1 Tesalonicenses 2:5 - TÄ̧DO Ä̧CUÄ̧ I̧HUȨNȨ

⁵ Ja̧'hua̧ta̧nö̧ ujutu tamönä ti̧huȩnȩmä̧ adiu ucuocu ji'ähuocotö pi̧nä̧tö̧jä̧, pärätä'inä cuiyätucuatö pä'ö. Dios ja̧'hua̧nö̧ jȩtö̧mä̧ huo̧jua̧.

Nuevo Testamento Uwotjüja

⁵ Ujutumä̧ ukutu kuesetätukuatü pä'ümä̧, ti̧wȩnȩmä̧ a̧'kua̧tü̧mä̧ ukuokuokotüjä̧ ja̧'wa̧ta̧nü̧ pärätä ja̧'a̧tȩ'ü̧mä̧ yaparetümä̧ jitäwo̧ko̧u̧jä̧. Dio topü ja̧'a̧ttü̧ wo̧jua̧ pi̧yȩ yapare pädoka'amä̧.

1 Tesalonicenses 2:5 ပူးပေါင်းရင်းမြစ်များ

San Mateo 22:16

Ja̧'hua̧nö̧ ja̧'a̧ttö̧ ttahuaruhuärö'inä, Herodes ahuaruhuärö'inä hue'inätödo Jesúsru jättepa pä'ö koro huȩnȩ. Pä'inätödo: —Huo̧juȩcuä̧ I̧sa̧, ujutu huo̧juä̧tö̧jä̧ ucumä iso päi'önä ucuocujä. Ja̧'hua̧ta̧nö̧ Dios u̧mä̧nä̧ adihuä huȩnȩ huo̧juȩtö̧jä̧, pi̧jä̧ ttö̧ja̧ pättö cuä̧ju̧cuo̧ca̧'a̧nä̧. Ja̧'hua̧ta̧nö̧ ttö̧ja̧ ttamöcuädö ye'ecuocöjä.

San Mateo 23:13

“Fariseos huotö'inä, hueähuä huȩnȩ huo̧juȩtä̧tö̧'i̧nä̧, suronä 'cuäopäcua'a ucuturu. ¡Yapareu ttö̧ja̧jä̧! Ucutumä korotö Dios i̧tti̧mö̧ pätti'ö juiya pä'ö jȩpä̧tö̧jä̧. Ucutu'inä Dios ö̧jo̧mȩcu̧ do'ächocotöjä. Korotö'inä Dios ö̧jo̧mȩcu̧ dottächa pä'ätörö dottächö juiya pä'ätöjä.

Hechos 20:33

Korotö ttöäre pärätä'inä, ttö̧'ca̧tä̧huä̧ti̧yu̧'i̧nä̧ pä̧huä̧ rö̧jö̧nä̧ topocö pi̧nö̧sä̧.

Romanos 1:9

Ja̧'hua̧ta̧nö̧ Dios I̧tti̧ i̧huȩnȩ o'ca juiyönä cha̧'cua̧ eseunu jidähua'attö, Dios huo̧jua̧ ucuturu amöcuädö Diosrö chucuocumä.

Romanos 16:18

Jahuätömä Tu̧ru̧hua̧ Jesucristorö pä̧huä̧ rö̧jö̧ jȩpo̧co̧tö̧. Jitörötä pä̧huä̧ rö̧jö̧tä̧ jȩpä̧tö̧. Tti̧huȩnȩ esetönö, repe'önänö ucuocuätö jerupätörö.

Romanos 9:1

Cristorö chesetomettö, iso päi'önä huȩnȩ ji'äusä. Yapareu ji'ähuocösä. Espíritu Santo huo̧juȩtö̧ chami iso'quinä iso päi'önä huȩnȩ ji'äusä.

2 Corintios 12:17

Korotö ttörö ppä'ädätörö huedomenä, ¿yapareu ji'äu jȩpi̧nö̧sä̧ tä̧ji̧?

2 Corintios 2:17

Ujutumä Dios i̧huȩnȩ ji'äu kä̧nö̧, koro pä'ö ȩmo̧co̧tö̧jä̧ korotö recuätö jȩttö̧'a̧nö̧. Ujutu jueönä ta̧'cua̧ pö̧nö̧ ji'ähuätöjä Dios hue'ähuotö jittäu ta'anö. Ja̧'hua̧ta̧nö̧ Dios ä'ca jo̧mȩttö̧ ji'ähuätöjä Cristo umöhuäyotö jittäu ta'anö.

2 Corintios 4:2

Ujutumä jaropi'inätöjä o'ca juiyönä dajahuächö jȩä̧cuä̧huä̧'i̧nä̧, dä'äcu jȩä̧cuä̧huä̧'i̧nä̧. Ujutumä yapareu jȩpo̧co̧tö̧jä̧. Ja̧'hua̧ta̧nö̧ Dios i̧huȩnȩ'i̧nä̧ i̧mi̧cu̧nä̧ ji'ähuocotöjä. Ji̧yȩä̧cuȩtä̧, iso päi'önä huȩnȩtä̧ ucuocuätöjä pi̧jä̧ ttö̧ja̧rö̧, Dios ä'ca jo̧mȩttö̧ ttamöcuädäcua'a̧nö̧ jitötä.

