1 Pedro 1:2 - TÄ̧DO Ä̧CUÄ̧ I̧HUȨNȨ

² Dios täbocö jȩa̧ pä'ö amöcuädinö ta'anö, ucutu ȩmi̧nä̧u̧jä̧. Espíritu Santonä aditö icuinä̧u̧jä̧ ucuturu, hueö ta'anö jȩcu̧'ä̧tu̧cua̧ pä'ö. Ja̧'hua̧ta̧nö̧ Jesucristo ucuojanä töcö icuinä̧u̧jä̧. Dios rö̧ȩnä̧ ppädäcua'a̧nö̧ ucuturu. Ja̧'hua̧ta̧nö̧ rö̧ȩnä̧ eseunu kä̧cuä̧huä̧ iyäcua'a̧nö̧ ucuturu.

Nuevo Testamento Uwotjüja

² Jä'o Dio amükuädina̧'a̧ku̧ mo̧tä̧ päi'ünä̧ pojopü ȩmi̧nä̧ru̧. Epíritu-nä̧ 'kȩ'ȩpü̧ u̧ju̧ni̧nä̧u̧jä̧ kukuotätukua pä'ü ja̧'wa̧ta̧nü̧ Jesucrito ukuojanä̧ tükü ikuätukuaku pä'ü. Mipponä̧ iyäwä rü̧ä̧chü̧'i̧nä̧, wȩnȩ juiyünä̧ kkä̧kuä̧wä̧'i̧nä̧ ȩmä̧tu̧kui̧.

1 Pedro 1:2 ပူးပေါင်းရင်းမြစ်များ

San Mateo 24:22

Ja̧u̧nu̧ mo̧ro̧ Dios beädö juiyöttömä, o'ca toi'önä tottei'äcuotö. Ja̧'hua̧ ja̧'a̧nä̧ chutä huoinä̧u̧ru̧ repe'ö, röji mo̧ro̧ bȩä̧dä̧cua̧.

San Mateo 24:24

Recuätömä “Ttötäsä Cristo, ttö'inä Dios i̧huȩnȩ ji'äusä”, yapareu ji'äu ttichäcuotö. Jahuätömä rö̧ȩnä̧ ttö̧ja̧ ttieru juäi jȩttä̧cuo̧tö̧ ttö̧ja̧rö̧ yapareu jȩpö̧. Dios huoinä̧u̧ru̧'i̧nä̧ yapareu jȩttä̧cuo̧tö̧ ttesetatö pä'ö. Dios huoinä̧u̧mä̧ yoröiso esetocotö ttäcuotö.

San Mateo 24:31

Umöhuäyotö ángelesrö huȩä̧cua̧, trompeta pä̧i̧cu̧nä̧ rä̧mi̧pö̧nä̧ churutä esetinätörö pa̧ja̧cu̧nä̧ ka̧cuä̧tö̧rö̧ ttö̧ca̧ca̧ta̧ pä'ö.

San Marcos 13:20

Ja̧u̧nu̧ mo̧ro̧ Tu̧ru̧hua̧ beädö juiyöttömä, o'ca toi'önä tottei'äcuotö. Ja̧'hua̧ ja̧'a̧nä̧ chutä huoinä̧u̧ru̧ repe'ö, röji mo̧ro̧ be'ädinö.

San Marcos 13:22

Recuätömä “Ttötäsä Cristo, ttö'inä Dios i̧huȩnȩ ji'äusä”, yapareu ji'äu ttichäcuotö. Jahuätömä ttö̧ja̧ ttieru juäi jȩttä̧cuo̧tö̧, ttö̧ja̧rö̧ yapareu jȩpö̧. Dios huoinä̧u̧ru̧'i̧nä̧ yapareu jȩttä̧cuo̧tö̧, ttesetatö pä'ö. Dios huoinä̧u̧mä̧ yoröiso esetocotö ttäcuotö.

San Marcos 13:27

Ja̧u̧nu̧mä̧ umöhuäyotö ángelesrö huȩä̧cua̧ churutä esetinätörö, pa̧ja̧cu̧nä̧ ka̧cuä̧tö̧rö̧, pi̧jä̧ beipomettö'inä, mo̧ro̧jä̧ beipomettö'inä ttö̧ca̧ca̧ta̧ pä'ö.

