1 Juan 4:17 - TÄ̧DO Ä̧CUÄ̧ I̧HUȨNȨ

¹⁷ Diosttö repeähuä jo̧mȩ päi'önä rö̧ä̧cha̧'a̧ ujuturu, Dios ttö̧ja̧rö̧ pojocuä mo̧ro̧ päi'omenä, yecuäcuähuä juiyönä tesehua pä'ö, pi̧jä̧nä̧ tö̧ja̧'a̧ttö̧ Jesucristo ö̧jö̧ ta'anö.

Nuevo Testamento Uwotjüja

¹⁷ Isopäi'ünä̧ tawaruwä tü̧jä̧wa̧tü̧rü̧ eseu repe'ü tü̧ja̧ku̧ttü̧mä̧ ja̧'wa̧ta̧nü̧ Jesucrito pi̧jä̧ttü̧ ü̧ji̧nü̧ta'anü̧ tü̧ja̧ku̧ttü̧mä̧, Jesucrito pi̧jä̧ ttü̧ja̧ o'katoi'ünä̧rü̧ ü'ojo'ü mo̧ro̧ päi'omȩnä̧mä̧ ye'ekuokotü täkuotüjä̧.

1 Juan 4:17 ပူးပေါင်းရင်းမြစ်များ

San Mateo 10:15

Iso päi'önä pä'ösä ucuturu, yodoji Dios ttö̧ja̧rö̧ pojocuä mo̧ro̧ päi'omenä, Sodoma ötahuiyä ttö̧ja̧ttö̧'i̧nä̧, Gomorra ötahuiyä ttö̧ja̧ttö̧'i̧nä̧ abonänö rö̧ȩnä̧ suronä 'cuäopäcua'a juhua'a ötahuiyä ttö̧ja̧rö̧, —pä'ö hue'inödo Jesús.

San Mateo 10:25

Ya̧tȩ u̧huo̧juȩtä̧u̧ i̧sa̧mä̧ huo̧juȩcuä̧ i̧sa̧ ö̧jö̧'a̧nö̧ ö̧jö̧ttö̧mä̧ adihua'a. Ja̧'hua̧ta̧nö̧ ya̧tȩ adicuä i̧sa̧mä̧, u̧ru̧hua̧ ö̧jö̧'a̧nö̧ ö̧jö̧ttö̧mä̧ adihua'a. Iso päi'önä ya̧tȩ ojusode ru̧hua̧rö̧ espíritus suropätö ttu̧ru̧hua̧ i̧mi̧ Beelzebú ottöttömä, ¿tta̧'a̧nö̧ pättäcua'ajä̧ttö̧ ahuaruhuärö? —pä'ö huo̧juȩti̧nö̧do Jesús.

San Mateo 11:22

Ja̧'hua̧ ja̧'a̧ ucuturu pä'ösä, Dios ttö̧ja̧rö̧ pojocuä mo̧ro̧ päi'omenä, ucutumä Tiro ötahuiyä ttö̧ja̧ttö̧'i̧nä̧, Sidón ötahuiyä ttö̧ja̧ttö̧'i̧nä̧ abonänö rö̧ȩnä̧ suronä 'cuäopäcua'a ucuturu.

San Mateo 11:24

Ja̧'hua̧ ja̧'a̧ ucuturu pä'ösä, Dios ttö̧ja̧rö̧ pojocuä mo̧ro̧ päi'omenä, Sodoma ötahuiyättö'inä abonänö rö̧ȩnä̧ suronä 'cuäopäcua'a ucuturu, —pä'inödo Jesús.

San Mateo 12:36

Ucuturu pä'ösä, yodojimä Dios ttö̧ja̧rö̧ pojocuä mo̧ro̧ päi'omenä, o'ca toi'önä tti̧huȩnȩmä̧ ja̧'a̧tä̧ ttucuocuinö huȩnȩ amöcuädö jittähuäcuotö Dios ä'ca jo̧mȩttö̧.

San Juan 15:20

Ucuturu pa̧'a̧nö̧ jidähuinömä amöcuädätucui: “Ya̧tȩ adicuä i̧sa̧mä̧ u̧ru̧hua̧ttö̧'i̧nä̧ abonänö juruhuocödo.” Ttörö suronä jȩtti̧nö̧ ta'anö, ucuturu'inä suronä jȩttä̧cuo̧tö̧. Ja̧'hua̧ta̧nö̧ korotö ttö chu̧huo̧juȩti̧nö̧ ttesetinö ta'anö, ucutu cu̧huo̧juȩtä̧tu̧cu̧'i̧nä̧ ttesetäcuotö.

San Juan 17:22

Ucucu, ttöcu ji̧nä̧ ji̧yȩtȩ jö̧ ta'anö, jahuätö'inä ji̧nä̧ ji̧yȩtȩ pätti'a pä'ö ttörö adiu cuiyinömä, iyinösä jahuätörö.

Romanos 8:29

Dios u̧huo̧jui̧nä̧u̧ru̧ äcuomenä päi'önä ȩmi̧nö̧, Itti̧ jö̧'a̧nö̧ juottächa pä'ö, recuätö ä'canä ttuböo ja̧ pä'ö ja̧u̧ru̧.

