1 Pedro 2:24 - TÄ̧DO Ä̧CUÄ̧ I̧HUȨNȨ

²⁴ Cristo ujutu suronä jȩtö̧ chutä jä̧ttä̧pä̧ya̧nä̧ ȩpi̧nö̧ daunä kä̧nö̧ 'corujuoächomenä. Ja̧'hua̧nö̧ ȩpi̧nö̧ suronä jȩpö̧ 'corupäti'a'acu. Adiunätä tö̧ja̧cua̧ pä'ö ȩpi̧nö̧. Ucuturu aditö icua pä'ö ubara ttu'inö.

Nuevo Testamento Uwotjüja

²⁴ Crito-mä̧ chutätä surojü jȩtä̧'i̧jü̧mä̧ ja̧ttä̧pä̧ya̧ ü̧jo̧kä̧ jäinä̧ ȩpi̧nü̧, ujutu surojünä̧ 'korujuo'ächi'ü'kotü a̧'kua̧rä̧kuä̧wä̧ra̧'a̧ ttü̧ja̧kua̧ pä'ümä̧. Crito-mä̧ ta'ü ttikuinä̧ku̧ ukutu ku̧'ȩji̧'ä̧tu̧kua̧ pä'ümä̧.

1 Pedro 2:24 ပူးပေါင်းရင်းမြစ်များ

San Mateo 27:26

Ja̧'hua̧ ja̧'a̧ttö̧ ru̧hua̧ Pilato Barrabásrö rä'epö icuinödo. Ja̧'hua̧ta̧nö̧ Jesúsru cuäcuätta pä'ö hue'inödo. Ja̧u̧nu̧ o'ca'a hue'inödo Jesúsru dau isodänä pȩ'o̧pö̧ ttu̧ju̧na̧rö̧ pä'ö.

San Mateo 5:20

Ucuturu pä'ösä, ja̧u̧ hueähuä huȩnȩ huo̧juȩtä̧tö̧ttö̧'i̧nä̧, fariseos huotöttö'inä abonänö adiunä cuecuhuächätucu juiyöttömä, yoröiso Dios Cu̧ru̧hua̧ päi'önä ko̧cö̧, —pä'ö huo̧juȩti̧nö̧do Jesús.

San Mateo 8:17

Ja̧'hua̧nö̧ 'cuäopina'ado Dios i̧huȩnȩ jiäcuähuä i̧sa̧ Isaías i̧huȩyu̧ti̧nö̧ ta'anö. Ja̧u̧ huȩyu̧ti̧nö̧do: “Chutä ȩmö̧ ȩpi̧nö̧do ujutu tijuiyuhuinö'inä, na̧tä̧chi̧nö̧'i̧nä̧”, pä'ö huȩyu̧ti̧nö̧do.

San Marcos 15:15

Ja̧'hua̧ ja̧'a̧ttö̧ Pilato, ttö̧ja̧ ttesehuarö pä'ö, rä'epö icuinödo Barrabásrö. Ja̧'hua̧ta̧nö̧ Jesúsru cuäcuätta pä'ö hue'inödo. Ja̧u̧nu̧ o'ca'a hue'inödo Jesúsru dau isodänä pȩ'o̧pö̧ ttu̧ju̧na̧rö̧ pä'ö.

San Lucas 4:18

Espíritu Santo ttöcu kö̧. Täcö 'quȩ'ȩcua̧sä̧ adihuä juäi huȩnȩ jidähua pä'ö usurä isotörö. Hueinäcusä aditö chicua pä'ö pi̧jä̧ jähuä usurä isotö juo'ächätörö, jidähua pä'ö rä'epö icuähuä huȩnȩ cärenä pȩjä̧tö̧rö̧'i̧nä̧, ä̧to̧cä̧tö̧rö̧ tottönä jȩcha̧ pä'ö'inä, suronä jȩttä̧u̧ru̧ ppädäda pä'ö'inä hueinäcusä.

San Juan 1:29

Ja̧u̧nu̧ o'come mo̧ro̧, Juan Jesúsru topinödo. Jesús Juanrö tö'cönänö ichinödo. Juan pä'inödo: —Topätucui, pidemä Dios I̧tti̧, oveja ji̧'qui̧cha̧hua̧, Cordero pättäcu, jä̧'i̧nö̧'a̧nö̧ hua̧. Pide pi̧jä̧ ttö̧ja̧ suronä jȩttö̧ jȩpö̧ i̧cuä̧cua̧.

