1 Pedro 1:22 - TÄ̧DO Ä̧CUÄ̧ I̧HUȨNȨ

²² Jitämä, Espíritu Santo huo̧juȩcuä̧, adihuä huȩnȩ cuesetätucuomenä, cu̧jä̧hua̧tö̧rö̧ Cristonä, adiu eseunu cuamöcuädätucua pä'ö, töcö icuinä̧u̧jä̧. Ja̧'hua̧nö̧ ja̧'a̧ttö̧ o'ca juiyönä cuami iso'quitucunä'inä, cujuruhuätucunä'inä o'ca toi'önärö eseunu ka̧cuä̧tu̧cui̧.

Nuevo Testamento Uwotjüja

²² Jitä ukutumä̧ isopäi'ünä̧ wȩnȩ kukuotätukuomȩttü̧, kuawaruwärü kua̧'kua̧pü̧nü̧ kuesewätukua pä'ü tükü i̧kui̧nä̧u̧jä̧. Ja̧'wa̧nü̧ jo̧mȩttü̧ ukutumä̧ kkorotüku kua̧mi̧'iso'kituku surojü juiyünä̧, kujurutuku'i̧nä̧ o'kajuiyünä̧ kuesewätuku'anü̧ ja̧'a̧.

1 Pedro 1:22 ပူးပေါင်းရင်းမြစ်များ

San Juan 15:17

Ja̧'hua̧ ja̧'a̧ttö̧ pi̧yȩtä̧ hue'ösä ucuturu: korotö korotönörö repe'ätucui, —pä'ö huo̧juȩti̧nö̧do Jesús.

San Juan 15:3

Ucuturu chu̧huo̧juȩti̧nö̧ cuesetätucua'attö, adiunä ka̧cuä̧tö̧jä̧ jitämä.

San Juan 17:17

Iso päi'önä huȩnȩ jȩpö̧, ucurutä pä̧huä̧ rö̧jo̧mȩnä̧ aditö icuitö. Ucutä cui̧huȩnȩ iso päi'önä huȩnȩ ja̧'a̧.

San Juan 17:19

Ja̧'hua̧ta̧nö̧ jahuätörö amöcuädö, ttötä chamönä ucuru iyäusä huecuhuinö jȩcha̧ pä'ö, jahuätö'inä iso päi'önä huȩnȩ jȩpö̧, ucuru ttamönä iyäu ucu huecuhuinö jȩtta̧ pä'ö.

Hechos 15:9

Dios judíos huocotö ttami iso'quittö suronä jȩtti̧nö̧ jȩpö̧ icuinö, ujutu judíos ttö̧ja̧rö̧ jȩpö̧ icuinö ta'anö, Jesucristorö tesetomenä. Ja̧'hua̧nö̧ jahuätö'inä, ujutu'inä yoräteunä tö̧ja̧ pä'ö i̧jȩpi̧nö̧.

Hechos 6:7

Dios i̧huȩnȩ yabocutä rö̧ä̧chö̧nä̧ ji'ähuinätödo. Jesucristorö esetätömä juiyo recuächinätödo Jerusalén ötahuiyättö. Recuätö sacerdotes'inä Jesucristo i̧huȩnȩ adiu esetinätödo.

Romanos 1:5

Jesucristorö chesetomenä, Dios hueinäcusä Jesucristo i̧mi̧nä̧ i̧huȩnȩ jidähua pä'ö o'ca toi'önä ttö̧ja̧rö̧, yotöcunä i̧huȩnȩ esetö, Dios hueö jȩttä̧cua̧'a̧nö̧.

Romanos 2:8

Ja̧'hua̧ta̧nö̧ korotö ttamönä jähuä amöcuädätörö, iso päi'önä huȩnȩ esetocotörö, surojö kö'cätörö, jahuätörö Dios ra̧huä̧rö̧ ro̧ȩpä̧cua̧.

