1 Juan 2:15 - TÄ̧DO Ä̧CUÄ̧ I̧HUȨNȨ

¹⁵ Pi̧jä̧ jähuä'inä, pi̧jä̧nä̧ ka̧cu̧'i̧nä̧ pä̧huä̧ rö̧jö̧ cuamöcuädätucuä'. Pi̧jä̧ jähuä pä̧huä̧ rö̧jö̧ amöcuädömä, Tä'o Diosrö repe'ocö.

Nuevo Testamento Uwotjüja

¹⁵ Pi̧jä̧'i̧nä̧, pi̧jä̧nä̧ kka̧ku̧'i̧nä̧ eseumä̧ repekuä. Isopäi'ünä̧, ya̧tȩ pi̧jä̧ eseu repeüttümä̧, Jä'o Dio eseu repeümä̧ jui̧'a̧;

1 Juan 2:15 ပူးပေါင်းရင်းမြစ်များ

San Mateo 4:8

Pä'äji ta'anö ähuettä o'ipinödo Jesúsru möä'cara̧'a̧, ju'toju isä'cara̧'a̧. Juhua'attö o'ca juiyönä rȩjȩ'i̧nä̧, rȩjȩ öadihuä'inä i̧jȩpi̧nä̧cu̧do.

San Mateo 6:24

“Ya̧tȩ uruhuotö ta̧ju̧ huettömä, yoröiso jȩpo̧cö̧. Ta̧ju̧ru̧mä̧ eseunu repe'ocö. Ya̧tȩrö̧tä̧ eseunu rȩpȩä̧cua̧, ka̧ra̧rö̧ repeoca'anä. Ja̧'hua̧ta̧nö̧ ya̧tȩ hueömä eseunu jȩa̧'a̧nä̧, ka̧ra̧ hueömä ra̧huä̧rö̧nö̧tä̧ jȩä̧cua̧. Ja̧'hua̧ta̧nö̧ Diosrö'inä, pärätä'inä ji̧nä̧ yo̧mȩtȩnä̧ amöcuädäcuähuocödo, —pä'ö huo̧juȩti̧nö̧do Jesús.

San Lucas 16:13

“Ya̧tȩ uruhuotö ta̧ju̧ huettömä, yoröiso jȩpo̧cö̧. Ta̧ju̧ru̧mä̧ eseunu repe'ocö. Ya̧tȩrö̧tä̧ eseunu rȩpȩä̧cua̧, ka̧ra̧rö̧ repe'oca'anä. Ja̧'hua̧ta̧nö̧ ya̧tȩ hueömä eseunu jȩa̧'a̧nä̧, ka̧ra̧ hueömä ra̧huä̧rö̧nö̧tä̧ jȩä̧cua̧. Ja̧'hua̧ta̧nö̧ Diosrö'inä, pärätä'inä ji̧nä̧ yo̧mȩtȩnä̧ amöcuädäcuähuocödo.

San Juan 15:19

Ucutu pi̧jä̧ ttö̧ja̧ jȩttö̧'a̧nö̧ jȩcu̧'ä̧tu̧cu̧ttu̧mä̧, ucuturu repe'ajatö jitörötä ttamönä repettö'a̧nö̧. Ja̧'hua̧nö̧ ja̧'a̧nä̧ jahuätöttö o'ipinösä ucuturu. Ja̧'hua̧nö̧ ja̧'a̧ttö̧ ucutu pi̧jä̧ ttö̧ja̧ cu'ätucuoca'attö, ucuturu kö'cocotö.

Romanos 12:2

Pi̧jä̧ jähuä hueönämä cu̧ja̧cuä̧tu̧cuä̧'. Cuamöcuädätucu pärou icuätucui, Dios jareö cuamöcuädätucu iyätucuacu. Ja̧'hua̧nö̧ jȩcu̧'ä̧tu̧cuo̧mȩnä̧, cu̧huo̧juä̧chi̧'ä̧cuo̧tö̧jä̧ Diosrö pä̧huä̧ rö̧jö̧ adiunä jö̧'i̧nä̧, öjö'cönä jö̧'i̧nä̧, yoräteunä jö̧'i̧nä̧.

