1 Tesalonicenses 2:16 - TÄ̧DO Ä̧CUÄ̧ I̧HUȨNȨ

¹⁶ Ujutumä judíos huocotörö jitähua pätomenä, suronä jȩttö̧ jȩpö̧ icu huȩnȩ tteseta pä'ö, jahuätö judíos ttö̧ja̧mä̧ jitäu juiyönä jȩpä̧tö̧. Ja̧'hua̧nö̧ jȩtto̧mȩnä̧, ji̧nä̧ isocu suronä jȩpä̧tö̧. Ja̧'hua̧nö̧ ja̧'a̧nä̧ jitämä Dios ö̧tä̧bo̧tä̧cuȩmä̧ 'cuäopa'a jahuätörö.

Nuevo Testamento Uwotjüja

¹⁶ Judío pokotürü, ra̧wä̧pi̧jü̧ttü̧ ttü̧ja̧kui̧'a̧ pä'ü, jitäu juiyünä̧ jȩttä̧u̧jä̧. Ja̧'wa̧nü̧ jȩtto̧mȩnä̧mä̧, suronä̧ jȩttä̧'i̧jü̧mä̧ yaboku rü̧ä̧chä̧u̧. Ja̧'wa̧nü̧ ja̧'a̧nä̧, täkü rüjí mo̧ro̧mä̧ Dio-mä̧ usurä ttȩmä̧u̧nä̧ ro̧ȩpä̧kuä̧u̧.

1 Tesalonicenses 2:16 ပူးပေါင်းရင်းမြစ်များ

San Mateo 12:45

Ja̧'hua̧nö̧ ja̧'a̧ttö̧ 'chä̧nö̧ ahuaruhuärö ko̧ro̧mö̧ttö̧nö̧ ta̧ju̧ru̧ ja̧u̧ttu̧'i̧nä̧ abonänö suropätörö i'cächö. Jahuätömä o'ca toi'önä ja̧u̧ ttö̧ja̧ i̧sa̧rö̧ do'ächätö ttö̧ja̧cua̧ pä'ö. Ja̧u̧nu̧mä̧ ja̧u̧ ttö̧ja̧ i̧sa̧mä̧ pä'äji ö̧ji̧nö̧ttö̧'i̧nä̧ abonänö suronä kö̧. Jitä ka̧cuä̧tö̧rö̧mä̧ suropätörömä ja̧'hua̧nö̧ 'cuäopäcua'a, —pä'inödo Jesús.

San Mateo 23:32

Ja̧u̧ttu̧mä̧ cuä̧'o̧tö̧ mi̧nä̧ kä̧mä̧dö̧ jȩtti̧nö̧mä̧ ki̧'ö̧mä̧ cä'ädätucui ucututä.

San Mateo 24:14

Pi̧yȩ huȩnȩ, Dios Ttu̧ru̧hua̧ päi'önä ö̧jä̧cuȩ huȩnȩ, ruhuäcuiyä pa̧ja̧cu̧nä̧ jittähuäcuotö, o'ca toi'önä tteseta pä'ö. Ja̧u̧nu̧ o'ca'a röji mo̧ro̧ päi'äcua'a.

San Mateo 24:6

Rö̧ȩnä̧ curä huȩnȩ'i̧nä̧, ra̧huȩpi̧jö̧ huȩnȩ'i̧nä̧ cuä̧ju̧cuä̧cuo̧tö̧jä̧. Ja̧'hua̧nö̧ cuä̧ju̧cuä̧tu̧cuo̧mȩnä̧, yecuhuecuätucuä'. Ja̧u̧ o'ca juiyönä 'cuäopäcua'a. Ja̧'hua̧ta̧nö̧ 'cuäopa'anä, röji mo̧ro̧ ji̧nä̧ päi'oca'a jä̧cua̧'a̧.

San Mateo 3:12

Ja̧'hua̧ta̧nö̧ trigo pättö juäi ppa̧'ȩpö̧ icua pä'ö, jo̧mȩ päi'önä ru'tucä 'chu̧'ä̧rö̧ u̧mö̧nä̧. Trigo ppa̧huȩpö̧mä̧ isodenä hua'adö u̧ju̧nä̧cua̧. O'co'cuamä ocuränä, yoröiso beipocaränä, ku i̧cuä̧cua̧, —pä'inödo Juan.

San Marcos 16:16

Ya̧tȩ esetömä, bautizando hua̧mä̧, suronä jȩi̧nö̧ jȩpö̧ icu Dios. Ja̧'hua̧nö̧ ja̧'a̧nä̧ esetocömä, Dios ö̧tä̧bo̧tä̧cua̧ ja̧u̧ru̧.

Hechos 13:45

Judíos ttö̧ja̧ topinätödo Pablocu ttö̧ja̧ recuätö tti̧'cha̧'a̧. Ja̧'hua̧nö̧ ja̧'a̧ttö̧ ra̧huä̧rö̧ a'cuoyähuinätödo Pablorö. —Pablo yapareu ucuocu. Suronä jȩpö̧, —pä'inätödo.