San Lucas 18:7

Diosmä ȩmi̧nä̧u̧ru̧, yodo'inä, mo̧ro̧'i̧nä̧ jä'epätörö, ¿ppä'ädocö paji tä̧ji̧? ¿Ppäda pä'ömä recuo tta̧'ä̧ra̧ji̧ tä̧ji̧?

Hechos 15:18

Ja̧'hua̧nö̧ pä'inö Tu̧ru̧hua̧, ja̧u̧ huȩnȩ tu̧huo̧jua̧ pä'ö täbocö jiähuinö, pä'inätödo, —pä'ö ji'ähuinö Jacobo.

Hechos 2:23

Dios täcö amöcuädinö, Jesúsru iya pä'ö ucuturu. Ä'canä u̧huo̧jui̧na̧'a̧ttö̧ ucuturu iyinö. Ja̧'hua̧ ja̧'a̧ ucutu iyinätöjä Jesúsru suronä jȩpä̧tö̧rö̧, daunä pȩ'o̧pö̧ ku̧nu̧ cuä'ö tticuarö pä'ö.

Hechos 20:32

“Jitä chö̧jä̧hua̧tö̧, Diosrö jä'epösä ucuturu tta̧huä̧ra̧ pä'ö. Chutä i̧huȩnȩ ucuturu ppädäcua'a cujuruhuätucua pä'ö. Ja̧'hua̧ta̧nö̧ ucuturu eseu pä̧cua̧ chi̧tti̧mö̧jä̧ pä'ö, o'ca toi'önä Jesucristorö esetätörö päö'a̧nö̧.

Romanos 1:5

Jesucristorö chesetomenä, Dios hueinäcusä Jesucristo i̧mi̧nä̧ i̧huȩnȩ jidähua pä'ö o'ca toi'önä ttö̧ja̧rö̧, yotöcunä i̧huȩnȩ esetö, Dios hueö jȩttä̧cua̧'a̧nö̧.

Romanos 1:7

Chi̧huȩnȩ huȩyu̧tu̧ hue'ösä ucuturu, Roma ötahuiyä ttö̧ja̧rö̧, Dios repeä̧u̧ru̧. Ja̧'hua̧ta̧nö̧ Dios huoinä̧u̧jä̧ umöhuäyotö cu'ätucua pä'ö. Tä'o Dios'inä, Tu̧ru̧hua̧ Jesucristo'inä ucuturu adiu ppättädäcua'a̧nö̧. Ja̧'hua̧ta̧nö̧ adiu kä̧cuä̧huä̧'i̧nä̧ ucuturu ttiyäcua'a̧nö̧.

Romanos 11:2

Dios jaropi'ocö pi̧nö̧ Israel ttö̧ja̧rö̧. Äcuomenä päi'önä jahuätörö ȩmi̧nö̧ umöhuäyotö jö̧nä̧. ¿Unichi'inätöjä tä̧ji̧, Huȩyu̧cuä̧ Huȩnȩ päömä, Dios i̧huȩnȩ jiäcuähuä i̧sa̧ Elíasmä Diosrö ucuocu Israel ttö̧ja̧ jȩtti̧nö̧ huȩnȩ jiähuinömä? Chutä pä'inö:

Romanos 11:28

Adihuä huȩnȩ jarode'inätö judíos ttö̧ja̧. Ja̧'hua̧nö̧ ja̧'a̧ttö̧ Dios aboiyotö hui̧nä̧tö̧. Ja̧'hua̧nö̧ ji̧na̧'a̧ ucutu judíos huocotö cuesetätucua pä'ö. Ja̧'hua̧nö̧ ja̧'a̧nä̧ Dios ji̧nä̧ repe'ö jahuätörö, ttä̧do̧tö̧ mi̧nä̧rö̧ ȩmi̧na̧'a̧ttö̧.