San Juan 19:1

Ja̧u̧nu̧ o'ca'a Pilato hue'inödo Jesúsru cuäcuätta pä'ö.

Hechos 10:35

O'ca juiyönä pi̧jä̧nä̧ ka̧cuä̧tö̧rö̧ Diosrö ye'ecunänö ucuotätömä, adiu jȩpä̧tö̧mä̧ Dios ȩmä̧cuo̧tö̧.

Hechos 10:39

Ujutumä, Jesús jȩi̧nö̧ Jerusalén ötahuiyättö'inä, o'ca juiyönä judíos ttö̧ja̧ tti̧rȩjä̧ttö̧'i̧nä̧ totinömä ji'ähuätöjä. Ja̧u̧ru̧ dau isodänä pȩ'o̧pö̧ ku̧nu̧ cuä'ö icuinätö.

Hechos 13:29

Huȩyu̧cuä̧ Huȩnȩ ja̧u̧ru̧ päö'a̧nö̧ o'ca juiyönä jȩpä̧jo̧'co̧tö̧, dauttu mȩyȩdö̧ idoränä ttöttinäcudo.

Hechos 5:30

Ucutu Jesúsru daunä pȩ'o̧pö̧ ku̧nu̧ cuä'ö icuinätöjä. Ja̧'hua̧nö̧ ja̧'a̧nä̧ ujutu tä̧do̧tö̧ mi̧nä̧ Ttä̧do̧ ä̧cua̧ Dios tto'ädinö Jesúsru.

Romanos 6:11

Ucutu'inä suronä jȩcu̧'i̧nä̧tu̧cu̧ttu̧mä̧ hua'ö icuätö jä̧'i̧nö̧'a̧nö̧ ka̧cuä̧tö̧jä̧ amöcuädätucui. Ja̧'hua̧ta̧nö̧ Cristo Jesúsru teseta'attö, Diosrö eseu ka̧cuä̧tö̧jä̧ pä'ö amöcuädätucui.

Romanos 6:13

Cuamönä cuiyäcuähuätucuä' suronä jȩcu̧'ä̧tu̧cua̧ pä'ö. 'Corupä'i'ö'cotö tto'ächätö jä̧'i̧nö̧'a̧nö̧ jö̧nä̧ Diosrö iyäcuähuätucui. Cuamönä cuidepä iyäcuähuätucui Diosrö, adiu jȩcu̧'ä̧tu̧cua̧ pä'ö.

Romanos 6:16

Ücutu adiu huo̧juä̧tö̧jä̧ cuiyäcuähuätucuomenä ya̧tȩ hueö jȩä̧cuä̧huä̧ isotö cu'ätucua pä'ö, yoröiso chutä hueö jȩä̧cuä̧huä̧ isotö huotöjä. Cuiyäcuähuätucuomenä suronä jȩcu̧'ä̧tu̧cua̧ pä'ö, surojö hueö jȩä̧cuä̧huä̧ isotö huotöjä. Surojömä hua'are i'cächö. Ja̧'hua̧ta̧nö̧ ja̧'a̧nä̧ Diosrö cuiyäcuähuätucuomenä, Dios hueö jȩä̧cuä̧huä̧ isotö huotöjä, cua̧'cua̧ adiu jȩpö̧ cu̧ja̧cuä̧tu̧cua̧ pä'ö.

Romanos 6:2

Tta̧'a̧huä̧jä̧. Suronä jȩti̧nö̧ttö̧mä̧, huä'ö icuätö jä̧'i̧nö̧'a̧nö̧ ka̧cuä̧tö̧jä̧. Ja̧'hua̧nö̧ ja̧'a̧ttö̧ ¿tta̧'a̧nö̧ suronä jȩpö̧ tö̧ja̧cuä̧ttö̧?

Romanos 6:22

Ja̧'hua̧nö̧ ja̧'a̧nä̧ surojö hueö jȩä̧cuä̧huä̧ isotöttö räcuhuo'ätucuomenä, Dios hueö jȩä̧cuä̧huä̧ isotö juo'ähuinätöjä. Ja̧u̧tä̧ ucuturu adiu ppädömä. Diosrö pä̧huä̧ rö̧jö̧nä̧tä̧ ka̧cuä̧tö̧jä̧. Kä̧cuä̧huä̧ i'co'inä röjinä cuȩmä̧cuo̧tö̧jä̧.