Hechos 13:50

Ja̧'hua̧nö̧ ja̧'a̧ judíos ttö̧ja̧mä̧, nä̧tö̧ järe ruhuotö Diosrö amöcuädinätörö'inä, u̧mä̧tö̧ ucuotäcuähuotörö'inä ucuocuinätödo Pablorö, Bernabérö suronä jȩtta̧ pä'ö. Juhua'a yabocu jahuätörö ya'opö icuinätödo tti̧rȩjä̧ttö̧.

Hechos 14:19

Ja̧'hua̧ ja̧'a̧ korotö judíos ttö̧ja̧ Antioquía ötahuiyättö, Iconio ötahuiyättö'inä ichö rö̧ȩnä̧ ucuocuinätödo ttö̧ja̧rö̧. Jahuätö jittäu huȩnȩ amöcuädö esetinätödo Listra ötahuiyä ttö̧ja̧mä̧. Ja̧'hua̧nö̧ ja̧'a̧ inädu icuähuinätödo Pablorö. Täcö 'corupä'i'äji amöcuädö, ötahuiyä jäyäcu dottinäcudo.

Hechos 14:2

Ja̧'hua̧nö̧ ja̧'a̧nä̧ judíos ttö̧ja̧ Jesucristorö esetocotömä ucuocuinätödo judíos huocotörö, suronä ttamöcuäda pä'ö Jesucristorö esetätörö.

Hechos 14:5

Ja̧'hua̧ ja̧'a̧ judíos huocotöcu, judíos ttö̧ja̧cu̧, tturuhuotöcu ji̧nä̧ yo̧mȩtȩ ucuocuinätödo suronä jȩtta̧ pä'ö, inädu tticuähua pä'ö Pablorö, Bernabérö cuä'ö tticua pä'ö.

Hechos 17:13

Ja̧'hua̧nö̧ ja̧'a̧ judíos ttö̧ja̧ Tesalónica ötahuiyänä ka̧cuä̧tö̧mä̧ Pablomä Dios i̧huȩnȩ Berea ötahuiyättö ji'äudo jittähua'a ttä̧ju̧cuo̧mȩnä̧, juhua'atä 'chä̧nö̧ ttö̧ja̧rö̧ ucuocuinätödo suronä jȩtta̧ pä'ö Pablorö.

Hechos 19:9

Ja̧'hua̧nö̧ ja̧'a̧ yotöcunä jarode'ö esetocotö pi̧nä̧tö̧do. O'ca toi'önä ttä'ca jo̧mȩttö̧ Dioscu adiu kä̧cuä̧huä̧ huȩnȩ jarode'ö “Surojö” pä'inätödo. Ja̧'hua̧nö̧ jȩtto̧mȩnä̧, Pablo jahuätöttö 'quȩ'i̧pä̧chi̧nö̧do. Jesucristorö esetätömä chutäcu tti̧'cha̧ pä'ö o'ipinödo. Tiranno ojusodettö jahuätörö Dios i̧huȩnȩ rä'epö ucuocuinödo mo̧ro̧ji̧nö̧ a̧'u̧cuä̧.

Hechos 21:21

Korotö jahuätörö ja̧'hua̧nö̧ ji'ähuinätödo: “Pablo judíos ttö̧ja̧rö̧, judíos huocotö ttö̧'quȩtȩnä̧ ka̧cuä̧tö̧rö̧, ji'äu: Moisés hueinö ta'anö jȩcu̧'ä̧tu̧cuä̧'. Cui̧tti̧mö̧rö̧ circuncisión jȩcu̧'ä̧tu̧cuä̧'. Judíos ttö̧ja̧ jȩti̧nö̧mä̧ jȩcu̧'ä̧tu̧cuä̧'”, —pä'inätödo ancianos huotö Pablorö.

Hechos 23:12

Ja̧'hua̧nö̧ ja̧'a̧ mo̧ro̧ päi'a'a yotöcunä judíos ttö̧ja̧ Pablorö cuä'ö tticua pä'ö ji̧nä̧ yo̧mȩtȩ amöcuädinätödo. Pä'inätödo: —Dios ä'ca jo̧mȩttö̧ pä'ätöjä tu̧cuȩ'i̧nä̧ cuocotöjä, au'inä ahuocotöjä Pablorö cuä'ö ticuome jubö päi'önä.

Hechos 24:9

Judíos ttö̧ja̧ ju̧huȩnȩtä̧ ka̧cuä̧tö̧'i̧nä̧: —Tértulo jiähuäjimä iso päi'önä ja̧'a̧, —pä'inätödo.

Hechos 25:2

Juhua'attö sacerdotes tturuhuotö, korotö judíos ttö̧ja̧ tturuhuotö'inä Pablo suronä jȩi̧nö̧ huȩnȩ ji'ähuinätödo Festorö.

