1 Pedro 3:13 - TÄ̧DO Ä̧CUÄ̧ I̧HUȨNȨ

¹³ Ucutu adiu jȩcu̧'ä̧tu̧cu̧ttu̧mä̧, ¿ditäjä̧ttö̧ suronä jȩpa̧ji̧mä̧ ucuturu?

Nuevo Testamento Uwotjüja

¹³ ¿Dítä jä̧ttü̧ ukutu adiutä jȩ'kuä̧tu̧kuo̧mȩnä̧ suronä̧ jȩü̧'a̧nü̧ wa̧mä̧?

1 Pedro 3:13 ပူးပေါင်းရင်းမြစ်များ

Romanos 13:3

Ruhuotö huettö ta'anö jȩpö̧ ka̧cuä̧tö̧mä̧, ye'ecuocotö ruhuotörö. Ja̧'hua̧ta̧nö̧ suronä jȩpä̧tö̧mä̧, ye'ecuätö ruhuotörö. ¿Ucu ru̧hua̧rö̧ yecuäcuähuä juiyönä cu̧ja̧ pä'öjä tä̧ji̧? Adiu jȩpö̧ kä̧hui̧. Ja̧'hua̧nö̧ jȩcu̧'o̧mȩnä̧, ucuru pä̧cua̧ ru̧hua̧ adiu jȩpö̧jä̧ pä'ö.

Romanos 8:28

Ujutu huo̧juä̧tö̧jä̧ o'ca juiyönä Diosrö repe'ätörö, chutä amöcuädö huoinä̧u̧ru̧ 'cuäopömä Espíritu Santo ppäda'attö, adihua'a pä'ö.

1 Corintios 14:1

Cuahuaruhuärö repecuhuätucuäcua'a̧nö̧ jä'epätucui. Ja̧'hua̧ta̧nö̧ Diosrö jä'epätucui churutä pä̧huä̧ rö̧jo̧mȩnä̧ iyätucuacu pä'ö Espíritu Santo jähuä. Chutä iyähuä huȩnȩ jicuhuähuätucua pä'ö jä'epätucui.

Efesios 5:1

Ucutumä Dios i̧tti̧mö̧jä̧. Ja̧'hua̧nö̧ ja̧'a̧ttö̧ chutä ta'anö cu̧ja̧cuä̧tu̧cua̧ pä'ö amöcuädätucui.

1 Tesalonicenses 5:15

Ya̧tȩ ka̧ra̧rö̧ suronä jȩo̧mȩnä̧, pärocua'attö suronä jȩö̧ juiyarö pä'ö ji'ähuätucui. Ucutumä 'cuäopönä ka̧ra̧ ka̧ra̧rö̧'i̧nä̧ o'ca toi'önärö adiu jȩpö̧ ka̧cuä̧tu̧cui̧.

1 Timoteo 5:10

Jahuäjuru o'ca toi'önä adiu ttucuocu'a̧nö̧ ja̧'a̧ adiunä kö̧ji̧na̧'a̧ttö̧. Ki̧tti̧mö̧rö̧'i̧nä̧ adiu tta̧'ä̧ri̧nä̧ju̧ru̧, kahuaruhuä kojusodenä rȩbȩhuä̧tö̧rö̧ adiu ppä'ädinäjuru, Diosrö esetätörö ttö̧jä̧pö̧ töquinäjuru, ubara ttu'ätörö adiu ppä'ädinäjuru, o'ca juiyönä adiu jȩpi̧nä̧ju̧ru̧ ppäcuhuädätucu'a̧nö̧ ja̧'a̧.

Tito 2:14

Ja̧u̧mä̧ 'corupä'i'inö ujutu suronä jȩtö̧ jȩpö̧ icua pä'ö. Ja̧'hua̧ta̧nö̧ chutä i̧tti̧mö̧ päti'a pä'ö töcö icuinä̧u̧jä̧ churutä pä̧huä̧ rö̧jo̧mȩnä̧, adiu jȩti̧ya̧rö̧ pä'ö.

3 Juan 1:11

Suronä jȩpä̧tö̧ jȩttö̧'a̧nö̧ jȩcu̧'ä̧' chö̧jä̧hua̧. Adiu jȩpä̧tö̧ jȩttö̧'a̧nö̧ jȩpi̧. Adiu jȩpö̧mä̧, Dios i̧tti̧ päi'önä kö̧. Suronä jȩpö̧mä̧, Diosrö topocö pi̧nö̧.