1 Juan 3:2 - TÄ̧DO Ä̧CUÄ̧ I̧HUȨNȨ

² Chö̧jä̧hua̧tö̧, jitä ujutu Dios i̧tti̧mö̧jä̧. Ja̧'hua̧nö̧ ja̧'a̧ päti'äcua'amä Dios ji̧nä̧ ji'ähuocö pi̧nö̧ ujuturu. Ujutu huo̧juä̧tö̧jä̧ Jesucristo i̧jȩcua̧'a̧ totomenä, chutä jö̧ ta'anö päti'äcuotöjä, ja̧u̧ru̧ totomenätä.

Nuevo Testamento Uwotjüja

² Chawaruwä chi̧jä̧wa̧tü̧, täkü jitämä̧ Dio i̧tti̧mü̧jä̧ ja̧'wa̧nü̧ ja̧'a̧nä̧, ji̧nä̧ yodoji tä̧kuȩmä̧ wokotüjä̧, Jesucrito ichomȩnä̧mä̧ chutä jü̧ta̧'a̧nü̧ täkuotüjä̧, jua'amä̧ churutä tota'attü̧.

1 Juan 3:2 ပူးပေါင်းရင်းမြစ်များ

San Mateo 5:8

“Tta̧'cua̧nä̧ adiunä amöcuädätömä, eseunu ttö̧ja̧cuä̧cuo̧tö̧. Jahuätötä Diosrö tottäcuotö.

San Lucas 17:30

Ja̧'hua̧nö̧ jä̧cua̧'a̧ Ubo I̧tti̧ i̧jȩcuä̧chö̧ mo̧ro̧mä̧.

San Lucas 20:36

Juhua'attö yoröiso 'corupä'i'ocotö ttäcuotö. Angeles ta'anö ttäcuotö. 'Corupätti'omettö ttottächa'attö, Dios i̧tti̧mö̧ ttäcuotö.

San Juan 1:12

Ja̧'hua̧ta̧nö̧ korotö ja̧u̧ru̧ adiu esetinätödo. Ja̧u̧ru̧ adiu esetätörö, chutä hueinä̧u̧do Dios i̧tti̧mö̧ pätti'a pä'ö.

San Juan 11:52

Ja̧'hua̧ta̧nö̧ jahuätötämäcö̧. O'ca toi'önä Dios i̧tti̧mö̧ kara'a ka̧cuä̧tö̧rö̧'i̧nä̧ u̧ca̧ca̧ta̧ pä'ö 'co̧ru̧pä̧i̧'ä̧cua̧, —pä'inödo.

San Juan 17:24

“Chä'o, ttörö cuiyinä̧u̧. Ttö chö̧jo̧mȩ'í̧nä̧ ttö̧ja̧cua̧ pä'ösä, chöadihuä, ttörö cuiyinömä, totta pä'ö. Pi̧jä̧ juiyäi'inä ttörö repe'inöjä.

Romanos 8:16

Ja̧'hua̧ta̧nö̧ ja̧u̧tä̧ Espíritu Santo ujutu ta̧'cua̧ru̧hua̧rö̧ huo̧juȩtö̧, ujutu iso päi'önä Dios i̧tti̧mö̧jä̧ pä'ö.

Romanos 8:18

Ttö pä'ösä, jitä pi̧jä̧nä̧ tö̧jä̧i̧mä̧, ubara ttutumä a̧'u̧cu̧nä̧tä̧ ja̧'a̧. Yodoji eseäcuähuä tȩmä̧cuȩmä̧, rö̧ȩnä̧ jä̧cua̧'a̧.

Romanos 8:19

O'ca juiyönä pi̧jä̧nä̧ ka̧cua̧'a̧ pä'ö Dios jȩi̧nö̧mä̧, rö̧ȩnä̧ amöcuädö tta̧huä̧ra̧'a̧ Dios i̧tti̧mö̧rö̧ i̧jȩpä̧cuȩ mo̧ro̧.

Romanos 8:29

Dios u̧huo̧jui̧nä̧u̧ru̧ äcuomenä päi'önä ȩmi̧nö̧, Itti̧ jö̧'a̧nö̧ juottächa pä'ö, recuätö ä'canä ttuböo ja̧ pä'ö ja̧u̧ru̧.

