1 Pedro 5:14 - TÄ̧DO Ä̧CUÄ̧ I̧HUȨNȨ

¹⁴ Cu̧mö̧tu̧cu̧nä̧ 'chu'ädö te'ähuätucui o'ca toi'önärö. Ja̧'hua̧ta̧nö̧ o'ca toi'önä Jesucristorö esetätö cuesehuäcuähuätucuäcua'a̧nö̧. Amén.

Nuevo Testamento Uwotjüja

¹⁴ Kkorotümä̧ kkorotüku te'äkuäu 'chu̧'o̧pü̧ eseäkuäwätukui. O'kajuiyünä̧ Crito-nä̧ wȩnȩ juiyünä̧ kka̧kuä̧tu̧kui̧.

1 Pedro 5:14 ပူးပေါင်းရင်းမြစ်များ

San Mateo 5:47

Ja̧'hua̧ta̧nö̧ cu̧jä̧hua̧tö̧rö̧tä̧ tecuhuähuätucuttumä, ¿däje adihuä juäi jȩcu̧'ä̧tu̧cuä̧ttö̧? Diosrö jerupätö'inä ja̧'hua̧nö̧ jȩpä̧tö̧do.

San Juan 14:27

“Chami iso'quinä eseunu röji ucuocusä ucuturu. Ucuturu eseäcuähuä iyösä. Ja̧'hua̧nö̧ ja̧'a̧nä̧ pi̧jä̧ ttö̧ja̧ eseäcuähuä ttiyö'a̧nö̧ iyocösä. Cua̧'cua̧ tta̧cu̧huȩcuä̧tu̧cuä̧'. Ja̧'hua̧ta̧nö̧ yecuhuecuätucuä'.

San Juan 16:33

Ucuturu ji'äusä pi̧yȩ, ttörö esetö cuesehuätucua pä'ö. Pi̧jä̧nä̧ kä̧nö̧ ubara ttucuhuäcuotöjä. Ja̧'hua̧nö̧ ja̧'a̧nä̧ cujuruhuätucuaja. Ttömä pi̧jä̧ttö̧'i̧nä̧ abonänö ju̧ru̧hua̧sä̧, —pä'inödo Jesús.

San Juan 20:19

Ja̧u̧nu̧ mo̧ro̧tä̧, semana äcuomenä mo̧ro̧, yodo päi'omenä, Jesús u̧huo̧juȩtä̧u̧ ca̧ca̧cui̧nä̧tö̧do. Ttö̧ca̧ca̧cui̧'ode äpate 'quiyönä mö̧'ȩpi̧nä̧tö̧do, judíos ttö̧ja̧rö̧ ye'ecu. 'Quiyönä mö̧ttȩpä̧ji̧ o'ca'a, Jesús do'ächi'ö, ttö'quȩtȩnä̧ kä̧mä̧dö̧, te'äu pä'inödo: —Eseäcuähuä ku̧nä̧rä̧tu̧cui̧.

San Juan 20:26

Ko̧ro̧mö̧ttö̧nö̧ huäbodäcuä mo̧ro̧ o'ca'a, Jesús u̧huo̧juȩtä̧u̧ pä'äji ta'anö ca̧ca̧cui̧pi̧nä̧tö̧do. Ja̧u̧nu̧mä̧ Tomás jahuätöcu pi̧nö̧do. Ja̧'hua̧ ja̧'a̧ttö̧ äpate 'quiyönä mö̧ttȩpä̧ji̧ o'ca'a Jesús do'ächi'ö, ttö̧'quȩtȩnä̧ kä̧mä̧dö̧, te'äu pä'inödo jahuätörö: —Eseäcuähuä ku̧nä̧rä̧tu̧cui̧.

Romanos 1:7

Chi̧huȩnȩ huȩyu̧tu̧ hue'ösä ucuturu, Roma ötahuiyä ttö̧ja̧rö̧, Dios repeä̧u̧ru̧. Ja̧'hua̧ta̧nö̧ Dios huoinä̧u̧jä̧ umöhuäyotö cu'ätucua pä'ö. Tä'o Dios'inä, Tu̧ru̧hua̧ Jesucristo'inä ucuturu adiu ppättädäcua'a̧nö̧. Ja̧'hua̧ta̧nö̧ adiu kä̧cuä̧huä̧'i̧nä̧ ucuturu ttiyäcua'a̧nö̧.