Romanos 6:7

Ya̧tȩ 'corupäi'omenämä, surojö juhua'a yabocu hueoca'a ja̧u̧ru̧.

Romanos 7:6

Ja̧'hua̧nö̧ ja̧'a̧nä̧ jitä täcö hua'ö icuinätöjä ja̧u̧ hueähuä huȩnȩttö̧mä̧, ujuturu hueinöttömä. Jitämä Dioscu eseunu aditö ka̧cuä̧tö̧jä̧, ta̧'cua̧rö̧ jareö Espíritu Santo iyö amöcuädö. Täbocö hueähuä huȩnȩ huȩyu̧cu̧'a̧nö̧mä̧ jȩpo̧co̧tö̧jä̧.

1 Corintios 15:3

Äcuomenä ttörö jittähuinö huȩnȩ ji'ähuinösä ucuturu. Cristo 'corupäi'inö huȩnȩ, ujutu suronä jȩtö̧ jȩpö̧ icua pä'ö Huȩyu̧cuä̧ Huȩnȩ päö'a̧nö̧ ji'ähuinösä.

2 Corintios 6:17

Ja̧'hua̧nö̧ ja̧'a̧ttö̧ Tu̧ru̧hua̧ pä'ö: Jahuätöttö rä'opächö, i̧mi̧cu̧nä̧ 'quȩ'i̧pä̧chä̧tu̧cui̧. Surojömä mȩcu̧huä̧tu̧cuä̧'. Ja̧'hua̧nö̧ jȩcu̧'ä̧tu̧cuo̧mȩnä̧, ucuturu chȩmä̧cua̧sä̧.

Gálatas 3:13

Cristomä hueähuä huȩnȩ tä̧bo̧cuä̧ ja̧ji̧ jȩpö̧ icuinä̧u̧jä̧. Chutä Cristo ujuturu rettö pä'ö hueähuä huȩnȩ tä̧bo̧cuä̧ ja̧ji̧ päi'önä 'corupä'i'inö. Huȩyu̧cuä̧ Huȩnȩ päa'a: “O'ca toi'önä daunä pȩ'o̧pö̧ ttu̧ju̧nä̧u̧ 'corujuo'ächätömä suropätö.”

Efesios 5:9

Tȩa̧u̧nä̧ ka̧cuä̧tö̧mä̧, adiunätä jȩpä̧tö̧ o'ca toi'önärö. Ja̧'hua̧ta̧nö̧ iso päi'önä huȩnȩ jȩpö̧, tta̧'cua̧ pö̧nö̧ ka̧cuä̧tö̧.

Filipenses 1:11

Ja̧'hua̧nö̧ cu̧ja̧cuä̧tu̧cuo̧mȩnä̧, Jesucristo ppä̧dä̧cua̧ ucuturu adiutä jȩcu̧'ä̧tu̧cua̧ pä'ö, o'ca toi'önä Diosrö eseunu ttucuotarö pä'ö.

Colosenses 2:14

Dios hueähuä huȩnȩ'i̧nä̧, ujutu ja̧u̧ huȩnȩ jȩto̧cö̧ ji̧nö̧ timippotinö'inä si'epö icu, dau isodänä pȩ'o̧pö̧ ku̧ni̧nö̧do.

Colosenses 2:20

Ucutumä Cristocu 'corupä'i'ö, pi̧jä̧ hueähuä jaropi'inätöjä. Ja̧'hua̧nö̧ ja̧'a̧ttö̧ ji̧nä̧ pi̧jä̧ hueähuä jȩcu̧'ä̧tu̧cu̧mä̧ ¿tta̧'a̧nö̧ pä'ö jȩcu̧'ä̧tu̧cua̧'a̧jä̧ttö̧?

Colosenses 3:3

Ucutumä pi̧jä̧ jähuättömä Cristocu 'corupä'i'inätöjä. Ja̧'hua̧ta̧nö̧ Diosrö cuesetätucua'attö, Cristocu cua̧'cua̧rä̧tu̧cu̧ dajö icuinö.