1 Corintios 13:12

Ja̧'hua̧ta̧nö̧ ja̧'a̧nä̧, jitämä adiunämä huo̧juo̧co̧tö̧jä̧. Koro juäi ttö'ä toäcuähuodänä sȩppa̧nö̧tä̧ tottö'a̧nö̧, topätöjä jitämä. Koronötä o'ca juiyönä adiunätä totäcuotöjä. Jitämä ju'tometä chu̧huo̧jua̧'a̧nä̧, ja̧u̧nu̧ päi'omenä, o'ca juiyönä chu̧huo̧juä̧cua̧sä̧. Dios ttörö u̧huo̧ju̧'a̧nö̧, ttö'inä chu̧huo̧juä̧cua̧sä̧ o'ca juiyönä.

1 Corintios 15:49

Ja̧'hua̧nö̧ ja̧'a̧ttö̧ jitämä ujutumä pi̧jä̧ ttö̧ja̧ jö̧'a̧nö̧ huotöjä. Juhuorö'inä yodojimä mo̧ro̧jä̧ ttö̧ja̧ jö̧ ta'anö tö'ärohuächäcuotöjä.

1 Corintios 2:9

Ja̧'hua̧ta̧nö̧ päa'a Huȩyu̧cuä̧ Huȩnȩ: Dios aditinömä, ja̧u̧ru̧ repe'ätörö iya pä'inö yoröiso ttö'ärenä tottocö'inä, ttä̧ja̧nä̧ ttä̧ju̧cuo̧cö̧'i̧nä̧, ttami iso'quinä ttamöcuädocö'inä.

2 Corintios 3:18

Ja̧'hua̧nö̧ ja̧'a̧ttö̧ jitämä ujutu jui'ätöjä ja̧u̧ i̧sä̧ta̧mä̧, tö'ä mö̧ȩcuä̧ri̧nä̧ta̧mä̧. Ujutu ttö'ä toäcuähuodä jä̧'i̧nö̧'a̧nö̧ huotöjä. Korotö ujuturu tottomenä, Tu̧ru̧hua̧ öadihuä topätö. Ja̧'hua̧ta̧nö̧ eseäcuähuä rö̧ȩnä̧ tu̧ju̧nä̧ra̧'a̧ttö̧, chutä jö̧ ta'anö pä'i'ätöjä. Ja̧'hua̧nö̧ jȩpö̧ Tu̧ru̧hua̧mä̧, Espíritu Santo ja̧'a̧nä̧.

2 Corintios 4:17

Pi̧jä̧nä̧ kä̧nö̧ ubara ttutomenä, recuomä barahuocö. O'ca päi'önätä 'cuäopa'ado. Ja̧'hua̧nö̧ ja̧'a̧nä̧ jitä ja̧'hua̧nö̧ ubara ttu'u, ji̧nä̧ isocu rö̧ä̧chö̧nä̧ 'cuäopönä tesehuäcuotöjä.

Gálatas 3:26

Ja̧'hua̧nö̧ ja̧u̧ru̧ cuesetätucuomenä, ucutumä o'ca toi'önä Dios i̧tti̧mö̧jä̧ Cristo Jesúscu ji̧nä̧ ji̧yȩtȩ huotö cu'ätucua'attö.

Gálatas 4:6

Ja̧'hua̧nö̧ ja̧'a̧ttö̧ iso päi'önä chutä i̧tti̧mö̧ cu'ätucua'a cu̧huo̧juä̧tu̧cua̧ pä'ö, Espíritu Santorö iyinö cuami iso'quitucunä. Ja̧u̧ Espíritu Santo pä'ö: “¡Ttö Chä'o Dios!”

Filipenses 3:21

Ja̧u̧ ichomenä, ujutu hua'ä tidepä jättäpäyotörö ö̧'ä̧ro̧tä̧cua̧, chutä jä̧ttä̧pä̧ya̧ öadihuä jö̧ ta'anö tö̧ja̧cua̧ pä'ö. Chutä ujurunä koro juäi o'ca juiyönä hueö 'cuäopä̧cuȩ ujurunä jȩä̧cua̧.

Colosenses 3:4

Iso päi'önä Cristotä ta̧'cua̧rö̧mä̧. Ja̧'hua̧nö̧ ja̧'a̧ttö̧ ja̧u̧ ichö uhuäpomenä, ucutu'inä ja̧u̧tä̧cu̧ cuhuäpäcuotöjä. Ja̧'hua̧ta̧nö̧ ja̧u̧cu̧ eseunu cu̧ja̧cuä̧cuo̧tö̧jä̧.

