧nü̧.

1 Tesalonicenses 4:1 ပူးပေါင်းရင်းမြစ်များ

San Juan 15:2

Koro ttöttö ä̧na̧juä̧ u̧huä̧ju̧ juiyömä 'cui'opö icu. Koro u̧huä̧ju̧ ka̧cu̧mä̧ adiunätä aditö tta̧'ä̧rö̧, juhua'a yabonö rö̧ȩnä̧ u̧huä̧ju̧ huȩja̧ pä'ö.

Hechos 20:27

Ttö ucuturu o'ca juiyönä Dios chu̧huo̧juȩta̧ pä'ö hueinömä ji'ähuinösä ku̧ni̧cuä̧ juiyönä.

Romanos 8:8

Ja̧'hua̧nö̧ ja̧'a̧ttö̧ ttidepä pä̧huä̧ rö̧jö̧nä̧ ka̧cuä̧tö̧mä̧, Diosrö pä̧huä̧ rö̧jö̧mä̧ jȩpo̧co̧tö̧.

1 Corintios 11:23

Pi̧yȩ huo̧juȩcuä̧ huȩnȩ ucuturu chu̧huo̧juȩti̧nö̧mä̧, Tu̧ru̧hua̧ huo̧juȩti̧nö̧ ttörö. Ja̧u̧nu̧ yodo, Tu̧ru̧hua̧ Jesúsru ttiyä̧cuȩ yodo, chutä i̧ri̧si̧ ȩmo̧po̧'ö̧ 'chu̧'ä̧ri̧nö̧do u̧mö̧nä̧.

1 Corintios 15:1

Jitämä chö̧jä̧hua̧tö̧, ttö̧ja̧ suronä jȩttö̧ jȩpö̧ icu huȩnȩ jidähuinömä, pä'äji ta'anö cuamöcuädätucua pä'ösä. Ucutu esetinätöjä ja̧u̧ huȩnȩmä̧. Ja̧'hua̧ta̧nö̧ ja̧u̧ huȩnȩ esetö, cuami 'qui'ächi'ö ka̧cuä̧tö̧jä̧.

1 Corintios 15:58

Ja̧'hua̧nö̧ ja̧'a̧ttö̧ adihuä chö̧jä̧hua̧tö̧, cuami 'qui'ächi'ö ka̧cuä̧tu̧cui̧ 'cuäopönä. Juhua'a yabonötä aditätucui Tu̧ru̧hua̧ aditähuä. Ucutu täcö huo̧juä̧tö̧jä̧, Tu̧ru̧hua̧cu̧ ji̧nä̧ yo̧mȩtȩ adicuämä adiunätä micuähua'a pä'ö.

2 Corintios 10:1

Ttö Pablo, ucuturu repe'önö Cristo adihuä juäi iyö amöcuädö pä'ösä. Korotö pä'ätö ttörö ucutucu chö̧jo̧mȩnä̧, jä̧rö̧nä̧tä̧ usurä i̧sa̧ ta'anö kö̧sä̧. Ja̧'hua̧ta̧nö̧ ucututtu oto kara'a chö̧jo̧mȩnä̧, pä̧i̧cu̧nä̧ ucuocu jȩpö̧sä̧ pä'ätö korotömä.

2 Corintios 13:11

Jitämä chö̧jä̧hua̧tö̧, Diosrö pä̧huä̧ rö̧jo̧mȩnä̧, adiu cu̧ja̧cuä̧tu̧cua̧ja̧. Esehuätucui. Ji̧nä̧ ji̧yȩtȩ amöcuädö ka̧cuä̧tu̧cui̧. Ja̧'hua̧nö̧ jȩpö̧ Dios, eseäcuähuä'inä, repeähuä'inä iyömä, ucutucu ö̧jä̧cua̧.

2 Corintios 5:9

Ja̧'hua̧nö̧ ja̧'a̧ttö̧ pi̧jä̧ jähuä tidepänä tö̧jo̧mȩnä̧'i̧nä̧ tö̧jo̧co̧mȩnä̧'i̧nä̧, 'cuäopönä adiunä tö̧ja̧cua̧ pä'ätöjä, Tu̧ru̧hua̧ eseunu toatö pä'ö.

2 Corintios 6:1

Jitämä Dios aditähuä ji̧nä̧ yo̧mȩtȩ tadita'attö, pä'ätöjä ucuturu, “Dios adihuä juäi iyinömä, jarocuhui'ätucuä'”.

