1 Tesalonicenses 3:3 - TÄ̧DO Ä̧CUÄ̧ I̧HUȨNȨ

³ Suronä 'cuäopomenä, jarocu'i'ätucua pä'ocotöjä. Ucutu huo̧juä̧tö̧jä̧, ja̧u̧mä̧ o'ca toi'önärö 'cuäopö.

Nuevo Testamento Uwotjüja

³ Surojü 'kuäopomȩnä̧, kua̧'kua̧ ku̧wȩnä̧rä̧'i̧jä̧tu̧ku̧ kuijuiyuwächi'ätuku juiya pä'ü. Ujutumä̧, iweye jua̧u̧mä̧ 'kuätopü pä'ü, ku̧wo̧juä̧tu̧kua̧ pä'ü.

1 Tesalonicenses 3:3 ပူးပေါင်းရင်းမြစ်များ

San Lucas 21:12

“Ja̧'hua̧nö̧ ja̧'a̧nä̧ pi̧yȩ o'ca juiyönä 'cuäopäcua'a ä'canä, ucuturu 'chuttädäcuotö. Ucuturu suronä jȩttä̧cuo̧tö̧. Ucuturu judíos ttu̧huo̧jui̧'i̧nodehuiyära̧'a̧ ttȩpä̧cuo̧tö̧ suronä ucuocu. Cärenä ttötäcuotö ucuturu. Ji̧nä̧ isocu ruhuotö ttä'ca jo̧mȩttö̧'i̧nä̧, ppeyä ruhuotö ttä'ca jo̧mȩttö̧'i̧nä̧ ttȩpä̧cuo̧tö̧ ucuturu, ttörö cuesetätucua'attö.

San Juan 16:2

Judíos ttu̧huo̧jui̧'i̧nodettö i̧mi̧cu̧nä̧ 'quȩ'ȩpö̧ tticuäcuotö ucuturu. Koronö'inä ucuturu cuä'ö tticuomenä, Diosrö pä̧huä̧ rö̧jö̧ jȩpä̧tö̧jä̧ a̧'cua̧ra̧'a̧ pä'ö ttamöcuädäcuotö.

San Juan 16:33

Ucuturu ji'äusä pi̧yȩ, ttörö esetö cuesehuätucua pä'ö. Pi̧jä̧nä̧ kä̧nö̧ ubara ttucuhuäcuotöjä. Ja̧'hua̧nö̧ ja̧'a̧nä̧ cujuruhuätucuaja. Ttömä pi̧jä̧ttö̧'i̧nä̧ abonänö ju̧ru̧hua̧sä̧, —pä'inödo Jesús.

Hechos 14:22

Koro ötahuiyänä'inä, koro ötahuiyänä'inä Jesucristorö esetätörö huo̧juȩtö̧ ji'ähuinätödo, juhua'a yabonö adiu tteseta pä'ö. —Adiu esetö cu̧ja̧cuä̧tu̧cu̧'a̧nö̧ ja̧'a̧. Rö̧ȩnä̧ surojö 'cuäopäcua'a ujuturu, Dios ö̧jo̧mȩ dotächäcua'a ä'canä, —pä'inätödo.

Hechos 2:25

Ru̧hua̧ David Jesúsru pä'ö huȩyu̧ti̧nö̧do: Chä'ca jo̧mȩttö̧ 'cuäopönä Chu̧ru̧hua̧rö̧ topinösä. Ja̧u̧ chu̧huo̧jua̧'a̧nä̧ kö̧, suronä 'cuäopomenä ye'ecu ttö̧dä̧u̧ juiya pä'ö.

Hechos 21:11

Ujutu tö̧ja̧cuo̧mȩ do'ächi'ö, Pablo äcä isäyanä 'chu'ädö, chutä amönä u̧mö̧'i̧nä̧, ö̧jä̧pi̧yä̧nä̧'i̧nä̧ nö'cäu pä'inö: —Espíritu Santo pä'ö: “Jerusalén ötahuiyättö judíos ttö̧ja̧ ttönö'cäcuotö pide äcä isäya rö̧nä̧rö̧rö̧. Nö'quipö'cotö judíos huocotörö ttiyäcuotö.”

Hechos 21:13

Ja̧'hua̧nö̧ ja̧'a̧ Pablo ädätinö: —¿Dä̧bö̧ cuajuähuätucuättö? ¿Dä̧bö̧ cha̧'cua̧ tta̧dȩcu̧nä̧ jȩcu̧'ä̧tu̧cuä̧ttö̧? Jerusalén ötahuiyättö Tu̧ru̧hua̧ Jesús i̧huȩnȩ jidähua'attö ttörö ttönö'ca pä'ö'inä 'corupädi'a pä'ömä täcö jo̧mȩ päi'önä kö̧sä̧.

Hechos 9:16

Ja̧u̧ru̧ chi̧jȩpä̧cua̧sä̧ rö̧ȩnä̧ surojö ja̧u̧ru̧ 'cuäopä̧cuȩmä̧ chi̧huȩnȩ jiähuomenä.

Romanos 5:3

Ja̧'hua̧ta̧nö̧ ubara ttutomenä'inä, esehuätöjä. Huo̧juä̧tö̧jä̧ ubara ttutomenä, tami 'quitächi'a pä'ö ppä'ädö.

1 Corintios 15:58

Ja̧'hua̧nö̧ ja̧'a̧ttö̧ adihuä chö̧jä̧hua̧tö̧, cuami 'qui'ächi'ö ka̧cuä̧tu̧cui̧ 'cuäopönä. Juhua'a yabonötä aditätucui Tu̧ru̧hua̧ aditähuä. Ucutu täcö huo̧juä̧tö̧jä̧, Tu̧ru̧hua̧cu̧ ji̧nä̧ yo̧mȩtȩ adicuämä adiunätä micuähua'a pä'ö.

