1 Pedro 2:16 - TÄ̧DO Ä̧CUÄ̧ I̧HUȨNȨ

¹⁶ Surojöttö ejädö icuähua̧ ö̧jö̧'a̧nö̧, eseunu ka̧cuä̧tu̧cui̧. Ja̧'hua̧nö̧ eseunu cu̧ja̧cuä̧tu̧cua̧'a̧ttö̧, suronämä jȩcu̧'ä̧tu̧cuä̧'. Dios umöhuäyotö ttö̧jö̧'a̧nö̧, ka̧cuä̧tu̧cui̧.

Nuevo Testamento Uwotjüja

¹⁶ Ttü̧ja̧ surojüttü rä'epü ikuäwotü jü̧nä̧ kka̧kuä̧tu̧kui̧, surojüttü rä'epü ikuäwotü̧jä̧ pä'ü, surojü jȩ'kuä̧tu̧kua̧ pä'ümä̧kü̧, ja̧'wa̧nü̧ ja̧jü̧jueimä̧ Dio-rü ppä̧dä̧rä̧kuä̧wä̧ isotü jü̧nä̧tä̧.

1 Pedro 2:16 ပူးပေါင်းရင်းမြစ်များ

San Mateo 23:13

“Fariseos huotö'inä, hueähuä huȩnȩ huo̧juȩtä̧tö̧'i̧nä̧, suronä 'cuäopäcua'a ucuturu. ¡Yapareu ttö̧ja̧jä̧! Ucutumä korotö Dios i̧tti̧mö̧ pätti'ö juiya pä'ö jȩpä̧tö̧jä̧. Ucutu'inä Dios ö̧jo̧mȩcu̧ do'ächocotöjä. Korotö'inä Dios ö̧jo̧mȩcu̧ dottächa pä'ätörö dottächö juiya pä'ätöjä.

San Juan 15:22

“Jahuätörö ucuocu chichinö juiyöttömä, yoröiso jerupö jȩttö̧'a̧nö̧ ja̧'a̧. Ja̧'hua̧nö̧ ja̧'a̧nä̧ jitämä suronä jȩttömä̧ huo̧juä̧tö̧.

Romanos 6:18

Surojö hueö jȩä̧cuä̧huä̧ isotöttö räcuhuo'ächätucuomenä, adihuä juäi hueö jȩä̧cuä̧huä̧ isotö päi'önä ka̧cuä̧tö̧jä̧.

Romanos 6:22

Ja̧'hua̧nö̧ ja̧'a̧nä̧ surojö hueö jȩä̧cuä̧huä̧ isotöttö räcuhuo'ätucuomenä, Dios hueö jȩä̧cuä̧huä̧ isotö juo'ähuinätöjä. Ja̧u̧tä̧ ucuturu adiu ppädömä. Diosrö pä̧huä̧ rö̧jö̧nä̧tä̧ ka̧cuä̧tö̧jä̧. Kä̧cuä̧huä̧ i'co'inä röjinä cuȩmä̧cuo̧tö̧jä̧.

1 Corintios 7:22

Iso päi'önä Dios huomenä, ya̧tȩ ka̧ra̧ u̧mö̧huä̧ya̧ i̧sa̧ pi̧nö̧mä̧, ja̧u̧mä̧ Tu̧ru̧hua̧ ä'ca jo̧mȩttö̧ ka̧ra̧ u̧mö̧huä̧ya̧ i̧sa̧ jö̧'a̧nö̧ ko̧cö̧. Ja̧'hua̧ta̧nö̧ Dios huomenä, ya̧tȩ ka̧ra̧ u̧mö̧huä̧ya̧ i̧sa̧ pocö pi̧nö̧mä̧, ja̧u̧mä̧ Tu̧ru̧hua̧ u̧mö̧huä̧ya̧ i̧sa̧ päi'önä kö̧.

Gálatas 5:1

Cristomä ujuturu surojöttö ejädö icuinö adiunätä cuetächa pä'ö. Ucuturu ejädö icuinö o'ca'a, cuami 'qui'ächi'ö cue'ächätucui, pä'äji ta'anö hueähuä huȩnȩ umöhuäyotö päi'äcuähuä juiyönä.

