1 Pedro 1:4 - TÄ̧DO Ä̧CUÄ̧ I̧HUȨNȨ

⁴ Ja̧'hua̧ta̧nö̧ Dios ucuturu iya pä'ö hua'adö u̧ju̧ni̧nö̧mä̧, mo̧ro̧jä̧ra̧'a̧ttö̧ cuȩmä̧cuo̧tö̧jä̧. Ja̧u̧ cuȩmä̧tu̧cuä̧cuȩmä̧ yoröiso be'epäjipö tticuocö. Ja̧'hua̧ta̧nö̧ idicu'inä, yoröiso idicuächocö. Ja̧'hua̧ta̧nö̧ isojä pparuhuächojä jä̧'i̧nö̧'a̧nö̧mä̧ jo̧cö̧.

Nuevo Testamento Uwotjüja

⁴ Ja̧'wa̧ta̧nü̧ ukutu Dio mo̧ro̧jä̧nä̧ adiu jȩpü̧ u̧ju̧ni̧nü̧ toe'ächokü, joächächokü ju'to kuiäretuku päi'ünä̧ kuȩmä̧tu̧ku̧nä̧ jȩä̧kuä̧u̧jä̧.

1 Pedro 1:4 ပူးပေါင်းရင်းမြစ်များ

San Mateo 25:34

Ja̧u̧nu̧ o'ca'a Ru̧hua̧ u̧huo̧jua̧'a̧nä̧ pȩjä̧tö̧rö̧ pä̧cua̧: “Ichätucui ttöcu. Chä'o Dios ucuturu ppädinä̧u̧jä̧. Do'ächätucui Dios ö̧jo̧mȩcu̧. Pi̧jä̧ aditinö o'ca'a, jo̧mȩ päi'önä cä'ädö aditö ucuturu iya pä'ö.

San Marcos 10:17

Jesús juhua'attö rä'opö i̧'cho̧mȩnä̧, ya̧tȩ jopö ichi'ö, Jesús ä'ca jo̧mȩ ihue'quiyunä kä̧mä̧dö̧, jä'epinödo: —Adihuä Huo̧juȩcuä̧ I̧sa̧, kä̧cuä̧huä̧ i'co chu̧ju̧nä̧ra̧ pä'ö, ¿tta̧'a̧nö̧ jȩchä̧cua̧'a̧jä̧ttö̧?

Hechos 20:32

“Jitä chö̧jä̧hua̧tö̧, Diosrö jä'epösä ucuturu tta̧huä̧ra̧ pä'ö. Chutä i̧huȩnȩ ucuturu ppädäcua'a cujuruhuätucua pä'ö. Ja̧'hua̧ta̧nö̧ ucuturu eseu pä̧cua̧ chi̧tti̧mö̧jä̧ pä'ö, o'ca toi'önä Jesucristorö esetätörö päö'a̧nö̧.

Hechos 26:18

Jahuätörö ttö'äre bacuhue'a pä'ö huedäcujä, yo̧ö̧cu̧ cuettächö juiya pä'ö, tȩa̧u̧cu̧ cuettächa pä'ö, ja̧'hua̧ta̧nö̧ ähuettä jahuätörö hueomenä, ja̧u̧ru̧ ttesetö juiyönä Diosrö pä̧huä̧ rö̧jö̧tä̧ jȩtta̧ pä'ö. Ja̧'hua̧ta̧nö̧ ttörö ttesetomenä, suronä jȩttö̧ jȩpö̧ icua pä'ö Dios, jahuätö'inä ttörö esetätöcu adiu ttö̧ja̧cua̧ pä'ö, jahuätörö huedäcujä”, pä'inö ttörö, ru̧hua̧ Agripa.

Romanos 8:17

Dios i̧tti̧mö̧ päti'a'attö, Dios iya päinömä tȩmä̧cuo̧tö̧jä̧. Ja̧'hua̧ta̧nö̧ Cristorö iyö'inä, yoräteunä tȩmä̧cuo̧tö̧jä̧. Cristo ubara ttuhuinö ta'anö, ubara ttututtumä, Cristocu eseäcuähuä tȩmä̧cuo̧tö̧jä̧.