Hechos 25:7

Pablo ichi'omenä, judíos ttö̧ja̧ Jerusalén ötahuiyättö ichäjätömä Pablorö so̧bo̧cuä̧ päi'önä kä̧mä̧di̧nä̧tö̧do. Suronä jȩi̧nö̧mä̧ rö̧ȩnä̧ huȩnȩtö̧ ucuocuinätödo. Ja̧'hua̧nö̧ ja̧'a̧nä̧'i̧nä̧ suronä jȩi̧nö̧ topinätömä yoröiso toina'ado.

Hechos 4:12

Ka̧ra̧mä̧ toa'a suronä jȩtö̧ jȩpö̧ icumä. Pi̧jä̧ ttö̧ja̧rö̧ iyocö pi̧nö̧ ka̧ra̧ i̧mi̧nä̧, suronä jȩttö̧ jȩpö̧ icua pä'ö, —pä'inödo Pedro.

Hechos 9:23

Recuo mo̧ro̧ o'ca'a judíos ttö̧ja̧ ca̧ca̧cu̧ ucuocuinätödo, Saulorö cuä'ö tticua pä'ö.

1 Corintios 10:33

Ttömä 'cuäopönä jȩcha̧ pä'ösä o'ca toi'önä ttesehuäcua'anö̧. Ttötä chamönämä amöcuädäcuähuocösä. Korotörö amöcuädösä, jahuätö'inä ttesetäcuä'a̧nö̧.

Gálatas 5:11

Juhuorö'inä chö̧jä̧hua̧tö̧, ttö ji̧nä̧ circuncisión jȩtta̧ pä'ö chu̧huo̧juȩtö̧ttö̧mä̧, judíos ttö̧ja̧ yoröiso ttö̧ra̧huä̧ro̧co̧cu̧sä̧. Ja̧'hua̧nö̧ jö̧ttö̧mä̧ Cristo dau isodänä 'corupäi'inö huȩnȩmä̧ ttä̧ju̧cuo̧mȩnä̧, ra̧huä̧ro̧co̧tö̧ pajatö a̧'cua̧ra̧'a̧.

Efesios 3:13

Ja̧'hua̧nö̧ ja̧'a̧ttö̧ ucuturu ppä'ädö ji'äu ubara ttudomenä, cua̧'cua̧ tta̧cu̧huȩcuä̧tu̧cuä̧ttö̧. Pärocua'acu cuami iso'quitucunä eseunu cu̧ja̧cuä̧tu̧cu̧'a̧nö̧ ja̧'a̧.

Efesios 3:8

Ttömä o'ca toi'önä Dios i̧tti̧mö̧ttö̧'i̧nä̧ abonänö usurä i̧sa̧sä̧. Ja̧'hua̧nö̧ ja̧'a̧nä̧ Dios ttörö repea'attö, Cristonä adihuä juäi ka̧cu̧ huȩnȩ jidähua pä'ö hueinäcusä judíos huocotörö.

1 Tesalonicenses 1:10

Ja̧'hua̧ta̧nö̧ Dios I̧tti̧ Jesúsru, Dios ttoädinäcuru, mo̧ro̧jä̧ra̧'a̧ttö̧ icha pä'ö tta̧cu̧huä̧rä̧tu̧cua̧'a̧ ji'ähuätö. Chutä ujuturu ppä'ädö Dios ö̧tä̧bo̧tä̧cuȩttö̧ tö̧ji̧pa̧ pä'ö.

2 Tesalonicenses 2:10

O'ca juiyönä suronä jȩä̧cua̧, totte'äcuotömä ttesetarö pä'ö. Jahuätö totte'äcuotö, iso päi'önä huȩnȩ, ttö̧ja̧ suronä jȩttö̧ jȩpö̧ icu huȩnȩ, ttesetoca'attö.

1 Timoteo 2:4

Chutä Dios pä̧huä̧ rö̧jä̧cu̧ o'ca toi'önä ttö̧ja̧ ttesetarö pä'ö. Ja̧'hua̧ta̧nö̧ pä̧huä̧ rö̧jä̧cu̧ iso päi'önä huȩnȩ ttu̧huo̧jua̧ pä'ö.

Hebreos 6:8

Ja̧'hua̧nö̧ ja̧'a̧nä̧ so̧ö̧ bauttumä, yoröiso suroja'a. Dios ppädoca'attö, cuo'ö icuäcua'a ja̧u̧ rȩjȩ.

Apocalipsis 22:11

Ja̧'hua̧ ja̧'a̧ suronä jȩpä̧tö̧mä̧, huäinä suronä jȩpä̧tö̧. Koro juäi idicu juäi jȩpä̧tö̧mä̧, huäinä jȩpä̧tö̧. Ja̧'hua̧nö̧ ja̧'a̧nä̧ adiu jȩpö̧mä̧, adihuä juäi jȩä̧cua̧'a̧nö̧. Ja̧'hua̧ta̧nö̧ Dios ä'ca jo̧mȩttö̧ adihuä i̧sa̧mä̧, Diosrötä amöcuädö ö̧jä̧cua̧'a̧nö̧.