1 Pedro 1:11 - TÄ̧DO Ä̧CUÄ̧ I̧HUȨNȨ

¹¹ Espíritu Santo ä'canä u̧huo̧juȩti̧nä̧u̧do jahuätörö Cristo ubara ttuhuä̧cuȩ huȩnȩ. Ja̧'hua̧ta̧nö̧ ubara ttuhuäji o'ca'a, eseäcuähuä huȩnȩ'i̧nä̧ u̧huo̧juȩti̧nä̧u̧do. Jahuätö jä'epinätödo: “¿Dirö ucuocua'attö pi̧yȩmä̧?” Ja̧'hua̧ta̧nö̧: “Ja̧u̧mä̧, ¿ti̧yȩnö̧ jä̧cuȩttö̧?” pä'ö jä'epinätödo.

Nuevo Testamento Uwotjüja

¹¹ Crito i̧sa̧ Epíritumä̧ profeta wotünä̧ ttu̧wo̧juö̧nä̧ jiäwinä̧u̧ Crito usurä ȩmä̧wä̧kuȩ'i̧nä̧ ja̧'wa̧ta̧nü̧ usurä ȩmä̧u̧ o'ka'a uruwo i̧chä̧kuȩ'i̧nä̧; ja̧'wa̧nü̧ ja̧'a̧ttü̧ juätümä̧ jitünä̧tä̧ kkü̧ Epíritu jiäwa'anä̧, 'kuäopä̧kuȩ mo̧ro̧ ttü̧'o̧kui̧'a̧ pä'ü usinä̧tü̧.

1 Pedro 1:11 ပူးပေါင်းရင်းမြစ်များ

San Mateo 26:24

Ubo I̧tti̧ Huȩyu̧cuä̧ Huȩnȩ päö'a̧nö̧ 'co̧ru̧juo̧ä̧chä̧cua̧. Ja̧'hua̧ ja̧'a̧nä̧ ja̧u̧ru̧, suronä jȩpä̧tö̧rö̧ i̧yä̧cua̧rö̧, suronä 'cuäopäcua'a. Ttörö i̧yä̧cua̧mä̧ yoröiso uhuäpächinö juiyöttömä, adihuaja'a.

San Lucas 24:44

Ja̧u̧nu̧ o'ca'a jahuätörö pä'inödo: —Ttörö 'cuäopäjimä, ucutucu ji̧nä̧ kä̧nö̧, ji'ähuinösä. O'ca juiyönä Moisés hueähuä huȩnȩ ttörö päö'a̧nö̧'i̧nä̧, Dios i̧huȩnȩ jiäcuähuä isotö ttörö tti̧huȩyu̧ti̧nö̧'a̧nö̧'i̧nä̧, Salmos cuyäru ttörö päö'a̧nö̧'i̧nä̧ 'cuäopäcua'a ji'ähuinösä.

San Juan 12:41

Isaíasmä Jesús öadihuä toina'attö ja̧'hua̧nö̧ huȩyu̧ti̧nö̧do. Ja̧u̧ Isaíasmä Jesúsru adiu ucuocuinödo.

Hechos 16:7

Misia rȩjȩ pätecuänö 'chä̧hui̧'i̧nä̧tö̧do. Bitinia rȩjȩra̧'a̧ dottächa pätta'anä, Espíritu Santo ju̧huȩnȩmä̧ hue'ocö pi̧nö̧do.

Romanos 8:9

Espíritu Santo ucutucu ö̧jö̧ttö̧mä̧, ucutu cuamönä cuidepä pä̧huä̧ rö̧jö̧nä̧tä̧ ko̧co̧tö̧jä̧. Espíritu Santo pä̧huä̧ rö̧jö̧nä̧tä̧ ka̧cuä̧tö̧jä̧. Ja̧'hua̧ta̧nö̧ Espíritu Santo to̧'a̧mä̧, Cristo u̧mö̧huä̧ya̧mä̧cö̧.

Gálatas 4:6

Ja̧'hua̧nö̧ ja̧'a̧ttö̧ iso päi'önä chutä i̧tti̧mö̧ cu'ätucua'a cu̧huo̧juä̧tu̧cua̧ pä'ö, Espíritu Santorö iyinö cuami iso'quitucunä. Ja̧u̧ Espíritu Santo pä'ö: “¡Ttö Chä'o Dios!”

2 Pedro 1:21

Dios i̧huȩnȩ ji'ähuinätömä, jitötä ttamönä ttamöcuädömä, ji'ähuocotö pinätödo. Pärocua'acu Diosrö rö̧ȩnä̧ esetinätödo. Diosrö adiu ttamöcuädomenä, Espíritu Santo huo̧juȩcuä̧nä̧ ji'ähuinätödo.

Apocalipsis 19:10

Ja̧'hua̧nö̧ päomenä, ja̧u̧ ángel ä'ca jo̧mȩ chihue'quiyunä kä̧mä̧di̧nö̧sä̧ chesehuarö pä'ö. Ja̧'hua̧nö̧ ja̧'a̧nä̧ ttörö päinäcusä: —Ja̧'hua̧nö̧mä̧ jȩcu̧'ä̧'. Ttö'inä Dios u̧mö̧huä̧ya̧sä̧ ucu'inä, cu̧jä̧hua̧tö̧'i̧nä̧, Jesús u̧huo̧juȩti̧nö̧ huȩnȩ adiunä jȩpä̧tö̧ jö̧ ta'anö. Diosrötä eseunu ucuocui. Iso päi'önä Dios hueinö ucuocuätömä, Jesús i̧huȩnȩ ji'ähuätö.