1 Corintios 9:22 - TÄ̧DO Ä̧CUÄ̧ I̧HUȨNȨ

²² Ja̧'hua̧ta̧nö̧ korotö ji̧'qui̧cha̧nö̧ tteseta'attö juiyupätöcu cuedächomenä, ya̧tȩ jui̧yu̧pa̧ ö̧ja̧'a̧ jä̧'i̧nö̧'a̧nö̧ ki̧nö̧sä̧, jahuätö'inä adiu ttesetäcua'a̧nö̧ Diosrö. Ja̧'hua̧nö̧ pä'ösä ttömä o'ca toi'önäcu kä̧nö̧, jahuätö ttö̧jö̧'a̧nö̧ ki̧nö̧sä̧, yotöte Diosrö ttesetäcua'a̧nö̧.

Nuevo Testamento Uwotjüja

²² Juiyupätuku chü̧jo̧mȩnä̧'i̧nä̧, juiyupätü 'kua̧rü̧nä̧ kkü̧sä̧, juätü juiyupätü Crito-rü esetü ttikua pä'ü; o'katoi'ünä̧ ttü̧jü̧'a̧kuä̧tä̧ kkü̧sä̧, esetätü pünä̧ esetü ttikua pä'ü.

1 Corintios 9:22 ပူးပေါင်းရင်းမြစ်များ

Romanos 11:14

Ttö chahuaruhuä judíos ttö̧ja̧ttö̧ ya̧cu̧nä̧ ji̧yȩtä̧ a̧'u̧cuä̧ jȩtta̧ pä'ösä, ucutu jȩcu̧'ä̧tu̧cu̧ ta'anö. Ja̧'hua̧nö̧ topö ttesetomenä, Dios ȩmä̧cua̧'a̧nö̧ jahuätörö.

Romanos 14:1

Adiu esehuätucui Ttu̧ru̧hua̧rö̧ esetö kä̧nö̧ ttamöcuädö juiyupätörö'inä, cuamönä cuamöcuädätucu cucuocuätucuoca'a.

Romanos 14:2

Ja̧'hua̧nö̧ ja̧'a̧ttö̧ yotöte esetätömä o'ca juiyönä jähuä cuätö. Korotö'inä tteseta'anä, ttamöcuädö juiyupätömä, ji̧nä̧ cuocotö o'ca juiyönä jähuä. Ji̧yȩä̧cuȩtä̧ u̧huä̧ju̧tä̧ cuätö.

Romanos 15:1

Ujutu tesetöttö juruhuätömä, ppätädö'a̧nö̧ ja̧'a̧ tö̧jä̧hua̧tö̧ juiyupätörö, ujutu tamönätä töjö'cönätämäcö̧.

Romanos 15:2

Ujutu ya̧cu̧nä̧ tahuaruhuärö pä̧huä̧ rö̧jö̧tä̧ jȩtö̧'a̧nö̧ ja̧'a̧, jahuätörö adiu jö̧nä̧ ttesetö rö̧ä̧cha̧ pä'ö.

1 Corintios 10:33

Ttömä 'cuäopönä jȩcha̧ pä'ösä o'ca toi'önä ttesehuäcua'anö̧. Ttötä chamönämä amöcuädäcuähuocösä. Korotörö amöcuädösä, jahuätö'inä ttesetäcuä'a̧nö̧.

1 Corintios 7:16

Isaju ¿tta̧'a̧nö̧ cu̧huo̧jua̧'a̧ttö̧ cuirecuo Diosrö ȩsȩtä̧cua̧ pä'ö? Ucumä ubomä ¿tta̧'a̧nö̧ cu̧huo̧jua̧'a̧ttö̧, cuirecua Diosrö kesetäcuaju pä'ö?

1 Corintios 8:13

Ja̧'hua̧ ja̧'a̧ttö̧ ttömä koro juäi chucuomenä, ya̧tȩ chö̧jä̧hua̧mä̧ ttörö topö suronä amöcuädöttömä, ja̧u̧nu̧ o'ca'a ttömä yoröiso cuocösä idepämä, korotö ttörö topö suronä ttamöcuädö juiyäcua'a̧nö̧.

1 Corintios 9:19

Ttömä ka̧ra̧ huȩ'ä̧hua̧mä̧cö̧sä̧. Juhuorö'inä o'ca toi'önä Cristorö tteseta pä'ö, huȩ'ä̧hua̧ i̧sa̧ jö̧'a̧nö̧ kö̧sä̧.

1 Corintios 9:23

Ttömä ja̧'hua̧nö̧ jȩpö̧sä̧ Dios i̧huȩnȩ, ttö̧ja̧ suronä jȩttö̧ jȩpö̧ icu huȩnȩ esetö, ttö'inä chȩmä̧cua̧'a̧nö̧ adihuä juäi, ja̧u̧ huȩnȩ päö'a̧nö̧.

2 Corintios 11:29

Ka̧ra̧mä̧ ijuiyuhuomenä, ttö'inä chijuiyuhuächi'ö'a̧nö̧ jä̧cu̧sä̧. Ja̧'hua̧ta̧nö̧ ka̧ra̧ suronä jȩo̧mȩnä̧, ttömä dä'äcu chö̧ra̧huä̧rö̧'a̧nö̧ jä̧cu̧sä̧.

Gálatas 6:1

Chö̧jä̧hua̧tö̧, ya̧tȩ surojönä ma̧'ä̧chi̧nö̧rö̧ tocu'ätucuttumä, ucutu adiu rö̧ȩnä̧ esetätömä pä'äji ta'anö Dioscu ppa̧huä̧cha̧ ppä'ädätucuirö. Ja̧'hua̧nö̧ ja̧'a̧nä̧ ucutu cuami iso'quitucunä adiu amöcuädö ppä'ädätucuirö. Ja̧'hua̧ta̧nö̧ ucutu o'ca toi'önä ttu̧ȩcuä̧nä̧ tta̧'ä̧rä̧cuä̧huä̧tu̧cui̧, ucuturu'inä surojö 'cuäopö juiyäcua'a̧nö̧.