Gálatas 5:13

Chö̧jä̧hua̧tö̧, Dios ucutumä ttumöhuäyotö päi'önä cu̧ja̧cuä̧tu̧cu̧ juiya pä'ö huoinä̧u̧jä̧. Ja̧'hua̧nö̧ ja̧'a̧nä̧ adiunä kä̧nö̧, ucuturutä cuamönätucutä pä̧huä̧ rö̧jö̧mä̧ jȩcu̧'ä̧tu̧cu̧ juiyö'a̧nö̧ ja̧'a̧. Cuahuaruhuärö repe'ö kä̧nö̧, ka̧ra̧ ka̧ra̧nö̧ ppä'ädätucui.

Efesios 6:6

Cristo i̧huȩnȩ aditätö, Diosrö pä̧huä̧ rö̧jö̧ ttaditö'a̧nö̧, cuami iso'quitucunä adiu aditätucui. Cu̧ru̧hua̧tu̧cu̧ ucuturu topö esehua pä'ö tomenätämä cuaditätucuä'.

Colosenses 3:24

Iso päi'önä ucutu huo̧juä̧tö̧jä̧, Tu̧ru̧hua̧ i̧yä̧cua̧ ucuturu adihuä juäi u̧ju̧nä̧rö̧mä̧. Ucutumä Tu̧ru̧hua̧ Cristorö amöcuädö aditätöjä. Ja̧u̧mä̧ iso päi'önä Tu̧ru̧hua̧ päi'önä kö̧.

1 Tesalonicenses 2:5

Ja̧'hua̧ta̧nö̧ ujutu tamönä ti̧huȩnȩmä̧ adiu ucuocu ji'ähuocotö pi̧nä̧tö̧jä̧, pärätä'inä cuiyätucuatö pä'ö. Dios ja̧'hua̧nö̧ jȩtö̧mä̧ huo̧jua̧.

Santiago 1:25

Ya̧tȩ ä̧ju̧cuä̧ji̧ unichi'ocömä, Dios i̧huȩnȩ, suronä jȩä̧cuä̧huä̧ttö̧ ejädö icu huȩnȩ hueö ta'anö adiu amöcuädö jȩpö̧, juhua'a yabocutä 'quiyönä amöcuädö kö̧. Dios i̧huȩnȩ päö ta'anö jȩpö̧ kö̧. Ja̧u̧mä̧ juhua'a yabocu Dios ppä̧dä̧cua̧ jȩö̧mä̧.

Santiago 2:12

Ucutumä koro hueähuä huȩnȩ, suronä jȩä̧cuä̧huä̧ ejädö icu huȩnȩ hueö ta'anö jȩpä̧tö̧ ttö̧jö̧'a̧nö̧ ka̧cuä̧tö̧jä̧. Ja̧'hua̧nö̧ ja̧'a̧ttö̧ adiu jȩpö̧ ucuocu ka̧cuä̧tu̧cui̧.

2 Pedro 2:19

Korotörö surojö juiyönä kä̧cuä̧huä̧mä̧ huo̧juȩtä̧tö̧. Ja̧'hua̧nö̧ ja̧'a̧nä̧ jahuätörö ttu̧huo̧juȩtö̧'a̧nö̧mä̧ jȩtto̧ca̧'a̧, suronätä jȩpö̧ ka̧cuä̧tö̧. O'ca toi'önä tamöcuädötä jȩpä̧tö̧jä̧.

Judas 1:4

Korotö adihuä isotö a̧'cua̧rö̧nä rȩbȩhui̧nä̧tö̧. Jahuätö Diosrö jarode'ätö. Dios pi̧jä̧ ttö̧ja̧rö̧ repeähuä huȩnȩ jittähua'anä, yähuäinä suronä jȩpä̧tö̧. Diosrö'inä, chu ä̧cua̧ Tu̧ru̧hua̧ Jesucristorö'inä ä̧ppö̧tä̧rö̧ jȩpä̧tö̧. Ja̧'hua̧nö̧ ja̧'a̧ jahuätö tä̧bo̧cuä̧ ttȩmä̧cuȩ täbocö Huȩyu̧cuä̧ Huȩnȩ jiähua'a.