Romanos 8:13

Cuidepä hueönä cu̧ja̧cuä̧tu̧cu̧ttu̧mä̧, hua'ö cuicuäcuotöjä. Ja̧'hua̧nö̧ ja̧'a̧nä̧ Espíritu Santo ujurunä, cuidepä hueö jȩcu̧'ä̧tu̧cu̧ juiyöttömä, adiu cu̧ja̧cuä̧cuo̧tö̧jä̧.

2 Corintios 6:6

Ja̧'hua̧ta̧nö̧ ujutu adiunätä tö̧ja̧cuo̧mȩnä̧, Dios umöhuäyotö ta'a topö ttu̧huo̧juä̧cuo̧tö̧. Ja̧'hua̧ta̧nö̧ iso päi'önä huȩnȩ tu̧huo̧jua̧'a̧ttö̧, topö ttu̧huo̧juä̧cuo̧tö̧. Ja̧'hua̧ta̧nö̧ tami 'qui'ächi'ö, korotörö adihuä juäi jȩta̧'a̧ttö̧, topö ttu̧huo̧juä̧cuo̧tö̧. Ja̧'hua̧ta̧nö̧ Espíritu Santo tami iso'quinä ö̧ja̧'a̧tö̧, topö ttu̧huo̧juä̧cuo̧tö̧. Ja̧'hua̧ta̧nö̧ korotörö repeta'a, topö ttu̧huo̧juä̧cuo̧tö̧.

Gálatas 3:1

Juiyo di̧ji̧ huo̧juä̧chi̧'o̧co̧tö̧jä̧, Gálatas ttö̧ja̧. ¿Dihuä ja̧'hua̧nö̧ jȩi̧nä̧tu̧cuä̧cu̧ iso päi'önä suronä jȩttö̧ jȩpö̧ icu huȩnȩ cuesetätucu juiyönämä? Adihuä huȩnȩ jitäumä, ucutu'inä ja̧u̧tä̧ Jesucristo daunä 'corupä'i'inörö tocu'ätucua pä'ö ji'ähuätöjä.

Gálatas 5:5

Ujutumä Espíritu Santo ppäda'anä, Cristorö esetö tta̧'ä̧rä̧tö̧jä̧ Dios jȩa̧ pä'ö ja̧u̧cu̧ ji̧nä̧ ji̧yȩtȩ huotö ta pä'ö.

Gálatas 5:7

Ucutumä adiunä jȩpö̧ ka̧cui̧nä̧tö̧jä̧. ¿Dihuä adihuä juäi jarocuhui'ätucunä jȩi̧nä̧tu̧cuä̧cu̧?

Efesios 4:3

Ja̧'hua̧ta̧nö̧ Dios ucuturu eseäcuähuä iyinömä amöcuädö ji̧nä̧ yo̧mȩtȩ eseunu ka̧cuä̧tu̧cui̧, Espíritu Santo ppädomenä.

Filipenses 1:9

Diosrö ucuocusä ucuturu juhua'a yabo rö̧ȩnä̧ repecuhuätucuäcua'a̧nö̧ korotörö. Ja̧'hua̧ta̧nö̧ rö̧ȩnä̧ huo̧ju̧nä̧ cu̧huo̧juä̧tu̧cuä̧cua̧'a̧nö̧ o'ca juiyönä.

1 Tesalonicenses 3:12

Ja̧'hua̧ta̧nö̧ Tu̧ru̧hua̧ ucuturu ppäda pä'ö, juhua'a yabonö esetö, ucuturu repetö ta'anö, ka̧ra̧rö̧'i̧nä̧, ka̧ra̧rö̧'i̧nä̧, o'ca toi'önärö repecuhuätucua pä'ätöjä.

2 Tesalonicenses 1:3

Tö̧jä̧hua̧tö̧, 'cuäopönä Diosrö eseunu ucuocuätöjä ucuturu amöcuädö. Ucutu juhua'a yabonö Diosrö cuesetätucu'inä, cuahuaruhuärö juhua'a yabonö repecuhuätucu'inä amöcuädö, teseu'a̧nö̧ ja̧'a̧.