1 Corintios 9:25

Ja̧'hua̧ta̧nö̧ o'ca toi'önä joäcuähuänä ttöärehua pä'ätömä, o'ca juiyönä do'opö icuätö tottei'ö juiya pä'ö. Jahuätö ja̧'hua̧nö̧ jȩpä̧tö̧, ppöttähuä isojättö adicuä ttȩma̧ pä'ö. Ja̧u̧mä̧ yoröiso recuo ko̧cö̧. Ujutumä koro ppöttähuä, yoröiso beipächocohuättö tȩma̧ pä'ö rohuähuätöjä.

Gálatas 3:18

Moisés hueähuä huȩnȩ jȩä̧cuä̧huä̧nä̧ suronä jȩtö̧ jȩpö̧ icuttumä, ja̧u̧nu̧mä̧ Dios Abraham mi̧nä̧rö̧ iya päinömä yoröiso micuähuocö ja̧ji̧. Ja̧'hua̧nö̧ ja̧'a̧nä̧ Dios mippoönä iya pä'inö Abraham mi̧nä̧rö̧.

Efesios 1:11

Ja̧'hua̧ta̧nö̧ ujutu Cristorö tesetomenä, Dios ȩmi̧nä̧u̧jä̧ pi̧jä̧ juiyäi'inä, ujutu'inä iyä̧cuȩ tȩma̧ pä'ö. Ja̧u̧ o'ca juiyönä 'cuäopa'a chutä amöcuädö pä̧huä̧ rö̧jo̧mȩnä̧.

Efesios 1:14

Espíritu Santorö iyinödo ujuturu, iso päi'önä yodoji iyä̧cuȩ'i̧nä̧, i̧yä̧cua̧ ujuturu tu̧huo̧jua̧ pä'ö. Ja̧u̧ iya pä'inö Dios, chutä i̧tti̧mö̧rö̧ surojöttö ejädö icu cädö o'ca'a. Ja̧'hua̧ta̧nö̧ Dios adihuä i̧sa̧ ja̧'a̧ttö̧ ja̧u̧ru̧ tesehuäcua'a̧nö̧.

Efesios 1:18

Ja̧'hua̧ta̧nö̧ cuamöcuädätucunä ppäda pä'ö jä'epösä Diosrö, chutä ucuturu huoinömä tta̧cu̧huä̧rä̧tu̧cu̧ adiu cu̧huo̧juä̧tu̧cua̧ pä'ö. Ja̧'hua̧ta̧nö̧ Dios i̧tti̧mö̧rö̧ iyäcua'a, iso päi'önä adihuä juäi ja̧'a̧ cu̧huo̧juä̧tu̧cua̧ pä'ö.

Colosenses 1:12

Ja̧'hua̧ta̧nö̧ esehuätucui Tä'o Diosrö. Chutä ujuturu aditinö, ujutu'inä tȩa̧u̧nä̧ tȩma̧ pä'ö chutä i̧tti̧mö̧rö̧ iya päinömä.

Colosenses 1:5

Ucutu amöcuädö tta̧'ä̧rä̧tö̧jä̧ adihuä juäi hua'adö ku̧nä̧huä̧ mo̧ro̧jä̧ra̧'a̧ttö̧ cuȩmä̧tu̧cuä̧cuȩ. Ucutumä ja̧'hua̧nö̧ tta̧'ä̧rä̧tö̧jä̧ iso päi'önä huȩnȩ, ttö̧ja̧ suronä jȩttö̧ jȩpö̧ icu huȩnȩ, cuä̧ju̧cuä̧tu̧cuo̧mȩnä̧.

Colosenses 3:24

Iso päi'önä ucutu huo̧juä̧tö̧jä̧, Tu̧ru̧hua̧ i̧yä̧cua̧ ucuturu adihuä juäi u̧ju̧nä̧rö̧mä̧. Ucutumä Tu̧ru̧hua̧ Cristorö amöcuädö aditätöjä. Ja̧u̧mä̧ iso päi'önä Tu̧ru̧hua̧ päi'önä kö̧.