Hebreos 9:27

Ja̧'hua̧ ja̧'a̧ttö̧ o'ca toi'önä ya'utenä 'corupätti'äcuotödo. Ja̧u̧nu̧ o'ca'a: “Ucu adiu jȩpi̧nö̧jä̧”, “Ucu suronä jȩpi̧nö̧jä̧” pä̧cua̧ Dios o'ca toi'önärö.

Santiago 2:13

Re juiyönä topätörö, re juiyönä ö̧tä̧bo̧tä̧cua̧ Diosmä. Korotömä re rö̧jö̧nä̧ topö ppä'ädätömä, ye'ecuocotö Dios ö̧tä̧bo̧tä̧cuȩmä̧.

Santiago 2:22

Ja̧'hua̧ ja̧'a̧ttö̧ huo̧jua̧jä̧ Abraham adiu esetina'attö, adiu jȩpi̧nö̧. Ja̧'hua̧ta̧nö̧ esetina'amä täcö yorätehuina'ado, adiu jȩi̧na̧'a̧ttö̧.

2 Pedro 2:9

Diosrö adiunä esetätörö, suronä 'cuäopa'anä, Tu̧ru̧hua̧ ppä'ädö jahuätörö. Ja̧'hua̧ta̧nö̧ suronä jȩpä̧tö̧rö̧ hua'adö ku̧nu̧ ö̧tä̧bo̧ta̧ pä'ö Dios ttö̧ja̧rö̧ pojocuä mo̧ro̧ päi'omenä.

2 Pedro 3:7

Ja̧'hua̧nö̧ ja̧'a̧nä̧ jitä ka̧cu̧mä̧, mo̧ro̧jä̧'i̧nä̧, pi̧jä̧'i̧nä̧ Diosrö pä̧huä̧ rö̧jo̧mȩnä̧ hua'adö ku̧ni̧nö̧do, churutä pä̧huä̧ rö̧jo̧mȩnä̧ ku icua pä'ö. Dios ttö̧ja̧rö̧ pojocuä mo̧ro̧, suronä jȩpä̧tö̧rö̧ to'ädö icu mo̧ro̧, jahuätö cuo'ö tticuäcuotödo ja̧u̧ ocuränä.

1 Juan 2:28

Ja̧'hua̧ ja̧'a̧ chi̧tti̧mö̧ huotö, Jesucristocu ka̧cuä̧tu̧cui̧, ja̧u̧tä̧ i̧jȩcua̧'a̧ totomenä tesehuätucua pä'ö, ja̧u̧tä̧ ä'ca jo̧mȩttö̧ tödäpecu juiya pä'ö ichomenä.

1 Juan 2:5

Ja̧'hua̧nö̧ ja̧'a̧nä̧ ya̧tȩ Dios i̧huȩnȩ päö ta'anö jȩpö̧mä̧, ja̧u̧mä̧ iso päi'önä Diosrö repe'ö. Dios i̧huȩnȩ päö ta'anö jȩto̧mȩnä̧, huo̧juä̧tö̧jä̧ ujutu Dioscu ka̧cuä̧tö̧jä̧ pä'ö.

1 Juan 2:6

Ya̧tȩ “Dioscu kö̧sä̧” pä'ömä, chuätä Jesucristo ö̧ji̧nö̧ ta'anö ö̧jö̧'a̧nö̧ ja̧'a̧.

1 Juan 3:1

Adiu amöcuädätucui. Dios ujuturu rö̧ȩnä̧ repea'attö “chi̧tti̧mö̧” pä'ö. Iso päi'önä Dios i̧tti̧mö̧jä̧. Ttö̧ja̧ pi̧jä̧ jähuä amöcuädätömä Tä'o Diosrö ttu̧huo̧juo̧ca̧'a̧ttö̧, ujuturu'inä huo̧juo̧co̧tö̧.

1 Juan 3:3

O'ca toi'önä Jesucristo jö̧ ta'anö pätti'a pä'ö esetö tta̧'ä̧rä̧tö̧mä̧, iso päi'önä suronä jȩä̧cuä̧huä̧ jaropi'ö ka̧cuä̧tö̧, Jesucristo suronä jȩä̧cuä̧huä̧ juiyönä ö̧jö̧ ta'anö.

1 Juan 3:7

Chi̧tti̧mö̧ huotö, yapareu ttucuocumä, cuesetätucuä'. Iso päi'önä adiu jȩpö̧mä̧ adihuä i̧sa̧. Ja̧u̧mä̧ Jesucristo adihuä i̧sa̧ ö̧jö̧ ta'anö kö̧.

1 Juan 4:12

Yoröiso ya̧tȩ'i̧nä̧ topocö pi̧nö̧ Diosrömä. Ja̧'hua̧nö̧ ja̧'a̧nä̧ tö̧jä̧hua̧tö̧rö̧ repetomenä, Dios ujutucu kö̧. Ja̧'hua̧ta̧nö̧ Diosttö repeähuä jo̧mȩ päi'önä rö̧ä̧cha̧'a̧ ujuturu.