Gálatas 6:1

Chö̧jä̧hua̧tö̧, ya̧tȩ surojönä ma̧'ä̧chi̧nö̧rö̧ tocu'ätucuttumä, ucutu adiu rö̧ȩnä̧ esetätömä pä'äji ta'anö Dioscu ppa̧huä̧cha̧ ppä'ädätucuirö. Ja̧'hua̧nö̧ ja̧'a̧nä̧ ucutu cuami iso'quitucunä adiu amöcuädö ppä'ädätucuirö. Ja̧'hua̧ta̧nö̧ ucutu o'ca toi'önä ttu̧ȩcuä̧nä̧ tta̧'ä̧rä̧cuä̧huä̧tu̧cui̧, ucuturu'inä surojö 'cuäopö juiyäcua'a̧nö̧.

Efesios 4:1

Ja̧'hua̧nö̧ ja̧'a̧ttö̧ Tu̧ru̧hua̧rö̧ esetö cärenä pä̧nö̧, Dios huoinä̧u̧ ttö̧jö̧'a̧nö̧ adiu ka̧cuä̧tu̧cui̧, pä'ösä ttömä ucuturu. Dios huo̧i̧nä̧u̧jä̧ ucutumä.

Efesios 4:20

Cristorö adiunä ä̧ju̧cu̧, ja̧'hua̧nö̧mä̧ huo̧jui̧po̧co̧tö̧ pi̧nä̧tö̧jä̧ ucutu. Ja̧'hua̧ta̧nö̧ Jesús iso päi'önä i̧huȩnȩ u̧huo̧juȩti̧nö̧ttö̧mä̧, ja̧'hua̧nö̧mä̧ jȩpo̧co̧tö̧ pajatöjä.

Efesios 5:17

Ja̧'a̧tä̧ra̧'a̧ cuecuhuächätucuä'. Tu̧ru̧hua̧rö̧ pä̧huä̧ rö̧jö̧ amöcuädö huo̧jui̧pä̧tu̧cui̧.

Filipenses 1:27

Ucutumä adiu ka̧cuä̧tu̧cui̧ 'cuäopönä, Cristo i̧huȩnȩ päö ta'anö. Ja̧'hua̧nö̧ cu̧ja̧cuä̧tu̧cuo̧mȩnä̧, ucuturu pä'äji ta'anö tochöttö'inä, tochö juiyöttö'inä, jittähua'a chä̧ju̧cua̧ pä'ösä ucuturu, adiu ji̧nä̧ yo̧mȩtȩ ttami 'qui'ächi'ö Dios i̧huȩnȩ esetö, adiu surojöcu rohuäu, ji'ähuätö pä'ö.

Filipenses 1:9

Diosrö ucuocusä ucuturu juhua'a yabo rö̧ȩnä̧ repecuhuätucuäcua'a̧nö̧ korotörö. Ja̧'hua̧ta̧nö̧ rö̧ȩnä̧ huo̧ju̧nä̧ cu̧huo̧juä̧tu̧cuä̧cua̧'a̧nö̧ o'ca juiyönä.

Filipenses 3:14

Ttömä röji beipome amöcuädö kö̧sä̧, adihuä juäi chȩma̧ pä'ö. Ja̧u̧ adihuä juäinä ttörö ȩmö̧, Dios mo̧ro̧jä̧ra̧'a̧ ȩpä̧cua̧ ttörö.

Colosenses 1:10

Ja̧'hua̧ta̧nö̧ 'cuäopönä Tu̧ru̧hua̧rö̧ pä̧huä̧ rö̧jö̧nä̧ eseunu cu̧ja̧cuä̧tu̧cua̧ pä'ö jä'epätöjä. Ja̧'hua̧ta̧nö̧ korotörö ppä'ädö, adihuä juäi jȩcu̧'ä̧tu̧cuä̧cua̧'a̧nö̧. Diosrö rö̧ä̧chi̧'ö̧nä̧ cu̧huo̧juä̧tu̧cua̧ pä'ätöjä.

Colosenses 2:6

Ja̧'hua̧nö̧ ja̧'a̧ttö̧ iso päi'önä Tu̧ru̧hua̧ Jesucristorö cuesetinätucu ta'anö, ja̧u̧ru̧ ji̧nä̧ yo̧mȩtȩ amöcuädö ka̧cuä̧tu̧cui̧.

1 Tesalonicenses 3:12

Ja̧'hua̧ta̧nö̧ Tu̧ru̧hua̧ ucuturu ppäda pä'ö, juhua'a yabonö esetö, ucuturu repetö ta'anö, ka̧ra̧rö̧'i̧nä̧, ka̧ra̧rö̧'i̧nä̧, o'ca toi'önärö repecuhuätucua pä'ätöjä.

1 Tesalonicenses 4:2

Tu̧ru̧hua̧ Jesús ujurunä tu̧huo̧juȩti̧nö̧mä̧ huo̧juä̧tö̧jä̧ ucutumä.

1 Tesalonicenses 5:12

Tö̧jä̧hua̧tö̧, ucuturu pä'ätöjä. Ucutucu aditätörö, ucuturu huo̧juȩtä̧tö̧rö̧, ucuturu Tu̧ru̧hua̧ i̧huȩnȩ ji'ähuätörö ucuotätucui.