Romanos 15:16

Jesucristo i̧huȩnȩ judíos huocotörö jidähua pä'ö hue'inö. Ttö̧ja̧ suronä jȩttö̧ jȩpö̧ icu huȩnȩ, Dios iyömä ji'äusä judíos huocotörö, Espíritu Santo ȩmä̧u̧ru̧, Dios koro juäi ofrenda ȩma̧'a̧ jä̧'i̧nö̧'a̧nö̧ ȩma̧ pä'ö jahuätörö.

Romanos 16:19

O'ca toi'önä huo̧juä̧tö̧ ucutu Dios i̧huȩnȩ päö ta'anö jȩcu̧'ä̧tu̧cu̧mä̧. Ja̧'hua̧nö̧ ja̧'a̧ttö̧ ttö eseusä ucuturu. Adiu jȩpö̧ cu̧ja̧cuä̧tu̧cua̧ pä'ösä, surojö jȩcu̧'ä̧tu̧cuo̧ca̧'a̧.

Romanos 16:26

Ja̧'hua̧nö̧ ja̧'a̧nä̧ jitämä Dios i̧huȩnȩ jiäcuähuä isotö tti̧huȩyu̧ti̧nö̧'i̧nä̧, Dios hueinö huȩnȩ'i̧nä̧ bahuecua'a jä̧'i̧nö̧'a̧nö̧ ja̧'a̧. Dios yä̧huä̧i̧nä̧ amöcuädinömä jitä hue'inö o'ca toi'önä ttö̧ja̧rö̧ jittähua pä'ö, Diosrö esetö i̧huȩnȩ päö ta'anö jȩtta̧ pä'ö.

Romanos 8:13

Cuidepä hueönä cu̧ja̧cuä̧tu̧cu̧ttu̧mä̧, hua'ö cuicuäcuotöjä. Ja̧'hua̧nö̧ ja̧'a̧nä̧ Espíritu Santo ujurunä, cuidepä hueö jȩcu̧'ä̧tu̧cu̧ juiyöttömä, adiu cu̧ja̧cuä̧cuo̧tö̧jä̧.

Romanos 8:33

¿Dijä̧ttö̧ suronä ucuocu Dios ȩmi̧nä̧u̧ru̧? Dios jȩpi̧nö̧ chutäcu ji̧nä̧ ji̧yȩtȩ huotö tta pä'ö.

1 Corintios 1:30

Ja̧'hua̧nö̧ ja̧'a̧nä̧ chutä Dios, Cristo Jesúscu ji̧nä̧ yo̧mȩtȩ cu̧ja̧cuä̧tu̧cua̧ pä'ö hue'inödo. Ja̧'hua̧ta̧nö̧ chutä Cristo iyinödo ujutu tu̧huo̧ju̧nä̧. Ja̧'hua̧ta̧nö̧ Cristorö teseta'attö, Dios jȩi̧nä̧u̧jä̧ ja̧u̧cu̧ ji̧nä̧ ji̧yȩtȩ huotö ta pä'ö. Ja̧'hua̧ta̧nö̧ ujuturu ȩmö̧ suronä jȩtö̧ jȩpö̧ icuinödo.

1 Corintios 6:11

Pä'äji ucututtu yotöte ja̧'hua̧nö̧ jȩpi̧nä̧tö̧jä̧. Jitämä Tu̧ru̧hua̧ Jesús i̧mi̧nä̧'i̧nä̧, Espíritu Santonä'inä Dios aditö icu ȩmi̧nä̧u̧jä̧ ucuturu. Ja̧'hua̧ta̧nö̧ Dios jȩi̧nä̧u̧jä̧ ja̧u̧cu̧ ji̧nä̧ ji̧yȩtȩ huotö cu'ätucua pä'ö.

2 Corintios 10:5

Ja̧'hua̧nö̧ ja̧'a̧nä̧ Diosrö ttu̧huo̧ju̧ juiya pä'ö jȩä̧cuä̧huä̧, o'ca juiyönä suräjuä huȩnȩ'i̧nä̧, koro a'cuoyäunu jȩä̧cuä̧huä̧'i̧nä̧ be'epäjipö icuätöjä. O'ca juiyönä pi̧jä̧ttö̧ amöcuädäcuähuä'inä Cristorö ji'ähuätöjä churutä pä̧huä̧ rö̧jo̧mȩnä̧ tamöcuäda pä'ö.

