1 Tesalonicenses 3:5 - TÄ̧DO Ä̧CUÄ̧ I̧HUȨNȨ

⁵ Ja̧'hua̧nö̧ ja̧'a̧ttö̧ ttömä ucuturu rö̧ȩnä̧ tocha päda'anä, Diosrö cuesetätucu huȩnȩ jä'epö ä̧ju̧cua̧ pä'ö, hue'inösä Timoteorö. Ujutu taditähuä ji̧nö̧ micuäu juiyönä ähuettä suronä jȩi̧nä̧u̧cö̧ pä'ö amöcuädinösä.

Nuevo Testamento Uwotjüja

⁵ Ja̧'wa̧nü̧ ja̧'a̧ttü̧, ukuturu toku tta̧'kua̧ wȩnä̧rü̧ ttü̧ja̧kua̧ja̧ pä'ü chu̧wo̧jua̧ pä̧wä̧rü̧jä̧ku̧, Timoteo-rü jiäwattü pä'ü we'inü̧sä̧. Jua'amä̧ äwettämä̧, täkü ma̧ttä̧chü̧nä̧ jȩi̧nä̧u̧ku̧ pä'ü amükuädü, yapare taditina̧'a̧ tä̧jí̧ pä'inü̧sä̧.

1 Tesalonicenses 3:5 ပူးပေါင်းရင်းမြစ်များ

San Mateo 4:3

Ja̧'hua̧nö̧ päi'omenä, ähuettä ichinödo Jesúsru suronä jȩa̧ pä'ö. Pä'inödo: —Iso päi'önä, Dios I̧tti̧ cu'uttumä, pidu inäduttu ire päi'önä jȩpi̧.

Hechos 15:36

A̧'u̧cua̧'a̧tä̧ ttö̧ja̧cuä̧ji̧ o'ca'a Pablomä Bernabérö pä'inödo: —Korome ötahuiyänä'inä, korome ötahuiyänä'inä Tu̧ru̧hua̧ i̧huȩnȩ jitähuinö o̧du̧nä̧ pä'äji ta'anö tö̧jä̧hua̧tö̧rö̧ dotächäja, tta̧'a̧nö̧ ttö̧ja̧cua̧ pä'ö topö.

1 Corintios 7:5

Ja̧'hua̧nö̧ ja̧'a̧ttö̧ cuirecuorö pä̧huä̧ rö̧jo̧mȩnä̧, cuhuarodätucuä'. Ja̧'hua̧ta̧nö̧ cuirecuarö pä̧huä̧ rö̧jo̧mȩnä̧, cuhuarodätucuä'. Ja̧'hua̧ta̧nö̧ recuonänö Diosrö cucuocuätucua pä'ö cuhuarodätucuttumä, ä'canä cuirecuorö ucuocu ji̧nä̧ yo̧mȩtȩnä̧ amöcuädö jȩpä̧tu̧cui̧. Ja̧u̧nu̧ o'ca'a cuirecuorö jȩpä̧tu̧cui̧, korotöcu suronä jȩcu̧'ä̧tu̧cu̧ juiyäcua'a̧nö̧ ähuettä hueomenä.

2 Corintios 6:1

Jitämä Dios aditähuä ji̧nä̧ yo̧mȩtȩ tadita'attö, pä'ätöjä ucuturu, “Dios adihuä juäi iyinömä, jarocuhui'ätucuä'”.

Gálatas 2:2

Dios cha̧'cua̧nä̧ hueinäcusä juhua'a chi̧'cha̧ pä'ö. Ju̧huȩnȩ Jerusalén ötahuiyänä Dios i̧huȩnȩttö̧ ruhuotö pättä̧u̧tä̧ ttuppäsähuäjomettö ji'ähuinösä suronä jȩttö̧ jȩpö̧ icu huȩnȩ, judíos huocotörö jidäu huȩnȩmä̧. Ja̧u̧ ji'ähuinösä ttö jȩchi̧nö̧'i̧nä̧, jȩchö̧'i̧nä̧ micuähuocö jö̧ a̧'cua̧ri̧yä̧cu̧.

Gálatas 4:11

Ttömä ttö chaditähuä ucuturu ppädädinömä yoröiso micuähuocö jä̧'i̧nö̧'a̧nö̧ ji̧yä̧cu̧ yȩ'ȩcua̧sä̧.

Efesios 4:14

Jitämä pärohuächocotöjä ppo̧'ä̧tö̧ jä̧'i̧nö̧'a̧nö̧. Ja̧'hua̧ta̧nö̧ korotö adihuä juäi huȩnȩ ji'ähuocotömä, koro yapareu huȩnȩ, jareö huȩnȩ jittähuomenä, esetocotöjä ujutu.

Filipenses 2:19

Tu̧ru̧hua̧ Jesúsru pä̧huä̧ rö̧jö̧ttö̧mä̧, yodojinänö Timoteorö hueda pä'ösä, ucuturu topö icha pä'ö. Ja̧'hua̧nö̧ ucutu cu̧ja̧cuä̧tu̧cu̧ huȩnȩ ä̧ju̧cu̧ chȩsȩhuä̧cua̧sä̧.

1 Tesalonicenses 2:1

Tö̧jä̧hua̧tö̧, ucututä huo̧juä̧tö̧jä̧ ucuturu dotächä'ijömä adiu micuähuina'a.

1 Tesalonicenses 3:6

Ja̧'hua̧nö̧ ja̧'a̧nä̧ Timoteo täcö ppa̧'ä̧chi̧nö̧ ucutu cu̧ja̧cuä̧tu̧cua̧'a̧ttö̧mä̧, ujutu tö̧ja̧cua̧'a̧cu̧. Ucutu adiu repecuhuätucu'inä, cuesetätucu'inä adiu ji'ähuinö ujuturu. Ucutu ujuturu repe'ö a̧mö̧cuä̧rä̧tö̧ pä'ö ji'ähuinö. Ja̧'hua̧ta̧nö̧ ujutu'inä ucuturu tota pätö ta'anö, ucutu'inä ujuturu tocu'a päcuhuätucumä ji'ähuinö.