1 Pedro 3:11 - TÄ̧DO Ä̧CUÄ̧ I̧HUȨNȨ

¹¹ Surojöttö'inä rä'opächö, adiutä jȩpö̧. Ja̧'hua̧ta̧nö̧ adihuä juäi eseäcuähuä usäji'ca̧, eseunu kö̧.

Nuevo Testamento Uwotjüja

¹¹ Surojüttü 'kä̧'i̧pä̧chü̧ adiutä jȩpi̧, Wȩnȩ juiyünä̧ kkä̧kuä̧wä̧tä̧ usipü ja̧u̧nä̧tä̧ täi.

1 Pedro 3:11 ပူးပေါင်းရင်းမြစ်များ

San Mateo 5:45

Ja̧'hua̧nö̧ jȩcu̧'ä̧tu̧cu̧ttu̧mä̧, Cuä'o mo̧ro̧jä̧ra̧'a̧ kö̧rö̧ i̧tti̧mö̧ päcuhui'äcuotöjä. Chutä mo̧ro̧ kä̧hua̧ räopa pä'ö hue'ö adiu jȩpä̧tö̧rö̧'i̧nä̧, suronä jȩpä̧tö̧rö̧'i̧nä̧. Ja̧'hua̧ta̧nö̧ adiu jȩpä̧tö̧rö̧'i̧nä̧, suronä jȩpä̧tö̧rö̧'i̧nä̧ ajiya icha pä'ö hue'ödo.

San Mateo 5:9

“Korotöcu eseunu ttö̧ja̧cua̧ pä'ö jȩpä̧tö̧mä̧, eseunu ttö̧ja̧cuä̧cuo̧tö̧. Dios pä̧cua̧ jahuätörötä “Chi̧tti̧mö̧jä̧.”

San Mateo 6:13

Ja̧'a̧tä̧mä̧ tocu'ätö ähuettä suronä jȩa̧'a̧nä̧mä̧. Yabocutä surojöttö ejädö icuitö. Iso päi'önä ucu o'ca juiyönä hue'öjä. Ja̧'hua̧ta̧nö̧ o'ca juiyönä ju̧ru̧hua̧jä̧. Ja̧'hua̧ta̧nö̧ 'cuäopönä o'ca toi'önä ucuru tteseäcuähuäcuotö. Amén.

San Marcos 14:7

Usurä isotömä 'cuäopönä ttö̧ja̧cuä̧cuo̧tö̧ cu̧'quȩtȩtu̧cu̧nä̧. Ucuturu pä̧huä̧ rö̧jo̧mȩnä̧ jahuätörö adiu ppä'ädätöjä. Ja̧'hua̧nö̧ ja̧'a̧nä̧ ttörömä 'cuäopönämä topocotö cuäcuotöjä.

San Lucas 1:79

Tȩa̧u̧ i'cächä̧u̧ yo̧ö̧nä̧ ka̧cuä̧tö̧rö̧, hua'are tö'cö ka̧cuä̧tö̧rö̧, u̧huo̧juȩta̧ pä'ö Diosrö eseunu tö̧ja̧cua̧ pä'ö, ucuocuinödo Zacarías.

San Lucas 6:35

Ja̧'hua̧nö̧ ja̧'a̧nä̧ ucutu cuaboiyotörö repecuhuätucu'a̧nö̧ ja̧'a̧. Jahuätörö adiu jȩpä̧tu̧cui̧. Pärou iyätucui ucuturu pärocua'acu ttö'ärohua pä'ö tta̧cu̧huä̧rä̧tu̧cuo̧ca̧'a̧. Ja̧'hua̧nö̧ micuä rö̧ȩnä̧ cu̧ju̧nä̧rä̧cuo̧tö̧jä̧. Ja̧'hua̧ta̧nö̧ ucutu Dios Ju'toju Ru̧hua̧ i̧tti̧mö̧ cu'äcuotöjä. Ja̧u̧ churutä esehuocotörö'inä, suronä jȩpä̧tö̧rö̧'i̧nä̧ adihuä i̧sa̧ ja̧'a̧.

San Lucas 6:9

Ja̧'hua̧ ja̧'a̧ttö̧ Jesús pä'inödo korotörö: —Ji̧yȩtȩ jädepa pä'ösä. Ttö̧ja̧ 'cuättächi'ö mo̧ro̧, ¿ya̧tȩrö̧ adiu jȩttö̧'a̧nö̧ tä̧ji̧? ¿Suronä jȩttö̧'a̧nö̧ tä̧ji̧? ¿Ya̧tȩrö̧ aditö tticu'a̧nö̧ tä̧ji̧? ¿Ya̧tȩrö̧ cuä'ö tticu'a̧nö̧ tä̧ji̧?

San Juan 17:15

Ja̧'hua̧ta̧nö̧ pi̧jä̧ttö̧ rä'epö cuicuatö pä'ö jä'epö ucuocuocösä. Ähuettä jȩa̧'a̧cu̧ tta̧cu̧huä̧ra̧tö̧ pä'ö ucuocusä.

Romanos 12:18

O'ca juiyönä jȩcu̧'ä̧tu̧cu̧mä̧ jȩpä̧tu̧cui̧, korotöcu eseunu cu̧ja̧cuä̧tu̧cuä̧cua̧'a̧nö̧.

Romanos 14:17

Dios hueömä ttu̧cuȩnä̧tä̧mä̧cö̧, ttaunätämäcö̧. Dios hueömä adiu jȩä̧cuä̧huä̧, tta̧'cua̧ adiu, tta̧'cua̧rö̧ eseu, Espíritu Santonä ttö̧jo̧mȩnä̧.