2 Corintios 13:14

Tu̧ru̧hua̧ Jesucristo ucuturu ppädäcua'a̧nö̧. Dios ucuturu repeäcua'a̧nö̧. Espíritu Santo'inä o'ca toi'önä ucutucu ö̧jä̧cua̧'a̧nö̧. Amén.

Colosenses 3:12

Dios ucuturu repe'ö huoinä̧u̧jä̧ i̧tti̧mö̧ cu'ätucua pä'ö. Ja̧'hua̧nö̧ ja̧'a̧ttö̧ korotörö re rö̧jö̧nä̧ topätucui. Adiu ucuotätucui o'ca toi'önärö. “Ka̧ra̧ttö̧'i̧nä̧ abonänö adihuä i̧sa̧sä̧” cuamöcuädätucuä'. Repe'önö jȩpö̧ ka̧cuä̧tu̧cui̧. Cuami 'qui'ächi'ö ka̧cuä̧tu̧cui̧.

2 Tesalonicenses 2:13

Ja̧'hua̧nö̧ ja̧'a̧nä̧ tö̧jä̧hua̧tö̧, Tu̧ru̧hua̧ repeä̧u̧mä̧, ujutu Diosrö 'cuäopönä eseunu ucuocuätöjä ucuturu. Dios äcuomenä ucutu suronä jȩcu̧'ä̧tu̧cu̧ jȩpö̧ icua pä'inö ucuturu. Espíritu Santo ujurunä iso päi'önä huȩnȩ cuesetätucuomenä, ȩmi̧nö̧ ucuturu.

2 Timoteo 2:10

Ja̧'hua̧nö̧ ja̧'a̧ttö̧ Dios ȩmi̧nä̧u̧ru̧ amöcuädö, o'ca juiyönä ubara ttu'usä. Ja̧'hua̧nö̧ ubara ttu'usä jahuätö'inä Cristo Jesúsru esetö adihuä kä̧cuä̧huä̧ huȩnȩ ttö̧ja̧ suronä jȩttö̧ jȩpö̧ icu huȩnȩ, ttu̧ju̧nä̧ra̧ pä'ö.

Tito 1:1

Ttö Pablo, Dioscu, Tu̧ru̧hua̧ Jesucristocu huȩ'ä̧hua̧sä̧, Dios i̧huȩnȩ jidähua pä'ö Dios huoinä̧u̧ru̧. Ja̧'hua̧ta̧nö̧ jahuätörö adihuä huȩnȩ chu̧huo̧juȩta̧ pä'ö huȩ'ä̧hua̧sä̧.

Hebreos 10:22

Ja̧'hua̧nö̧ ja̧'a̧ttö̧ tami iso'quinä adiu amöcuädö, iso päi'önä esetö kä̧nö̧, Diosrö tötö'cöhuächö'a̧nö̧ ja̧'a̧. Ujutu suronä jȩti̧nö̧ tamöcuädö juiya pä'ö, chutä aditö icuinö tami iso'qui. Ujutu jättäpäyotörö'inä adihuoya, päcuäoyanä töcö icuinä̧u̧jä̧.

Hebreos 11:28

Diosrö esetö, Moisés pascua fiesta jȩpi̧nö̧do. Ttojusode äpate ä'ca, isotö ttucuoja tuttepa pä'ö hue'inödo, chutä ángel 'corupäi'äcuähuä ru̧hua̧, Israel ttö̧ja̧ttö̧ tti̧tti̧, ä'canä uhuäpächinörö, cuä'ö icu juiya pä'ö.

Hebreos 12:24

Jesús, jareö huȩnȩ tta̧huä̧rä̧cuä̧huä̧ i̧sa̧rö̧'i̧nä̧, ucuoja dattepinoya, Abel ucuojattö'inä abonänö adiu ucuocuoya'inä tö'cöpächätöjä.

Hebreos 5:9

Ja̧'hua̧nö̧ huo̧jui̧pö̧, yoröiso adihuä i̧sa̧ pä'i'inödo. Jitämä chutä kä̧cuä̧huä̧ i'co iyödo, o'ca toi'önä ja̧u̧ru̧ esetätörö.

