1 Tesalonicenses 3:12 - TÄ̧DO Ä̧CUÄ̧ I̧HUȨNȨ

¹² Ja̧'hua̧ta̧nö̧ Tu̧ru̧hua̧ ucuturu ppäda pä'ö, juhua'a yabonö esetö, ucuturu repetö ta'anö, ka̧ra̧rö̧'i̧nä̧, ka̧ra̧rö̧'i̧nä̧, o'ca toi'önärö repecuhuätucua pä'ätöjä.

Nuevo Testamento Uwotjüja

¹² Ja̧'wa̧ta̧nü̧ Tu̧ru̧wa̧tä̧ ku'uttächätukunä̧, o'katoi'ünä̧ku̧ kuesewätukunä̧ ppädätukuaku pä'ü jä'epätüjä̧ Tu̧ru̧wa̧rü̧mä̧, pärokua'aku ukuturu tesewuöta'anü̧.

1 Tesalonicenses 3:12 ပူးပေါင်းရင်းမြစ်များ

San Mateo 22:39

Ja̧'hua̧ta̧nö̧ ja̧u̧ o'ca'a adihuä juäi hueähuä huȩnȩ yoräteunänö päa'a: “Cua̧hua̧ru̧hua̧rö̧ repe'i, ucutä cuamönä repecuhuäu ta'anö.”

San Mateo 7:12

“Ja̧'hua̧nö̧ ja̧'a̧ttö̧ korotö ucuturu jȩtta̧ päcuhuätucumä, jahuätörötä ä'canä adiu jȩpä̧tu̧cui̧, ucutu jȩcu̧'ä̧tu̧cu̧ ta'anö jȩtta̧ pä'ö ucuturu. Iso päi'önä Moisés hueähuä huȩnȩ'i̧nä̧, Dios i̧huȩnȩ jiäcuähuä isotö pättinö huȩnȩ'i̧nä̧ ja̧'hua̧nö̧ päa'a, —pä'ö huo̧juȩti̧nö̧do Jesús.

San Lucas 17:5

Ja̧'hua̧nö̧ ja̧'a̧ Jesús hue'ähuotö pä'inätödo Tu̧ru̧hua̧rö̧: —Ucuru adiu tesetönä jȩpi̧tö̧.

Romanos 13:8

Yoröiso mippotönö jȩcu̧'ä̧tu̧cuä̧' korotörö'inä ka̧ra̧rö̧'i̧nä̧. Repeäcuähuänö jȩcu̧'ä̧tu̧cu̧tä̧ mippotätucui korotö korotöcu. Korotörö repe'önö jȩpä̧tö̧mä̧, hueähuä huȩnȩ jȩpä̧tö̧.

2 Corintios 9:10

Diosmä ku̧nä̧huä̧ ru̧hua̧rö̧ jacuä jähuä u̧ju̧na̧ pä'ö iyö. Ja̧'hua̧ta̧nö̧ cuäcuähuä iyö, ucua pä'ö. Ucuturu'inä i̧yä̧cua̧ adihuä juäi cu̧ju̧nä̧tu̧cua̧ pä'ö. Ja̧u̧nu̧ o'ca'a, cu̧ju̧nä̧tu̧cu̧ o'ca'a, rö̧ȩnä̧ adihuä juäi cuȩmä̧tu̧cua̧ pä'ö i̧yä̧cua̧.

Gálatas 5:22

Ja̧'hua̧nö̧ ja̧'a̧nä̧ Espíritu Santo ujuturu iyömä repeäcuähuä, eseäcuähuä, tami iso'quinä eseäcuähuä, ta̧'cua̧ pö̧nö̧ jö̧, korotörö adiu ppädäcuähuä, ucuotäcuähuä, o'ca juiyönä yaparehuäcuähuä juiyönä jȩä̧cuä̧huä̧.

Gálatas 5:6

Ujutu Cristo Jesúsru tesetomenä, circuncisión jȩä̧cuä̧huä̧'i̧nä̧, circuncisión jȩä̧cuä̧huo̧cö̧'i̧nä̧ yoröiso micuähuocö ujuturu. Ujutumä Cristorö tesetötä adiu micuähua'a. Ja̧'hua̧ta̧nö̧ ja̧u̧ru̧ tesetomenä, tahuaruhuärö repetäu'a̧nö̧ ja̧'a̧.

Filipenses 1:9

Diosrö ucuocusä ucuturu juhua'a yabo rö̧ȩnä̧ repecuhuätucuäcua'a̧nö̧ korotörö. Ja̧'hua̧ta̧nö̧ rö̧ȩnä̧ huo̧ju̧nä̧ cu̧huo̧juä̧tu̧cuä̧cua̧'a̧nö̧ o'ca juiyönä.

1 Tesalonicenses 2:8

Ucuturu rö̧ȩnä̧ repeta'attö, Dios i̧huȩnȩ ji'äu 'corupä'i'ätöjä ucuturu ppä'ädö. Iso päi'önä rö̧ȩnä̧ repe'ätöjä ucuturu.

1 Tesalonicenses 4:1

Tö̧jä̧hua̧tö̧, jitä Tu̧ru̧hua̧ Jesús i̧mi̧nä̧ pi̧yȩ huȩnȩ ji'äu hue'ätöjä ucuturu. Diosrö pä̧huä̧ rö̧jö̧ huȩnȩ, ucuturu tu̧huo̧juȩti̧nö̧mä̧, juhua'a yabonö esetö cu̧ja̧cuä̧tu̧cua̧ pä'ätöjä.

1 Tesalonicenses 5:15

Ya̧tȩ ka̧ra̧rö̧ suronä jȩo̧mȩnä̧, pärocua'attö suronä jȩö̧ juiyarö pä'ö ji'ähuätucui. Ucutumä 'cuäopönä ka̧ra̧ ka̧ra̧rö̧'i̧nä̧ o'ca toi'önärö adiu jȩpö̧ ka̧cuä̧tu̧cui̧.

2 Tesalonicenses 1:3

Tö̧jä̧hua̧tö̧, 'cuäopönä Diosrö eseunu ucuocuätöjä ucuturu amöcuädö. Ucutu juhua'a yabonö Diosrö cuesetätucu'inä, cuahuaruhuärö juhua'a yabonö repecuhuätucu'inä amöcuädö, teseu'a̧nö̧ ja̧'a̧.

Santiago 1:17

O'ca juiyönä adiumä ttö̧ä̧nä̧huo̧mȩttö̧ icha'ado. Diosttö kä̧hua̧tö̧rö̧'i̧nä̧, si̧ri̧'cö̧rö̧'i̧nä̧ aditinöttö icha'ado. Diosmä yoröiso pärou icuocö. Tti jo̧mȩ pärohue'ö kö̧'a̧nö̧, pärohuocö Diosmä.

2 Pedro 1:7

Ja̧'hua̧ta̧nö̧ Diosrö ucuocu kä̧nö̧, cu̧jä̧hua̧tö̧rö̧ eseunu cuamöcuädätucuaja. Ja̧'hua̧ta̧nö̧ eseunu amöcuädö kä̧nö̧, cuahuaruhuärö repecuhuätucuaja.

2 Pedro 3:18

Tu̧ru̧hua̧ Jesucristorö juhua'a yabonö adiunä huo̧jui̧pä̧tu̧cui̧. Ja̧'hua̧ta̧nö̧ juhua'a yabonö esehuätucui Tu̧ru̧hua̧rö̧. Jitä'inä, yodoji'inä tesehuäcuähuätucuaja ja̧u̧ru̧tä̧ 'cuäopönä. Amén.