Gálatas 1:10

Ja̧'hua̧nö̧ pädomenämä, ¿ttö̧ja̧ ttöjö'cattö pä'ö päda'a tä̧ji̧? Tta̧'a̧huä̧jä̧. Diostä öjö'cattö pä'ö pä'ösä. ¿Ttö̧ja̧ ttörö pä̧huä̧ rö̧jö̧ tottattö pä'ö jȩcha̧'a̧ tä̧ji̧? Ttö ji̧nä̧ ttö̧ja̧ ttöjö'cattö pä'ö jȩcha̧ pädöttömä, Cristomä u̧mö̧huä̧ya̧ pocö pajisä.

Efesios 2:2

Ja̧'hua̧nö̧ jȩpö̧ cuecuhuächätucuomenä, pi̧jä̧ ttö̧ja̧ jȩttö̧ jȩpi̧nä̧tö̧jä̧. Espíritu pi̧jä̧ isoppanä hue'örö pä̧huä̧ rö̧jo̧mȩnä̧ jȩpi̧nä̧tö̧jä̧. Ja̧u̧ espíritu Diosrö esetocotörö hue'ö, suronä jȩtta̧ pä'ö.

1 Timoteo 6:10

Pärätänätä tta̧'cua̧ huȩnä̧rä̧cuä̧huä̧nä̧, ja̧u̧ surojö kada'ca. Korotömä pärätä rö̧ȩnä̧ ttu̧ju̧nä̧ra̧ pä'ö, jaropi'inätö adihuä huȩnȩ. Ja̧'hua̧nö̧ ja̧'a̧ttö̧ rö̧ȩnä̧ ubara ttu'ätö.

Santiago 1:27

Tä'o Diosrö adiu ami iso'quinä idicuächö juiyönä esetömä, reyotörö'inä, rȩcua̧mö̧rö̧'i̧nä̧ ppädö'a̧nö̧ ja̧'a̧, surojö 'cuäopomenä. Ja̧'hua̧ta̧nö̧ pi̧jä̧ jähuä suronä amöcuädö jȩpo̧cö̧.

Santiago 4:4

Ucutu ttö̧ja̧ suropätö, ucutu unichi'ätöjä Diosrö, pi̧jä̧ jähuä amöcuädö. ¿Jerupätöjä tä̧ji̧? Pi̧jä̧ ahuaruhuä päi'önä ka̧cuä̧tö̧mä̧ Dios aboiyotö. O'ca toi'önä pi̧jä̧ ahuaruhuä päi'önä amöcuädätömä Dios aboiyotö pä'i'ätö.

1 Juan 3:17

Ya̧tȩ järe u̧ju̧nä̧ra̧'a̧nä̧ ö̧jä̧hua̧ jui̧'a̧rö̧ topö, re rö̧jö̧nä̧ toca'a jö̧ttö̧mä̧, Diosttö repeähuä ¿tta̧'a̧nö̧ u̧ju̧nä̧ra̧'a̧ttö̧ ami iso'quinä?

1 Juan 4:5

Jahuätö pi̧jä̧ ttö̧ja̧ ja̧'a̧ttö̧, pi̧jä̧ jähuätä ucuocuätö. Pi̧jä̧ ttö̧ja̧ ä̧ju̧cuä̧tö̧ jahuätö ttucuocu.

1 Juan 5:10

Dios I̧tti̧rö̧ esetätömä ttami iso'quinä hua'adö ku̧nä̧tö̧ ja̧u̧ Dios jiähuinömä. Diosrö esetocotömä “Dios yaparehua̧” pä'ätö, Diosmä I̧tti̧rö̧ tteseta pä'ö jiähuinömä ttesetoca'attö.