1 Corintios 4:9

Juhuorö'inä ttö pä'ösä, Diosmä Jesús hue'ähuotörö usurä isotö ttö̧jö̧'a̧nö̧ ttö̧ja̧cua̧ pä'ö hue'inödo. Iso päi'önä korotö cuä'ö tticu'a̧nö̧ huotö ttö̧ja̧cua̧'a̧ jä̧'i̧nö̧'a̧nö̧, o'ca toi'önä ángeles'inä, pi̧jä̧ ttö̧ja̧'i̧nä̧ tottönä ka̧cuä̧tö̧jä̧ ujutumä.

Efesios 3:13

Ja̧'hua̧nö̧ ja̧'a̧ttö̧ ucuturu ppä'ädö ji'äu ubara ttudomenä, cua̧'cua̧ tta̧cu̧huȩcuä̧tu̧cuä̧ttö̧. Pärocua'acu cuami iso'quitucunä eseunu cu̧ja̧cuä̧tu̧cu̧'a̧nö̧ ja̧'a̧.

Filipenses 1:28

Ja̧'hua̧ta̧nö̧ cuaboiyotörö yecuhuecuätucuoca'a cu̧jä̧tu̧cua̧'a̧ chä̧ju̧cua̧ pä'ösä. Ja̧'hua̧nö̧ yecuäcuähuä juiyönä cu̧ja̧cuä̧tu̧cuo̧mȩnä̧, cuaboiyotömä ttu̧huo̧juä̧cuä̧huä̧cuo̧tö̧, iso päi'önä ujutu betipächäcuotöjä pä'ö. Ja̧'hua̧ta̧nö̧ ttu̧huo̧juä̧cuo̧tö̧, iso päi'önä Dios ppä'ädö tta̧'ä̧rö̧ ucuturu.

Colosenses 1:23

Ja̧'hua̧nö̧ ja̧'a̧nä̧ dau po'tiyä 'quiyönä 'chuhuädö'a̧nö̧, adiu esetätucui. Jarocuhui'ätucuä' adiu tta̧cu̧huä̧rä̧tu̧cu̧ huȩnȩ, ttö̧ja̧ suronä jȩttö̧ jȩpö̧ icu huȩnȩ. Ja̧u̧ huȩnȩ pi̧jä̧ pa̧ja̧cu̧nä̧ ji'ähuätö. Ttö'inä, Pablo, ji'äusä ja̧u̧ huȩnȩ.

1 Tesalonicenses 5:9

Dios uhuäbe'ocö pi̧nö̧ ujuturu ö̧tä̧bo̧ta̧tö̧ pä'ö. Ujuturu uhuäbe'inö i̧tti̧mö̧ päti'a pä'ö, Tu̧ru̧hua̧ Jesucristorö tesetomenä.

2 Tesalonicenses 1:4

Ja̧'hua̧nö̧ jȩcu̧'ä̧tu̧cua̧'a̧ totomenä, korome iglesia ruhuärö eseunu ji'ähuätöjä ucuturu. Ucuturu suronä jȩpö̧ ubara ttucuhuätucuomenä, cuami 'qui'ächi'ö cu̧ja̧cuä̧tu̧cu̧'i̧nä̧, Diosrö cuesetätucu'inä ji'ähuätöjä.

2 Timoteo 1:8

Tu̧ru̧hua̧ i̧huȩnȩ korotörö ucuocu cudäpecuä'. Ttö Chu̧ru̧hua̧rö̧ cheseta'attö, cärenä pö̧rö̧'i̧nä̧ cudäpecuä'. Dios ujurunä, ttö̧ja̧ suronä jȩttö̧ jȩpö̧ icu huȩnȩ esetö, ucu'inä ubara ttu'i.

1 Pedro 2:21

Dios ucuturu huopinö. Cristo ubara ttu'inö ucuturu. Chutä cueächinö ta'anö, cue'ächätucui ucutu'inä.

Apocalipsis 2:10

Koronö ubara ttucuhuä̧cuȩmä̧ amöcuädö, yecuhuecuä'. Korotörö, ucututtu, ähuettämä cärenä ö̧tä̧cua̧, cuami 'qui'ächi'ö cu̧ja̧cuä̧tu̧cua̧ pä'ö. To̧mö̧rȩ mo̧ro̧ jo̧mȩnä̧, ubara ttucuhuäcuotöjä. Ja̧'hua̧nö̧ ja̧'a̧nä̧ hua'ö cuicuome jubö päi'önä, adiunätä kä̧nö̧ cue'ächi. Ja̧u̧nu̧ micuä päi'önä chi̧yä̧cua̧jä̧ kä̧cuä̧huä̧ i'co.

Apocalipsis 2:13

O'ca juiyönä jȩcu̧'u̧ huo̧jua̧sä̧. Satanás ö̧jo̧mȩ cu̧ja̧'a̧ huo̧jua̧sä̧. Ja̧'hua̧ta̧nö̧ ja̧'a̧nä̧ adiunätä cue'ächöjä ttörö esetö huo̧jua̧sä̧. Ttörö yoröiso jaropi'ocöjä. Ttö chi̧huȩnȩ jiäcuähuä i̧sa̧ Antipasrö, Satanás ö̧jo̧mȩttö̧, ucutu cu̧'quȩtȩtu̧cu̧nä̧ ö̧jo̧mȩnä̧, cuä'ö tticuinö pä̧nä̧'i̧nä̧ jaropi'ocö pi̧nö̧jä̧.