2 Tesalonicenses 1:3

Tö̧jä̧hua̧tö̧, 'cuäopönä Diosrö eseunu ucuocuätöjä ucuturu amöcuädö. Ucutu juhua'a yabonö Diosrö cuesetätucu'inä, cuahuaruhuärö juhua'a yabonö repecuhuätucu'inä amöcuädö, teseu'a̧nö̧ ja̧'a̧.

2 Tesalonicenses 2:1

Jitä tö̧jä̧hua̧tö̧, Tu̧ru̧hua̧ Jesucristo ichomenä, chutäcu tö̧jä̧cuȩ huȩnȩ amöcuädö pä'ätöjä ucuturu.

2 Tesalonicenses 3:1

Tö̧jä̧hua̧tö̧, röji ti̧huȩnȩ pä'ätöjä ucuturu. Diosrö ucuocuätucui ujuturu, Tu̧ru̧hua̧ i̧huȩnȩ pi̧jä̧ pa̧ja̧cu̧nä̧ jurunänö rȩbȩhuä̧cua̧'a̧nö̧. Ja̧'hua̧ta̧nö̧ ucutu cuesetinätucu ta'anö, ucuotönö ttesetäcua'a̧nö̧ ucuocuätucui.

2 Tesalonicenses 3:13

Tö̧jä̧hua̧tö̧, adihuä juäi jȩä̧cuä̧huä̧nä̧ 'cuäcuhuächi'ätucuä'.

1 Timoteo 5:21

Dios ä'ca jo̧mȩttö̧, Tu̧ru̧hua̧ Jesucristo ä'ca jo̧mȩttö̧, chutä ȩmi̧nä̧u̧ ángeles ttä'ca jo̧mȩttö̧ pi̧yȩ huȩnȩ cu̧huo̧juȩta̧ pä'ö hue'ösä ucuru. Ka̧ra̧rö̧ ka̧ra̧ttö̧'i̧nä̧ abonänö adihuä i̧sa̧ pä'ö cuamöcuädä'.

2 Timoteo 4:1

Dios ä'ca jo̧mȩttö̧'i̧nä̧, Tu̧ru̧hua̧ Jesucristo ä'ca jo̧mȩttö̧'i̧nä̧ pi̧yȩ huȩnȩ jicuhuähua pä'ö hue'ösä ucuru. Chutä Tu̧ru̧hua̧ Jesucristo ji̧nä̧ ka̧cuä̧tö̧rö̧'i̧nä̧, 'corupä'i'inätörö'inä: “Ucumä adiu jȩpi̧nö̧jä̧”, “Ucumä suronä jȩpi̧nö̧jä̧” päa pä'ö ru̧hua̧ päi'önä i̧chä̧cua̧.

Hebreos 11:6

Ja̧'hua̧nö̧ ja̧'a̧nä̧ ya̧tȩ Diosrö esetoca'anä, Dios esehuarö pä'ö yoröiso jȩpo̧cö̧do. Ya̧tȩ Diosrö ötö'cöhuächa pä'ömä, Diosmä kö̧ pä'ö ȩsȩtä̧cua̧. Ja̧'hua̧ta̧nö̧ Diosrö usätörö, Diosmä adihuä juäi iyö pä'ö ȩsȩtä̧cua̧.

Hebreos 13:16

Adiu jȩä̧cuä̧huä̧nä̧ cunichi'ätucuä'. Ja̧'hua̧ta̧nö̧ cu̧ju̧nä̧rä̧tu̧cu̧ttu̧'i̧nä̧ iyö, korotörö ppäcuhuädätucua pä'ö cunichi'ätucuä'. Ja̧'hua̧nö̧ jȩpö̧, sacrificio päi'önä jȩpä̧tö̧jä̧ Dios esehua'anä.

Hebreos 13:22

Chö̧jä̧hua̧tö̧, pi̧yȩ ppädäcuähuä huȩnȩ topö, cuami 'quicuhuächi'ätucua pä'ösä. Pi̧yȩ ji̧'qui̧cha̧nö̧tä̧ huȩyu̧tä̧ji̧sä̧.

2 Pedro 3:18

Tu̧ru̧hua̧ Jesucristorö juhua'a yabonö adiunä huo̧jui̧pä̧tu̧cui̧. Ja̧'hua̧ta̧nö̧ juhua'a yabonö esehuätucui Tu̧ru̧hua̧rö̧. Jitä'inä, yodoji'inä tesehuäcuähuätucuaja ja̧u̧ru̧tä̧ 'cuäopönä. Amén.

1 Juan 3:22

Diosrö pä̧huä̧ rö̧jö̧ jȩto̧mȩnä̧, hueinö ta'anö jȩta̧'a̧ttö̧ ja̧u̧ ujuturu iyö o'ca juiyönä jätepömä.