2 Tesalonicenses 2:13

Ja̧'hua̧nö̧ ja̧'a̧nä̧ tö̧jä̧hua̧tö̧, Tu̧ru̧hua̧ repeä̧u̧mä̧, ujutu Diosrö 'cuäopönä eseunu ucuocuätöjä ucuturu. Dios äcuomenä ucutu suronä jȩcu̧'ä̧tu̧cu̧ jȩpö̧ icua pä'inö ucuturu. Espíritu Santo ujurunä iso päi'önä huȩnȩ cuesetätucuomenä, ȩmi̧nö̧ ucuturu.

1 Timoteo 1:3

Ttömä Macedonia rȩjȩra̧'a̧cu̧ chi̧'cho̧mȩnä̧, ucuru jidähuinö ta'anö, Efeso ötahuiyänä cu̧ja̧ pä'ösä. Ucuru hue'ipinösä korotörö cu̧huo̧juȩta̧ pä'ö yapareu huȩnȩ ttu̧huo̧juȩtö̧ juiyäcua'a̧nö̧.

1 Timoteo 1:5

Iso päi'önä pi̧yȩ huȩnȩ cu̧huo̧juȩtö̧'a̧nö̧ ja̧'a̧ Timoteo, tami iso'qui surojö juiyönä kä̧nö̧, adiu amöcuädö kä̧nö̧, Diosrö adiu esetö kä̧nö̧, tahuaruhuärö repetäcuä'a̧nö̧.

1 Timoteo 4:12

Ucumä mö̧ä̧ya̧jä̧. Adiu kä̧hui̧ korotö suronä ttucuocu juiyäcua'a̧nö̧. Diosrö esetätö ttä'ca jo̧mȩ adiu kä̧hui̧, adiu cu̧ja̧'a̧ totta pä'ö. Adiu ucuocu jȩpi̧ o'ca juiyönä. O'ca toi'önärö repe'i. Diosrö esetö cua̧'cua̧ pö̧nö̧ kä̧hui̧.

1 Timoteo 5:2

Nä̧tö̧ böäcuächätörö'inä ucuocu ji'ähui, ucuhuätä cuamönä cua̧ju̧ a̧'cua̧rö̧nä̧. Ja̧'hua̧ta̧nö̧ nä̧tö̧ möäyotörö ucuocu ji'ähui, ucuhuätä cuamönä cu̧jä̧hua̧tö̧ a̧'cua̧rö̧nä̧ suronä amöcuädäcuähuä juiyönä.

2 Timoteo 1:14

Espíritu Santo, tami iso'quinä kö̧, ppädomenä, Dios ucuru iyinömä adiu tta̧'ä̧ri̧.

Hebreos 11:8

Diosrö esetö, Dios huomenä, Dios päinö ta'anö jȩpi̧nö̧do Abrahammä. Korome, Dios ja̧u̧ru̧ iya päinome i̧'cha̧ pä'ö rä'opinödo. Chutä adihuä i̧rȩjä̧ttö̧ rä'opinödo i̧'chä̧cuo̧mȩ ieruhua'ara̧'a̧.

Hebreos 13:1

Ttö̧jä̧hua̧tö̧rö̧ repettö'a̧nö̧ korotö, korotönörö repecuhuätucumä jarocuhui'ätucuä'.

Hebreos 5:9

Ja̧'hua̧nö̧ huo̧jui̧pö̧, yoröiso adihuä i̧sa̧ pä'i'inödo. Jitämä chutä kä̧cuä̧huä̧ i'co iyödo, o'ca toi'önä ja̧u̧ru̧ esetätörö.

Hebreos 6:10

Diosmä amönä pä'ocö. Yoröiso unichi'ocö ucutu cuaditinätucu. Cuahuaruhuärö, Diosrö esetätörö, repe'ö ppäcuhuädinätucu'inä unichi'ocö. Jitä'inä ja̧u̧tä̧ juäi jȩpä̧tö̧jä̧.