Romanos 16:16

Korotö korotönö ttu̧mö̧ 'chu'ädö te'ähuätucui. O'ca toi'önä iglesias ruhuä hue'ätö ucuturu tettähua pä'ö.

Romanos 8:1

Ja̧'hua̧nö̧ ja̧'a̧ttö̧ Dios chuttutä 'quȩ'ȩcu̧ icuocö Jesucristocu ji̧nä̧ ji̧yȩtȩ huotörö, ttidepä pä̧huä̧ rö̧jo̧mȩnä̧ ko̧co̧tö̧rö, Espíritu Santorö pä̧huä̧ rö̧jo̧mȩnä̧ ka̧cuä̧tö̧rö̧.

1 Corintios 1:30

Ja̧'hua̧nö̧ ja̧'a̧nä̧ chutä Dios, Cristo Jesúscu ji̧nä̧ yo̧mȩtȩ cu̧ja̧cuä̧tu̧cua̧ pä'ö hue'inödo. Ja̧'hua̧ta̧nö̧ chutä Cristo iyinödo ujutu tu̧huo̧ju̧nä̧. Ja̧'hua̧ta̧nö̧ Cristorö teseta'attö, Dios jȩi̧nä̧u̧jä̧ ja̧u̧cu̧ ji̧nä̧ ji̧yȩtȩ huotö ta pä'ö. Ja̧'hua̧ta̧nö̧ ujuturu ȩmö̧ suronä jȩtö̧ jȩpö̧ icuinödo.

1 Corintios 16:20

O'ca toi'önä tö̧jä̧hua̧tö̧ te'ähuätö ucuturu. Ja̧'hua̧ta̧nö̧ korotörö o'ca toi'önärö ttu̧mö̧nä̧ 'chu'ädö eseunu te'ähuätucui.

2 Corintios 13:12

O'ca toi'önärö te'ähuätucui ttu̧mö̧nä̧ 'chu'ädö.

2 Corintios 5:17

Ja̧'hua̧nö̧ ja̧'a̧ttö̧ ya̧tȩ Cristorö esetomenä, ja̧u̧ ja̧rȩpa̧ ttö̧ja̧ i̧sa̧ pä'i'ö. Pä'äji jȩi̧nö̧ jaropi'ö, o'ca juiyönä jareönätä amöcuädö jȩpö̧.

Efesios 6:23

Tä'o Dioscu, Tu̧ru̧hua̧ Jesucristocu ucutu tö̧jä̧hua̧tö̧rö̧, adiu esetäcuähuä'inä, eseäcuähuä'inä, repeäcuähuä'inä ttiyäcua'a̧nö̧.

1 Tesalonicenses 5:26

Ja̧'hua̧ta̧nö̧ o'ca toi'önä tö̧jä̧hua̧tö̧rö̧ juhua'atä ka̧cuä̧tö̧rö̧, cu̧mö̧tu̧cu̧nä̧ 'chu'ädö te'ähuätucui.

1 Pedro 1:2

Dios täbocö jȩa̧ pä'ö amöcuädinö ta'anö, ucutu ȩmi̧nä̧u̧jä̧. Espíritu Santonä aditö icuinä̧u̧jä̧ ucuturu, hueö ta'anö jȩcu̧'ä̧tu̧cua̧ pä'ö. Ja̧'hua̧ta̧nö̧ Jesucristo ucuojanä töcö icuinä̧u̧jä̧. Dios rö̧ȩnä̧ ppädäcua'a̧nö̧ ucuturu. Ja̧'hua̧ta̧nö̧ rö̧ȩnä̧ eseunu kä̧cuä̧huä̧ iyäcua'a̧nö̧ ucuturu.

3 Juan 1:14

Koronö juhua'atä tochacu pä'ösä. Ja̧u̧nu̧ pätecuänö pä̧nö̧ tucuocuäcuotöjä.