Hebreos 9:28

Iso päi'önä Cristo ya'utenätä sacrificio jȩpi̧nö̧do recuätö ttö̧ja̧ suronä jȩttö̧ jȩpö̧ icu. Ja̧u̧nu̧ o'ca'a, pä'äji ta'anö i̧chä̧cua̧. Ja̧u̧nu̧ suronä jȩttö̧ jȩpö̧ icua pä'ö ichocö jä̧cua̧. Ja̧u̧ru̧ tta̧'ä̧rä̧tö̧rö̧ ȩmö̧ i̧chä̧cua̧do.

2 Pedro 1:4

Ja̧u̧ ujurunä jȩpö̧ iyinö ujuturu iya päinö. Ja̧u̧ iya päinömä, rö̧ȩnä̧ micuäudo. Ja̧u̧ iya päinö esetö kä̧nö̧, Dioscu ka̧cua̧ja̧tö̧jä̧, pi̧jä̧nä̧ ka̧cu̧ suronä amöcuädäcuähuä juiyönä.

1 Juan 2:28

Ja̧'hua̧ ja̧'a̧ chi̧tti̧mö̧ huotö, Jesucristocu ka̧cuä̧tu̧cui̧, ja̧u̧tä̧ i̧jȩcua̧'a̧ totomenä tesehuätucua pä'ö, ja̧u̧tä̧ ä'ca jo̧mȩttö̧ tödäpecu juiya pä'ö ichomenä.

1 Juan 2:7

Chö̧jä̧hua̧tö̧, ucuturu chi̧huȩyu̧tu̧mä̧ jareö hueähuä huȩnȩmä̧cö̧. Täbocö hueähuä huȩnȩ ucutu äcuomenä cuesetinomettö kä̧mä̧dö̧ cu̧ju̧nä̧rä̧tu̧cu̧mä̧ huȩyu̧tu̧sä̧. Ja̧u̧ täbocö hueähuä huȩnȩ, cuä̧ju̧cui̧nä̧tu̧cu̧ huȩnȩ ja̧'a̧.

1 Juan 3:1

Adiu amöcuädätucui. Dios ujuturu rö̧ȩnä̧ repea'attö “chi̧tti̧mö̧” pä'ö. Iso päi'önä Dios i̧tti̧mö̧jä̧. Ttö̧ja̧ pi̧jä̧ jähuä amöcuädätömä Tä'o Diosrö ttu̧huo̧juo̧ca̧'a̧ttö̧, ujuturu'inä huo̧juo̧co̧tö̧.

1 Juan 3:10

Ja̧'hua̧nö̧ ja̧'a̧ topö huo̧juä̧tö̧jä̧ Dios i̧tti̧mö̧rö̧'i̧nä̧, ähuettä i̧tti̧mö̧rö̧'i̧nä̧. Adiu jȩpo̧co̧tö̧mä̧, ttö̧jä̧hua̧tö̧rö̧ repe'ocotömä, Dios i̧tti̧mö̧cö̧.

1 Juan 3:21

Chö̧jä̧hua̧tö̧, ujututä suronä jȩpo̧co̧tö̧jä̧ pä'ö tamöcuädöttömä, Dios ä'ca jo̧mȩ tesehuäcuotöjä.

1 Juan 5:1

O'ca toi'önä Jesúsmä Cristo ja̧'a̧ pä'ö esetätömä, Dios i̧tti̧mö̧. Ya̧tȩ ta̧hua̧ru̧hua̧ i̧tti̧mö̧ ku̧nä̧rö̧rö̧ repetöttömä, ja̧u̧tä̧ i̧tti̧mö̧rö̧'i̧nä̧ repe'ätöjä.

Apocalipsis 2:28

Ja̧'hua̧ta̧nö̧ siri'co, pä'ötä mo̧ro̧ juoa'a rä'opörö chi̧yä̧cuä̧u̧.

Apocalipsis 22:4

Chutä ö'ä ä'cattö tottäcuotö. Ja̧'hua̧ta̧nö̧ ttö'änä chutä i̧mi̧mä̧ huȩyu̧cua̧'a̧ ttö̧ja̧cuä̧cuo̧tö̧.