Hebreos 9:14

Ja̧'hua̧ ja̧'a̧ ja̧'hua̧nö̧ jö̧ttö̧mä̧, Cristo ucuoja ji̧nä̧ isocu ujuru'a̧nö̧ ja̧'a̧. Espíritu Santo 'cuäopönä kö̧mä̧, Cristorö ppädomenä, chutä Cristo amönä Diosrö iyähuinödo, adihuä juäi, idicu juiyönä sacrificio päi'önä. Ujutu 'corupäi'äcuähuä jȩtö̧mä̧ ucuojanä töcö icuä̧u̧jä̧, Dios kö̧ hueö jȩta̧ pä'ö.

Santiago 1:21

Ja̧'hua̧nö̧ ja̧'a̧ttö̧ o'ca juiyönä cuamönätucu cuiditäcuähuätucu juäi'inä suronä jȩä̧cuä̧huä̧mä̧ jaropi'ätucui. Adiu ä̧ju̧cuä̧tu̧cui̧ Dios i̧huȩnȩ, cuami iso'quinä ku̧nä̧huä̧ huȩnȩ, suronä jȩttö̧ jȩpö̧ icu huȩnȩ.

Santiago 4:8

Diosrö tö'cöpächätucui. Ja̧u̧ru̧ cutö'cöhuächätucuomenä, ja̧u̧'i̧nä̧ ucuturu ö̧tö̧'cö̧huä̧chä̧cua̧. Ucutu suronä jȩpä̧tö̧mä̧, cu̧mö̧pi̧yä̧ töcähuätucui. Ucutu Diosrö'inä, pi̧jä̧ jähuä'inä amöcuädätö ttö̧ja̧mä̧, Diosrötä amöcuädätucui cuami iso'quitucunä.

1 Pedro 1:2

Dios täbocö jȩa̧ pä'ö amöcuädinö ta'anö, ucutu ȩmi̧nä̧u̧jä̧. Espíritu Santonä aditö icuinä̧u̧jä̧ ucuturu, hueö ta'anö jȩcu̧'ä̧tu̧cua̧ pä'ö. Ja̧'hua̧ta̧nö̧ Jesucristo ucuojanä töcö icuinä̧u̧jä̧. Dios rö̧ȩnä̧ ppädäcua'a̧nö̧ ucuturu. Ja̧'hua̧ta̧nö̧ rö̧ȩnä̧ eseunu kä̧cuä̧huä̧ iyäcua'a̧nö̧ ucuturu.

1 Pedro 2:17

Ucuotö ka̧cuä̧tu̧cui̧ o'ca toi'önärö. Cristonä cu̧jä̧hua̧tö̧rö̧ eseunu kä̧nö̧, Diosrö ye'ecunänö ka̧cuä̧tu̧cui̧. Pi̧jä̧ ru̧hua̧rö̧ ucuotö ka̧cuä̧tu̧cui̧.

1 Pedro 3:1

Ucutu'inä nä̧tö̧, cuirecuorö adiu jȩpö̧ ka̧cuä̧tu̧cui̧, ya̧tȩ Dios i̧huȩnȩ esetoca'anä, irecua adiu cuejächa'a topö, esetäcua'a̧nö̧ yajutä kucuocuoca'anä'inä. Adiu kö̧ja̧'a̧ topö, esetäcua'a̧nö̧.

1 Pedro 3:20

Täbocö Noé ö̧ji̧nö̧, jahuätö Diosrö jarode'inätödo. Noé huoi'ca adita'anä, Dios ami 'qui'ächi'önä tta̧'ä̧ri̧nö̧do. Aje suhuädomenä, ko̧ro̧mö̧ttö̧nö̧ huämetucuänö ttö̧ja̧ Noé aditinä'canä ka̧cui̧pi̧nä̧tö̧do.

