1 Pedro 1:17 - TÄ̧DO Ä̧CUÄ̧ I̧HUȨNȨ

¹⁷ Diosrö, “Chä'o Dios” päcuhuätucuttumä, pi̧jä̧nä̧ cu̧ja̧cuä̧tu̧cuo̧mȩnä̧, ye'ecunänö amöcuädätucui Diosrö. Ja̧u̧tä̧ o'ca toi'önärö yoräteunä pä'ö.

Nuevo Testamento Uwotjüja

¹⁷ Ukutu Dio-rü, «Chä'o» pä'ü okuätukuttümä̧ yotukunä̧ ttaditäwä jü̧'a̧kuä̧, yoräteunä̧tä̧ pä'ätukuitü, pi̧jä̧nä̧ ku̧jä̧tu̧kuä̧i̧mä̧ kukuotätukumä̧ i̧jȩpä̧tu̧kui̧.

1 Pedro 1:17 ပူးပေါင်းရင်းမြစ်များ

San Mateo 16:27

Ubo I̧tti̧mä̧ Jä'o esehua'attö, i̧chä̧cua̧ ángelescu o'ca toi'önä jȩtti̧nö̧ ji'äu. Adiu jȩpi̧nä̧tö̧rö̧'i̧nä̧ adiu pä̧cua̧. Suronä jȩpi̧nä̧tö̧rö̧'i̧nä̧ suronä pä̧cua̧.

San Mateo 22:16

Ja̧'hua̧nö̧ ja̧'a̧ttö̧ ttahuaruhuärö'inä, Herodes ahuaruhuärö'inä hue'inätödo Jesúsru jättepa pä'ö koro huȩnȩ. Pä'inätödo: —Huo̧juȩcuä̧ I̧sa̧, ujutu huo̧juä̧tö̧jä̧ ucumä iso päi'önä ucuocujä. Ja̧'hua̧ta̧nö̧ Dios u̧mä̧nä̧ adihuä huȩnȩ huo̧juȩtö̧jä̧, pi̧jä̧ ttö̧ja̧ pättö cuä̧ju̧cuo̧ca̧'a̧nä̧. Ja̧'hua̧ta̧nö̧ ttö̧ja̧ ttamöcuädö ye'ecuocöjä.

San Mateo 6:9

Ja̧'hua̧nö̧ ja̧'a̧ttö̧ pa̧'a̧nö̧ ucuocuätucui: Tä'o Dios, mo̧ro̧jä̧ra̧'a̧ kö̧jä̧. Ucu cui̧mi̧mä̧ adihuä cui̧mi̧ pä'ö ttucuotaja.

Romanos 11:20

Ja̧'hua̧nö̧ päcuhuomenä, adihua'a. Ja̧'hua̧nö̧ ja̧'a̧nä̧ jitötä ttesetö juiya'attö, 'quȩ'ȩpi̧nö̧ Dios. Ucu cueseta'attö, kö̧jä̧. Ja̧'hua̧ ja̧'a̧ttö̧ “Adiunä hua̧sä̧” pä'ömä, cuamöcuädäcuähuä'. Ttu̧ȩcuä̧nä̧tä̧ kä̧hui̧.

2 Corintios 1:2

Tä'o Dios'inä, Tu̧ru̧hua̧ Jesucristo'inä ucuturu adiu ppättädäcua'a̧nö̧. Ja̧'hua̧ta̧nö̧ adiu kä̧cuä̧huä̧'i̧nä̧ ucuturu ttiyäcua'a̧nö̧.

2 Corintios 5:6

Ja̧'hua̧nö̧ ja̧'a̧ttö̧ 'cuäopönä juruhuätöjä. Ujutu huo̧juä̧tö̧jä̧ ji̧nä̧ pi̧jä̧ jähuä tidepänä tö̧ja̧cua̧'a̧nä̧, Tu̧ru̧hua̧ ö̧jo̧mȩttö̧ ji̧nä̧ kara'a ka̧cuä̧tö̧jä̧ pä'ö.

2 Corintios 7:1

Ja̧'hua̧nö̧ ja̧'a̧ttö̧ adihuä chö̧jä̧hua̧tö̧, ja̧'hua̧nö̧ iya pä'inö Dios ujuturu. Jitämä ujutu jättäpäyotönä'inä, ta̧'cua̧ru̧hua̧nä̧'i̧nä̧ idicuächö juäittö'inä i̧mi̧cu̧nä̧ cuetächäcua'a̧nö̧. Ja̧'hua̧ta̧nö̧ Diosrö ye'ecu kä̧nö̧, tami iso'quinä o'ca juiyönä esetö tiyäcuähuätucuaja Diosrö.

2 Corintios 7:11

Ucutumä Diosrö pä̧huä̧ rö̧jo̧mȩnä̧, cuami 'qui'ächi'inätöjä ja̧u̧nu̧mä̧. Jitä 'cuäopäjimä topätucui. Jitämä cua̧'cua̧ pö̧nö̧ jö̧ ji'ähuinätöjä 'cuäopinö huȩnȩ. Ja̧'hua̧ta̧nö̧ ja̧'hua̧nö̧ 'cuäopa'anä ra̧huä̧rö̧nä̧nö̧'i̧nä̧, ye'ecunänö'inä amöcuädinätöjä. Ttörö'inä tocu'ätucua pä'inätöjä. Ja̧'hua̧ta̧nö̧ suronä jȩpi̧nö̧rö̧ ro̧cu̧huȩpä̧tu̧cua̧ pä'ö amöcuädinätöjä. Ja̧'hua̧ta̧nö̧ ja̧'hua̧nö̧ 'cuäopa'anä, ucutu suronä jȩcu̧'ä̧tu̧cuo̧ca̧'a̧ ji̧na̧'a̧ topö huo̧juä̧tö̧ ucuturu.