2 Corintios 7:2

Cuami iso'quitucunä eseunu topätucui ujuturu. Suronämä yoröiso jȩpo̧co̧tö̧ pi̧nä̧tö̧jä̧ korotörö. Ja̧'hua̧ta̧nö̧ ujutu jitähuomenä, korotö i̧mi̧cu̧nä̧ koro juäi huȩnȩ esetocotö pi̧nä̧tö̧do. Ujutu yoröiso yapareu ji'ähuocotö pi̧nä̧tö̧jä̧.

Gálatas 1:20

Dios ä'ca jo̧mȩttö̧ iso päi'önä pä'ösä ucuturu. Chi̧huȩyu̧tu̧mä̧ iso päi'önä huȩnȩ pä'ösä.

1 Tesalonicenses 2:10

Ucutucu tö̧ja̧cui̧nö̧mä̧ topinätöjä ucutumä. Dios'inä topinö. Ujutumä adiu jȩpö̧ ka̧cui̧nä̧tö̧jä̧ ucutu Diosrö esetätöcu, yoröiso suronä ttucuocu juiyönä ujuturu.

1 Timoteo 3:3

Ja̧u̧mä̧ tä̧'ä̧mo̧cö̧. Ja̧u̧mä̧ ahuaruhuäcu rohuähuocö. Ja̧u̧mä̧ pärätä yapareu ucuocu ȩmo̧cö̧. Pärocua'acu ahuaruhuärö adiu ppä'ädö. Adiu kö̧ korotö ttä'ca jo̧mȩ. Ja̧u̧mä̧ pärätä u̧ju̧nä̧ra̧ pä'ömä amöcuädocö.

1 Timoteo 3:8

Ja̧'hua̧ta̧nö̧ diáconos huotörö'inä ttucuotäcua'a̧nö̧. Yapareu ucuocuocotö. Jahuätömä tä̧'ä̧mo̧co̧tö̧. Jahuätömä pärätä rö̧ȩnä̧ amöcuädö ko̧co̧tö̧.

Tito 1:7

Ya̧tȩ tta̧huä̧rä̧cuä̧huä̧ i̧sa̧ Dios i̧huȩnȩ tta̧'ä̧rö̧. Ja̧'hua̧nö̧ ja̧'a̧ttö̧ adiunätä jȩpö̧ kö̧. “Ttömä adihuä i̧sa̧sä̧” pä'ocö. O'ca päi'önä ra̧huä̧ri̧po̧cö̧. Ja̧u̧mä̧ tä̧'ä̧mo̧cö̧. Ja̧u̧mä̧ ahuaruhuäcu rohuähuocö. Ja̧u̧mä̧ pärätä rö̧ȩnä̧ amöcuädö ko̧cö̧.

1 Pedro 5:2

O̧vȩja̧stö̧rö̧ tta̧huä̧rä̧cuä̧huä̧ i̧sa̧ tta̧huä̧rö̧'a̧nö̧, Dios i̧tti̧mö̧rö̧, ucuturu hueinä̧u̧ru̧, tta̧'ä̧rö̧ ka̧cuä̧tu̧cui̧. Suronä päcuhuätucuoca'a, Diosrö pä̧huä̧ rö̧jo̧mȩnä̧ adiunä eseunu tta̧'ä̧rä̧tu̧cui̧. Ja̧'hua̧ta̧nö̧ pärätä cuamöcuädätucuoca'a, adiu tta̧'ä̧rä̧tu̧cui̧. Adiunä aditätucui cuaditähuätucu.

2 Pedro 2:18

Jahuätömä a'cuoyäunu micuähuocö juäi ucuocuätö. Jitötä ttamönä pä̧huä̧ rö̧jö̧tä̧ suronä jȩpö̧ ttö̧ja̧cui̧nö̧ttö̧ rä'opächinätörö huo̧juȩtä̧tö̧ pi̧jä̧ ttö̧ja̧ ttamöcuädö huȩnȩ.

2 Pedro 2:3

Pärätä rö̧ȩnä̧ ttȩma̧ pä'ö, ucuturu yapareu huȩnȩ ttu̧huo̧juȩtä̧cuo̧tö̧ cuiyätucuatö pä'ö. Yoröiso ttö̧ji̧pö̧ juiyönä, bettipächäcuotö ja̧'hua̧nö̧ huo̧juȩtä̧tö̧mä̧. Ja̧'hua̧nö̧ 'cuäopäcua'a, täbocö päi'önä amöcuädinödo Dios.

Judas 1:11

Caín ö̧ji̧nö̧ ta'anö ttö̧ja̧'a̧ttö̧, suronä 'cuäopäcua'a jahuätörö. Pärätä ȩma̧ pä'ö Balaam suronä jȩi̧nö̧ ta'anö, suronä jȩpä̧tö̧ jahuätö'inä. Coré öarode'inö ta'anö, jarode'ätö jahuätömä. Ja̧'hua̧nö̧ ja̧'a̧ Coré toei'inö ta'anö, tottei'äcuotö jahuätömä.