1 Pedro 3:8

Ja̧'hua̧nö̧ ja̧'a̧ttö̧ o'ca toi'önä korotöcu eseunu cua̧'cua̧ tta̧nö̧ jö̧nä̧ ji̧nä̧ yo̧mȩtȩ amöcuädö ka̧cuä̧tu̧cui̧, tö̧jä̧hua̧tö̧rö̧ repetö ta'anö, repe'önö kä̧nö̧. Eseäcuähuätucui. Usurä isotö ttö̧ja̧cu̧'a̧nö̧ ka̧cuä̧tu̧cui̧.

1 Pedro 4:17

Dios ttö̧ja̧rö̧ pojocuä mo̧ro̧ täcö ichäja'a. Dios i̧tti̧mö̧rö̧ ä'canä pä̧cua̧. Ja̧'hua̧nö̧ ja̧'a̧nä̧ ujuturu ja̧'hua̧nö̧ ä'canä päa'attö, ¿tta̧'a̧nö̧ päcua'ajä̧ttö̧ Dios i̧huȩnȩ esetocotörömä?

1 Pedro 4:8

Korottö'inä abonänö eseunu repe'ätucui cu̧jä̧hua̧tö̧rö̧. Iso päi'önä adiu eseunu cu̧ja̧cuä̧tu̧cuo̧mȩnä̧, cu̧jä̧hua̧tö̧ suronä jȩttö̧ unichi'ätöjä.

2 Pedro 1:7

Ja̧'hua̧ta̧nö̧ Diosrö ucuocu kä̧nö̧, cu̧jä̧hua̧tö̧rö̧ eseunu cuamöcuädätucuaja. Ja̧'hua̧ta̧nö̧ eseunu amöcuädö kä̧nö̧, cuahuaruhuärö repecuhuätucuaja.

1 Juan 3:11

Äcuomenä cuesetinomettö kä̧mä̧dö̧, cuä̧ju̧cui̧nä̧tu̧cu̧ Dios i̧huȩnȩ päa'a: repetäu'a̧nö̧ ja̧'a̧.

1 Juan 3:23

Dios pi̧yȩ hue'inö: tesetö'a̧nö̧ ja̧'a̧ Dios I̧tti̧ Jesucristorö. Ja̧'hua̧ta̧nö̧ tö̧jä̧hua̧tö̧rö̧ repetö'a̧nö̧ ja̧'a̧, Dios hueinö ta'anö ujuturu.

1 Juan 4:12

Yoröiso ya̧tȩ'i̧nä̧ topocö pi̧nö̧ Diosrömä. Ja̧'hua̧nö̧ ja̧'a̧nä̧ tö̧jä̧hua̧tö̧rö̧ repetomenä, Dios ujutucu kö̧. Ja̧'hua̧ta̧nö̧ Diosttö repeähuä jo̧mȩ päi'önä rö̧ä̧cha̧'a̧ ujuturu.

1 Juan 4:20

Ya̧tȩ pä'ö “Diosrö repe'ösä” päöttömä, ö̧jä̧hua̧rö̧ repeoca'anä, ja̧u̧mä̧ yaparehua̧. Ja̧'hua̧nö̧ ja̧'a̧ ö̧jä̧hua̧ toäcuru repe'ocömä, Dios tococuru repe'ocö.

1 Juan 4:7

Chö̧jä̧hua̧tö̧, repeähuä Diosttö icha'attö, repetö'a̧nö̧ ja̧'a̧ tö̧jä̧hua̧tö̧ o'ca toi'önärö. Repe'ätömä Dios i̧tti̧mö̧. Diosrö huo̧juä̧tö̧.

Apocalipsis 2:4

Ja̧'hua̧nö̧ ja̧'a̧nä̧ koro huȩnȩtä̧ pä'ösä ucuru. Äcuomenä esetö, repecuhuinö ta'anö, repe'ocöjä jitämä.