Gálatas 2:6

Dios i̧huȩnȩttö̧ ruhuotö pättä̧u̧mä̧ yoröiso jareönä hueähuä huȩnȩ pättömä ttu̧huo̧juȩto̧co̧cu̧ pi̧nö̧sä̧. Jahuätömä ruhuotö tta'anä adiumä chu̧huo̧juo̧co̧u̧ pi̧nä̧tö̧. Diosmä pi̧jä̧ ttö̧ja̧ ttöadihuä topö, ka̧cuä̧mö̧mä̧ topocö.

Efesios 1:17

Tu̧ru̧hua̧ Jesucristo adihuä Jä'o Diosrö jä'epösä mo̧ro̧jä̧ttö̧ huo̧juä̧huä̧ iyatö pä'ö, adiu cu̧huo̧juä̧tu̧cua̧ pä'ö chutä u̧huo̧juȩtö̧mä̧. Ja̧'hua̧ta̧nö̧ Diosrö'inä rö̧ä̧chö̧nä̧ cu̧huo̧juä̧tu̧cua̧rö̧ pä'ö jä'epösä.

Efesios 3:14

Ja̧'hua̧nö̧ ja̧'a̧ttö̧ chihue'quiyunä kä̧mä̧dö̧ ucuocusä Tu̧ru̧hua̧ Jesucristo Jä'o Dios ä'ca jo̧mȩttö̧.

Efesios 6:9

Ucutu'inä ruhuotö, cumöhuäyotörö adiunätä jȩpö̧ ka̧cuä̧tu̧cui̧, suronä ro̧cu̧huȩpä̧tu̧cuo̧ca̧'a̧nä̧. Amöcuädätucui, ucutu'inä, cumöhuäyotö'inä ya̧tȩrö̧tä̧, mo̧ro̧jä̧nä̧ kö̧rö̧, adihuä Tu̧ru̧hua̧rö̧ ku̧nä̧rä̧tö̧jä̧. Chutä tomenä, o'ca toi'önä yorätehuätöjä.

Filipenses 2:12

Chö̧jä̧hua̧tö̧, ttömä ucutucu chö̧jo̧mȩnä̧, o'ca juiyönä huedinömä jȩpi̧nä̧tö̧jä̧. Ja̧'hua̧nö̧ ja̧'a̧ttö̧ jitä'inä ucututtu kara'a chö̧jo̧mȩnä̧, adiu jȩpä̧tu̧cui̧ huedinömä. Diosrö cuesetinätucuäcuru ye'ecu ttö̧'ä̧u̧nu̧ jȩpä̧tu̧cui̧.

Colosenses 3:25

Ja̧'hua̧nö̧ ja̧'a̧nä̧ suronä jȩpö̧mä̧, surojö jȩi̧nö̧ micuä päi'önä ȩmä̧cua̧ Tu̧ru̧hua̧ttö̧. Yoröiso Dios äca jo̧mȩttö̧ yorätehuätöjä o'ca toi'önä.

Hebreos 12:28

Ujutu hueta pä'ö Dios ujuturu iyä̧cuȩ yoröiso ttö̧ȩpo̧cö̧do. Ja̧'hua̧nö̧ amöcuädö tesehuätucuaja. Ja̧'hua̧ta̧nö̧ churutä pä̧huä̧ rö̧jo̧mȩnä̧, adiunä amöcuädö, eseunu tucuocuätucuaja ja̧u̧ru̧, Diosrötä.

Hebreos 4:1

Dioscu 'cuätächi'a päinö huȩnȩ ji̧nä̧ tu̧ju̧nä̧ro̧mȩnä̧, adiu tta̧'ä̧rä̧cuä̧u̧ tö̧ja̧cu̧'a̧nö̧ ja̧'a̧, ya̧tȩ ucututtu ö̧ji̧pö̧ juiyönä o'ca toi'önä docuhuächätucuäcua'a̧nö̧.

1 Pedro 2:11

Adihuä chö̧jä̧hua̧tö̧, ucuturu pä'ösä, korotö tti̧rȩjä̧ttö̧ ichö ttö̧jö̧'a̧nö̧, cua̧'cua̧ru̧hua̧nä̧ rohuäcuähuä, pi̧jä̧ttö̧ amöcuädäcuähuä, cuamöcuädätucuä'.

1 Pedro 3:15

Cristorötä, cuami iso'quitucunä Cu̧ru̧hua̧tu̧cu̧ päi'önä kö̧rö̧tä̧, ucuotätucui. Korotö ucutu tta̧cu̧huä̧rä̧tu̧cu̧ jättepöttömä, cuädätätucuä̧cuȩ ku̧nä̧rä̧tu̧cui̧. Cuädätätucuomenä, adiunä ucuotönö ädätö ucuocuätucui.