1 Tesalonicenses 2:18 - TÄ̧DO Ä̧CUÄ̧ I̧HUȨNȨ

¹⁸ Koronö'inä chi̧'cha̧ pä'ö jȩpi̧nö̧sä̧. Ja̧'hua̧ta̧nö̧ recuo ti̧'cha̧ päta'anä, ti̧'chö̧ juiyönä jȩi̧nä̧u̧jä̧ Satanás.

Nuevo Testamento Uwotjüja

¹⁸ Ja̧'wa̧nü̧ jä̧u̧, ticha pä'ü a̧mü̧kuä̧rü̧, ttü Pauru'i̧nä̧ ticha pä'ü ppa̧'a̧dä̧rü̧ chusa'anä̧, Satanás-mä̧ ti̧'chü̧ juiyünä̧ jȩi̧nä̧u̧jä̧.

1 Tesalonicenses 2:18 ပူးပေါင်းရင်းမြစ်များ

San Mateo 4:10

Ja̧'hua̧nö̧ ja̧'a̧ttö̧ Jesús ädätinäcudo: —Satanás, täi. Huȩyu̧cuä̧ Huȩnȩ päa'a: “Chu̧ru̧hua̧ Diosrötä cua̧'cua̧ huȩnä̧ri̧. Ja̧'hua̧ta̧nö̧ ja̧u̧tä̧ päömä jȩpi̧,” —ädätinäcudo.

Romanos 1:13

Chö̧jä̧hua̧tö̧, ucuturu jidähua pä'ösä. 'Cuäopönä ucuturu topö chicha päda'anä, ji̧nä̧ chichö juiyönä jä̧cu̧sä̧. Chicha pä'ösä ppädäda pä'ö ucuturu, cu̧ja̧cuä̧tu̧cuo̧mȩttö̧ yotöte tteseta pä'ö, koromettö ppädädinö'a̧nö̧.

Romanos 15:22

Ja̧'hua̧nö̧ ja̧'a̧ttö̧ 'cuäopönä ucuturu do'ächö chicha päda'anä, chichö juiyönä ji̧na̧'a̧.

1 Corintios 16:21

Ttö Pablo, pi̧yȩmä̧ ttötä chu̧mö̧nä̧ huȩyu̧tu̧ hue'ösä ucuturu.

Filipenses 4:16

Ja̧'hua̧ta̧nö̧ ttömä jui'ö chö̧jo̧mȩnä̧ Tesalónica ötahuiyänä, koronö'inä ofrenda ppä'ädö hue'inätöjä ttörö.

Colosenses 4:18

Ttö, Pablo, pi̧yȩ cuyäru huȩyu̧tu̧sä̧ ttötä chu̧mö̧nä̧. Ttömä cärenä chö̧'a̧'a̧nä̧'i̧nä̧ cunichi'ätucuä'. Ja̧'hua̧ta̧nö̧ Dios ucuturu ppädäcua'a̧nö̧. Amén.

2 Tesalonicenses 3:17

Ttö Pablo, ucuturu te'äu pi̧yȩ cuyäru ttötä chu̧mö̧nä̧ huȩyu̧tu̧sä̧. Ttö chi̧huȩyu̧tu̧mä̧ chi̧mi̧ pa̧'a̧. Ja̧'hua̧nö̧tä̧ huȩyu̧tu̧sä̧.

Filemón 1:9

Ucuru repe'ö huedoca'anä, jä'epötä jä'epösä. Ttö Pablo, bö̧o̧ i̧sa̧ cha'anä Cristo Jesúsru cheseta'attö cärenä pö̧sä̧.

Apocalipsis 2:10

Koronö ubara ttucuhuä̧cuȩmä̧ amöcuädö, yecuhuecuä'. Korotörö, ucututtu, ähuettämä cärenä ö̧tä̧cua̧, cuami 'qui'ächi'ö cu̧ja̧cuä̧tu̧cua̧ pä'ö. To̧mö̧rȩ mo̧ro̧ jo̧mȩnä̧, ubara ttucuhuäcuotöjä. Ja̧'hua̧nö̧ ja̧'a̧nä̧ hua'ö cuicuome jubö päi'önä, adiunätä kä̧nö̧ cue'ächi. Ja̧u̧nu̧ micuä päi'önä chi̧yä̧cua̧jä̧ kä̧cuä̧huä̧ i'co.