1 Pedro 1:14

Ppo̧'ä̧tö̧ ttä'o hueö jȩttö̧'a̧nö̧, jȩpö̧ ka̧cuä̧tu̧cui̧. Diosrö cuesetätucu juiyäi cuamönätucu pä̧huä̧ rö̧jö̧tä̧ jȩcu̧'i̧nä̧tu̧cu̧'a̧nö̧mä̧, jȩcu̧'ä̧tu̧cuä̧'.

1 Pedro 1:19

Cristo ucuojanä ȩmi̧nö̧do. Oveja i̧tti̧rö̧, yoröiso surojö jui̧'a̧rö̧, sacrificio jȩttö̧'a̧nö̧ jȩpi̧nö̧do Cristo ucuojanä mitäu.

1 Pedro 1:20

Äcuomenä pi̧jä̧ juiyäi ja̧'hua̧nö̧ 'cuäopä̧cuȩ amöcuädinö Dios. Ja̧'hua̧nö̧ ja̧'a̧nä̧ jitä jareönätä ichinö ucutu cu̧huo̧juä̧tu̧cua̧ pä'ö.

1 Pedro 1:22

Jitämä, Espíritu Santo huo̧juȩcuä̧, adihuä huȩnȩ cuesetätucuomenä, cu̧jä̧hua̧tö̧rö̧ Cristonä, adiu eseunu cuamöcuädätucua pä'ö, töcö icuinä̧u̧jä̧. Ja̧'hua̧nö̧ ja̧'a̧ttö̧ o'ca juiyönä cuami iso'quitucunä'inä, cujuruhuätucunä'inä o'ca toi'önärö eseunu ka̧cuä̧tu̧cui̧.

1 Pedro 2:9

Ucutu Dios ȩmi̧nä̧u̧jä̧. Tu̧ru̧hua̧ hue'ähuotöjä, churutä pä̧huä̧ rö̧jo̧mȩnä̧ jȩcu̧'ä̧tu̧cua̧ pä'ö. Ja̧'hua̧ta̧nö̧ ucutumä Dios umöhuäyotöjä, chutä ä'ca jo̧mȩttö̧ adiunätä cu̧ja̧cuä̧tu̧cua̧ pä'ö. Ucutumä ja̧'hua̧nö̧ ka̧cuä̧tö̧jä̧, Dios adihuä juäi jȩö̧ huȩnȩ jicuhuähuätucua pä'ö. Ja̧u̧ yo̧ö̧ttö̧ rä'opö, adihuä juäi tȩa̧u̧nä̧ cuecuhuächätucua pä'ö huoinä̧u̧jä̧.

2 Pedro 1:2

Tä'o Diosrö'inä, Tu̧ru̧hua̧ Jesúsru'inä cu̧huo̧juä̧tu̧cua̧'a̧ttö̧, ucuturu rö̧ȩnä̧ ppättädäcua'a̧nö̧. Ja̧'hua̧ta̧nö̧ rö̧ȩnä̧ eseunu kä̧cuä̧huä̧ ttiyäcua'a̧nö̧ ucuturu.

2 Juan 1:1

Ttö anciano hua̧ chi̧huȩnȩ hue'ösä ucuru chöjähuaju, Dios ȩmi̧nä̧cua̧rö̧. Cui̧tti̧mö̧rö̧'i̧nä̧ te'äusä. Iso päi'önä ucuturumä ttötä repe'ösä. Ja̧'hua̧nö̧ päda'anä'inä ttötä katämäcö̧. O'ca toi'önä Dios i̧huȩnȩ, iso päi'önä huȩnȩ, esetinätömä ucuturu repe'ätö.

2 Juan 1:13

Cujähuaju Dios ȩmi̧nä̧cua̧, jahuäju ki̧tti̧mö̧'i̧nä̧ ucuru te'ähuätö.

Judas 1:2

Re rö̧jö̧nä̧ toäcuähuä, tta̧'cua̧ adiunä kä̧cuä̧huä̧, Diosttö repeähuä ucuturu rö̧ä̧cha̧ pä'ösä.