Romanos 14:19

Ja̧'hua̧nö̧ ja̧'a̧ttö̧ eseunu tusu'a̧nö̧ ja̧'a̧ adiu kä̧cuä̧huä̧, tesetö rö̧ä̧cha̧ pä'ö juhua'a yabocutä korotö korotönörö.

Romanos 5:1

Ja̧'hua̧nö̧ ja̧'a̧ttö̧ ujutu tesetiniyäcu, Dios ujuturu jȩpi̧nö̧ chutäcu ji̧nä̧ ji̧yȩtȩ huotö ta pä'ö. Ja̧'hua̧ ja̧'a̧ttö̧ Diosmä aboiyotömäcö̧jä̧ Tu̧ru̧hua̧ Jesucristorö teseta'attö.

Romanos 7:19

Yoröiso adihuä juäi ttörö pä̧huä̧ rö̧jö̧mä̧ jȩpo̧cö̧sä̧. Suronä ttörö pä̧huä̧ juiyötä jȩpo̧'ä̧rö̧sä̧.

Romanos 7:21

Ja̧'hua̧nö̧ 'cuäopa'a ttörömä, adihuä juäi jȩcha̧ päda'anä, ji̧yȩä̧cuȩtä̧ surojötä ja̧'a̧ ttörömä.

Romanos 8:6

Ttidepä jähuä ttamöcuädömä, hua'arecu ȩpa̧'a̧. Ja̧'hua̧nö̧ ja̧'a̧nä̧ Espíritu Santo jähuä ttamöcuädömä, tta̧'cua̧ adiucu ȩpa̧'a̧. Ja̧'hua̧ta̧nö̧ adiu kä̧cuä̧huä̧cu̧ ȩpa̧'a̧.

Gálatas 5:22

Ja̧'hua̧nö̧ ja̧'a̧nä̧ Espíritu Santo ujuturu iyömä repeäcuähuä, eseäcuähuä, tami iso'quinä eseäcuähuä, ta̧'cua̧ pö̧nö̧ jö̧, korotörö adiu ppädäcuähuä, ucuotäcuähuä, o'ca juiyönä yaparehuäcuähuä juiyönä jȩä̧cuä̧huä̧.

Gálatas 6:10

Ja̧'hua̧nö̧ ja̧'a̧ttö̧ koronö'inä o'ca toi'önärö adiu jȩtö̧'a̧nö̧ ja̧'a̧. Iso päi'önä tö̧jä̧hua̧tö̧rö̧ Diosrö esetätörö adiu jȩtö̧'a̧nö̧ ja̧'a̧.

Colosenses 3:15

Dios iyinö cuami iso'quitucunä eseäcuähuä. Ja̧u̧ eseäcuähuä hueäcua'a̧nö̧ cuami iso'quitucunä, ji̧nä̧ ji̧yȩtȩ huotö päcuhui'ätucua pä'ö Diosrö esetö, chutä hueinö ta'anö. Ja̧'hua̧nö̧ ja̧'a̧ttö̧ esehuätucui ja̧u̧ru̧.

1 Timoteo 6:18

Ya̧tȩ järe ru̧hua̧ rö̧ȩnä̧ u̧ju̧nä̧ra̧'a̧ jä̧'i̧nö̧'a̧nö̧, rö̧ȩnä̧ adihuä juäi ttu̧ju̧nä̧rä̧cua̧'a̧nö̧, adiunätä jȩtta̧ pä'ö ji'ähuitö. Ttöäre'inä korotö jui'ätörö ttiya pä'ö ji'ähuitö.

Hebreos 12:14

O'ca toi'önärö adiunä kä̧nö̧, eseunu cu̧ja̧cuä̧tu̧cua̧ja̧. Adiunä ttö̧ja̧cu̧ juiyöttömä, yoröiso topocotö ttäcuotödo Tu̧ru̧hua̧rö̧.

Hebreos 13:16

Adiu jȩä̧cuä̧huä̧nä̧ cunichi'ätucuä'. Ja̧'hua̧ta̧nö̧ cu̧ju̧nä̧rä̧tu̧cu̧ttu̧'i̧nä̧ iyö, korotörö ppäcuhuädätucua pä'ö cunichi'ätucuä'. Ja̧'hua̧nö̧ jȩpö̧, sacrificio päi'önä jȩpä̧tö̧jä̧ Dios esehua'anä.

Santiago 4:17

O'ca toi'önä adiu jȩä̧cuä̧huä̧ ttu̧huo̧jua̧'a̧nä̧ jȩpo̧co̧tö̧mä̧, suronätä jȩpä̧tö̧.

1 Pedro 3:12

Dios adiunä jȩpä̧tö̧rö̧ tta̧'ä̧rö̧. Churutä ttucuocua'a'inä ä̧ju̧cu̧. Ja̧'hua̧nö̧ ja̧'a̧nä̧'i̧nä̧ suronä jȩpä̧tö̧ Ttu̧ru̧hua̧mä̧cö̧, päa'a Huȩyu̧cuä̧ Huȩnȩ.

3 Juan 1:11

Suronä jȩpä̧tö̧ jȩttö̧'a̧nö̧ jȩcu̧'ä̧' chö̧jä̧hua̧. Adiu jȩpä̧tö̧ jȩttö̧'a̧nö̧ jȩpi̧. Adiu jȩpö̧mä̧, Dios i̧tti̧ päi'önä kö̧. Suronä jȩpö̧mä̧, Diosrö topocö pi̧nö̧.