Hebreos 10:10

Jesucristo, Diosrö pä̧huä̧ rö̧jo̧mȩnä̧, chutä jä̧ttä̧pä̧ya̧ o'ca toi'önärö sacrificio päi'önä ya'utenätä iyähua'attö, Dios ujuturu aditö icuinödo.

Hebreos 10:5

Ja̧'hua̧nö̧ ja̧'a̧ttö̧ Cristo, pi̧jä̧ra̧'a̧ ichö, Diosrö pä'inödo: Sacrificios'inä, ofrendas'inä äji cuäcuähuotöttö pä'ocöjä. Ttö chöäre jä̧ttä̧pä̧ya̧nä̧ aditö cuiyinäcusä.

Hebreos 12:13

Adiu jueä̧mä̧ usätucui. Ja̧'hua̧ ja̧'a̧ttö̧ cu̧jä̧pö̧ surojä̧'u̧mä̧ re'tehuächocö jä̧cua̧'a̧. Adiutä päi'äcua'a.

Hebreos 7:26

Ja̧'hua̧ ja̧'a̧ttö̧ chutä Jesús ujuturu adihua'ado ji̧nä̧ isocu sacerdote ru̧hua̧ päi'önä ö̧ja̧ pä'ö. Ja̧u̧mä̧ adihuä i̧sa̧do. Ja̧u̧ suronämä yoröiso jȩpo̧cö̧. Suronä jȩpä̧tö̧ttö̧'i̧nä̧ i̧mi̧cu̧nä̧ kö̧. Ja̧'hua̧ta̧nö̧ mo̧ro̧jä̧ttö̧'i̧nä̧ juhua'a yabo ru̧hua̧do.

Hebreos 9:28

Iso päi'önä Cristo ya'utenätä sacrificio jȩpi̧nö̧do recuätö ttö̧ja̧ suronä jȩttö̧ jȩpö̧ icu. Ja̧u̧nu̧ o'ca'a, pä'äji ta'anö i̧chä̧cua̧. Ja̧u̧nu̧ suronä jȩttö̧ jȩpö̧ icua pä'ö ichocö jä̧cua̧. Ja̧u̧ru̧ tta̧'ä̧rä̧tö̧rö̧ ȩmö̧ i̧chä̧cua̧do.

Santiago 5:16

Ja̧'hua̧nö̧ ja̧'a̧ttö̧ korotörö ji'ähuätucui suronä jȩcu̧'i̧nä̧tu̧cu̧. Ja̧'hua̧ta̧nö̧ Diosrö korotörö ppä'ädö ucuocuätucui, surojö aditö icuatö pä'ö Dios. Adiu esetömä Diosrö ucuocuomenä, i̧huȩnȩ iso päi'önä micuähua'a.

1 Juan 2:29

Ucutu huo̧juä̧tö̧jä̧ Jesucristo adiu jȩpö̧ pä'ö. Ja̧'hua̧ta̧nö̧ cu̧huo̧juä̧tu̧cu̧'a̧nö̧ ja̧'a̧ o'ca toi'önä adiu jȩpö̧ ka̧cuä̧tö̧mä̧, Dios i̧tti̧mö̧ pä'ö.

1 Juan 3:7

Chi̧tti̧mö̧ huotö, yapareu ttucuocumä, cuesetätucuä'. Iso päi'önä adiu jȩpö̧mä̧ adihuä i̧sa̧. Ja̧u̧mä̧ Jesucristo adihuä i̧sa̧ ö̧jö̧ ta'anö kö̧.

Apocalipsis 22:2

Ja̧u̧ ötahuiyä mä̧nä̧ rö̧ä̧mä̧ kä'conä rinoto. Pa̧nä̧cu̧'i̧nä̧, ya̧nä̧cu̧'i̧nä̧ dau, kä̧cuä̧huä̧ i'co dau ki̧na̧'a̧. Ja̧u̧ juäi dau ya'ute a̧'ȩcu̧, duhuocu ttö̧jä̧pö̧ttö̧nö̧ todärenä u̧huä̧ju̧ huȩji̧na̧'a̧. Ka̧ra̧ kä̧hua̧'i̧nä̧, ka̧ra̧ kä̧hua̧'i̧nä̧ u̧huä̧ju̧ huȩji̧na̧'a̧. Jahuäi dau ojiyämä, adihuina'a ttö̧ja̧rö̧ aditö icuähuänä.