2 Timoteo 4:8

Adiu jȩchi̧na̧'a̧ttö̧, ttö̧ja̧rö̧ pojocuä mo̧ro̧ päi'omenä, Tu̧ru̧hua̧ adihuä juäi iya päinömä i̧yä̧cua̧ ttörö. Chutä adihuä Tu̧ru̧hua̧mä̧ o'ca toi'önärö pä̧cua̧. Ttörötä ya̧tȩrö̧tä̧mä̧ iyocö. O'ca toi'önä ja̧u̧ru̧ adiu esetö ichä̧cuȩ mo̧ro̧ tta̧'ä̧rä̧tö̧rö̧ i̧yä̧cua̧.

Hebreos 10:34

Ja̧'hua̧ta̧nö̧ cärenä pȩjä̧tö̧rö̧ re rö̧jö̧nä̧ topö amöcuädinätöjä. Cuhuäretucu 'chottipomenä, ja̧'a̧tä̧ eseunu to̧pä̧ri̧nä̧tö̧jä̧. Ja̧'hua̧nö̧ jȩtta̧'a̧ ja̧u̧ juäittö'inä abonänö adihuä juäi, yoröiso beipocö juäi, mo̧ro̧jä̧ra̧'a̧ cu̧ju̧nä̧rä̧tu̧cua̧'a̧ huo̧jui̧nä̧tö̧jä̧.

Hebreos 9:15

Ja̧'hua̧nö̧ ja̧'a̧ttö̧ chutä Jesucristo ja̧u̧ jareö huȩnȩ tta̧huä̧rä̧cuä̧huä̧ i̧sa̧do. Cristo 'corupä'i'inödo, pä'äji huȩnȩ jȩtti̧nö̧ ka̧cui̧nä̧tö̧'i̧nä̧ suronä jȩtti̧nö̧ jȩpö̧ icua pä'ö. Ja̧'hua̧ta̧nö̧ Dios huoinä̧u̧'i̧nä̧ adihuä juäi kä̧cuä̧huä̧ iya päinö ttȩmä̧ pä'ö, 'corupä'i'inödo.

Santiago 1:11

Kä̧hua̧ räi'omenä, du'hui'omenä, ȩ'u̧ jo'i'ö rȩjȩ ma̧ä̧cha̧'a̧, ȩ'u̧ öadihuä jä̧ji̧ beipächa'a. Ja̧'hua̧ta̧nö̧ järe ru̧hua̧'i̧nä̧ hua'ö i̧cuä̧cua̧ öäre 'quȩtȩttö̧.

1 Pedro 3:9

Ucuturu suronä jȩtto̧mȩnä̧, ppa̧'ä̧dö̧ jȩcu̧'ä̧tu̧cuä̧'. Ja̧'hua̧ta̧nö̧ ucuturu ra̧huä̧rä̧'chö̧ huottomenä, ppa̧'ä̧dö̧ huocu'ätucuä'. Pärocua'acu ttö̧ra̧huä̧ro̧mȩnä̧, adiunätä jȩpä̧tu̧cui̧tö̧. Dios ucuturu ppäda pä'ö huoinä̧u̧jä̧.

1 Pedro 5:4

Ja̧'hua̧nö̧ jȩpö̧ kä̧nö̧, adihuä Tta̧huä̧rä̧cuä̧huä̧ I̧sa̧ ichomenä, adiu jȩcu̧'ä̧tu̧cua̧'a̧ttö̧ adihuä juäi ojiyä hua'ö icu jö̧'a̧nö̧mä̧ jo'ö icuocödo cuȩmä̧tu̧cuä̧cuȩmä̧.

Apocalipsis 21:27

Ja̧'hua̧nö̧ ja̧'a̧nä̧ idicuätö'inä, suronä ttöjö'cocö juäi jȩpä̧tö̧'i̧nä̧, yapareu ji'äu jȩpä̧tö̧'i̧nä̧ ju̧huȩnȩmä̧ yoröiso do'ächocotö ttäcuotö. Jitämä tti̧mi̧mä̧ kä̧cuä̧huä̧ i'co cuyäru'tänä, Cordero 'chu̧huä̧rä̧'tänä huȩyu̧cuä̧tö̧tä̧ ju̧huȩnȩmä̧ dottächäcuotö.